©«-.¸¸.-»© ¶ *رابطة المتكممات* ¶© «-.¸¸.-»© الجزء الثالث

[اميره بكلمتي]

بنات ابي اعرف عقب شهر او شهرين شنو تقدرون تاكلون؟ يعني متى الواحد يقدر ياكل اي شي
متى قدرتو تاكلون اكل عادي يعني باستا - عيش - فطاير - صمون هالسوالف يعني
لحد يقولي رجيييييم ما اظن عقب العمليه الواحد ياكل كثر قبل كلهم جم لقمه واعتقد جم لقمه ما تمتن لنه لو الواحد يقدر يلتزم برجيم جان ما سوى عمليه *

يعني بعد شهر ونص من العمليه

 

[تيناا]

بنات متى قدرتوا تتحركون او تداومون بشكل طبيعي عقب العمليه ؟

 

[اميره بكلمتي]

تصدقون بنات امس قست وزني 54 نازله كيلو بس باسبوعين

 

[اميره بكلمتي]

بنات متى قدرتوا تتحركون او تداومون بشكل طبيعي عقب العمليه ؟

بعد اسبوعين من العمليه تقدرين تمارسين حياتج الطبيعيه

 

[shawaqah]

بنات متى قدرتوا تتحركون او تداومون بشكل طبيعي عقب العمليه ؟

ثاني اسبوع تحسين الحياة طبيعية​

 

[shawaqah]

مساء الخير

جددت مرضيتي اسبوعين بعد ههههه

الصراحة احس نفسيتي مو مالت دوام كللللش​

 

[shawaqah]

تصدقون بنات امس قست وزني 54 نازله كيلو بس باسبوعين

لا بس وقفي
انا ما احب وزن الخمسينات احس الشكل يصير وايد ضعيف​

 

[الريم30]

بنات يسوي يخونه وحراره اخافً من العمليهً قمت اوسوسً

 

[غلاتي الكويت]

بناااات الموظفاااات اللي مسوينها

هل اسبوعين الطبيه تاثر علي التقيم السنوي ؟ ولا لا !

 

[ام عيالي]

ريم حبيبتي اذر انتي مريضه فيج برد عادي اكيد من المرض خصوصا ان الحين وقت امراض وتغيير جو وبدينا موسم الحساسيه بس اذا مافيج شي وبدت فيج الصخونه من غير شي اقولج روحي لدكتورج ضروري

 

[غلاتي الكويت]

بنات عفيه ابي رقم ايمان سكذتيره خالد العنزي عطتني كرتها ومادري وين ضيعته

 

[azouni]

هاي بناات انا صارلي شهر و ضعفت 10 زين ولا شوي و انا ما امشي كلش

 

[الريم30]

ولعمري ام عيالي. اي والله برودهً. مالي خلق وقلت اكل فنفسيه صفر بالضبط

 

[Violette]

ياللي ضعفتي وايد قوليلي انتي ماكنتي تسوين رياضه بعد ترهل جسمج ؟ ياربي تحطيم

 

[ام عيالي]

ريم حبيبتي الله يشافيج ان شالله والنفسيه والله حتا انه امبيه احس اني راح انسا شي اسمه ضحك عاد مو حلو جذي
انزين بسالكم صارت بحلجكم ريحه من الاسنان انه قاعده احس بريحه واغسل اسناني دبل عن قبل بس مادري شنو اقول يمكن علشان ما آكل كله شرب

 

[برونزيه شقرا]

حبيبتي مع التفريش والتنظيف ان شاء الله ماكو اللا العافيه
والله انا توني شهر وربع هههه من سويتها
والعب بالنادي رياضه وواااايد بنات معاي امسوين سليف تبارك الله مو امبين الله يحفظهم
واليوم بدت فيني اعراض الانفلاونزا والله يستر​

 

[مذهلة 78]

حبيبتي مذهلة عندي سؤال لج شلون حافظتي على نزول وزنج وانه ما يثبت
شنو كانت طريقتج عقب ما خلصتي اول شهر من العملية

اول شي انا من طلعت من المستشفى كنت امشي بالفريج
يوما مده نص ساعه ولما بدت حالتي تتحسن قمت امشي ساعه الا ربع بعدهاا ساعه وجذي لين صارت اموري اوكي

وكنت كل اسبوع اصعد الميزان واذا حسيت ان وزني ثبت كنت اشرب عصير يكثر ثبات الوزن لمده يومين واهو عباره عن

عصير 4 ليمونات + 8 برتقالات نعصرهم ونحطهم بالخلاط
ونحط بالخلاط موزتين و4 قفاش عسل ونخلطهم وهالعصير كل ما جعتي شربي منه لمده يومين يعني يومين اتمين بس على هالعصير بعدها ردي على اكلج اللي تاكلينه

طبعا مع ممارسة الرياضه وانا مشتركه بنادي فهالشي بعد ساعد اني انزل بسرعه

 

[مذهلة 78]

بنات شلونكم شخباركم

حبيت اطمنكم ان اموري من ناحيه الاكل بدت تتحسن والترجيع وقف و لله الحمد
واليوم كان غداي 4 قفاش عيش مع قفشتين مرق ربيان وسلطه

والعشا شوربة ماجي مع لبن دايتي هابه فيه هاليومين والعصاري كليت قعطعتين اناناس

نيي الحين للقياسات ابشركم اني قمت البس مقاس 10 من كنت البس مقاس 16 و 18

وتقريبا و صلت للوزن المثالي ولله الحمد

 

[غلاتي الكويت]

الله يتمم علييج مذهله


بنااااات خاااايفه موعد عمليتي الخميس الصبح وباجر بالليل دخوول مستشفا

حدي خاااااايفه ومتوتره وخانقتني العبره

شنو اودي معاي المستشفي من لبس واغراااض!!

 

[AFRoDiT]

السلام عليكم

شلووونكم؟
من زمان مامريتكم

اذا تذكروني , صارلي 8 شهور مسويه العمليه
نزلت 30 كيلو

والحين ابي اوقف وزني , مابي اضعف بعد اكثر من جذي

عطوني نصايحكم بلييييييييز