إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[الغاليه نونو]

رد: إذا أنتي مطلقه شاركينى؟

الغاليه نونو شوفي لج محامي شاطر ورحنة ربج تمشي على الكل وشدي حيلج بالصلاة وقيام الليل والاستغفار صدقيني راح تلاقين الحلول تهل عليج بطرقه مو طبيعيه ووصدقيني أنا مجربتها محد حلها الا غير سبحانه يسخر لج عباده الصالحين وتنفرج شوي شوي بس انتي قوي صلتج مع الله وربج يسهل لج كل شي والله يا نونو عورتي قلبي بس اللي انتي قاعدة تسوينه غلط اذا يبي يشوف عياله ياخذهم يوم ويطلعهم واذا محتاجينه يكون موجود لهم بس مو تروحين تعيشين عنده يا أختي الغالية هالشي غلط وانتي حاولي تبدين الأمور خطوة بخطوة والله المستعان صدقيني من يتق الله يجعل له الله مخرجا من حيث لا يحتسب ( لايحتسب :يعني عمرج ما راح تتخيلين انه الحل يوصلج بهالسهوله وهذا من فضل الله سبحانه )


أسأل الله انه فرج عنج يالغاليه ويرزقج ويحنن قلب أهلج عليج ويفتحها عليج من أوسع أبوابه ويعوضج خير ياكريم برحمتك يا أرحم الراحمين

مشكوره ياقلبي والله كلامج صح كله بس اللي شقول ماباليد حيله ادعولي الله يسهل امري وانشالله قريب ابشركم اني طلعت منه وسكنت ابروحي قولوا آميييييييييييييييييييييييييييييييييييييييييييييييييييييييييييييييييييين

 

[أميرة الورد]

رد: إذا أنتي مطلقه شاركينى؟

ان شاء الله يالغاليه نونو نسمع اخبار حلوة عنج يااااارب

 

[غلطة حياتي]

رد: إذا أنتي مطلقه شاركينى؟

وااااااااااااااااااااااااااااي عورتو قلبي بنات اشدعوه ريلي زين بس مستحملته رغم انه حرام القعده معاي تدرون ليش (قليل الأدب يقل كلام كبير حتى جدام عياله (عفوا على هالكلمه يعني كلام شوارع - مو مثقف وسكان امه - وهتلي 0 مغازلجي وطق وصار لي عاهه مستديمه بفخذي منه ) وصارلي معاه 6 سنين تدرون ليش لأني كل ما تزاعلت معاه ورحت بيت اهلي اتخانق مع امي وابوي واردله ما ادري شفيهم الأهل صايرين نجريين وما يستحملون اليهال والله حاليا قاعده أهدده يا انه يتعدل ولا الطلاق والله كريم ساعات افكر الوحده صعبه وساعات اقول حرام اليهال يشوفون ابوهم ماعنده اخلاق ولا يعرف يربي ولا حتي يصلي والعياذ بالله بس احسن شي فيه ما يشرب يمكن من وراي والله اعلم بس ما اقول الا ياقردي وياقردي وهم ياقردي0

 

[أغلى حبيبه]

رد: إذا أنتي مطلقه شاركينى؟

الله يعينج اختي على بلواج

وادعيله بصلاتج وان شاءالله الله يهديه

 

[الغاليه نونو]

رد: إذا أنتي مطلقه شاركينى؟

الله يهديه لج ويصلحه يارب ادعي له بالهدايه وانصحيه يصلي واذا ماصلي تطلقي منه ...روحي سألي شالفرق بين المسلم والكافر وسألي الريال اذا مايصلي يجوز الطلاق منه والالاء؟

انتي عقلج براسج وتعرفين خلاصج علي قولتهم وادعي له وصبري بعد شتسوين

 

[الغاليه نونو]

رد: إذا أنتي مطلقه شاركينى؟

الله يهديه لج ويصلحه يارب ادعي له بالهدايه وانصحيه يصلي واذا ماصلي تطلقي منه ...روحي سألي شالفرق بين المسلم والكافر وسألي الريال اذا مايصلي يجوز الطلاق منه والالاء؟

انتي عقلج براسج وتعرفين خلاصج علي قولتهم وادعي له وصبري بعد شتسوين

 

[نظـــرات حـــائرة]

رد: إذا أنتي مطلقه شاركينى؟

طاحت عيوني ع الكيبورد وانا اقرأ لوووووووووووول


3 ساعات وانا اقرا الموضوع << عفيه عليج ما تتعبين ..



