أسواق المباركية : فيدي واستفيدي =]

[Gamosha]

سوق المباركية ياولد الحجية
سوق المباركية سوق تراثي له ذكرياااات حلوة من يوم احنا يهال وليما الحين قمت أودي عيالي عشان يتم بذاكرتهم :eh_s(7):
ومن الأماكن اللي أحبها هناك: ​

*عندكم عيد النصار بالسرداب أغراض بيبيات حلوة وأسعارها مناسبة
*سوق الذهب والفضة أحب أتعامل مع مجوهرات المنال - عندهم ساعات ألماس استعمال خفيف - والسعر مناسب وايد
*سوق الخضرة والتموووور يشوووق
*الأبراج الثلاثة وخرابيطهم اللي تونس حق الحوسة- أعطي عيالي دينار ويردون بجيس متروس وحدهم مستانسين :eh_s(15):
*ومحلات العطور والبخور أكثرها موجودة بالمباركية -أحب الطيب من عطورات العفاسي وعندهم رشوش خطيييييير اسمه ( الطارش ) - راح تدعون لي :yaaaaaarb:
*محلات الايرانيين وسوالفهم الحلوة من رهش وسمسمية - لازم اشتري سمسمية عالأقل بربع دينار واتمشى بالسوق آكلها
*سرداب الخياطين - عباياتهم حلوة وأسعارها وايد مناسبة اذا كاسرتيهم
*وأخيرا بالنسبة للأكل - مطعم بوابة الشامية للفطاير - شي شي حق ريوق :rerrerek:
ومطعم دلق سهيل للمشويات مع قعدتهم اللي تطل عالنافورة اليديدة​

وسلامتكم​

 

[manoooram]

محلات العطور والبخور
عطورات العبدالمحسن - عطورات مكه - الحرمين - الدر المنثور


سرداب الشايع أحلى شي عندي الميك اب والسوالف اللي عنده


سوق السلاح في محل كله عطورات أصلية أرخص من دبنهامز وأتباعه


مطعم دلق سهيل يا حلوه ويا حلو مشاويه صج وناسة

بجايم اليهال من المحلات اللي أول ما تطلعين من سوق الكويت تكون عاليسار صج كد ومد بس للأسف ما أعرف اساميهم

وفي بعدوااايد بس مو حافظه اسامي محلاتهم

 

[الجووورى]

محلات العطور والبخور
عطورات العبدالمحسن - عطورات مكه - الحرمين - الدر المنثور


سرداب الشايع أحلى شي عندي الميك اب والسوالف اللي عنده


سوق السلاح في محل كله عطورات أصلية أرخص من دبنهامز وأتباعه


مطعم دلق سهيل يا حلوه ويا حلو مشاويه صج وناسة

بجايم اليهال من المحلات اللي أول ما تطلعين من سوق الكويت تكون عاليسار صج كد ومد بس للأسف ما أعرف اساميهم

وفي بعدوااايد بس مو حافظه اسامي محلاتهم

شسم المحل :eh_s(10):

 

[الناعمه أنا]

تقبلي هالصووور المتوواضعه اهدااااء لكل عشاق المباركيه

 

[نطوووعه]

بنات شنو الأبراج الثلاثه ما قط سمعت عنهم ؟

 

[@ DLOO3TAH@]

ـأب

 

[ام فلوحي]

يعطيكم العافية ما قصرتوا

 

[miss_lulu]

صج سوق المباركية ايونس وماعليه كلاااااااام
الله يعزج يالكويت فيج الغالي وفيج الرخيص​

 

[صمت المرافئ]

يوه ... شوقتوني على هالسوق
يا حلو سوق المباركية >>>> من عشاق هالسوق
حلوة القعدات والريوق هناك على كيف كيفج
شاي على الفحم وخبز التنور :nbptr: :icon30:
يعجبني سوق السلاح وسوق المقاصيص
وأحب سوق الغربلي والتمشى هناك
ولا ننسى على الطريج سرداب الشايع
مكياج واكسسوارات وجناط
والحواويج هناك أسعارهم حلوة
وأحب آخذ زيتون وأجبان من البقالات
والربيان اليابس والشاي
عندهم شاي خشن لون الكرتون بنفسجي عجيب
ما ألقاه بالجمعيات >>> مدمنه عليه :eh_s(20):
وسوق الاسطورة والمحاميد وبيت أولادنا حلوين
ومحلات بو امية فلس <<< عشتوا صارت أسعارهم على 100 وبعضهم 150
والخياطين اللي بسرداب عمارة عبدالله قطان <<< عند الصرافين
عندهم عبي رخاص سواء جاهزة والا تفصال
ويخيطون دراريع المطرزة ب4 دنانير
واللي تطريز مع شوارزفسكي تبدأ من 6 دنانير
باختصار كل شي حلو في هالسوق :rerrerek:
​

