آلبوق وآهله .. انباقت لج أغراض؟ صارت لج سوالف مع الـبوق؟ تعالي علمينا بهالسوالف هون~

[غيدآء]

معوضين خير بنوتآت

 

[ღسلڨاناღ]

آيفوني + لآب توب ريلي :eh_s(11):

:eh_s(2)::eh_s(2): عوار قلب من صج ​

 

[AL-DMERA]

من كنت بالابتدائيه كل يوم مصروفي ينباآق طول السنه
امي تحط مصروفي بالجنطه تقول عشان مايطيح منج من شفت إن كل يوم ينباقون قمت أحطهم بمخبااي والحمد الله ,,

 

[غيدآء]

معوضين ان شاء الله

 

[أمانيQ8]

مااااااااااااااااااااعتقد احد بالكويت انباق مثلنا
مره يونا خدم اعوذ بالله فلبينيه وسيلانيه ...الفلبينيه عند خالتي والسلانيه عندي...هذيج تبوق الدور الاول والثانيه تبوق عندي بس عاد اشخذوا الله لايوفقهم
خلال شهرين بس..
1-ساعة حماتي كانت زايرتنا يوم الاثنين واي ساعه مسكينه رولكس شاريتها بعشرالاف دينار افصختها تقول ماادري وين واختفت استنفرنا اندور مالقيناها
2-بنتي اصغيره وقتها لابسه (امقمش)2بالقرقيعان اللي اهو اسوار ذهب عليه لولو المهم انزلت الحوش والسلانيه معاها اشوي ارجعت فوق اقولها وين اساورج تقول ماادري سألت الخدامه تحلف واتكفر تقول ماشافتهم للعلم الخدامه مسلمه
3-ساعة زوجي ديور
4-ساعتي ديور شارينهم انا وزوجي بنفس اليوم
5-ساعة دلما
6دبلتي وخاتم عليه فص الماص كبير
7-قلب ذهب ثقييل حيل امي يابته لبنتي بعيدميلادها طار
وغير الفلوس ...اللي تنسحب من جنطتي واقول لا لا اكيد انا صارفه وموداريه بعمري
اثاري الحبيبه شغاله بوق
الفلبينيه..باقت تراجي الماص من خالتي وطقم ذهب ابيض ودبلة خالتي لماافقدتها فتشتها ولقتها حاطتها بكرتون تايد فاضي يم سريرها بدار الخدم واتقول حق خالتي لااااا مابقتها انتي عطيتيني اياها بالكريسماس مره @@قالت خالتي مينونه انا اعطيج دبلتي
وعقب السلانيه ماتحملتها لانها نظفتنا من البوق ماخلت علي ذهب ولا ساعات حتى كريمات تبوق شي فضييييع...المهم قلت لامي بسفرها مايصير جذي قالت نطري لما ادبرين لج وحده قلت ولاااااااااااااانطر دقيقه جان اتقول امي شوفي اماني ترا انا ماقلت لج سالفه صارت هذاك اليوم ...قلت لها شنو بعد الله يستر قالت مو مره انا بسافر دبي قلت لها اي يمه...قالت ماقلت لج يبي السيلانيه عشان تساعدنا بتقفض الاغراض؟؟قلت اي قالت كنت حاطه بالصاله 500دينار بوديهم عشان اصرفهم بالمطار اماراتي وصليت الضحى ورجعت مالقيتهم قلت لها شوفي طلعيهم ماكو الا انا وانتي اهني محد يانا ولا احد دخل الصاله تقول زنطتها وطلعتهم من تحت اهدومها .....بس ماقلت لج@@اخاف تعصبين ولا تتضايقين..
والله سوالف البوق وايد بس ماابي اطول عليكم ادري قرقت وايد

 

[lovely lovely]

انا الموقف صار لأمي وانصدمت صراحه ​

المهم امي كانت رايحه عرس مع اختي وامي لاراحت عرس ماتاخذ شي معاها بالجنطه الا المكياج والعطر وبعدين لما دخلت الصاله ولا بتروح تسلم على ناس وحطت جنطتها عند اختي واختي نست وخلت الجنطه عند الكرسي وراحت تسلم هي بعد ولا يوم امي

