إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[عهود الحب]

رد: إذا أنتي مطلقه شاركينى؟

اختي ورد وردي

انا عندي ناس اشتكي لهم

اهمه خواتي وامي

بس للاسف محد موافقني على تصرفاتي هههههههههههه


كلهم يقولون من خمالج دلعتي الرجال لين انقلب عليج


بصراحة معاهم حق انا الي خربته انه كل ماقال ماعندي فلوس ركضت اشتري بداله واترس البيت من كل شي


والفلوس فعلا حسيت بالقهر انه طول عمره يوهمني انه ماعنده فلوس يدفع وبالاخر يطلع متكي على بنوك وبيتزوج لا والي بياخذها مطلقة ومع ذلك مكرمها بالمهر اخر كرم


يعني كأنه ماخذ له بنت بنوت


مااحسد انا بس هم انا لي حقوووووووووووووق


وهو حيل قصرررررر معاي ومع عياله



انا ماقمت احسب له بحياتي اي حساب


وعيالي موحاسين بفقدانه لانه من اول مايعطي وقت لبيته وعياله


يدش بالليل ويطلع العصاري ياانوم ياديوانية يادوام


يااااااربعه يامسااااااااافر


كلش ماتلاقين له صوت بالبيت


عودني عالوحدة والاعتماد عالنفس حيل



انا قلت اخاف يكرهني ويغثني بحياتي مومعناته خاطري فيه للحين


مستحيل المرة تسامح رجلها لوبعد مليون سنة


الشريجة تكسر الراس وتحسسج بالاهانه


وانا ماسامحه لو يشكني ذهب من راسي لي رجليني


صعب انسى شلون كان يخطط وكله ساكت وبس يفكر شلون يتزوج علي ومثل ماقلت لكم


بوقت صعب علي حيييييييييل


مانطر لين اولد خاصة اني موصلة



مااحترم احساسي ومشاعري واخر شي يقولي انا ودي امتص غضبج


ياعلك لمصاص الدماء الي يمص دمك انت واياها


الله لايسامحه لادنيا ولااخره

وانا جذي مرتاحة حييييييييييل


بس انتي ادعي لي انه الله يصبرني ويشرح لي صدري حيل


لانه كله متضايقه من المستقبل وشماته الاعداء والحموات والله

 

[ورد وردي]

رد: إذا أنتي مطلقه شاركينى؟

يارب الله يصبرج ودايما قولي اللهم اني اعوذ بك من شماتة الاعداء ووالله ادري بحرة الشريجة ادعي ان ربي يشلع حراتهم من قلبج ربي مقلب القللوب والله العظيم والله العظيم ان الدعاء يصنع المعجزات انا ماقدر اقول قصة امي لكن اقولج اني لما ربي قدرني والهمني اني ادعي لها وبحركة شفت المعجزات بعيوني فهذا السلاح لا تخلينة وقومي الحين امانة ادعي اول شي ان ربي يعطيج الخشوع بالدعاء واليقين بالاجابة والبكاء راح تحسين كأن ربي حولج سبحانة قررررررررررررررررررررررررريب منج وتتكلمين بدعائج وانتي حاسة انج بين يدي الرحمن وادعي كل شي خير فلله مايعجزه شي ادعي ان زوجج تييله هدااااااااااااية من الرب وان ينحط حبج بقلبة وان تتصلح اوضاعج حتى لو تفكرين اشلون هو تزوج وخلص.؟ ربي يعلم شلون انتي قولي يارب منك الحل وانا ماعرفة
وانا واثقة انج بتكتبين البشارة لنا والشي الي بيسعدج
والله يوفقج

 

[ورد وردي]

رد: إذا أنتي مطلقه شاركينى؟

بس بذكرت لا تستعجلين وتقولين دعوت ولم يستجاب لي لان الله سبحانة يحب يسمع صوت عبده خلج عالدعاء ولاتشيلين هم الاجابة لان ربي كريم لكن ادعي وتوكلي على الله لا تمللين

 

[عهود الحب]