بس جد بنات تجاربكم حيل تعور القلب ..

الله يرفع عنكم في القريب العاجل يارب .. ولا يبلانا ..


قصص تشيب الراس


الله يعينكم .. ويوفقكم.. وييسر لكم أموركم يااااااااااارب​

 

[حلاوه^ حلوه]

رد: إذا أنتي مطلقه شاركينى؟

كم دام زواجك؟
6 سنين عذاب وذل
هل تظنين أنك غلطتي وأنك سبب الطلاق؟
غلطت اي بزواجي منه لكن سبب الطلاق لا
حاسه بالظلم ؟
اي حيييييييييييييييييل
شنو أكثر شي مضايقك بعد الطلاق؟
اني صرت بروحي
تشتاقين له وتتمنين تردين له ؟
لاااااا فرقاه 3 الاعياد عندي
شنو أكثر شي ندمتي عليه وعطي نصيحتج لنا؟
اني تزوجت وانا ياهل وانصح البنات يتزوجون بسن منااسب وعن كامل اقتناع
وأترك لك المجال تختارين السؤال الي في بالك وتجاوبين عليه بصوت عالي ؟
ماعندي سؤال بس باقولكم قصتي
انا تزوجت وانا عمري 18 كنت ياهل وصغيره وتوني مخلصه ثانويه وامي زوجتني اول واحد خطبني عشان تفتك مني وترد السعوديه عند اهلها (امي سعوديه وابوي كويتي بس متوفي) وانا كنت اخر العنقود المهم زواجي اوله عسل وشهد وسكر وكل شي حلو خلال اول شهرين وعقب الشهرين بدا الهم انا كنت ساكنه بشقه فوق بيت اهله وامه واخته العانس طلعوا عيني خدامه مااعندي مع العلم اني ماكنت اعرف اطبخ وتعلمت وصرت خدامه لامه واخته لا بغت تروح زواره دقت علي مو عشان تقول تعالي ويانا لا عشان توصيني شااطبخ حلا تاخذه وياها هذا غير قط الكلام والنغزاات وماعندي احد اشكيله اخواني الشباب متزوجين وان رحتلهم زعلانه طحت بلسان حريمهم وامي مو عندي واختي الوحيده مع ريلها بامريكا هذا غير الطق والاهانات اللي احصلها من الريل والجامعه اللي يوم اداوم و10 لا يناحسني فيهم مقضي حياته سفرات ولعب وسهر ومغازل وانا شنو انا مالي قيمه عنده واللي صبرن على الذل ولدي اللي كل مره اقول عشانه باتحمل بس ليمتا حتى سيارتي باعها ولهف فلوسها وقال ماكو حريم يسوقون ونقال ماعندي حاكرني مليت وضقت وكرهت عيشتي واخر سنه شب علي الا اعطيه ورثي من ابوي الله يرحمه لكن رفضت حسيت ان هذا هو الشي اللي بينفعني بحياتي ولاعت جبدي وتركته واخذت ولدي طبعا وكاني الحين عند امي صار لي 7 شهور تقريبا ومرتاحه الحمدلله ومتفرغه لولدي وافكر اكمل ماستر:eh_s(6): ادعوا لي يا بناات صج توني احس بالدنيا

 

[بدور 1]

رد: إذا أنتي مطلقه شاركينى؟

ما شاء الله عليك ياحلاوة حلوة

الله يعينك ويهنيك بحياتك

ويعوضك خير من زوجك اللي ينسيك حتى إسمك <<قوية:eh_s(9):


ودمتـ بخـــير أخيتي :::eh_s(15):

​

 

[island]

رد: إذا أنتي مطلقه شاركينى؟

كم دام زواجك؟
7 سنين

هل تظنين أنك غلطتي وأنك سبب الطلاق؟
انا طلبت الطلاق وكان خلع ساعات اندم لما احس المتزوجات يطلعون مع ازواجهم ويروحون ويردون بس لما اذكر شخصيته اقول اصلا كان شي مقدر اني اكيد بطلق منه
حاسه بالظلم ؟
حاسه بالقهر حاسه اني وايد ظلمت عمري لما تزوجت هالانسان حاسه انه حياتي كلها ادمرت عقب ماقررت اتزوجه وعليه انا الحين مطلقه مع طفلين في بيت ابوي مقهوره منه ومن اهله

