·.¸.•°° ديــــــــوانيه المتأخرات فى الحمل... ركن التفاؤل المتجدد... ·.¸¸.•°°·.

[سيكولوجية]

يارب يارب كلنا نحمل ونبشر بعض

انا لايعه جبدي اليوم قاعده تنزل علي افرازات بشكل مو طبيعي وقاعده احس فيها
مع ان تو الناس على موعد دورتي ​

 

[حرم_الغلا]

الحمدالله توني راده من دكتورتي تقووول ماتحتاجين ابره منشطه كل شي تمااام الحمدالله


يااارب ومن قال ياارب ماخاااب


ياارب ترزقني وترزقكم


دعواااتكم

دعوااتكم

 

[الزيـــــ^^ـــــن]

مهاوي امييين يارب حوواااااامل انا وياج 

 

[shayto0oNa]

شمووووسه حيياااتي تسلمين ياقلبي والله يسلمج من كل شي وتقوومين بالسلاامه وتقر عينج بشوووفة فلذة كبدج << متعوب عليها ههه

مها ان شاء الله حااامل

حرم الغلا الف الحمدالله يااارب

بدووويه اي والله انا من المنشطات زدت 13 كيلووو تخيلي !!! الحين انا عاشر يوم الدوره واليوم رحت دكتوري وكنت ماخه كلوميد وابر وللاسف ماكو بويضاات ريلي عصب ومتنرفز لاني متنت يقولي بالطقاق ماابي بيبي بس ضعفي وردي جسمج تخيلي اشترك لي بنادي وسوالي دايت اللي يوصلون الاكل للبيت !!

ان شاء الله اضعف هالشهر واحمل مره وحده ياااارب

 

[ابدا يالغالي مانساك]

تسلمين حبيبتي شمووسه ربي يقومج بالسلامه
مهاا والزين يرب تبشروناا وتحملوون ياكريم ​

حرم الغلا ربي يبارك لج بتبوويضج هالشهر وتشريناا بحمالج ​

بدويه خخخخخ اي سووي رجيم ونسي سالفة الحمااااال ​

شيطوونه حبيبتي سووي لج برناااامج هالشهرين ووقفي مرااجعااات شووفي
اولا حافضي علي شي اسمه سورة البقرره والاذكار
سوي لج رجيم ينززلج كم كيلوو
خوذي اشياء تنشط وتزيد من تبووويضج
مثل العسل وخلط وياااه لقح وطلع والغبار
وخوذي قفشةسمسم علي الريج مفيد حيل للتبووووووويض
وبعد
القسط البحرري
وقفشة زيت زيتووووووون ​

سيفي كل هالبرناامج ومشي عليه ​

 

[shayto0oNa]

ابوود تسلميين ياقلبي بس انا ماحب هالشغلااات تلوع جبدي ولا اتحملها حدي اسبوع ولا بعد مع ترجيع

قلت بكمل منشطات هالشهر واسوي تلقيح اذا حملت الف الحمدالله وبعد الولاده اعدل جسمي واذا ماحملت هم الحمدالله وبوقف كل شي وبضعف وبهتم بنفسي وبسااافر وبعد رمضان اكمل

 

[ابدا يالغالي مانساك]

خخخ شيطووونه
​

 

[مهآآآآآ]

شلونكم صبايا

 

[ابدا يالغالي مانساك]

الحمدلله مهااوي انت اخبارج​

 

["*آآآنؤؤؤقهـ*"]

اشلووووونكم


هلاااا مهاا احنا بخيييير

 

[ضحكتي ماركة ]

نزلت علي الدورة >> ونزلت بطريقة تضحك

بس حبايبي النفسية اول سبب لتاخير الدورة وصج بنفس اليوم اللي جتني مفاجاة من زوجي وفرحني فيها نزلت لان اعصابي كانت شادة

والمفاجاة حجزلي ٣ ايام بفندق مع حوض سباحة وقالي نسبح ونستانس واول مادخلت الغرفة رحت ابدل عشان اسبح بالحوض وكنت مستانسة

لان غرامي السباحة وتركتها بسبب نفسيتي وكله حابسه نفسي بالبيت او عند اهلي >> واول مادخلت لقيت الدورة نازله وانا مادري وماتسبحت خخخخخخخ

بس الحمدالله انها نزلت والنفسيه صج لها دوور علينا

 

[احساس السعوديه]

