أفكار جديدة لنشاط خبرة بلدي الكويت

[بصيص الامل]

يعطيكم العافيه جميعا

ومماقصرتي ام نوني على موضوعج واستفدنا منه وايد خصوصا انا تربيه عمليه ومحتاجه حق افكاركم

وعجبتني فكره الشيف رمزي وجدر وملاس ,, حبيت اسال متى نستخدم هالفكره ؟ نشاط صباحي او لاصفي مطبخ او منبه
والله اني يديده يهالمجال ومحتاجه لخبرتكم ,, ويعطيكم العافيه

 

[أم نوني]

هلا و غلا
حبيبتي بصيص الامل
ممكن في النشاط اللاصفي ( مطبخ)
و ممكن في النشاط الصباحي (بيوم النشاط المبتكر)
مثل ما تحبين تقدرين اتسوينه و تبدعين

 

[أم نوني]

ام نوني احنا نتابعكم افا عليج
ونصفق لافكاركم بعد
قولولنا شنو سويتي وشنو خلصتي لحد الآن

هلا و غلا
نتشرف فيكم و الله

الحمدلله عدى على خير خصوصا اني كنت ماسكة الاسبوع الاول ففي نهايته
صممت ديزاين يناسب الخبرة , و كتبت عبارات معبرة بسيطة و قدمتهم في شهادات تقدير و كرمت زميلاتي الابلات الي كانوا معاي و ساعدوني و مانسيت و لا وحدة ساعدتني ..
و كرمت الادارة على تشجيعهم الدائم .. و لو مو تشجيعم جان ما نجح نشاطي و طلع بصورة حلوة و مبتكرة
و ما نسيت حبايبنا الاطفال بعد قدمت هدايا لهم مغلفتها و حاطتها بوكس كبير وردي مال ايكيا و اهم طالعين من النشاط ياخذون و يطلعون

 

[أم نوني]

في اليوم الرياضي


كان النشاط روعة

بقول لكم عنه و انشاء الله يعجبكم

 

[أم نوني]

سويت الماراثون
الديكور
خططت بوسط أرضية النشاط باللزاق اللمعة على الارض و استخدمت لونين الاحمر و السلفر مثل طريقة ملعب الماراثون و بالوسط حطيت زولية العشب الاخضر عرفتوها؟؟
طبعا اللزاق حطيته قبله بيوم في الانصراف اما الزولية الخضرا فرشتها بالارض بس جدام شوي و لما صار وقت الفقرة حطيتها بمكانها المخصص بالاوسط عشان ما اعوق النشاط الصباحي و فقراته المعروفة .
(لما يصير وقت الفقرة اطفال الروضة يشكلون مربع كبير , و الماراثون راح يكون بالوسط )
و خططت 3 حارات 1-2-3يعني 3 لاعبين و عندي حكم واحد و طبعا ما نسيت لجنة التحكيم حطيت طاولة على جنب و شكلت لجنة تحكيم بنت و لد و لبست البت باروكة و خليت شكلهم funy ملبستهم نظارات شمسية تشب ليتات ,

و شريطة كريشة حمرا مربوطة بستاندين عليهم بالونات علم الكويت , و على درج المسرح حاطة لوحات عدد واحد و اهو اعلى واحد و يمينه شوي تحت 2 و يساره 3
طريقة سير النشاط:
كان منبة النشاط أن 6 اولاد لابسين ملابس منتخبنا الكويت معاهم حكم واحد داخلين النشاط على انغام مقطع بسسسسسسس من اغنية رياضية(ميامي و بشار: أهوا غير )لانه ما في وقت و الحكم ماسك اسم اليوم , ومسكره الليتات و فاتحة عليهم الكشاف و عقب على طول تنفتح الليتات و ينشدون الاطفال نشيدة اسم اليوم طبعا اهنية الكل ينتظر مستغربين شنو فيه اليوم شايفين طاوله مزينه و الارضية ..المهم
بوقت الفقرة
تطلع مذيعة طفلة ملبستها باروكة هذا التاج الي يطلع منه شعر طويل ومخليه شكلها يشوق
وتقدم الماراثون و تقدم لجنة التحكيم طبعا بس تقول لجنة تحكيم انا صفقة يعني صج :dddds:
و عقب الحكم يقول حق الـ 3لاعبين منهم واحد لابس منتخب الكويت (طبعا اهو الي راح يفوز)
خذ مكانك
استعد
و يصفر و عقب يجرون داخل حاراتهم الاطفال تخيلو انا متفقة مع الاطفال 3 مرات يدورون اهم نسوني اناااادي انااادي بس اقطع الشريطة ماكو مشتطيين:eh_s(6):
و اول مايقطع الكويتي الشريطة تقول لجنة التحكيم بصوت عاااالي الكويت فازت و الاطفال يصفقون جنه صج:dddds:
و تلبس الكويتي ميدالية ووشاح علم الكويت و اللاعبين الباجي بس ميداليات و ييوقفون عند مراتبهم طبعا الكويتي واقف على 1 و يقدمون له الكاس و اهنية حاطين اغنية وطنية رياضية وذكر الطفل الفائز انه الرياضة مهمة إلخ...اتمنى مانسيت شي (لاتنسوون انه الاضاءة عامل مساهم في انجاح الفقرة )
وعقب لعبو الاطفال بالادوات الرياضية



حقوق الطبع محفوظة لـ أم نوني.._03BA:

 

[ملاك-77]

ام نوني ماقصرتي افكارج روعه وتستاهلين التصفيق بصراحه

الله يعطيج العافيه

 

[أم نوني]

ام نوني ماقصرتي افكارج روعه وتستاهلين التصفيق بصراحه

الله يعطيج العافيه

يااا حياتي
تسلمين لي و الله
مشكورة على هالكلمات المعبر ة و المشجعة
جزاج الله الف خير يا قلبي:tek:

 

[ملاك-77]

يااا حياتي
تسلمين لي و الله
مشكورة على هالكلمات المعبر ة و المشجعة
جزاج الله الف خير يا قلبي:tek:

العفوووو :tek:

بصراحه ماقلت الا الصج

وعسى الله يوفقج يااااارب :s142:

 

[عهود الحب]

يامال العافية ام نوني
شلونج الحين عسى ارتحتي من هم النشاط
انا مخلصة نشاطي من اول السنة

احس احسن واحلى واريح
انج تكونين من اوائل الانشطة الصباحية
ماتشيلين همه

 

[أم نوني]

أي و الله اختى عهود الحب

صاجة.. راحة نفسية لما تخلصين من نشاطج
بس يا وخيتي الشغل ما يخلص يطلع لج مليون شي و ضغط العمل و خصوصا في وظيفتنا مو طبيعي ارهاااق:"(
خصوصا اذا كنتي مخلصة بعطائج

 

[عهود الحب]

مايخالف عسى ربي مايخيب تعبج وينولج امانيج
الحمدلله غدا شرج يا اختي ام نوني
وخلصتي
والحين ريحي بالج وركزي بس عالصف وعيالج
والنشاط وخبته راحت عن بالج اتوقع حتى التفكير فيه يتعب
بتحسين بالفرق


نصيحة لاتاخذين خبرات متأخرة للنشاط

انا دايمن افضل اخلص اول السنة منه حتى ارتاح طول السنة من همه