شنو أكثر شي مضايقك بعد الطلاق؟
مع كل سيئاته وسمعته وسيئات اهله كنت عايشه كحرمه الها قدر اروح وارجع واطلع وعندي حياه وكنت اطلع وايد لاني اكره البيت اللي هو فيه بس من رجعت بيت ابويه خلاص رديت طفله اخوي يقولي شو اسوي وشو مااسوي لاتطلعين المكان الفلاني ولا تلبسين الشي العلاني ،،، ابويه وامي واخواني كلهم ماابحصل احسن منهم محد وقف ويايه غيرهم بس هم مالهم شور في البيت عندنا الشور شور اخويه (اللي اصغر مني) يت فتره عليه كرهت اليوم اللي انولدت فيه لا من عرس تهنيت ولا رجعت بيت ابويه ارتحت دمر شخصيتي الحين كله عندي اكتئاب مع انه الحين معاملته احسن بوايد بس بعد شو خلاص دمر نفسيتي وشخصيتي ماانساله هاللي سواه فيني من غير سبب والله الا انه يبا يفرض شخصيته ،،، كان صغير لما تزوجت ولما رجت بيت ابويه كان هو الكل في الكل فاستانس انه شاف حد يكرهه حياته

تشتاقين له وتتمنين تردين له ؟
لا والله اشتاق حق ويه شارون اكثر مما اشتاق حق ويهه بس ساعات اتمنى ارجع عشان اعيش حياتي بس انا عارفه انه لو رديتله مابرد عشان فيه له في قلبي اي ذرة احترام او حب وركزي على الاحترام تراه الاحترام في صوب والاخ في الصوب الثاني

شنو أكثر شي ندمتي عليه وعطي نصيحتج لنا؟
ندمت على اشياء وايد اولها اني استعيلت على العرس بس اهلي كانوا رافضينه لشخصه بس انا صممت رغم اني مااعرفه بس صممت عشان اني اريد اعرس لانهم رفضوا 2 قبله فقلت انهم شكلهم بيخلوني اعنس فصممت على الشخص الغلط رغم انه سمعته مش ولا بد ولا هو من مستوى عايلتنا (وهذا شي مهم ماحطيته في بالي ) غير جذيه وهذا اهم شي هو اكثر شي ندمت عليه انه لما كان يكذب وينصب على الناس (باسمي يروح ينصب على اهل ابوي يقولهم من طرف فلانه تبا المبلغ الفلاني و لو تقدرون تعطونها طبعا هم مايقصرون معاه بعشرات الالاف يعطونه هذا اكتشفته عقب مااطلقت) ويروح حق عياله عمه يشتكيلهم اني اصرف وايد ويبا سلف خمسين الف حقي شوفي فكرتهم عني رغم اني والله ولا يصرف علي ولا حتى اثثلي غرفه عقب اول اسبوع (كان اسبوع عسل واحد انا دفعت عن السكن) في عرسي خذ مني طقم ذهب (يقول حق عرس ربيعه ماعنده بيزات تخيلي اظن راح يبيعه) حتى والله حتى الفندق اول اسبوع في دبي خلاني ادفع حق الفندق اونه ماعنده فلوس عقب مااشتغلت انا اللي قمت اصرف عليه وفوق جذيه الجذب والله انه مسيلمه الكذاب تلميذ خايب عنده يحلف براس عياله ويحلف براسي ويعل مايطلع على عياله الصبح اذا هو كذاب وفي الاخير في نفس اليوم اكتشف انه كذاب عاااااااادي هالمسائل انقهرت واحاول اصلح فيه والغلط الاكبر اللي ماعرفته انه انسان هالكبر مايتصلح تخيلوا اخوه اشترى سياره وانا كنت في بيت بروحي منتقله من كم شهر يايب السياره خلاها عندنا كم يوم على اساس انها سيارته وعقب قالي اخوي بياخذها كم يوم بس عقب كم شهر اقوله معقوله اخوك ليش لين اليوم مارد السياره قال مادريبه قليل الادب ماخذ سيارتي ولا يابها لين اليوم امس انا هزأته (شوفوا كيف يضبط الكذب) جان تبين بتصل فيه الحين اهزأه اخليه اييبها وانا ياحليلي مااريد اسوي مشاكل اقوله لا مافي داعي وعقب مااطلقت بعد هالسالفه بكم شهر الا اكتشفت انه السياره اصلا سيارة اخوه؟ سكت مب بس عنه عن اهله ال low class من الخاااااااااطر واطييييين بس داخله بحسن نيه والله الشاهد عليه اسمع منهم كلام يسم البدن يطلعون عقدهم عليه بيت وصخ وناس وصخين مستوى واطي
(والله مااقول جذيه عشان اني اطلقت منهم بس لانه هذي الحقيقه اللي الكل انصدم اني ماخذه منهم) المهم وعشان هالفرق في المستوى كل يوم والثاني قهر نفسي يسوولي عشان يرتاحون نفسيا وتبرد عقدهم حسبي الله عليهم

