حبيبتيْ آسمعينيْ ،
لاتفكرينْ لآفي حُبْ ولآفيهْ ولآفي قلبجْ ولآمشآعْرجْ ،
قبلْ كِلْ شَيْ ، فَكريْ بربجْ .
اللهْ قَدّر هالشيْ عشآنهْ يحبج ، يبي يبعدجْ عن طريج الحرام
اللي مشيتي فيه واللي بتغرقين نفسجْ وَآهلجْ فيهْ.
كل شي يكتبه الله لجْ فيه خيرْ ـ من بَعْد قِدَر الله لاتخافين
من شي ولاتفكرين في شيْ ، الله الوحيد العالمْ فيجْ وبظروفجْ
وبنفسيتجْ وبكلْ نِفَس فيجْ ، . ومايقدر شي الا لانه فيه خيره لجْ
،
ادريْ، شي صعب انجْ تنسينه من بعد 4 سنينْ ، بس تاكدي ان هالشي
مبْ حُبْ ، هذا تعوّدْ ، انتي تعودتي يعيش معاجْ بكلْ لحظآتجْ وفجأة فقدتيهْ
وتآكديْ انْ اللي يسلكْ هالطريجْ مافيه خيرْ لنفسه عشان يكون فيه خيرلج انتي!
انتي كنتي بالنسبه له لعبةْ ، يتسلى فيها ووقت مامَلْ خلآها ورا ظهره وركض يدور
غيرها يقضي وقته فيها !!! والدليل ان اقل خلاف بينجْ وبينه هَدّج وراحْ ، لو هو شاريج
صدق جان مارضى يرمسجْ بالخش والدس من ورا اهلجْ ، لو هو يخاف عليج جان ياجْ
لآهلْجْ وخطبجْ منهم ! بعدْ هذا كله شوتتريينْ منه ؟ لاترخصين نفسج اكثر!
الله انقذج من هالمستنقع اللي مايي وراه الا المصايب والمشاكلْ ، لو فرضنا انجْ كملتي
علاقتجْ وتزوجتيْ، كيف بيامنجْ على بيته وعياله ونفسه وانتي نفسج خنتي ثقة اهلجْ فيجْ!!
كيف بتربين عياله وانتي نفسج مب قادرة تحكمين تصرفاتج ؟
الله قَدر هالشي عشانْ ماتوصلين لحدْ تتمنين فيه الموتْ ولاتسمعين الكلآمْ اللي يظهرونه
الناس عليجْ ، وَدآم ربج فتحْ لج الطريج ويسرلج اياه لاتجازينه بالجحودْ وتردين تركضين
للطريجْ اللي يبعدج عنه ويغضبهْ ، .
صدقيني كل اللي صارْ لمصلحتجْ ، لو جَدمتي رضا ربجْ قبل كل شي مابتفكرين في اللي كنتي
تحبينه لحظة وحدهْ، بتندمين على كل دقيقة ضيعتيها وانتي تحنين له ولايامهْ، !
اللي يسخطْ عليه ربجْ آي تَوفيقْ في حيآته بيلقى ؟ لآتخلين اللي تسوينه طريج لسخط ربج
وعقابهْ ، تعوذي من ابليييسْ وافرشي سيآدتجْ ، صلي ركعتين وادعي فيهم بكل اللي في قلبجْ
توبي لربجْ توبة نَصوحه وادعيه يفرج عليجْ ويعينجْ ان تنسينهْ وتبعدينه عن حيآتجْ ، ودآمجْ رجعتي
لربجْ وتوكلتي عليه لاتخافين من شي ، ربّجْ بيسر الامورْ وبيعينجْ ان شاء اللهْ =) ،
لآتمرين عند بيته ولاتضيعين وقتجْ وتشتتين تفكيرج اكثر
لاتعلقين حياتجْ على شخصْ مايستاهلجْ من البددآيهْ ، ابدي صفحة يديدة ، في وايد اشيا في هالحياةْ ماعشناها
لاتحصرين تفكيرجْ على شي واحدْ وتسودينْ حيآتجْ كلها بسبب هالشيْ ، ارجعي انتي اللي تعرفينها واللي يعرفونها كل
اللي حولجْ بنقاءها وبكل شي حلو فيها ، انسي ماضي كانْ بيوديجْ في دَهآليزْ مآمنها رجعةْ و. آحمدي ربجْ في كل وقتْ
انهْ طلعجْ وساعدجْ انج تنقذين نفسجْ من مستنقعاتْ الشبابْ القَذرةة ،.
انتي لانجْ نظيفةة حسيتي بتانيب الضميرْ، ولآن بذرتجْ بذرة خيرْ يتي
هني تدورين الحلْ ـ الله يبارك فيج =)
و.تذكري " من ترك شيئا لله عوضه الله خيرا منه "
رددي دآيماً : اللهمْ لآتجعل الدنيآ آكبر هَميْ ، ولآتعلق قلبي بماهو ليسَ لي -
،
الله ييسر امرج و يهديج ويصلحجْ ويعينجْ ويمسح على قلبج ويشغلجْ بطآعتهْ ويرزقج باللي يحميج ويسعدجْ
