آول يـوم دوااآاام ... رعــب ...توتـر ... قولي تجربتج !!

[آلسحرآلحلال]

قـوهـ ...~

آلحمدلله خلصت اوراقي وكل شي بآقي المباشرة ..~
وبـعد العيد بآذن الله بدوام وحدي مرعوبة بنات وخايفة
بس قاعدة و آفكر ( آدري معطية الموضوع اكبر من حجمة )

بس افكر واقول مثلا .. لو ماعرفت للشغل او مافهمت له زين
او .. البنات الي معاي مالوت مشاكل وحش ونجرة وغيرة .. الخ
وانا ساعات من كثر الخوف و القلق اتنح بشكل مووو طبيعي لوووول
مآدري ليش ( انتو مثلي ؟ ) احس عقلي وقف .. ومآبي مواقف بايخة
وتفشل


آبي الموظفة تتذكر معآي اول يوم دوام شنو سوت ؟؟؟
واللي بتتوظف خل تقول شعورها ...!!






:fun:

 

[تمنيتك]

رد : آول يـوم دوااآاام ... رعــب ...توتـر ... قولي تجربتج !!

اول يوم دوام

:eh_s(20):


انا الحين بيسير لي 4 اشهر مداومه .. ماشاءالله بسرعه مروو الايام

بصراحه اول يوم .. ماكان فيه رهبه ولا شي حده عادي لان كنت قبلها اليوم الفات يت وقعت المباشره وقعدوني ساعه .. ويمكن الحمدالله دوامي كله بنات من كبري وتفكيرهم من تفكيري وياحلاتهم اعزموني علي ريوق من اول يوم

فحمدالله حبيتهم واهم حبوني

واذا علي الشغل .. شغلي علي كمبيوتر وطبعا هالشي احبه .. بس لان بالداخليه وشي رسمي ارتبكت شوي لان اخاف يسير غلط او شي اروح فيهااا بس حمدالله اول شي رهبه بعدين تعوودت حتي مسؤالي الحين يعتمد علي جنا موظفه قديمه

ف ريلكس لا تحاتين وايد وان شاءالله ترتاحين


​

 

[ماكنتوشة***]

رد : آول يـوم دوااآاام ... رعــب ...توتـر ... قولي تجربتج !!

ياليت البنات يفيدونا بعد

 

[حرم الاسلمي]

رد: رد : آول يـوم دوااآاام ... رعــب ...توتـر ... قولي تجربتج !!

اول يوم دوام

:eh_s(20):


انا الحين بيسير لي 4 اشهر مداومه .. ماشاءالله بسرعه مروو الايام

بصراحه اول يوم .. ماكان فيه رهبه ولا شي حده عادي لان كنت قبلها اليوم الفات يت وقعت المباشره وقعدوني ساعه .. ويمكن الحمدالله دوامي كله بنات من كبري وتفكيرهم من تفكيري وياحلاتهم اعزموني علي ريوق من اول يوم

فحمدالله حبيتهم واهم حبوني

واذا علي الشغل .. شغلي علي كمبيوتر وطبعا هالشي احبه .. بس لان بالداخليه وشي رسمي ارتبكت شوي لان اخاف يسير غلط او شي اروح فيهااا بس حمدالله اول شي رهبه بعدين تعوودت حتي مسؤالي الحين يعتمد علي جنا موظفه قديمه

ف ريلكس لا تحاتين وايد وان شاءالله ترتاحين


​

بنات شلونكم ما أقدر اشارك إلا إذا حظيت رد مع والرد السريع مدرئ شفية ما أقدر اكتب ولا كلمة
طولت عليكم بس عشان ما تستغربون ليش ردى معائ رد ثانئ ...... تقليد
حبيت أقولج اختى أنا نفسج ناطرة المباشرة وللحين ما دقوا صار لهم اسبوعين واللة انئ نفس تفكيرج
حائفة من البنات اللى يسون مشاكل وأفكر
شلون اتعلم الشغل راح افهمة بسرعة واحاتى المسولية واللة يسهل علينا حنا الخوافات بس أنا أحسن منج
متجهزة للرد إذا ما فهمت شئ راح أقول اتعلم واذا أحد استغرب انئ ما أعرف للكمبيوتر والطباعة لأنئ سكرتارية
راح أقول أنا ما تعلمت على كل الوزارات وكل وزارة لها جداول وأشياء خاصة فيها
تدرين ليش مجهزة الحجئ ههههههه لأنئ عشان ما أحب أكون غشيمة واعترف إذا ما أعرف
شعلة وأحب اتعلم هههههههه شفتى شلون الخوف والمحاتأت خلتنئ أبدع ههههههههههههههه

 

[.MiNi.]

اول شي مبروووك الوظيفه ..

