أي إستفسار عن فرنسا ستجدون جوابة هنا

[ام جوريناد]

السلام عليكم ورحمة الله وبركاتة
حبايبي الغاليات أعضاء ورواد المنتدى الرائع بحكم خبرتي الكبيرة في فرنسا وباريس بالتحديد أضع هذا الموضوع بين أيديكم للرد على إستفساراتكم في كل مايتعلق عن فرنسا من سياحة أو تسوق أو أي إستفسار يأتي ببالكم .
أختكم / أم جوريناد

 

[غديران]

يسلمووووووووو

 

[بناتي زينة حياتي]

يعطيج العافيه ,, اذكري اهم الاماكن السياحيه ومشكوره يالغلا

 

[طالبة1990]

مشكورة حبيبتي على بادرتج الطيبة في افادة البنات


تقريبا معدل التكلفة لاقامة اسبوع او نقول 10 ايام في فرنسا يعني مو بس باريس جم توصل

اذا قلنا لشخصين وما كو تسوق واايد


يعني الاقامة مع التذاكر والاكل وهيك ايشي؟

 

[ALSHD]

حبيبتي يعطيج الف العافيه عالموضوع

*بسالج عن فندق دزني لاند جم ليلته وجم يوم يسوى نقعد فيه ؟؟

* وشنو احسن فندق قريب من الشانزلزيـــة ؟؟

* ياليت تكتبين لنا المنــــاطق السياحيـــة ..........؟؟

وووووووووووووووووووووووووووو

:eh_s(10)::eh_s(10)::eh_s(10):

سوري عالاطـــــــــــــــاله ياعســل


:balo:

 

[rock on]

يسلمووو حبيبتي

عندي سؤال :

الحين فندق دزني لاند كم الليلة ؟

و الفندق حلو ونظيف؟

و أيش أهم الأماكن اللي في فرنسا ؟


يسلمووووو

 

[أحلى^حياه]

ماعليج امر
طريقة حجز فنادق ديزني بالنت
بس موقع مضمون غير موقعهم لاني مو قادره احجز منه

ويعطيج العافية

 

[خلطة عطر]

مشكوره وبارك الله فيج
عندى سؤااال مغلبنى ؟؟ واحاتيه وااايد
انا ان شاء الله مقرره سفر لهالصيف لندن وباريس
وسبق لى ورحت العام لهم بس تبهذلت بالمترو
لان اللغه من صوب ما افهمها ومن صوب هالفرنسيين ما يعطون ويه مثل الانجليز
سؤااالى يالغلا :

اذا بحجز تذكره من باريس لدزنى شلون اعرف التوقيت والطريج اكو اكثر من محطه ينزل فيها القطار شلون ادل بروحى من غير ما اسال احد
وحتى من لندن لباريس باليورو ستار ؟؟

اذا تحطين لى صوره تبسيطيه لخط المترو والمحطات اللى يوقف عندها


وشكرا

 

[نظاميه5]

أين أنتي يا أم جوريناد ؟

 

[brettey]

حبوبه اذا بروح مع زوجي وعيالي اثنين تحت سن 12 لمده اسبوع جم يكفي مصرف ؟طبعا انا حاسبه حساب تذاكر وفندق 1500 لي 1700
يكفي مصرفي حق هناك 2000 حق اكل ومواصلات وسوق على الخفيف

 

[خلطة عطر]

بريتى

لا ما يكفى
انتو عايله ماشاء الله يدوب التاكسى يشيلكم
حتى التكاسى يتشرطون هناك
خلو مصرفكم 3 وفوق لان الرحلات والتكاسى والتيكيت والاكل والتشرى يبيله ميزانييه
انا العام رحت لندن وباريس باريس موووووووووووووت
اعنبو دارهم حتى اجياس الجمعييه بفلوس يشاورونج الجيس الاول بلاش ( تبين جم جيس تشيلين اغراضج فيهم ؟؟؟؟)

والله اذا حددتى مصروفج بالفين لتموتون من الجووووع هنااك
تخيلى قهوه وقطعة كيكه صغيرونه ب7 وشى
وبعدين انتوا بتفيزون وبتدفعون تذاكر عوار قلب بس على 7 ايام حتى ما يمديكم تستانسون
والسوووق عذاب يقصون علينا اوت لت والاسعار اتخرع

انصحج زيدوا المبلغ والايام ما تقل عن 10 ايام اذا صج تبون تستانسون

 

[هدوء العالم]

مشكورة أختي جوريناد على الموضوع

وبسأل صج باريس ونيسة ولا سمعت من أحد الأخوات بأحد المنتديات سمت باريس (باريس الخبة)

تقول مو ونيسة فا بغيت أسألج

شلون كانت يومياتكم وهل تصلح لأطفال والمراهقين إلي يبون يصيرون مثل :RoadRunner: هههههههههه يعني الحركة الزايدة مو :gathering: نقعد على من قهوة لين مطعم والعكس

ورحت مره ألمانيا والشعب بارد الإحساس ويقولون أوروبا كلها نفس الشئ

ولا نحب زيارة المتاحف ومصانع الشوكولاته والأجبان على قولت الوالد أحنا يا العرب مو وجه ثقافة

وصادقة أختي خلطة عطر الأكياس بفلوس أنا كنت بألمانيا أحط بجنطتي كيس خام قطعتين لأن مو بس السوبرماركت إلا بعض المحلات بعد

 

[abooora4]