رجعت مالقت الجنطه وعصبت على اختي:eh_s(14): ولا بعدها راحت هي واختي تكرمون الحمام ولقوا الجنطه طايحه بالحمام وبايقين المكياج والعطر تخيلوااا!!!!!؟؟؟:rgewrg: عمركم شفتوا احد يبوق مكياج عاد الله يالمكياج اللي عند امي كله من عند الهنود والعطر كان جوتشي بس الاصلي مو التقليد :eh_s(15): بس صراحه خوش بوقه!!​

 

[dalo0o3a_707]

امآني
صج صج قهرررررر
الله يعوضكم خير حبيبتي « مفروض امج توري خدآمتهآ العين الحمره وكل مآ انبآق شي تزنطهآ ..
معوضين خير ان شاالله ، وان شاالله آخـر البوقآت «

 

[FAROU7 ALSALI7]

انا كنت كل مااسحب ايجار الشقه واحطه بالبوك تنباق بنفس اللحظه :\
وسحبت 3 ايام ورا بعض 250 كل سحبه و تنباق
ويكون المكان فاضي مافيه الا انا و رفيجتي
المهم زادت سوالف البوقات
وقمت اشك فيها بس سكت قلت يمكن محتاجه .. بس بعدين قلت قزرتها هذي انا اعرف ظروفها ينزلها معاش كل شهر 600 واهيا فبيتهم!

المهم مره.. قلت بطلع معاها.. قتلها نطريني ابدل.. انا طلعت من الغرفه! مالقيتها اختفت.. دورتها مو موجوده..ادق عليها حاقرتني..! جان على طوووول ارووح و ادور البوك! والا البوك بح الله يسلمكم مو موجود

وعلى قولتهم هذا ويه الضيف ما شفتها عقبها
و لما ادزلها مسجات اقولها رديلي فلوسي تهددني بسوالف
انا اقدر اسحبها المخفر بس مابي امها تنصدم منها

ولا المشكله اعرفها من سنييييييييييين!! و تطلع معاي على طول و الشعر مسنعته ولبسها ماركات..! و اخير شي اكتشفت انها
(منقبه)! و كل ملابسها بوقات!
ومره رفيجتي الثانه صادفتها والا الحبيبه لابسه ملابسي و ساعتي

هني استوعبت انه البنيه فيها مرض نفسي!

حصيلة بوقاتها مني = 2730 دينار... خلال شهرين

 

[غيدآء]

فروحه وليش ما تشتكين هذي سرقه عيني عينج المفروض تشتكين وفلوسج ترد لج دينار ينطح دينار!

هذا وانتي عادتها اخت ورفيجه تسوي جذي شلون لو ماكنتي تعرفينها شتسوي؟

حتى لو ماكنتي محتاجه الفلوس وخليتيها دفعة بلاء منها ..بس اهي المساله مسالة مبدآ وقانون..جذي اهي راح تتمادى مع غيرج يعني قدرت لج تقدر على غيرج!

الله يستر عليها ويهديها

 

[حجيه هيونه]

انا كنت كل مااسحب ايجار الشقه واحطه بالبوك تنباق بنفس اللحظه :\
وسحبت 3 ايام ورا بعض 250 كل سحبه و تنباق
ويكون المكان فاضي مافيه الا انا و رفيجتي
المهم زادت سوالف البوقات
وقمت اشك فيها بس سكت قلت يمكن محتاجه .. بس بعدين قلت قزرتها هذي انا اعرف ظروفها ينزلها معاش كل شهر 600 واهيا فبيتهم!

المهم مره.. قلت بطلع معاها.. قتلها نطريني ابدل.. انا طلعت من الغرفه! مالقيتها اختفت.. دورتها مو موجوده..ادق عليها حاقرتني..! جان على طوووول ارووح و ادور البوك! والا البوك بح الله يسلمكم مو موجود

وعلى قولتهم هذا ويه الضيف ما شفتها عقبها
و لما ادزلها مسجات اقولها رديلي فلوسي تهددني بسوالف
انا اقدر اسحبها المخفر بس مابي امها تنصدم منها

ولا المشكله اعرفها من سنييييييييييين!! و تطلع معاي على طول و الشعر مسنعته ولبسها ماركات..! و اخير شي اكتشفت انها
(منقبه)! و كل ملابسها بوقات!
ومره رفيجتي الثانه صادفتها والا الحبيبه لابسه ملابسي و ساعتي

هني استوعبت انه البنيه فيها مرض نفسي!

