إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[شيم]

رد: إذا أنتي مطلقه شاركينى؟

Majesty
اختي الطلاق في حالات كثير افضل من استمرار الزواج
على حساب نفسية اي طرف وعلى حساب نفسيات الاولاد
انا معاج نظرة الناس للمطلقة تغيرت عن قبل
وفي مجتمعات كثير المطلقه تمارس حياتها حالها حال المتزوجة
لكن يظل فيه مشاكل تعانيها
وحتى المتزوجه لها معاناتها
بس الي متزوجه اسمها في ذمة رجال وشايل عنها
ولو انه الي نشوفه انها شايله كل شي
وفوق هذا محسوب عليها انها متزوجه ومكفوله
*
الي ابي اعرفه وش المشاكل الي تعاني منها المطلقة
ماليه
تضييق الاهل عليها في الروحه والرده
مضايقات الرجال
تعاني في تربية عيالها
او تعاني من حرمانها منهم
مضايقات المطلق
واذا فيه مشاكل غير
وشلون قادره تحل مشاكلها او شلون قادره تتكيف مع معاناة حياتها​

 

[بنت q8]

رد: إذا أنتي مطلقه شاركينى؟

والله انا اعتقد انى معظم اسباب الطلاق يقع من سوء اختيار البنت لشريك حياتها والسبب انها تفكر فقط فى الشكليات مثل شنو لونه شنو جسمه جم عنده شنو جنسيته شنو مركزة ولما تطيح الفاس بالراس يقعد تتالم وتتندم وتتحسر على اليام الخوالى لكن سبحان الله اذا تقدم لها الشاب الملتزم او الخلوق او الديين قالت لا مابى والرسول يقول اذا جائكم من ترضون دينه وخلقه فزوجوه فالم تفعلو تكن فى الارض فتنه وفساد كبير قال دينه وخلقه وانا اهمس باذن اى مطلقه واقول الدنيا منتهت ولاتكدرين فقط كونى عقلانيه باختيارك واذا تقدملك الملتزم الخلوق لاترفضينه ونتى ابحثى عن الرجل صدقينى بتلقين شوفى امانته وصدقه والله كريم

 

[روزالكويت]

رد: إذا أنتي مطلقه شاركينى؟

بنات ابشركم امحق بشاره هههههههههاى
اليوم بتوصلني ورقة طلاقى
حمدالله كل اللي مريت فيه راضيه ولله الحمد وهذا نصيبي وبغض النظر ن الاسباب طلاقي راحة لي بكل النواحي..
اللحين اللي بسالكم فيه
بعد الطلاق يبدون المتطفلين حولج يسالون شحقه تطلقتى وليش وشنو الاسباب وماترضيهم كلمه نصيب ووقف خلاص لا يبون اسباب وتعلمينهم القصه..
طبعا الاهل اكيد يعرفون الاسباب ورفيجاتى الكلوز بس العايله شيفكنا منهم ..
علموني بناات شلون ارد عليهم ..
انا ما ابي اخرب على الريال حرام عشان يقدر يتزوج وحده ثانيه..
وبنفس الوقت انا طالعه من التجربه بريئه ومالي ذنب باللي صار شسوي..؟؟

 

[امون حبيبة زوجها]

رد: إذا أنتي مطلقه شاركينى؟

بنات ابشركم امحق بشاره هههههههههاى
اليوم بتوصلني ورقة طلاقى
حمدالله كل اللي مريت فيه راضيه ولله الحمد وهذا نصيبي وبغض النظر ن الاسباب طلاقي راحة لي بكل النواحي..
اللحين اللي بسالكم فيه
بعد الطلاق يبدون المتطفلين حولج يسالون شحقه تطلقتى وليش وشنو الاسباب وماترضيهم كلمه نصيب ووقف خلاص لا يبون اسباب وتعلمينهم القصه..
طبعا الاهل اكيد يعرفون الاسباب ورفيجاتى الكلوز بس العايله شيفكنا منهم ..
علموني بناات شلون ارد عليهم ..
انا ما ابي اخرب على الريال حرام عشان يقدر يتزوج وحده ثانيه..
وبنفس الوقت انا طالعه من التجربه بريئه ومالي ذنب باللي صار شسوي..؟؟

لاحول ولا قوة الا بالله

الله يعوضج خير ان شاءالله

 

[روزالكويت]

رد: إذا أنتي مطلقه شاركينى؟

هههههههههههههههاى
امبيه امونه حبيبتى

شحقه لاحول ولا قوه الا بالله شنو حالة وفاة ..لووووووووول

عادي انا كاسبه روحي وعافيتي والله يديم علي الستر وظل ابوي وامي واهلي ال لايخليني منهم..

بعدين ماني ندمانه على شي لان زوجي الطلاق منه مكسب والعشره معاه ظلم بظلم والله مايرضا الظلم على عباده..

الله يعوضنى خير وجميع بنات الحلال العفيفات اللي يخافون ربهم ويبون الستر..