رد: إذا أنتي مطلقه شاركينى؟

الله كريم ياورد


انا امي بعد الله انتقم لها من شريجتها


بس بعد شنو


للحين ماسامحت ابوي


الله يسمع منج ويهدي سري


بس الرجال مايبيني شلون يعني اقط فيسي عليه واتمنى انه يرجع لبيته وعياله


احس باعنا برخيص


عشان وناسته


الله يعيني بس على همووووووووومي



اللحين بروح اصلي وادعي ربي



ماقصرتي جزاج الله الف خير

 

[ورد وردي]

رد: إذا أنتي مطلقه شاركينى؟

ما عليج باعج ووالا ما باعج ابد من قال قطي نفسج عليه منتي رخيصة
وكلي امرج لربج ومثل ماقلت لج بالدعاء ربي راح يحل مشكلتج بطريقة ماطرت على بالج لان سبحانة هو مدبر الامور وهو القادر احنا مانملك لنفسنا لانفع ولا ضر
يلله حبيبتي زين انج بتصلين وبتدعين ربج

 

[ورد وردي]

رد: إذا أنتي مطلقه شاركينى؟

قولي رب اجرني في مصيبتي واخلف لي خيرا منها .. اقرب مما احتسب
هذا اشكثر ناس مجربينة والله وبفضل ربي انا مريت بموضوع ولما قلتة سبحان الله

ووحدة قالت لي عنه قصة ان وحدة اعتقد والله ام سلمة مومتأكدة لما توفة زوجها وحزنت عليه حزن شديد فعلمها الرسول صلى الله عليه وسلم هالدعاء وبعدها فعلا ربي خلف لها الخير لانها خذت بعد وفات زوجها سيد البشرية محمد عليه افضل الصلاة والسلام

 

[ريماا]

رد: إذا أنتي مطلقه شاركينى؟

مرحبا عهود الحب
اللة يأجرج بمصيبتج ويعوضج
كلمة وبقولها لج ولكل زوجة
الزوج وظيفة انة يصرف ويوفر كل شى محتاجتة الاسرة وكون انة المراة تلعب هالدور هذى اول غلطة وبدايتة المشاكل الزوجية الانة الزوج اول شى ابيتعود انة المرأة تاخذ دورة وبعدها ابيعتمد عليها بكل شى وبعدها بيحس انهم مو محتاجينة وبالتالى بينتهى دورة ويستغنى بكل بساطة عن بيتة لانهم مو بحاجة لة هذا من وجهة نظرة
نصيحتى لج اختى اقرى كتب عن تنمية الذات
ولاتفكرين حاليا بستعادة زوجج كثر ماتفكرين بنفسج سوى كل اللى نفسج تسوينة والحمداللة انج موظفة الوظيفة حيل تشغل الوقت وتحسسج بقيمتج
وانا اشوف انة الزوج موكل شى
الزوج مهمتة بس انة يسعد المراة واذا كان نقمة عليها تحاول تغيرة بطريقتها وبكيدها بس مو بطريقة تخليها تفقد كرامتها عشانة
مافى شى يستاهل انة نترك حقنا عشانة لازوج ولاغيرة
ونصيحتى لج فكرى دايما بنفسج وحبى نفسج كثر ماتقدرين عيشى يومج وونسى عمرج
وكونى قوية فى مواجهة مشاكلج خصوصا الزوجية
الزوج اذا شاف مرتة ضعيفة استقوى عليها واذا شافها قوية احترمها وخاف منها هذى وجهة نظرى
واللة يوقفج

 

[LaSt WoMeN]

رد: إذا أنتي مطلقه شاركينى؟

ريما ...... صح لساانج بكل كلمة قلتيها ...

بس عندي ملاحظة .. ان المرة دامها على ذمة ريلها لازم ترضيه و تقوم بواجبه و هذا بالشرع مو علشانه علشان اذا الله حاسبها إلا اهي موفية شغلها و قايمة بواجبها

 

[ريماا]

رد: إذا أنتي مطلقه شاركينى؟

وانا معاج بالنقطة افلانة فعلا المراة لازم ماتقصر بكل واجباتها اتجاة اعيالها وبيتها
وفى شغلة مهمة وايد وعن تجربة اقولها لكل زوجة الستلايت والتفتح الزايد خلا الريال يصير فكرة كلة بالتغير والتجديد بالعلاقات الجنسية
فيبى المراة تسوى كل شى بخاطرة او شايفة او مجرد حركة سامع عنها من غير مايتكلم
واللبيب بالاشارة يفهموا
انصح كل متزوجة اذا بدت العلاقة مع زوجها تفصخ ثوب الحيا والخجل وتكون جريئة وتشبعة من هالناحية
وعلى فكرة كتب فوزية دريع عجيبة وتوعى وعن تجربة

