أفكار جديدة لنشاط خبرة بلدي الكويت

[أم رامو8]

مشكوره وايد وايد

 

[أم حوور]

تسلمين حبوبة وما تقصرين

 

[أم نوني]

حق الرياضي في قبعات على علم الكويت و فوقها كور تصلح للرياضي

للشعبي ممكن عرس كويتي قديم يلوه
أو ممكن طق يا مطر
أو عن الغوص قديما أغنية ها نحن عدنا من على ظهر السفينة ننشد الهولو.. و جنهم يايبين صوغا بزبيل لاطفال الروضة .. و الصوغة تخلونها شي يتعلق باللعبة الشعبية الي راح تلعبونها ( طبعا مع ديكورات .. و سفينة ..تطلع روعة)

 

[أم نوني]

وينكم بنات نبي همتكم

 

[عنوان]

اب

اب


بنات خلنا نحط كل يوم شنو نسوي

وايام الاسبوع شنو الافكار الجديده

 

[ملاك-77]

uppppppppp

نبي افكار يا ابلاتنا العزيزات

 

[عنوان]

انا اول يوم بحط قصه عن طريق البرمجيات

والمسابقات الفرديه للحين مادري بس اتوقع احط شي يتعلق بالمسابقات

والرياضي بحط فقره الشرطة واخلي الاطفال يقلدونهم



وبس


يلا نبي افكار

 

[@@@ام حمووودي@@@]

نبي افكاركم
انا قلت للرياضي بسوي حق اسم اليوم بلبسهم فنايل زرقاء ومعاهم كور عليها اسم اليوم ويدخلون على اغنيه عن المنتخب ,,,
والنشاط الحر بسوي الشيف رمزي واوزع على الصفوف توست وطماط وجبن وزيتون وخيار يسون ساندويش على علم الكويت طبعا قبلها مشهد تمثيلي مدرسه تقلد الشيف رمزي ...
ويالله همتــــــــــــــــــــــــكم يا ابلات ؟؟؟؟؟

 

[أم نوني]

بسوي في يوم المسابقات ..
بنوته لابسة لبس حلو و احط صندوق كبييير ..
و تغني صندوقي ماله مفتاح..
و من غير لا يحسون بخلي مفتاح على الأرض ..
و داخل الصندق بحط هدية .. الصف الي يلعب بمسابقتة بنظام و يلعبها صح ياخذها..
شرايكم

 

[عهود الحب]

الشعبي
حطي عن توب توب يابحر
انا مرة سويته روعة روعة روعة
خليت النواخذ يردون من البحر ويكونون اطفال لابسين وزارات وفنايلهم الداخليه والغترة جرمبى
وحاطين عالفنيلة اسم اليوم
عقب يدش الولد الي معاه اسم اليوم بشكل مميز




الفقرة كانت عن سوق الحريم بما انه عن خبرة بلدي الكويت
وكانت تهبل والله



الرياضي سوي فقرة فريقين كرة القادسية والعربي ولعبيهم كرة قدم
وممكن ان كنتي تبين وناسة وضحك
تسوين فريق مصغر من خمس ابلات مستوى اول
وخمس اطفال مستوى ثاني مثلا
وخليهم يلعبون كرة قدم او كرة سلة كيفج عاد انتي


واسم اليوم ممكن من خلال الفريق يدش ومعاهم اسماء اليوم واكثر ماكثر ربي اغاني الازرق الي يهبلون
وحطي اسم اليوم على كرة كبيرة الي تنباع بالبقالات تهبل خلي الجاهل يدزها جدامه لما يدش الاسم شكلها مميز وتلفت النظر حيل




المسابقات مادري ماعندي فكرة حاليا !



الابداع


الاوبريتات القديييييييييمة تهبببببببببل زوووووووووووووغة
وهالايام قناة الوطن من الساعة ست المغرب يحطون اوبريتات قديمة واغاني قديمة
سجلي يا اختي واعرضي بالنشاط





القصة تقدرين تسوين قصة عن ماضي الكويت من خلال تمثيل الاطفال
او تسوين عن شخصية كويتية قديمة
او ممكن تسوينها من خلال الداتا شو
او اي مقطع فيديو تسجلينه ترى في قصص تهبل وشكثر يخدممون هالخبرة


واذا كان في شي جديد بذكره لج


حبيت اقولج انه اغاني شادي الخليج وسناء الخراز
لهم وقع حلو بالنفوس وتذكرنا بالماضي الحلووووووووو
وتونس الاطفال لانه مايعرفونها للعلم
المغازل
الصيادين
الغواصين
الالعاب الشعبية القديمة
السور
الابراج
كلهم تلاقينهم باغاني شادي الخليج
وام احمد قومي طلي خوش مشهد تقدرين تسوينه
للاطفال



وممكن تخلين احد الايام فقرة تخريج ضباط اسماء اليوم
حلووووووووووة وتسوين معاها عرض عسكري وتسلمينهم شهادات تخرج عبارة عن ورقة انتي لافتها ومربوطة بخيط يعني شهادة
وسلامتج

 

[أم نوني]

يعطيج الله الف الف عافية
أختى (( عهود الحب))
وكل البنات الي يتفاعلون معانا بالموضوع

 

[الشهدوالدموع]

بناااااات افكاركم للنشاط خبرة بلدي الكويت

بنااات حبيبااتي افكااركم لنشاط خبرة بلدي الكوييييييييييييييييييييييييت مااااااااااصارت والله تعبنا من هالسواااااااااالف كل يبون مبتكر ..شنو انسوي ويعطيكم العافية

 

[أم نوني]

ما شاء الله المشاهدات 900

بنات نبي تفاعل عشان الكل يستفيد ..

