آخر رجيم من طالب الشمري ،، عجييييييييييب

[( مي )]

قوة بنات
هذا اخر رجيم من طالب الشمري

على الريج
نص لتر ماي

الريوق
حليب ونسكافيه او نسكافيه وكوفي ميت قالي شربي ليما تشبعين ماكو مقدار معين

الغدا
2 همبورجر
او 4 إلى 8 قطع ربيان مشوي او شيش طاووق او تكا ( حتى سألته اذا كانت الوجبه اكثر من 8 قطع عادي اكلهم ؟؟؟ من الشفاحة لوووووول قالي عادي وتقدرين تاكلين البطاط اللي مع الوجبه اذا اشتهيتي )
او 1 الى 2 كباب
او صدر دياية ( قلت له ما احب صدرها يابس ابي فخوذها لووووول قالي اكلي فخوذها )

مع وجبة الغدا شرايح خس وخيار وطماط وجزر وجرجير ولايت كولا

سألته ساعات اشتهي بطاط برينغلز ابي شي مالح يعني شالحل ؟؟؟؟؟؟؟
قالي تقدرين تبدلين وجبه الغدا كاملة وتاكلين بدالها قوطي كامل برينجلز ويفضل لو فات ( موجود بسلطان لان بالجمعية بس لقيت العادي )

المغرب
نسكافيه مع كوفي ميت او حليب
او
حليب وجاي


العشا
اما 1 إلى 2 برتقال
او جيس الى 2 شوربة كنور ،، يعني اخذوا جيس واحد اذا يعتوا كلش فتحوا الثاني


واذا يعتوا بين الوجبات لكم قهاوي تروبيكانا وكولا لايت وقهوة تركية
واللي تبي تاكل ككاو كل يوم تاكل ككاو كانريل
واللي ما تبي كل يوم تقدر تاكل ككاو عادي اذا حييييييل طق براسها كل يوم وترك او يومين وترك يعني اقل شي تقدرون عليه
ولكم وجبة وحده مفتوحة على الغدا بالاسبوع
واذا تبون الوجبة المفتوحة عشا ابهالحالة تاكلون وجبة الغدا برتقال او شوربة ( يعني مثل العشا ) وتخربونها على العشا لووووول

وقالي انه ينزل تقريبا 3 كيلو بالاسبوع


شرايكم بالرجييييييييييم ؟؟​

 

[Q8stylle]

خوووش رجيم حلو انشاالله توصلين للوزن المطلوب

 

[غنغوش]

مشكووره مي الله يعطيج العافيه

 

[ام بنتها]

خوووووووووش رجيييم

يعطيييييج العافيه
و انشالله توصلين الوزن الي بالج و تقوا الاراااده ياااااااااارب

 

[( مي )]

مشكورين بنات
والله يعينا ونضعف بدون مرض آمين ​

 

[أحبك خفاا]

هلا حبوبة حلوو ريجيم طالب بس كل شي يعتمد على الارادة انا اراجع عن طالب صارلي 7 شهور وحمدلله قاعدة اوصل اللي انا ابية بفضل الله ثم الارادة صدقيني تضعفين

 

[mn.mn]

موفقة وإن شاء الله تضعفين

بس العشا ما فيه تنويع

 

[al_gardenia]

خوش رجيم عليج بالعافيه

 

[*باجر أحلى*]

انا احب رجيمات طالب
لاني اموت بالنسكافيه والشاي الحليب
ادمااان

 

[++The DuchesS++]

خووووش رجيم
بس اهم شي الالتزام

 

[رزة الكويت]

يعطيييييج العافيه

 

[شيخه***البنات]

موفقه حبيبتي عسى ربي يووفقج بالرجيم وتضعفين بصحه و عافيه

خووش رجيم والله ..

 

[( مي )]

حياكم الله
وانشالله كل وحده توصل للوزن اللي تبيه واكثر

تدرون شنو مشكلتنا ؟؟
ان وايد الاكل همنا الأول
يعني بس نقوم من النوم نقعد نفكر شنو بناكل اليوم لوووووول

والله اعرف وحده ضعيييييييييييييييييفة تدرون شتقول ؟؟
ساعات تقولي تصدقين نسيت اتغدا ؟؟
او نسيت اتعشى ؟؟؟ لان كل لاهية
والله اقعد اضحك عليها ،، اقولها الحمدالله احنا ما ننسى الاكل لوووول​

 

[ga6wh]

thanks alot
i'll try it next week inshalla
tnx alot sis agian

 

[كل الفخر]

والله انج صاجة انا اول ما بطل عيوني افكر شنو اتريق
بس اهم شي اتبلغينا بآخر النتايج
:friends:

 

[dantella]

موجنه حاط وايد اكل ؟؟ .... حبيبتي ممكن بس تقولين لي جم السعرات بهالرجيم حق اليوم الواحد ؟

 

[sugar&spice]

انشالله تضعفين بصحه وعافيه

بس تصدقين انا لو اكل هالاكل كله ازيد 3 كيلو مو انزل :23_asmilies-com:

بس علا العموم انا وايد احب ريجاماته

 

[عسولة ودلوعة]

عجيييييييييييييييييييييييييييييييييييييييييب

 

[اميرة الغيد]

ان شاء الله ينزل وزنج حياتي بصحه وعافيه
بس انا ما ادري ليش احس انه هالريجيم مو صحي
البرينجلز كله مواد مصنعه وضاره والكولا مضره بعد والكوفي ميت اللي نعرفها فيها مواد ضاره وشوربة كنور فيها مواد ضاره
وماشاء الله اغلب الريجيم اللي اشوفه يضعف يكون فيه نسكافيه بالحليب

 

[( مي )]

مشكورين بنات
وصج اني انا دايما اروح لطالب بس تصدقون انا ادري ان انظمته مو متكاملة صحيا
بس احط في بالي اني بمشي على الرجيم ماله فترة على ما اضعف واوصل اللي ابيه
حتى مع رجيمه دايما اخذ فيتامين

dantella
تبين الصج ؟؟ ما ادري ،، اهو ما يقول جم سعرة باليوم الواحد يعطي النظام وبس​