 

[أوراد التميمي]

يعني تنصحون الوحدة تتعنى له من السعودية

لبى قلوبكم شوقتوني له

 

[زبدة ككاو]

مطعم الشمم كله اشوف عوايل يايين من سعوديه عشان الهامور وايد يمدحونه ، انا اذوق المشاوي عندهم حلووة

يونيفورمات الخدم الشتويه نفسها بكل مكان بس هناك ارخص وينزلون اكييييد

اللي عندها ولد تحت السنه تلقاله هناك دشاديش وغتر ومكسررر لوول ماتتوهقين للعيد

سردابالشايع دوري من عندهم كحلمستر اند مسزز اخذي الالوان كلها ولاتاخذينه بأكثر من دينار

المنصور ما احبه استغلالي درجه اولى واسعارهم صايرة نااااررررر احس داشة المركز الفرنسي

والله المباركية روعااا صصصج

 

[أوراد التميمي]

لبى قلبك زبدة أمس كنت بالكويت ومريت المباركية

ما أدري انطباعي عنه زين وفي نفس الوقت مهوب زين حسيت المحلات مكررررة

مريت سرداب الشايع مثل ما قلتي صار أغلى من قبل

حلوة بعض بجامات الأطفال ولبس الشغالات


بس صراحة صكت رأسي ريحة السمك منتشرررة بقوة ياليت يخلون سوق السمك برا شوي على كيفي


ويخلونه مفتوح عشان الريحة

صاير مرررة مكتوم

شردت عند محلات العطور هنا صراحة كيفت عند عبدالمحسن والرشودي ما شاء الله


والله يبارك لكم في رزقكم

 

[الله يخليني]

بنات وين يبيعون ملابس جملة في سوق المباركية ؟؟؟

 

[أم راشد المطيري]

بنات ممكن تشرحولي بالضبط وين السرداب مال العبي والدراريع

ووين صاير سرداب الدعيج

 

[Ghaima]

ااااب

 

[BSKOOT]

مساء الخير بنات
الموضوع صرراحة روعة ومفيد

بنات انا قبل يومين رحت لسوق المباركية

و انصحكم تروحون " حليب و هيل " هو عبارة عن كوفي شوب
عندهم حليبب بالهيل و الزعفران حييييل لذيذ و الكب كيك عندهم روووعه​

 

[أحلى من الخيال]

اللي تسأل عن سرداب العبي
أدليج أحسن طريقة
انزلي سرداب دراعات ساره
فيه باب تحت يطلعج على سرداب العبي​

 

[برد & سلام]

ااااااببب

 

[ام اغلى الناس]

اااااخ ياحلو المباركيه
صارلي مده اقول ودوني بس ماحد فاضيلي
حامل وماقدر اسوق
احب كل شي هناك
المشكله ما احفظ اسامي بس اذكر
سرداب عيد النصار فيه ملابس بيبي ونفاس
سرداب اعتقد اسمه دعيج فيه ملافع وعبي ومحلات رخيصه فيها كل شي
سرداب الشايع للمكياج
سوق السلاح للعطور والبخور
طبعا محلات ابو 100 والحواجين
ونختمها بمطعم الشمم او فطاير الشاطر او مطاعم القعده اللي بره عند المسجد وطبعا جاي عالفحم
وناااااسه
ولا تنسون وانتوا تتسوقون تكونون ماسكين بايدكم سمبوسه
ماعرف اسم المحل بس مكانه صغير جنب مطعم الشاطر

السنه اللي طافت دشينا محلات بدواعيس ورا المقاهي نسيت اسم المجمع
كان فيه اغراض منوعه من ابو 100 ونص ودينار
يهبلون
شريت منه لعيد ميلاد ولدي
لاتنسون سوق في اي بي
واسواق واجد غيره
وعمارة الذهب للي يبي يشتري

 

[%F&R%]

الله يحلو سوق الديره اذكر يدتي كانت تودينا مشي
انا احب سوق بو اميه وعيد النصار حق ملابس البيبي
وفي محل فوق عيد النصار تبيع فيه وحده مصريه ملابس نفاس وبيبي دول طبعا البيبي دول نفس الي عند انور والطاهر بس نص سعرهم
واحب اخذ حق اليهال بيجايم من هناك بس مو دايم اخذلهم اكثر شي من سنتر بوينت
وفي مكتبه تبيع مجلات قديمه من ايام الستينات والخمسينات احب اروح اشتري مجلات قديمه
ولازم سرداب الشايع
بس بغيت اسالكم وين الابراج الثلاثه ماعرفتوهم