أسواق المباركية : فيدي واستفيدي =]

[حجيه هيونه]

عندج القعده هناك حدها تونس باللليل ومعاج العايله عشى مشويات وشاي فحم شي مو طبيعي

وعندج عيد النصار احب اتمشى فيه

وعندج البسطات اخذي منهم دلاغات ثقال ورخاص

 

[| تفاصيل |]

ايه صح عيدالنصار حق النفاس لج وللبيبي
انصحكم فيه

 

[البخت ضايع]

بنات شنو احسن مطعم بالمباركيه ؟؟ ابي شاي ع الفحم مضبوط ويكون نظيف ؟؟

 

[نياره]

احب اروح ساحة المطاعم وأحسن مطعم مشاوي الشاطر حسن

 

[جروح ودموع]

احب اخذ من الايرانييين المعبوج والاجار والاجبان شغلهم حلو ونظيف وسوق بو اميه عندهم شغلات تنصدمين انها بامية فلس واحب سرداب الدعيج على ما اعتقد جذي اسمه عندهم اشياء حلوه

 

[لولوة الكويتية]

للرفع

 

[ديانا سبنسر]

احب اتمشى بالمباركية خصوصا هالايام
احب الحلويات والاجار
واحب اخذ دشاديش لعيالي

 

[وحدة كويتية]

شوقتينا للمباركيه يبيلها روحه
احلى شي اذا اخذت الجهال ودخلتهم محل بوميه ويخمونه كله
وتطلعين ب دينارين او ثلاثه

والمشاوي عجيبه وراها غوري شاي

الله جو المباركيه عجيب

 

[مارون جلاسيه]

انا آخذ بجامات اليهال من الديره
بس بقيت اسأل اي صوب بو أميه

 

[Beyoncee]

المبركيه ذكريات عندج السرداب ومجمع عيد النصار
والمطاعم الى فيها كباين وكلها امان لج ولعيالج

 

[مرايــــــــم]

ياحلو المباركيه

انا احب كافي حليب وهيل وخصوصا بالشتا
واحب سوق في اي بي بجاماتهم روعه
ولازم امر محل الوطن اخذ بقصم

 

[ام ملاك2]

وين الخياطين اي صوب الي يخيط بدينار ونص تطريز

 

[دلع الكون]

سرداب الشايع

والسرداب اللي عند مطعم الرميح شي خال

من دلاقات ومرات بجامات تحصلين عنهم حلوة

وملابس اليهال وامطات

امممممممممممممممممممممممم هذا اللي اذكره

 

[عيون&الريم]

غرامي المباركه اذا ضاق صدري اروح مع الغاليه مامي وناسه حيل

 

[panadoola20]

اااااااااااب

 

[الدميره ..]

شوقتوني اروح

 

[سحر الشرق@]

غرامي المباركيه
بس من زمان عنها والله
احلا شي المطاعم وقعدتها مشاوي وكشري
والشاورما والسمبوسه عجييييبه
العبي حلوة هناك ورخيصة
وسرداب الشائع جناط تهبل ورخيصة

 

[حناينq8]

يحلات هالموضوع
انا من عشاق المباركيه والتمشي فيها حتى لو مابي اشتري شي

محلات العطور العربيه كلها هناك - ومنها اللي انا اشتري منهم دايما

القريشي
المرشود
العبدالمحسن
اجمل
الرصاصي
الحرمين
القرشي
الدرر المنثور

حق الصبيان الصغار مكسرات وفنايل من هناك

مال الله حق الدلاقات والهيلاهوبات

الشمالي للحلويات اخذ منك كيك بوقرطاس ورهش بالدبس وزلابيا حمره

محلات الذهب بالعماره البيضه او سوق النصار ومنها الزمرده والفارس وغيرهم

كافيه حليب وهيل اذا حبينا نستريح نقعد فيه ونطلب حليب بالنكهه اللي نبيها

شيريز - فروزين يوغرت بس نكهاته غير عن بينك بيري عيالي يحبونه

مطعم العقل - الفلافل عندهم عجييبه وهي حاره

المطاعم اللي ورا وبراحه بن بحر فيها العاب ونوافير حق اليهال والمسيد يمج

محلات بو 100 حق توزيعات حفلات اليهال او حق صفوف اليهال بالمدرسه يوزعون على ربعهم

سرداب الشايع شبابيص كل الانواع اللي تطري على بالج وبعض الميك اب والاكسسوارات

الحوايين بكل مكان

وسلامتج وتعيشين

 

[عسووولة زوجها]

اب اب

 

[Hello_kitty]

يا حلات المباركيه واي هالوقت وهالجو هذا موسم المباركيه كل يومين ثلاث رايحين

انه احب الكفيهات اليديده اللي فاتحينها في كافيه tasty & fresh المناقيش عندهم لذيذه وترى اهو تبع حليب وهيل

يعني تقدرون تقعدون فيه وتطلبون من منيو حليب وهيل...

وفي يم هالكيفات سوق شعبي بالسرداب فاشن روز نفس طقه فاشن مل

احب عبايات السعيد اخذ منهم اذا عبايات عمليه وللعمره

احب الجبره هناك تهبل كل شي فيها

احب لبن ايراني ما احصله الا هناك اسمه دايتي طعمه بالنعناع وحامض

محلات العطور العربيه والبخوووور تهبل كلها هناك

باختصار المباركيه كل شي اللي تبينه واللي ما تبينه فيها