( آعرآض آلحمل ) شنو حسيتي فيه قبل تحللين ( تجآرب آلبنآت )

[كستنائيـة ع ـسل]

انا صرررت احب النووووم حيل وكله نايمه وكسلانه
وبغدين ريحه البول يكرم السامع ريحه مستشفئ لوووول
وصدرري ذابحني حييييل والدوره تاخرت اسبووع ورحت ححلت وطلعت حامل الله يثبته ويرزقكم ان شالله

 

[أثير88]

اعراض الحمل اللي حسيت فيها
البول وانتو بكرامة صار لونه غامج وريحته قووية
وصدري كبر وحلمات الصدر صاروا غامجين وناطين
وبعد كنت كلها دايخة وحااسة بلوووعة ،،،
والله يرزق كل خواتي الحمل يا رب ويفرح قلوبهم

 

[Ga6waah83]

بنات انا موعارفه احسب يا ليت اتساعدوني
انا غسلت بيوم عرسي 17/6 والحين ما ادري فيني عوار مادري عوار دوره والا حمل
احس بلوعه اول ما اقعد من النوم وريحه الاكل تقلب جبدي وراسي ثقيل
مادري مستحيه اقول حق ريلي اخاف اسوي تحليل منزلي واطلع مو حامل واتضايق

 

[نآعمہ]

بآقي على دورتي يومين

و اللي أحس فيھ نفس أعرآض الدورة مو أكثررر

إدعوا لي إن أكون حآمل :'(

رب لا تذرني فرداً و أنت خير الوارثين

و عسى الله يرزق الكل يآ رب ❤

 

[katkoota90]

انا رحت

سويت تحليل دم للحمل

ما قلت له تحليل هرموني :\

قال لي ماكو حمل ..


الله يرزقني يارب ،، اذا مو الشهر الياي ,, العمر جدام ،،


كل شي من الله خيره ،، الحمدلله :$


بس ليلحين ما نزلت علي الدورة ،،

 

[ضحاوي الديره]

ماحسيت بولا شي ولااااااااااا اي شي
بس تأخرت الدوره حللت ماكو شي نطرت اسبوع هم ماكو شي نطرت اسبوعين ماكو شي
مابين الا قبل موعد الدوره الثانيه ههههه

 

[زبــــــــدة]

باقي على الدورة يومين

واول مرة ماحس بعوار ولالا شي من اعراض الدورة

بس لوعة جبد وكله انااام وماشتهي اكل ...

اول مرة تصير فيني من تزوجت

يارب حاااامل

 

[بيبي غيرل]

انا حامل بشهر السادس اول مره بجر
الاعراض كانت تغير بلون حلمة الثدي اصبح غامج
نزول افرازات بيضا وشفافه كثيره قبل موعد الدوره بجم يوم وغير جذي حتى لمن تاخرت الدوره كان ينزل
بعد ماطاف علي 5 ايام قعدت الصبح احس بلوعه مو طبيعيه وركضت عالحمام ارجع وطبعا قبل لا ادري بحمالي ويهي كان اصفر ودايما ساهيه واحس بدوخه خفيفه

 

[بيبي غيرل]

بنات انا موعارفه احسب يا ليت اتساعدوني
انا غسلت بيوم عرسي 17/6 والحين ما ادري فيني عوار مادري عوار دوره والا حمل
احس بلوعه اول ما اقعد من النوم وريحه الاكل تقلب جبدي وراسي ثقيل
مادري مستحيه اقول حق ريلي اخاف اسوي تحليل منزلي واطلع مو حامل واتضايق

حبيبتي ممكن تكونين حامل لان اذا دخل عليج ريلج بعد ماتغسلين احتمال حملج باول شهر تكون كبيره ان شالله هذي ممكن تكون اعراض حمل

انا عرسي كان بتاريخ 8/12 وكنت مغسله من دوره بعد بيوم عرسي واول شهر حاشتني نفس اعراضج لكن ماصار حمل كانت اعراض تغير هرمونات وتهيء جسم مثل ما قالت لي الدكتوره وفعلا قبل لا اروح لها شريت التحليل وصار احباط انصحج تنطرين الدوره وموعدها اذا تاخرت فوق الـ5 ايام وانتي دورتج منتظمه اقولج روحي اشتري تحليل وان شالله يارب حامل :yaaaaaarb:

 

[حنووونه25]

قطوه انا اول زواجي حسيت ابهالاعراض
وكان مو حمل تلخبطً هرمونات وإلتهاااااب
اذا كنتي تعبانه وايد يا اتروحين الطبيب ولا تنطرين لي موعد الدوره واتحللين

 

[Ga6waah83]

حنونه وبيبي غيرل مشكورين على الرد وماقصرتو
انا اساسا دورتي مو منتظمه يعني شهرين تنتظم وجم شهر تتخربط واحاتي طيارتي اليوم ان شاءالله برد الديره
انا مابي استعيل وبنطر ان شاءالله بس بنات انا ماعرف احسب حق الدوره بالضبط
يعني انا يتني 9/6 وغسلت 17/6 متى المفروض اتيني

 

[ككوته]

انا الشي الوحيد الي حسيت فيه قبل ما ادري اني حامل صدري قام يعورني وعبالي الدوره بتنزل لان اعراض دورتي انتفاخ الصدر وحللت اول يوم دوره الحمد الله طلعت حامل وبس دريت حسيت بعوار مثل عوار الدوره
اي وفي شي بعد حسيت فيه مو طبيعي كنت احس ان في عرج ماسك من رحمي جهه اليمين ليما كليتي يقولون عرج الحمل

 

[كرستــــــــالة]

الشي اللي حسيت فيه هو الروائح عندي بخور احبه لحملت اشمه ريحه خايسه عزكم الله و الحنفيات اشم فيها ريحه لووووعه و اسأل الكل يقولون انها ريحه عاديه قببل لا احلل و هذا شككني اني حامل

 

[حلوة الاخدود]

ككوته احساس هالعرج احسه جهة اليمين
وباقي على تحليلي ٧ ايام لاني عامله تلقيح
والله يبلغني خير واكون حامل بإذن الله تعالى

 

[الـخـشـفـ الـنـداويـ]

حسيت جنه الدورة بتنزل عوار طهري وبطني ونزل معاي دم حفيف ولبست الكوتكسه عادي بس لي ثاني يوم مانزل شي ابدا

وانا دورتي منتظمه عدل الحمدلله حللت بالبيت طلعت حامل الحمدلله وكاني بالسابع الحين

 

[بقلبك مكاني]

صدري يتغير يكبر ويعورني وحبيبات طلعت لي حوالينه
والبول عزكم الله الصبح لونه دااااكن
امممممم ونغزات بالبطن غير عوار الدوره

 

[بقلبك مكاني]

يالله يارب يرزقني ويرزق كل من تتمنى يااااااارب

 

[زبــــــــدة]

بنات يصير احلل قبل مو عد الدورة بيومين ..؟؟

اهيا يا تنزل اليوم يا بعد يومين ...

يصير احلل الحين ؟؟

 

[أوراق مبعثره !]

زبده عندج كلير بلو ديجيتال يصير تستخدمينه فبل موعد الدورة بيومين يوم لان دقيق الباجي ماعندي فكرة 

 

[زبــــــــدة]

^

لا اللي عندي نوع ثاني يعني انطر ؟؟