أم جوريناد ........ بسرعه أبي أحسن فندق بالنظافة و المستوي ........كونكورد لافاييت أو في غيره
و أبي أحسن اللأسواق و ووووين مكان اللأوت ليت للماركات عندهم ؟؟؟؟؟؟؟؟؟بسرعه

 

[جاردينيا_2000]

عزيزتي اشوفج طولتي الغيبه
على العموم ناطرينج
بسألج :عن
الحدايق أبي حدايق حلوه أبي أساميهوم
مصانع اي مصانع جلود ككاو احب المصانع
الشقق الفندقيه أسعارها اتكون مناسبه ومكانها مميز
وين نسكن في افيان وله باريس وله الاثنين
كم يوم تقترحين اننا نقعد فيها
بخلي الأسأله الباجيه حق لما اتردين على الاسأله هذي
وشكرا

 

[جاردينيا_2000]

عزيزتي اشوفج طولتي الغيبه
على العموم ناطرينج
بسألج :عن
الحدايق أبي حدايق حلوه أبي أساميهوم
مصانع اي مصانع جلود ككاو احب المصانع
الشقق الفندقيه أسعارها اتكون مناسبه ومكانها مميز
وين نسكن في افيان وله باريس وله الاثنين
كم يوم تقترحين اننا نقعد فيها
بخلي الأسأله الباجيه حق لما اتردين على الاسأله هذي
وشكرا

 

[Business Girl]

السلام عليكم

اختي ابي اسالج عن احسن فندق في الشانز لان انا ان شاءالله ناويه اروح بشهر 4

مشكوره

 

[ام جوريناد]

ياهلا ومرحبا ياخواتي الغاليات ,
أولا العذر من الله ثم منكم عالتأخير وهومسبب بأسباب ثلاثة
1- للتو عدت من هونغ كونغ
2- وصول بضاعتي وترتيبها
3- عرس الأهل وزيارة الاهل من قطر والامارات والبحرين
والحين بمر على كل مشاركة فيها إستفسار وبرد عليها بالتفصيل
مقدرو حضوركم حبايبي

 

[ام جوريناد]

يعطيج العافيه ,, اذكري اهم الاماكن السياحيه ومشكوره يالغلا

الشانزاليزية
برج ايفل
قوس النصر
متحف اللوفر
متحف الشمع
هضبة مونمارت
الحي اللاتيني
يورو ديزني لاند
قصر فرساي
لاديفانس
نهر السين
الريفولي
جاليري لافييت
الأوبرا
الباستيل
قصر الاليزية
غابة بولونيا
مركز بومبيدو
معهد الوطن العربي
العاب ستاريكس
الاوت لت
لافال دي يورب
رحلة نهرية بالسين

هناك الكثير الكثير من المعالم الجديرة بالزيارة وهذا ما آتى على بالي الآن

 

[ام جوريناد]

مشكورة حبيبتي على بادرتج الطيبة في افادة البنات


تقريبا معدل التكلفة لاقامة اسبوع او نقول 10 ايام في فرنسا يعني مو بس باريس جم توصل

اذا قلنا لشخصين وما كو تسوق واايد


يعني الاقامة مع التذاكر والاكل وهيك ايشي؟

يامرحبا بطالبتنا النجيبة
والعفو وهذا اقل واجب اسوية لكم ياحبايبي
شوفي ياغالية بالنسبة لأي سفرة لازم مانحسب سعر التذاكر والفيزا لانها تدفع قبل كل شيء وهناك تفاوت فية من يسافر على الفرست كلاس وفية عالجي كلاس حتى الايكونومي صارت درجات وفية من يحب دايركت وفية من يدور الرخص ويسافر عن طريق القطرية او الاماراتية اوالاتحاد او اي طيران ثاني تكون ترانزيت وتوفر اكثر من نص القيمة فعلى هالاساس انا بشيل حسبة التذاكر .
وبالنسبة للمصروف بباريس يتفاوت ففية من يحب يسكن بالشانز او قريب من وهذا بيكون غالي وفية من يحب يبعد شوي بفنادق تكون ارخص بعيدة عن الشانز مع انها بتكون احلى وافخم
فأنتوا حطوا ببالكم مصروف لشخصين 300 الى 400 يورو باليوم وهالمبلغ بيكون كافي سكن وتمشية وأكل فلو قلت 4000 بعشر أيام ممتازة جدا وتقدرين تقننين المصروف الى 3000 يورو طبعا من غير التذاكر والشوبنغ و4000 يورو توازي 1600 دينار تقريبا

 

[ام جوريناد]

حبيبتي يعطيج الف العافيه عالموضوع

*بسالج عن فندق دزني لاند جم ليلته وجم يوم يسوى نقعد فيه ؟؟

* وشنو احسن فندق قريب من الشانزلزيـــة ؟؟

* ياليت تكتبين لنا المنــــاطق السياحيـــة ..........؟؟

وووووووووووووووووووووووووووو

:eh_s(10)::eh_s(10)::eh_s(10):

سوري عالاطـــــــــــــــاله ياعســل


:balo:

ياهلا وغلا
أكو أكثر من 50 فندق بيورو ديزني لاند فياليت تحددين بالضبط أي فندق تبين ؟
ولكن ما أنصحج تسكنيين هناك أولا سعر الفنادق نار ثانيا الكل يروحون الصبح لديزني ويردون بالليل لباريس بالقطار وبكل سهولة من محطة شارل ديغول ايتوال اللي بنهاية الشانز عند قوس النصر .