 

[أم نوني]

ام حمودي اعجبتني فكرة الشيف


بس عاد نبي اغنية عن الطباخ شي انحطة مقدمة للفقرة ... دورت مقدمة جدر و ملاس ما حصلتها..
بنات الي عندها كلمات عن الطباخ ؟؟

 

[عهود الحب]

اختي الشهد والدموع كل ما اشوف نكج تخنقني العبرة
سبحان الله يذكرني بشغله


اختي ام نوني الله يعافيج

دورت لج جدر وملاس وماحصلته كلش
حصلت كل شي يتعلق ببرامج رمضان
الا هالبرنامج سبحان الله


بس اذا تعرفين احد بقناة الوطن يقدر يجيب لج الشريط ترى
يعني يبيلج شغل واسطة وماتسوى


انا اقترح عليج تحطين مدرسة تقلد حركات انتصار الشراح وبيدها جدر وملاس وتسوي عالمسرح يعني مشهد كوميدي خفيف
ويكون عن الاكلات الكويتية الشعبية
واكثر ماكثر ربي هالحلويات القديمة زلابية قرص عقيلي رهش
و سمسمية وتحطين بعد شغلات ثقيلة مثل المجبوس
والمرقوق والقبوط لو مجرد صور


وتخلينها تسوي طبخة منهم بس اي كلام
يعني لما تقول نحط الطحين تقط جيسة الطحين بالجدر عرفتي
قلاصين سكر تحط بالجدر القلاص بعداله
يطلع نايس وحركة حلوة وشرط دمها شربات

 

[عهود الحب]

عندكم برنامج من عنده الغطاية
اذا تقدرون تقلدون بن هندي ستايله حلو
ويفتر عالاطفال يقولوهم غطاوي ويوزع جوائز بسيطة حلوة
وحطي غطاوي بعد للكبار الادارة والمدرسات وحطي جوايز حلوين
ويطلع خوش برنامج للنشاط الصباحي



وترى غطاوينا الكويتية تهبل وتحصلينهم بالمكتبة عندكم كتاب الغطاوي الشعبية



واذا مالج خلق تدورين
جيبي لج سلة وحطي فيها شغلات والابلات يقولون عليها غطاوي

مثال { صورة صقر } اللي مايعرف الصقر يشويه
{ جدر وملاس } اللي بالجدر يطلعه الملاس
{ خبز } خبزن خبزتيه يالرفلة اكليه
الغطاوي حلوة وتونس




مرة شفت نشاط صباحي عن فريج صويلح والابلات حاطين جنه محل عطارة
وتدش عليهم مرة وتقعد تسألهم اسئلة عن مرض ولدها
والعطار يقولها فوائد الاعشاب
مثال الكمون لكذا
المرة لكذا
والكركديه لكذا
عرفتي شلون


ومع الحركات والحوار والديكوريشن طلع يجنن
بس انتوا ضبطوه







شفت مرة نشاط عن الزي الشعبي
وكان حلو يعني سلوكيات البنات لابسين جنزات والصبي بعد والجدة تنصحهم يلبسون لبس الكويتي القديم
وقامت ورتهم لبسها
لبس البادية والحضر
وحطوا اطفال يعرضون على جنب
يعني لما تقول البدوية تلبس البرقع والدراعة دخلوا بنوتات لابسين براقع على اغنية بدوية
والحضرية شحلاتها بالثوب المسرح وتدش البنت على اغنية سامري




ترى بلدي الكويت من اروع واحلى الخبرات والابداع فيها مفتوح عالبحري
بس عسى ربي يوفقكم ويسهل عليكم

 

[أم نوني]

أختى عهود الحب ... مشكورة يا قلبي على تفاعلج و مساعدتج و هذا مو يديد عليج.. كلج ذوق افكارج روعة
جزاج الله الف خير جعلة انشاء الله في ميزان حسناتج..:*

 

[أم نوني]

أنا كان ابالي فقرة الشيف .. يكون مبتكر..يعني مثل ما قالت اختنا أم حمودي ..
و بحط صمون فرنسي طوييييل لكل فصل يزينه بأطعمة صحية مثل الزيتون و الخيار و الطمام و الجبن على علم الكويت

أو

مثل ما قلتي أخلية على طريقة الاكلات الشعبية.. بس شنو اخلي الفصول يسوون؟؟؟

انا شريت القبعات الطبخ لكل الاطفال

 

[أم نوني]

و بزين المسرح و طاولات الفصول:gathering: بالملاعق الخشب صابغتهم بألوان علم الكويت

 

[عهود الحب]

العفووووووو ماسويت شي حبيبتي
بالنسبة للشيف
خلوا طاولات فوق المسرح او تحت على جنب اذا حابة
وحطي كل صفين يسوون شغلة ويتنافسون عليها
صمون على قولتج على الوان العلم
وممكن سلطة على الوان العلم
الابيض الملفوف والاخضر جرجير او خس الاحمر طماط والاسود زيتون
وهكذا
بس ترى الشيف لازم يسوي لهم اكلات صحية
و تقدرين تسوين صمون على علم الكويت
واخر شي تصورون الاكلات والشغل كله وتحطينه من ضمن انجازاتج
خلي هديتج فيها مرح شوية وتونس
مرة شفت هدية بالنت سلة وفيها فواكه وخضار وملفوفين بسوليفان
تقدرين تسوينها قبل يوم ويكون شكلها مميز




وزعي وقتها وصفات صحية بس ماعليج سوى تصويرها
وتكون مطوية او كتيب اكلات صحية



الله يعينكم
الخبرة 3 اسابيع
بتطلع روحكم
وافكاركم بتخلص
والنشااااااااااااااط ماخلص