اللي يحبنى لايضايق روووووووحه..

عاد تدرين كل ماشفت الحزن بعيون امي وخواتى ورفيجاتى اقعد اواسيهم ههههههههاى
انقلبت الايه..
شسوي والله محد شاف اللي شفته من هالريل الله يسامحه ويرزقه ويشفيه..

بحالته الطلاق غنيــــــــــــــــــــــــمه..

 

[طفوش]

رد: إذا أنتي مطلقه شاركينى؟

بنات ابشركم امحق بشاره هههههههههاى
اليوم بتوصلني ورقة طلاقى
حمدالله كل اللي مريت فيه راضيه ولله الحمد وهذا نصيبي وبغض النظر ن الاسباب طلاقي راحة لي بكل النواحي..
اللحين اللي بسالكم فيه
بعد الطلاق يبدون المتطفلين حولج يسالون شحقه تطلقتى وليش وشنو الاسباب وماترضيهم كلمه نصيب ووقف خلاص لا يبون اسباب وتعلمينهم القصه..
طبعا الاهل اكيد يعرفون الاسباب ورفيجاتى الكلوز بس العايله شيفكنا منهم ..
علموني بناات شلون ارد عليهم ..
انا ما ابي اخرب على الريال حرام عشان يقدر يتزوج وحده ثانيه..
وبنفس الوقت انا طالعه من التجربه بريئه ومالي ذنب باللي صار شسوي..؟؟

ماااااااااااعليه لاتحرين قلبك اهم شئ نفسيتك وبس الله يرزقك باللى احسن منه الف مره... وماعليك من كلام الناس اهم شئ اهلك واثقين منك وانتى راضيه على نفسك هذا هو المهم اما صوير وعوير مالك شغل فيهم ارضاء الناس غايه لاتدرك يعنى مستحيل انهم يصدقونك لو شنو تقولين بس قولى كلمه وحده (((((((((( نــصـــــــــــــيـــــــــب )))))))))) لاتمدحين طليقك ولاتذمينه بس قولى الله يرزقه ويرزقنى

 

[ضوى العيون]

رد: إذا أنتي مطلقه شاركينى؟

روز حمدلله على كل حال والله يوعضج بللي احسن منه وويصونج

 

[ArEEj]

رد: إذا أنتي مطلقه شاركينى؟

روز الكويت
عاد انتي تهبلين قمر
خليه يولي
والله يعوضج باللى احسن منه
ولا تحاتين كلام الناس مثل ما قالةا الخوات
اذا حد سألج قولى ماكو نصيب وبس

 

[روزالكويت]

رد: إذا أنتي مطلقه شاركينى؟

جزاكم الله خير يابنات ماتقصرون على دعواتكم

اريج حلت دنياج ياقلبي عيونج الحلوه

عاد حسافه انتي شفتيني بس انا ماشفتج مفروض ساحبه نقابج هههههههههاى

الله يعوض كل البنات المطلقات بهالقسم وانا منهم يارب

 

[عهود الحب]

رد: إذا أنتي مطلقه شاركينى؟

الله يعوظج باحسن منه مليون مرة



ادعي لي اني اتطلق


انا معلقه


لا قادرة اتطلق



ولاهو راظي يطلقني


ولا اهلي راظين ارفع قظية طلاق


آآآآآآه يالقهر ظاع شبابي خسارة مع انسان مايسوى


وحتى يوم عفته ماقدر افتك من اسمه



وربي اسمه تلوع جبدي منه فما بالك فيه هو


اكرهه كره العمى



الله لايحطكم بالموقف الي انا فيه



تبين العون ولاتلاقينه لامن اهل ولا من احد



خليها بالقلب يمكن تهون

 

[روزالكويت]

رد: إذا أنتي مطلقه شاركينى؟

,الله كريم ميخالف ربي يبتلينا ويفرجها باقرب وقت
عهود الحب
والله حاسه فيج
اعرف وحده هذى حالتها 7 سنين معلقه لامطلقه ولامفتكه منه محسوب عليها
وهي كارهته كره العمى وبينهم عيال
واهلها رافضين ترفع قظيه وتاخذ حقوقها منه وهو يقول تنازلي عن كل شي وحتى عيالج ما اصرف عليهم اطلقج غير جذى ماعندي ولا ارجعي بالمذله عندي وهي تكسر الخاطر موعارفه طريجها الله يفرجها عليها والله جمال وشهاده واخلاق وطيب بس الحظ لاقعد قعد..