تاخذين خيرها .. وربي يكفيج شرها *_*

بالنسبه للشغل لا تحاتين حبووبه .. مسئولج او مسئولتج راح تحطج عن وحده تعلمج شلون تشتغلين

وشنو تسوين .. لا تحاتين من هالناحيه .!

اما البنات .. فيه الزين و فيه الشين .. انتي في البدايه لا تطيحين الميانه

حاولي بكثر ماتقدرين .. تعرفين شخصياتهم واللي ترتاحين معاها .. خلج معاها

واللي لا خلج رسميه معاها ..!

ترى اول يوم دوام لازم يكون في خوف و ارتباك .. وماتدرين شتسوين ..!

بس احلى يووم .. لان عقب فتره راح تضحكين على المواقف اللي صارت لج ..!

وراح تتذكرين هاليوم وودج ترجعين له .. طبعا بعد جم سنه من الدوام مو من البدايه

وربي يوفقج ان شاء الله

 

[آلسحرآلحلال]

تمنيتك

مشاءلله .. الله لايغير عليج ..~


حرم الاسلمي

ههههههههههههههههههههه

اهم شي مزهبة الرد ... شكلي بفكر بعد بردود


.MiNi.

مشكوووره حيبتي ..
اي خايفة اذا حطوني عند وحدة تفهمني تكون نفسية < متعقد من الميداني حطوني عند
وحدة لله لايحطج عند احد مثلهاا عليها نحاسة ونفسية ..
واكيد مراح اطيح الميانة لين اعرف كل وحدة وشخصيتها

 

[.MiNi.]

ربي يوفقج ان شاء الله

وياما مرينا على نفس هالاشكال .. بس هذا هو الدوام

والبنات على تربيتهم .. !

وان شاء الله يحطونج عند بنات طيبين ..!

تراني موظفه من زمان .. قديمه حدي .. وربي يوفقج ان شاء الله

من جذي قاعده اقوولج اخذي حذرج من هالفئات

 

[PO PO22]

MiNi. اي والله انج صااجه البناات وتربيتهمـ

الله يوفقج يا سحر الحلاااال

 

[salle]

رد : آول يـوم دوااآاام ... رعــب ...توتـر ... قولي تجربتج !!

انا قعد أحاتي أكثر منج لأني للحين ناطرة المقابلة و حدي مرتبكة. :bbbiu:

بس ان شاءالله ما يصير إلا الخير و بالنهاية أكيد راح تتعلمين عالشغل لأن الناس اللي اشتغلوا مو أحسن منج، كل شي بالممارسة يصير بس انتي خليج ريلاكس و تفائلي.

 

[H.A.K.W]

رد: رد : آول يـوم دوااآاام ... رعــب ...توتـر ... قولي تجربتج !!

مرحبا حبيبتي والله العظيم انا نفس حالتج واردى حيل خايفه واحاتي خصوصا اني طيبه وعلى نياتي واثق بالناس بسرعه وبكلمتين ينقص على
مو بس انا اللي خايفه حتى زوجي و وابوي واخواني واهلي ليش اني حدي على نياتي واثق بالكل وفمخرعيني فوق خرعتي يقولولي بتجوفين ناس مادري شلون صايرة ونياتهم سوده وخبيثين ومايندرى شبتسوين الله يستر عليج !!!
هذا بيدال مايشجعوني؟!
وانا باجر عندي مقابله شخصيه ومادري شبسوي بصراحه خايفه مادري اشبيسالوني عنه؟!

 

[salle]

رد : رد: رد : آول يـوم دوااآاام ... رعــب ...توتـر ... قولي تجربتج !!

مرحبا حبيبتي والله العظيم انا نفس حالتج واردى حيل خايفه واحاتي خصوصا اني طيبه وعلى نياتي واثق بالناس بسرعه وبكلمتين ينقص على
مو بس انا اللي خايفه حتى زوجي و وابوي واخواني واهلي ليش اني حدي على نياتي واثق بالكل وفمخرعيني فوق خرعتي يقولولي بتجوفين ناس مادري شلون صايرة ونياتهم سوده وخبيثين ومايندرى شبتسوين الله يستر عليج !!!
هذا بيدال مايشجعوني؟!
وانا باجر عندي مقابله شخصيه ومادري شبسوي بصراحه خايفه مادري اشبيسالوني عنه؟!

أهم سؤال يسألونه شنو تعرفين عن المكان اللي بتشتغلين فيه؟ فاعرفي جم معلومه و ان شاء الله كل شي يمر على خير و موفقه

 

[سيدة الذوق]

رد: رد : رد: رد : آول يـوم دوااآاام ... رعــب ...توتـر ... قولي تجربتج !!

