السلام عليكم ورحمة الله وبركاته
طبعا الكل مخربط وانا اولكم واحتمال الزياده وارد للكل والثبووت
علشان جذي عندي اقتراح
نختار وقت معين او شي معين نسويه كلنا ونلتزم فيه
في كذا شي نقدر نلتزم فيه مع بعض
بحطهم وانتم اختاروو
مثلا
1- الرياضه تحدود ـ عدد الساعات - التمارين - الوقت براحتكم
2- عصير لكسر الثبوت او اللي ينزل من الوزن اللي هو عصير الاناناس مع الكيوي واللي مثل حالتي ماتحب تخلطهم تاكل كل واحد ع حده طبعا نحدد له وقت وانا اللي سمعته من كذا وحده ان يكون مكان العشي افضل
3- اكل الخس او الخيار او الجزر وقت الجوع او الضيقه او الملل او اواو اي سبب كان << انا جربته كان يسد الجوع ويلهيني عن الاكل
4- قطع الحلو والفطاير
5- شرب الجاي الاخضر < انا ما احبه بس اذا اتفقنا بجبر نفسي عليه او جاي اعشاب للتخسيس
واي شي ثاني اذا نسيته ذكروني فيه بنات
انا من اليوم ان شاء الله بلتزم خلونا نتحدي علشان انفسنا مو علشان التحدي ولا الفووز
الفووز الكبير يوم الكل ينبهر بانجازنا خلونا نكمل اللي بديناه وربي حرام اللي سويناه يروح بسهوله الكلام لي قبل لا يكون لكم وربي منقهره ع عمري وان شاء الله ربي يقدرني اني اهزم هالدهون اللي تملكت جسمي من سنين
عفيا بنات خلونا نساعد بعض مابقي شي ع الوعد اللي حطيناه لنا خلونا نكون قد اللي تحديناه 1/1 نبي نطلع غير عن الكل وربي مو ناقصنا شي عن غيرنا
خلونا نحط كل يوم صوره من اللي تغير يمكن تشجعنا مو تحطونهم مع بعض كل يوم وحده تجيب لنا صوره ولا وحده تتبرع كل يوم تحط لنا صوره
ووحده ثانيه تختار لنا رياضه معينه كل يوم وتحدد لنا كم مره نسويها خلونا نحيي التجمع
مثلا بطوطه الحلوه تختار لنا التمارين كل يوم تحط لنا تمرين وتقول لنا نسويه 50 مره مثلا او اقل لان اول اسبوع لازم مانزيد عن 50 مره
مثلا تمرين الزنود وتقول سووا لي 50 مره اليوم وكل وحده تسويه تكتب لنا
خلونا نوزع المهاام ع بعض خلونا ايد وحده انا بكتب اللي اذكرهم وكل وحده تختار اللي تقدر عليه وعليكم تلتزمون بالحضور والمتابعه
اللي اذكرهم الحين بحطهم واذا في شي ثاني ضيفوه انتم
1- تمارين
2- صور اللي خسرو اوزانهم
3- الجري او المشي والوقت
4- نزول وصعود الدرج وكم العدد
5- تذكير بفوائد الماي والجاي الاخصر وكل يوم اتابعنا وكم شربنا وحدد لنا
6- وحده تخصصها العقاب اتابع اللي يخربطون وتختار لهم عقاب من رياضه او تمارين او اي شي هي تشوفه مناسب لحالتها
كل وحده تختار شي كتبته او ما كتبته لازم تحدد لنا وتقول انا لي هالشغله علشان نعرف ورجاءا كل وحده نختار لها شي واللي ماتقدر عادي بس الشي الضروري واللي الحين اجبركم فيه هم وجودكم يوميا لو اخر الليل تكتبون كل شي سويتووه من قمتو والانجازات اللي يذكرونها البنات واللي تخربط تكتب لنا انها خربط ولها عقاب
من اليوم ورايح مافي اي حجج ولا اعذار خلاص بنات خلونا نكون جد هالفتره
للتذكير
الاوزان ترسلونها لي يوم الخميس بالليل لحد يوم الجمعه واخر مو عد الساعه 11 بالليل وان شاء الله النتايج راح تكون 12 او 1 بالليل