خلوني ابتدي
بالنسبة لي لمن رحت له اخر مرة من يومين رحت لمحل (مورا mora ) للشراشف وللحافات والكنابل طبعا احنا داشين على الجو البارد فقلت اشتري منهم
وشريت لي كنبل اسباني بو نفرين وطبقتين يعني ثقيل خذيته بـ 27 واتوقع سعره الاصلي 30
وشريت منهم كنبل اسباني ثاني طبقة خفيف وحلو بـ 19 ما رضى ينزل مالت عليه قلت له ابيه 15 واتفقت معاه بعدين قال لالا ما بينا اتفاق
وشريت منهم بعد شراشف بكستاني شتوي عادي مع غطا مخاد 4 قطع سعره 7ونص النصاب خذيته بـ 5
وشريت منهم بعد اطقم شراشف بكستاني صيفي سير وعادي مع المخاد خذيتهم بـ 3 سعره الأصلي اظن 5
بس على فكرة احس قبل موديلاتهم احلى من الحين ، الحين خربوا ما لقيت الا جم واحد
بس شفت مصرية تاخذ موديل شراشف هو الموديل والحركة قديمة بس حلو يعني مو خايس تعرفون قبل الشراشف تحطينها طقم
مع المخدات وتخلصين بعدين تحطين كنبلج وفوقهم الشرشف اللي على شكل ديباج بس يشبه الكنبل يعني يجي طقم شرشف مع طقم
المخاد ومع الشرشف اللي تحطينه فوق الكنبل يعني مو معاه كنبل والشرشف هذا ما يتلحفون فيه بس منظر عاد المصرية ماخذة 3
تقول عيالها بيتزوجون يا حليلها وواحد من اللي ماخذته وردي درجاته حلوة وفيه شيء يشبه الهدب على الاطراف مادري شلون
صاير عاد سعره بـ 15 بس ترا مو حلو حلو عادي بس يمكن يعجبكم الناس اذواق
اي وحبيت اعلمكم على الشراشف الصحية عندهم حلوة بس فيه موديل جديد وفيه القديم الجديد احسن من القديم وعملي اكثر
الشرشف يكون قطني خشن من فوق وتحت نايلون والقديم شوي انعم من الجديد انا ماخذه الجديد وعجيب بصراحة وسهل تغسلينه
تحطينه بالغسالة وعقبه تشرينه لين ينشف وبس انصحكم فيه بس ما اذكر جم سعره بس اكيد سعره زين يعني
اللحافات الخفيفة حق نفر حلوة بعد بس مادري على جم