انا اذكر بجيت دمعت عيني ولابغيت ابوي يطلع لووووووووول


بس هالمره عادي :sfg:

 

[آلسحرآلحلال]

رد: رد : رد: رد : آول يـوم دوااآاام ... رعــب ...توتـر ... قولي تجربتج !!

.MiNi.

مشكوووره ولله يستر

PO PO22

آجمعين


salle

ان شاءلله ... الله يوفقج بالمقابلة ترى سهالات وماتسوى محاتاه



H.A.K.W

ههههههههه حدهم عقدوج
لاتحاتين المقابلة حدها تافها..



سيدة الذوق

هههههههه
موفقه ...





آب

آب

 

[غلا الأيام]

رد: رد : رد: رد : آول يـوم دوااآاام ... رعــب ...توتـر ... قولي تجربتج !!

اممممممممم اول يوم لي افدوامي ما حسيت ابخوف الحمدلله اهوة ضياع اكثر ما اهو خووف

وطلعت مديرة مدرستي ابلتي الاسلامية ايام المتوسطة هههههههه وهذا اللي ريحني اكثر

شووفي نصيحتي لج خلج رسمية مع الكل ، على ما تدرسين نفسياتهم واتعرفبن كل وحدة واشلون اتفكر

وبعدين اختاري اللي ترتاحين لهم

يعني تخيلي انا رسمية مع الكل وجذي بس هم ماكو فايدة طايحين حش فيني ههههه ومع الايام اكتشفت اللي تعزني

اهية اللي تطعني ، بس الحمدلله مديرتي عادلة وما تسكت عن الحق

والف مبرووك الوظيفة وعسى ربي يوفقج

 

[آلسحرآلحلال]

رد: رد : رد: رد : آول يـوم دوااآاام ... رعــب ...توتـر ... قولي تجربتج !!

^^

وهذا اللي بيصير .. لين اعرف كل وحدة وتربيتها
تعرفين دوام واخاف ارافج وحدة وتطلع مو كفو وتطعني
ولا تطلع آحم آحم .. ويقولون هاذي اكيد مثلهاا ...

احلى شي اكون جادة مع الكل وبعدين ارافج



يلا بنات قولو مواقف اول يوووووم

 

[نـ(المطيري)ـازكـ]

رد: رد : رد: رد : آول يـوم دوااآاام ... رعــب ...توتـر ... قولي تجربتج !!

مـــاشاء الله ربي يوفقكم ..

يالله ع قبال ما اتوظف وايي واقولكم اول يوم دوام لي ..

 

[آنيـטּ الذڪريات]

،
،
،



أول شي ألف ألف مبرووووك

آنآآ شهــرر 10 بيصير لي سنه وآآي مآحسيت كلــش .. !!



اول يوووم واي وربي مآآنمت ماقدرررت ورحت موآآصله ومعآآ ي ابووووي
وقلبي يطق طــق

بس طوولت وآنا مستحيه مع لاانهم حلوووين

بس احرآآج لاحطوآ الريوق , يعني موميآآنه عشاان آخذ رآآحتي

بس بعد جم اسبووع طآحت الميآنه وصرنآ اكثر من خوااات


وان شاااءلله ترتااحين بدوآمج , بس انتي اداريه بمدرسه ولا شنو بالضبط
،
،
،

 

[$الـــحـــلاوه$]

رد : آول يـوم دوااآاام ... رعــب ...توتـر ... قولي تجربتج !!

؛

انا صارلي 4 شهووور مداومه ومر الوقت بسرعه ماشاءالله
قبل لا اداوم كنت افكررر بزوود بصرراحه ماعندي سالفه
وداومت اول يووم ماعجبني القسم كان كل اللي فيه كباااار وضاق خلقي بصراحه محد مدحلي القسم
وصكيتها غياب اسبووع تخيلي احاول ينقلوني ما نقلوني وقلت ان شاء الله خيره
داومت ولا فيه وحده بعمري باشرت قبلي بجم يوم
والحين ماشاءالله صرنا 6 بنات بنفس العمررر :yaaaaaarb:
ومرتاحه بقسمي حييييييييل ومستانسه وحابه الشغل

لا تحاتين سهالات ان شاء الله
بس ماقلتي لنا وين دوامج؟​

 

[نونه العنونه_H]

هااااااااي
انا صارلي 4 اشهر من توظفت..
وسبحان الله مع اني ابووووووووووووو الارتباك والمحاتات والتوتر والخووووووف :23_asmilies-com:
بس ما جنه اول يوم.. جني رايحه السوق كنت مستانسه ومرتاحه..
وعادي سهالات من شنو تخافين​

 

[ضايعه بهدنيا]

انا ان شاء الله قريب واتوظف

بس الحمد لله مو حاسه بخوف كلش حدي مستانسه واتمنى اداوم اليوم قبل باجر

هونيها وتهون شدعوه تر كله دوام وناس مثلج