حصيلة بوقاتها مني = 2730 دينار... خلال شهرين

عفيه طولة بال عليج

هذا لو انا جان لعنت خيرها بصراحه


يبه لاتشتكين بالمخفر اذا ماتبين كلمي ابوها اخوانها اهلها مايصير جذي

 

[جيرازksa]

انا بمره بالكليه كان معايا 505 ريال ودخلت الاختبار قالولنا خلو الشنط بره ماتدخلون غير البطاقه الجامعيه والقلم خرجت من الاختبار لقيت 500 ريال مسروقه ومافي غير 5 ريال انقهرت الي سرقتني حنونه عليا بقت لي 5 ريال يعني اقل من نص دينار <<<< ببكي حسبي الله عليها

 

[غيدآء]

معوضين خير

 

[جلكسيه اس 3]

انبااااق تيلفووون امي بالبيت و ما طلع الا بعد تهديد
هددناااهم ان راح انوديهم المخفر.

طبعا بعد ما طرشت بنتي تاخذ عصير من خالتها لان قاعده اتحن تبي عصير و ماعندي

طبعا رحت فوق بشوف اشسالفتهم قاعدين يتناجرون ولا الحلوين حاطينه في ايد بنتي
بس بنتي صغيره اقولها منو الي عطتج. ماتعرف كل شوي اتقول شي.

 

[نور النـور]

انا بملجتي مع الحوسه وناس داشه وناس طالعه
في جم وحده من اهلي دشت رادي
وبعد الملجه لقيت عطرين مو موجودين قمت اصيح من قمت راسي لان ما احب شي ينباق مني عساها اللي باقته الهم بقلبها عاد عطوري غاليه مو رخيصه والله احترق قلبي

 

[mi corazon]

دبلتي الماس كنت متشققه فيها انباقت في حمام السينما بالليل

ليما الحين قلبي يعورني

 

[Pippa]

’

أغرب بوقة مرت علي .. خالتي بالافنيوز واقفة متنحة بمحل والي تيي وحدة وبسررعة خمطت تلفونهآ من ايدهآ وانحاشت @@ !! ..

اختفت ..

هالاشكآل ماتخاف من ربها اعووووووذ بالله :/

 

[miss_7sawiya]

نفس حالتي دبلتي انبااقت في حمام الدوام ومالقيتهاا >>> توهاا السالقة صارلها اسبووعين

 

[غيدآء]

معوضين ان شاء الله

 

[ابـيـض واسـود]

انا الموقف صار لأمي وانصدمت صراحه ​

المهم امي كانت رايحه عرس مع اختي وامي لاراحت عرس ماتاخذ شي معاها بالجنطه الا المكياج والعطر وبعدين لما دخلت الصاله ولا بتروح تسلم على ناس وحطت جنطتها عند اختي واختي نست وخلت الجنطه عند الكرسي وراحت تسلم هي بعد ولا يوم امي ​

رجعت مالقت الجنطه وعصبت على اختي:eh_s(14): ولا بعدها راحت هي واختي تكرمون الحمام ولقوا الجنطه طايحه بالحمام وبايقين المكياج والعطر تخيلوااا!!!!!؟؟؟:rgewrg: عمركم شفتوا احد يبوق مكياج عاد الله يالمكياج اللي عند امي كله من عند الهنود والعطر كان جوتشي بس الاصلي مو التقليد :eh_s(15): بس صراحه خوش بوقه!!​

ههههههههههههههههههههههههههههههههه نفس الي صار لي في العرس كنت مخليه شنطتي والمكياج فيها قعدت ادورها ماحصلتها لين عزج الله رحت الحمام وشفتهاا وكل شي مقطط منها ولاحصلت المكياج مايخالف كفوهم الجكر

 

[حياتي تكنولوجيا]

ذكرتوني بسالفه عفنه صارت لرفيجتي من خطابه وحاطه اعلانها بجريدة الوسيط خذت من المسكينه 300 دينار وطارت لازوج ولا هم يحزنون والبنت الله يعينها لي الحين تدق وتطلبها الفلوس ولااااااااااااااااااااااااا حياة لمن تنادي ​