 

[خوخة وسطية]

رد: إذا أنتي مطلقه شاركينى؟

اختي بدر بدور:
انا اظن عندي راي يمكن ما يرضيه او ما يعجبج بس ضروري للبناتنا اللي مثلج واللي نحبهم ونقدرهم :
اولا : من خطأ السكوت عن المشكلة .
ثانيا : احنا البنات من طبيعتنا ان نحب نسمع ونشوف ونرتاح يما نثق في ازواجنا .
ثالثا : حياة الزوجية مسؤولية ومسؤولية متعبه تحتاج الى الصبر منا كلنا منا ومن الرياييل الله يهديهم .
رابعا : ما يمكن اتحمل واحد واصبر عليه عشان انا اتعب وهو يرتاح .. غلط والله غلط حرام اهم يرتاحون واحنا نتعب ونتحسر ونفكر فيهم وبس .
خامسا : المسؤولية على الجميع يتحملها كل واحد من طرفين بين اهلج واهله وانتي والريال .
سادسا : ما يمكن تضحين على شانه في كل شي .
سابعا : في لغة الحوار كان يجب يصير بينكم .. ويكون في طرف ثالث تثقين فيه ويثق فيه .
ثامنا : بداية الميل بيدأ بخطوة .. المصارحة والمكاشفه بين بعض في امور الزوجية والعائلية .
تاسعا : لكل شي حل واجابة بس يحتاج منا الصبر والمساعدة بين الطرفين

في وايد امور بس شكلي تعبت من الكتابة والله يوفقج يا رب ويعينج واحنا معاج في المنتدى نعينج ونعاونج

 

[صرخة ألم]

رد: رد : إذا أنتي مطلقه شاركينى؟

انا زواجي دام ايام بسسسسسسسسسسسسس لاني عرفت ان راعي شرب وسوالف حريم من اول كم يوم ورحت طرشت ناس يسئلون ويتأكدون من هالكلام وطلعت بلاوييييييييي لها اول وما لها اخر واصلا خفت على نفسي وكشيت من قلب وطلبت الطلاق وساحلته واشوي اشوي عليه خايفة يعاد ويعلقني معاه وبعد 10 ايام وصلتني الورقة الله لا يوريكم مع اني انا اللي طالبة الطلاق وانا عارفة ان معاي حق بس بكيت بكي الله يعلم فيه اولا انا لما ملجت كنت كبيرة اشوي واهلي طاروا فيني لما تزوجت وصار كل شيء بسرعة يبون يفرحون فيني لاني اخر وحدة تميت بدون زواج ووووو صار اللي صار ... عقبها تعالوا شوفوا الناس اللي تبارك لي وتهنيني بزواجي طبعا ماقلت لاحد وبنات الدوام كل اشوي يسئلوني شخبار العرس والمعرس وشنو شريتي وشنو سويتي لاعت جبدي منهم وكانت اعصابي وحالتي ونفسيتي تحت الصفر بكل درجااااته وبعد فترة حسوا فيني بس انا سكت طبعا يبين على الوحدة لما تكون عروس اشلون تتكشخ وانا ما تغير فيني شيء اصلا ... بعد فترة من لما الناس بدت تتكلم فيني اعصابي انهارت وصرت حييييل عصبية خصوصا بالدوام لما سمعت كلام بان انا ماني زينة وان هو اللي طلب الطلاق طبعا انتوا تعرفون شنو معناته هالكلام كرهتهم وكرهت كل شي ولحد الحين كل اشوي اتناجر معاهم على كل شيء طبعا مو في مو ضوع الطلاق لا لاني ماراح اقدر اثبت الكلام ولا عندي دليل سكت غصب عني سكت وحطيتها بقلبي والحين اي وحدة تتعين ولا موظفة جديدة تزورهم ولا اي احد يدخل علينا تكلموا فيني حسبي الله عليهم حسبن يكفيهم ... والله من حر قلبي دعيت عليهم ولي الحين ادعي اصلا مو قادرة اسامحهم لو شنو يصير وقفوا حالي كم واحد تقدم لي ولما يروح الدوام يسأل علي يسمع هالكلام ولا يرجع كم واحد معاي بالدوام تحرش فيني بسبب هالكلام ولا بعد حتي الغرب يتحرشون فيني بعد ما سمعوا اني تطلقت حسباهم انه دخل علي ما يدرون اني لي الحين بنت واصلا زواجي كان على ورق ولما ابوي ياب لي ورقة الطلاق كان مكتوب فيها فسخ عقد الزواج لان ما مر غير كم يوم وانفصلنا ولا صار خلوة ولا شيء بس حسبي الله على هالناس اللي ما تخلي احد طبعا حتي اللي اعرفهم وكل اللي اعرفهم متزوجات عقب هالسالفة ما قاموا يسألون عني علبالهم باخذ رياييلهم منهم ... شقول ولا شقول حسبي الله ونعم الوكيل