اخباااااااااااااااركم بنات


انا اليوم لي 14من التلقيح ويارب خير

حللت تاسع يوم منزلي طلع سلبي خط واحد


الله يكتب لي كل خير دعواتكم

 

[احساس السعوديه]

يوووووووووووووووووووو ضحكتي حساااااااااااااااااااااااااافه والله
خيرها بغيرها

تتسبببببببببببببببيوم جا وقت الوناسه نزلت

 

[الزيـــــ^^ـــــن]

اهلييين بنوتات ،،صباحوووو
اللي نزلت عليها معوضه ان شالله ،، احساااس،، ان شالله تبشرينا يارب
مهاوي اخبار النفسيه 
انا عااااادي طبيعيه للاخر ،، وغريبه هالمره صدري كلش ماحسيت فييه
مع ان دايم يصير فيه ثقل ويعورني حييييل .. يالله عسى خييير

 

["*آآآنؤؤؤقهـ*"]

ضحكتييي مااااااركه ماتسبحتي حساااااافه

يالله معوضه خييييير سهالات يااااامرااا شتسوين كتبت الله


احساس ان شاااااءالله خيييير ....



مها والزين وسيكولوجيه ان شاااااااءالله تبشرووووناااا خييييييييير ....

 

["*آآآنؤؤؤقهـ*"]

اللهم صلي وسلم على سيدنا محمدد وعلى اصحبه اجمعين

 

[Tomii]

السلام عليكم

شخباركم ان شاء الله بخير

بنات ابششششششششررررررررررركم انا حامل اللهم لك الحمد

ربي يفرح كل وحده فيكم

حبيت اقول لكم قصتي

انا لي9 شهور متزوجه

بداية زواجي رحت فحصت الفحوصات اللي الغده والهرمون الحليب وتبويض وكل شي

كان سليم

بس كان عندي ارتفاع بغده بسيط وكان عندي ضعف تبويض

ما تعرفون شنو صار فيني نفستي تعبت من هالموضوع واكثر اتعبه ان مرة حماي حملت وهي معرسه بعدي بشهر

ومره حماي الثانيه عندها بنت تخيلوا من تزوجت وحماتي اللي توها متزوجه وحماتي الثاني كل شهر يعلقون علي انتي حامل وانتي حامل وكله يسالون

لدرجه انهم طلعوا اشاعه اني حامل

كنت احزن وابكي لان اشوف زوجي خاطره بالحمال وانا توني عروس ما كملت 3 شهور

المهم وكلت امري لله لا كليت دواء غده ولا اخذت منشطات

تميت اشرب المراميه واشرب الاناناس الفرش

المهم دورتي كانت منتظمه بداية زواج كل 21 تنزل

تم لها 3 شهور تتاخر اوله مره تاخرت اسبوع ثاني مره 4 ايام وثالث مره 3

المهم كنت بهالثلاث الشهور اللي تتاخر علي الدوره اتابع تبويض

تاخيرها كان من نفسيه لان نفستي تعبانه وكله احلل وافكر واللي حولي مو مقصرين فيني بالكلام والحركات اللي تقهرني

والله العظيم يا بنات حسيت اني ماراح احمل

المهم شهر2 الدوره اللي كانت بشهر جبت لي مساده ومسدتني وقالت لي رحمي مايل لليمين شوي

بس دوره وحده جبت المساده وقالت ماعاد احتاج

بعد التمسيد انا تبويضي بالعاده متاخر يعني باليوم ال 18 من الدوره

طبعا التمسيد كان ب3 يوم دوره واخر يوم بعد التمسيد تخيلوا

تابعت التبويض باليوم 12 لقت عندي بويضتين وحده حجمها 21 وثانيه 19 ونص

هاي مع متابعه التبويض وقبل لا اتابع تخيلوا المساده هي اللي قالت لي تبويضك ممتاز وان شاء الله هالشهر توام

ما صدقتها لم شفت المتابعه مع الدكتوره تفاجات تخيلوا لدرجه ان الدكتوره سالتني انتي ماخذه منشطات قلت لا

لان هي قبل انادي المساده قبلها بشهر متابعه تبويضي عندها وتعرف ان تبويضي متاخر باليوم 18 تكون بويضتي 19

لم قربت دورتي بديت احس بعوار مو طبيعي بصدري اقعد من نومي من الالم

انا جاء بالي حمل

طلع هرمون الحليب مرتفع كان 29.99 ونزلت الدوره

المهم عطتني علاج الديكستون اعتقد جي اسمه

المهم تميت ابكي عند خواتي وامي ونفسيتي تعبانه لان قريت عن العلاج بالنت ان له اثار جانبيه