انا لو بكمل مابخلص اسمحولي على الاطاله

 

[نوارة الكويت]

رد: إذا أنتي مطلقه شاركينى؟

حلاوة حلوة الله يوفقج انشاءالله وتاخذين الماستر
واقول حق باجي البنات الله يعوضكم خير انشاءالله

 

[OmZizo]

رد: إذا أنتي مطلقه شاركينى؟

اسمحولي بنات...كلكم تقولون استعجلتوا بالزواج....ترى مو شرط زواج صغير بالسن يكون فاشل....بس اكل متفق ان اخلاق الرجل مو زينة....الواحد ما يستعجل الزواج ..ويلا تخاف من العنوسة...ولا بعضهم يصرون على رجل وأهم ما يعرفونة!!

الحياة مش بعزقه!!

 

[OmZizo]

رد: إذا أنتي مطلقه شاركينى؟

اسمحولي بنات...كلكم تقولون استعجلتوا بالزواج....ترى مو شرط زواج صغير بالسن يكون فاشل....بس اكل متفق ان اخلاق الرجل مو زينة....الواحد ما يستعجل الزواج ..ويلا تخاف من العنوسة...ولا بعضهم يصرون على رجل وهم ما يعرفونة!!

الحياة مش بعزقه!!

 

[[]نهاوند[]]

رد: إذا أنتي مطلقه شاركينى؟

الله يعينكم ويعوضكم بالخير
انا بصراحة تعقدت من الزواج
من البلاوي والقصص اللي كل يوم اسمعها​

 

[بنت الاجاويد @@@]

رد: إذا أنتي مطلقه شاركينى؟

لو سمحتوا بغيت اسأل سؤال ....؟
اذا المطلقه ردت حق طليقها شيصير للحضانه تضل معاها والا تسقط ؟
ولاسمح الله تطلقت منه مره ثانيه يصير تاخذ نفقه للعيال مثل اول مره والا شنو ؟؟؟فهموني بارك الله فيكم ....

 

[عهود الحب]

رد: إذا أنتي مطلقه شاركينى؟

بنت الاجاويد

اي شي تتنازلين عنه واهو يكون له حكم عندج

يسقط حقج فيه بعدين


فلا تتنازلين عن شي حتى لو رديتي لطليقج

وحتى لو حط لج الشمس بيد والقمر بيده الثانية

لانه يمكن يكون بس يبيج تتنازلين وعقب يخون فيج ويطلقج مرة ثانية

انصحج قبل ترجعين لطليقج تستشيرين محاميج عشان تعرفين حقوقج القانونية

دربالج تغلطين اختي وتتنازلين عن اي شيييييييي

واجد رياجيل ردوا حريمهم وعقب ماتنازلوا داسوا ببطونهم وردوا طلقوهم


درباااااااااااااااااااااااااااااالج خيتي

 

[عهود الحب]

رد: إذا أنتي مطلقه شاركينى؟

تعبت وانا اقرا القصص

الحمدلله على كل حال


ترى الدنيا ماتاقف على رجال


خاصة رياجيل هالوقت يابنات


لاتتندمون


وحطوا ببالكم اكثر العالم جذي



كل عشر زيجات بالكويت ستة منها تنتهي بالفشل


للاسف طبعا


بس لمن تشوفين انه الشي هذا عليج وعلى غيرج


ماتحسون بالندم انكم ارتحتم بالطلاق



انا اتمنى الطلاق ولا حاصلي

 

[أسيرة قلبه]

رد: إذا أنتي مطلقه شاركينى؟

الله يهدي سركم انشاء الله و ينولكم اللي في بالكم

 

[nadoshka]

رد: إذا أنتي مطلقه شاركينى؟

dear ladies.. my computer has english only so i will write in wnglish and you can answer me in arabic. my husband has left the house for 15 days so far and i donno wat to do! we had a big fight over money since he doesn't like to pay much and leaves almost everything on me!! need your help and advice

 

[nadoshka]

رد: إذا أنتي مطلقه شاركينى؟

he is also a ladies' man...he had many relations outside the marriage and i have caught him each time he did so!