 

[عهود الحب]

رد: إذا أنتي مطلقه شاركينى؟

من صجج اقعد معلقة عمري كله


والله اذا ماقدرت ارفع قظيه


لا اجيب السكين واموته


والله ارتكب فيه جريمة هو واخته ومرته الجديدة


اموته ولا اجيب له مصيبة


ههههههههههههههههههههههههههههههههههه


ماعليش فصلة الفجر ههههههههههههههههههههه


والله اكرهه لو تتخيلين


قبل استغفر الله ابوس تراب رجلينه

والحين على قد الغلا تحول كره


امي تقول زوجته الجديدة ساحرتج


قلت بلعنه اخاف ميته عليه انا اكرههه وعليها بالعافيه سبع البرومبى

اقصاه عريف بالجيش طايح حظة وظروسه شيبة عرعر


<< اشفيها الاخت هههههههههههههههههه

وربي شي يغثثثثثثث خليها على الله


بس انا حددت لابوي موعد نهائي لقظية الطلاق


واذا ماوقف معاي بروح للقاظي بنفسي


واكلمه بنفسي


ماراح اخلي حقي بالطلاق



بصراحة اسمي مابيه يرتبط باسمه ومومن حقه يعلقني العمر كله


يااخي انا عفته مابيه ماريده يابا :eh_s(4):


تحملييني هاليومين فاصلة خلقه مع تقلبات الدورة الشهريه :$

 

[أم السنع]

رد: إذا أنتي مطلقه شاركينى؟

اختي عهود الحب

بس ضيقتي خلقي

رحمي نفسج وخليه يولي

حطي ب بالج ان اذا الله كاتب لج شي بيجيك

يعني انتي غسلتي ايدج من العداله في الارض--

خلاص عيل ترسي ايدج وقلبج من الرغبه في عدالة رب السماء والأرض

وتوجهي بكل قلبج وعقلج وروحج لرب العالمين وثقي ثقة تااااامه ان ربج بيرفع عنج

ويعوضج بأحسن منه الف مره

ربي ينصر المظلوم

صدقي بهذا الأمر واقتنعي فيه

وتلفتي حولج شوفي

شلون ربي يرفع المظلوم ويحرررررررق الظالم

:eh_s(8): :eh_s(8): :eh_s(8):

قومي قبل اذان الفجر بعشر دقايق

واشتكي الى الله بكل طاقتج

كأنج تتكلمين بقصتج لأول مره

واطلبي من الله ان يصلح حالج ويفرج عنج

(( واعي لي ))

 

[عهود الحب]

رد: إذا أنتي مطلقه شاركينى؟

ام السنع والله مرتاحة نفسيا حيل

من طلع من حياتي وانا مرتاحة


انا من اول ماكنت مرتاحة بحياتي معاه ولما انفصلنا ارتحت


وانا ماابي شي من العدالة

كل الي ابيه بس طلاقي لااكثر


ابي اكون موزوجته


من حق الزوجة اذا كرهت تتطلق ولا لا ؟

 

[روزالكويت]

رد: إذا أنتي مطلقه شاركينى؟

الله يفرجها عليج
وينصرج عليه وياخذ لج حقج
صدقت ام السنع الرزق عند اللي ماتنام عينه
بعد تزوج عليج
الله يكون بعونج
مالومج تكرهينه
ماحفظ العشره قليل الخاتمه
الله يعوضج بعيالج يارب

 

[eng_bdliat]

رد: إذا أنتي مطلقه شاركينى؟

واي بنات كل ماقرا قصه وحده فيكم قلبي يعورني واتقطع وانقهر الله يعوضكم ويصبركم وينصفكم قولو امين
انا ودي اكتب قصتي بس طواله لاني احب افصل وايد :eh_s(20):
مع اني ماصارلي 3 اشهر
وترا انا بعد ليلحين ماتطلقت بس جذي امعلقه:eh_s(11): صارلي شهرين

 

[طم طم]

رد: إذا أنتي مطلقه شاركينى؟

الله يعوضكم خير يا رب

 

[بــ زايد ــنت]

رد: إذا أنتي مطلقه شاركينى؟

الله يكون بعونا جميع

انا ربيعتي بعد نفس الشي عايفه ريلها ولا تباه بس اهي ما تبا تتطلق عشان ما ياخذ العيال عنها مع ان اخوها يقول بطلقج والعيال عندج بس اهي مو مقتنعه
لانها لو قالت لابوها انها تبا تطلق واخذ بالاسباب بشيل عيالها ويعطيهم لابوهم ويقولها ما عندج عيال واهي مالها غير عيالها مسكينه

الحمدالله على كل حال

 

[عهود الحب]

رد: إذا أنتي مطلقه شاركينى؟

الله يعين الجميع


انا شاكرة للي قالوا كلام حلو بصراحة لي


المشكلة مو بالطلاق المشكلة بتبعاته


انا صج مومتطلقة رسميا منه يعني لازلت على ذمته


لكن اعاني يوميا ً


هنديه او سايق مااقدر اكفل


معاملات لعيالي ماقدر رغم انه الحظانة كسبتها وهم بحظانتي

 

[عهود الحب]

رد: إذا أنتي مطلقه شاركينى؟

بنت زايد



ياحلاتكم يااهل الامارات الله يعلم كم احبكم



والله اموت فيكم


<< خلاص درينا ههههههههههه


بنت زايد ربيعتج اذا اهلها مايساعدونها الله يعينها


اكبر مصيبة اذا الاهل معارظينج