أختي الفاضله صراحه لاتزعلين أول شي أنتي تزوجتي وعمرج كبير

وهذا بحد ذاته عندنا موضوع عليه ملاحظات

ثانيا منوا الناس الي دازتهم يسألون وين أهلج قبل لاتتزوجين ماسألو

عنه وحتى يوم عرفتي مو يمكن يكون ماضي وراح ينتهي ليش منبشه

صراااحه أنتي غلطانه واايد واايد ومثل ماقالت وحده من الخوات لو رايحه

بيت أهلج أو على الأقل لوناطره تشوفين بعيونج أويحصل موقف جان

أهون وآنا أعتقد بصراحه ولاتزعلين أنج شوي مغروه ومتكبره مارضيتي

بالنصيب ولاراعيتي أن ياج متأخر

والله يعوضج بالي أحسن منه ولاتزعلين على صراحتي هذا واقع

 

[أم السنع]

رد: إذا أنتي مطلقه شاركينى؟

اسمحي لي اخت صرخه

انتي جداااااااااااااااااااا قاسية

ترى الناس مو مثل بعض

وكل اسرة لها ظروفها

والله اعلم ليش ( بدرووووووه) ارسلت ناس يسألون عنه ويتأكدون

عن الحجي اللي في النهايه طلع صح

وزين سويتي يا بدروووووووه احسن شي اللي تاخذ انسان سئ تنفصل من البداية مو عقب ما يدخل عليها

ولا تحمل ولا تعود عليه وتحبه

بعدين تصير مصيبتها صعبه

ومن قال ان البنت اذا تزوجت كبيرة لازم تنجعم وترضى بأي شي

ليش ( أي شي) ؟؟؟؟

يعني تصبر على البلاوي والحرات لما يجيها ضغط وسكر وتالي جلطة

؟؟؟؟؟؟؟؟؟؟؟؟

وبعدين ؟؟؟؟؟؟؟؟محد راح ينفعها

لا عيوني احسن شي البنت من البداية اذا شافت و عرفت استحالت العشرة

تنفصل 0 عيل ليش الله شرع الطلاق ؟؟ عشان اذا استحالت العشرة

الحمدلله على نعمةالإسلام - اجنا مو مسيحييين نحرم الطلاق

ولا نشجع عليه لأسباب تافهه

يا جماعه

((( من كان يؤمن بالله واليوم الآخر فليقل خيرا او ليصمت))

 

[LaSt WoMeN]

رد: إذا أنتي مطلقه شاركينى؟

و انا مع ام السنع .. بدووره تصرفت صح .. و انا ندمت انني ما تصرفت مثلها .. هالناس اللي يتحجون بأعراض الناس يا ويلهم من رب العالمين .. مو شوية قذف المحصنات الغافلات .. العياب عند الباب و بييهم يووم .. الله يمهل و لا يهمل .. و حسبنا الله و نعم الوكيل .. مو شي هين لما يشوهون سمعة بنية والله .. حسبج الله و نعم الوكيل فيهم يا بدووره .. قولي الدعاء اللي بتوقيعي و لا تخلينه .. و الله يعوضج بألف خير يا رب ..