المهم امي قالت لا تاكلين دواء وحذفته بالزباله وارتحت مابي اكله ومصره اني اعيد التحليل

المهم تميت اشرب مراميه لم خلصصت مني الدوره من لم نظفت منها بديت اشرب كوب صغير مراميه مع شاي ومرات كوب كبير مراميه بروحها

لين يوم التبويض المهم بعدها سويت تحليل الهرمون طلع 17 ويعتبر طبيعي

الحمدالله طبعا انا غيرت دكتوره لان الدكتوره الاولى كانت تبي تعطيني كلوميد انا تبويضي اوكي ما تخاف ربها انا رفضت وع طول غيرتها ورويتها الدكتوره الثانيه تحليل اللي قبل واللي الحين تخيلوا مابينهم يمكن الا اسبوع وشي اول تحليل قبل دوره ثاني تحليل بعد ما خلصت الدوره

بنفس الشهر مال التحليل قالت لي تعالي نتابع تبويض باليوم 11

تابعت لقت عندي بويضه 12 والباقي 7 حجمهم

وبعدها صرت اشرب مراميه بدون شاي يعني اغلي ماي حار واحط المراميه واحط الماي عليها وع طول اسكر الكوب لمده 5 دقايق لين يدفى وبعدها اشربها

المهم بيوم 15 و16 الدوره نزل معاي افراز شفاف مع دم وردي فاااتح حيل

خفت اول مره شفته طنشت ثاني مره شفته علمت اختي وقالت لي ان شاء الله حمل بتحملين هالشهر

كلمت الدكتوره قالت لي ان شاء الله خير هذا من شده تبويض

هاي كله بفضل رب العالمين وشربي للمراميه وشي مهم مهم مهم ان نفسيتي كانت مرتاحه لاني حللت هرمون الحليب وارتحت ان مافيني شي وصار موضوع الحمال عادي عندي مو مهم

لان شفت اني قاعد امرض نفسي بهاتفكير

يعني اذا بحمل محد بيمنع هالشي ولا احد بيقط رزقي ربي ارد بيرزقني الحمال بيرزقني

صاررررر الموووووضوع عااااادي ونسيته مو نسيته نسيته بس الحمدالله ماكانت افكر نفس قبل

هاي فلانه تقهرني وهاي تسوي حركات لي

طنشتهم ناس مريضه ويبون يجيبون لي المرض وانا توني صغيره وهذا كان من حرتهم وغيرتهم مني لاني افضل منهم

والحمدالله يا بنات كنت هالشهر موكله امري لله

وتخيلوا دورتي 3/4 انا حللت تاريخ 29/3

وكانت نسبة الهرمون 6.71

وحللت 31/3 كانت نسبة الهرمون 44.6

وانا باقي ع دورتي اليوم وبكره وهي يوم الثلاثاء

واللهم لك الحمد وشكر

وكنت ادعي لكل وحده بظهر الغيب واتشوق معها اذا حامل او لاء يعني لم اقرء المواضيع وحده تسال وافرفر الصفحات ادعي انها تكون حامل

طولت عليكم

انا دخولي جدا قليل بالاخص ع هالتجمع لان لم ادش اتم افكر ويزيد تفكيري فاقول لكم قللوا الدخول ع هالقسم

وانسوا الحمال بكبره وربي بيرزق كل وحده والله اني مو مصدقه اني حامل احس انهم يقصون علي

احبكم في الله

تومي

 

[&هند&]

الــــــــــــــــــــــــــــــــــــــــــ مبرووووك ـــــــــــــــــــــــــــــــــــــــــــــــــــــــــــــــــــــــــــــف


:nbvppw::nbvppw::nbvppw::nbvppw:


الله يتمم لج يالغلا وتقر عيونج بشوفته بحضنج :eh_s(9):


الحمدلله هالشهر فرحنا فيج انتي وعشقها دلع والفال للباقيين :eh_s(22):

 

[حآلية الذوق ~]

الففففف الففففففففففففففف مبرووووك تومي

الله يتمم عليج و يثبته وتشوفينه بحضنج

الحمدلله ياارب

بنات يايلي عوار بظهري واحس مثل يوم الدوره الي لما تحسين انها بتنزل مع اني يوم 16 الحين

 

[الزيـــــ^^ـــــن]

تومي الف مبروووووووگ والله يثبته لج يارب
والفال لنا ان شالله