 

[صرخة ألم]

رد: إذا أنتي مطلقه شاركينى؟

اسمحي لي اخت صرخه

انتي جداااااااااااااااااااا قاسية

ترى الناس مو مثل بعض

وكل اسرة لها ظروفها

والله اعلم ليش ( بدرووووووه) ارسلت ناس يسألون عنه ويتأكدون

عن الحجي اللي في النهايه طلع صح

وزين سويتي يا بدروووووووه احسن شي اللي تاخذ انسان سئ تنفصل من البداية مو عقب ما يدخل عليها

ولا تحمل ولا تعود عليه وتحبه

بعدين تصير مصيبتها صعبه

ومن قال ان البنت اذا تزوجت كبيرة لازم تنجعم وترضى بأي شي

ليش ( أي شي) ؟؟؟؟

يعني تصبر على البلاوي والحرات لما يجيها ضغط وسكر وتالي جلطة

؟؟؟؟؟؟؟؟؟؟؟؟

وبعدين ؟؟؟؟؟؟؟؟محد راح ينفعها

لا عيوني احسن شي البنت من البداية اذا شافت و عرفت استحالت العشرة

تنفصل 0 عيل ليش الله شرع الطلاق ؟؟ عشان اذا استحالت العشرة

الحمدلله على نعمةالإسلام - اجنا مو مسيحييين نحرم الطلاق

ولا نشجع عليه لأسباب تافهه

يا جماعه

((( من كان يؤمن بالله واليوم الآخر فليقل خيرا او ليصمت))

لاأختي آنا ماقسيت عليها ولا شي وكلامج أنتي غلط آنا أقول مويمكن يكون هذا ماضي والريال كان راح ينهي هالماضي وبعدين ليش ماواجهته وسمعت رايه مويمكن بعد يكون كلام صدقيني أختي أن قعدتها مع ريال خربوطه هم شوي أهون من الوحده
والعنوسه

وآنا آسفه بس ماأعرف أجامل

 

[أم السنع]

رد: إذا أنتي مطلقه شاركينى؟

اختي انت حرة وهي بعد حرة بحياتها

كل واحد يعيش الحياة اللي يبيها

اللي يبي الايمان والطهر والعفاف

واللي يبي غيره

 

[عهود الحب]

رد: إذا أنتي مطلقه شاركينى؟

العنوسة والوحدة بنظري ارحم من زوج فاسد




طبعا هذي مجرد وجهة نظر والله العالم

 

[بنت الاجاويد @@@]

رد: إذا أنتي مطلقه شاركينى؟

الله يهون على كل مسلمه يارب ....رجاجيل اخر زمن ...

 

[موضي بنت العز]

رد: إذا أنتي مطلقه شاركينى؟

الله يعوضج باللي احسن منه .. ويستاهلج ويصونج

 

[LaSt WoMeN]

رد: إذا أنتي مطلقه شاركينى؟

الكلام سهل و التطبيق و الواقع صعب و مر ..

العنوسة نار .. و الزواج من رجل سيء الأخلاق و لا يخاف ربه نااار أشد ..

و شفايدة الزواج اذا الريال عوي ؟ المرة شنو تبي من الزواج غير الاستقرار و الحب و الأمان .. اذا الزوج ما يوفر لج هالأمور الضرورية و اللي اهي من واجبه .. و فوق هذا يزعزع حياتج و يعفسها .. و يدمرج و يحطمج .. شتبين منه ؟؟؟؟
شنو الفايدة من الزواج ؟ في وحدة ترضى حق روحها المذلة ؟ عقب ما عاشت ابعز اهلها ؟ في وحدة ترضى حق عيالها ابو .. يدمر شخصياتهم .. و بدال ما يربيهم و يكبرهم و يقومهم .. يدمر اخلاقهم و يزرع بقلوبهم الحقد و الحسد ؟؟

اكيييد لأ ..

و بعدين ليش هالتشاؤم ؟ ماكو رياال غيره بالعالم ؟؟

الله الرزاق الكريم موجود .. و ما ينسى عبيده .. و يرزقها باللي احسن منه ان شاء الله

الله يوفقج يا بدوره .. الدنيا تمشي و اللي خلقه خلق احسن منه

 

[رقي]

رد: إذا أنتي مطلقه شاركينى؟

عسا الله يرزقكم ويستر عليكم
اللهم امين
خواتي كل شي بأجره وعسا الله ياجركم في مصيبتكم
والحمدلله علي كل حال