ااااه

[الدنيا لحظه**]

يابعد قلبي الله يشيله من بالج يااار انا حاسه فييج وايد مرو علي نفسج يارب ايلج نصيب ينسيج اياه وتتاحين يالله ياكريم

 

[om-s3oodi]

سلامتج من الآه حبيبتي ..
كل وحدة فينّا أتمر بظروف صعبة
لازم نتقبل الوضع .. و نرضى بالأمر الواقع
أنتي لازم تساعدين روحج ..
و تبعدين أول شي عن سالفة أنج تجوفينه كل يوم
و بقولج على شغلة . . جان صج ناوية من كل قلبج تنسينه ..
إذا ياه لج الشيطان .. و زيّن لج أنج تدقين أو تروحين صوب بيتهم
عاهدي نفسج .. جان رحتي .. أتردين تصلين ركعتين .. عشان رب العالمين يساعدج و يشيله من قلبج
وجان رحتي مرة ثانية
سويهم 4 ركعات
و جان رحتي ثالثة .. سويهم 6 ركعات
وهكذا ..

سبحان الله .. مع الوقت الشيطان بيخليج تتثيقلين الصلاة .. و يمنعج عنه .. عشان لا تصلين بس .. تخيّلي ؟
وهالطريقة ذكرها د. خالد الجبير

و عسى ربي يستر عليج يارب .. و يرزقج بولد الحلال يارب ..

 

[روانتي 12]

• سـلآم علـيككم ؤ رحممـٌة ـآلله ؤ بركـكـآآته ..^^​

ؤآلله أنجج غلططـآنه يوؤم إنج ترؤحين تشششـؤفينه و ـآلغلط ـآلكبير يؤؤم فصختي ـآلخطبه ليشش تفصخينها .. يعني متوقعه لا فصختيها بيرجعلج ولا شسـآلفه ..؟

ياحبيبتي خـلآآصص هو تركج من سنتين و رـآآح ولا جـآء على بـآله يسسـٌأل و إنتي قالبه حيـآتج فوق تححت ليشش كل هالعذـآآب ..؟

ياحبيبتي خـلآآآص حـآآؤلي تنسسـينه .. وإذا مـآآككؤ فـآآيده .. مافي غير تدعين رب ـآلعـآلمين .. هذـآ آلحل ـالؤؤحيد
بس بصصصـرـآآحه ياليت كملتي خطبتج .. ـلآن ألي أنتي تحبينه ماككـآن يحبج من ققلـب و دليل ان تركج ولا فككر حتى يسـأل

وان دل دل على أنج كنتي لعبه بإيدينه .. لا تضيعين عممرج و حيـآتج على وـآحد ماكفوو أنج تحبينه او حتى تدمرين حيـآتج عششـآنه . .

تؤؤكلي على ـآلله و أقبلي إي أحد يخطبج يمكن يعووضج عن ألي رـآآح .. (( من تركك شي عوضه ـآلله خيرـآ منه )) ..

أتركي إلي حبيته لؤؤجه ـآلله .. و صدقيني ربج بيعووضج بأللي ـأحسسـٌن منه . . وعسسـٌى ـآلله يؤؤفقج ي آآرب . . *

 

[Shooggaa]

الله يعينج وحاولي تشغلين تفكيرج ووقتج

 

[om.googi]

البعيد عن العين بعيد عن القلب ,,

وانتي ماخذه عنوانه الله يهداج شلون بتنسينه !

انتي ما تبين هالعلاقة وبنفس الوقت تبينه اهو بس ما تبين مشاكلة بس ماكو أحد كامل ,,


ومع الأيام راح تنسينه ,, لا تمرين بيتهم وانسيه واشتركيلج بمعرض أو أي شي تلهين عمرج فيه

والله لج خلق قبل الدواام عاد ! انا زين ما أطلع بدون هدوم للدوام ههههههه

موفجة بعلاقة أحسن ان شاء الله

( علاقة زواج عشان ما ياكلوني بنات المنتدى خو يدورون الشارة هاليومين )
ههههههه ​

 

[♥ SWeeRa ♥]

ليش رحتي ودورتي عنوان بيتهم ..........!

اننتي ماتبين تنسينه
لو تبين
جان مافصصختي خطبتج

يمكن اول الوقت ماتتقبلينه لانه ببالج واحد بس مع الايام بتحبين زوجج وتضحكين على نفسج شلون تفكرين بواحد مو مفكر فيج ولا معبرج

 

[أإلع ـشق دلع ـهـأإ]

مآرآح تنسينه دآمج إنسآنه ضعيفه ومكسووره وبعييده عن ربج ..

أنتي مآتبين تنسينه والدليل تروحين عند بيته وودج ترجعينه ..!!!

حبيبتي إصحي اصحي ليمتآ يعني تتعذبين !!

بسج ضعف بسج خلآص دمرتي حيآج قطعتي نصيبج ليييش !!

مآرآح يردلج والله نآسيج وبيعيش حيآته وبيتزوج

وأنتي خلج عآيشه على ذكرآه وتبجبجي واقطعي نصيبج

تبين صج تنسينه ...!!

تكلمي وانت وآثقه من نفسج قولي أقدر آنسآه ..!!

وصلي ركعتين وإطلبي من الله يعينج وتقربي من ربج خلج مبتسمه دآيمآ وصلآتج لآتخلينهآ وإستغفري كثييييير

وشبكي بالمنتدى هذآ وخلي وقتج كله فيه وإذآ انخطبتي وافقي ..

وصدقيني أعرف شكثر حبوآ وتفآرقوآ وتزوجوا ويقولون والله إن نسينه اللي نحبه ونضحك شلون كنآ نبجي عليهم .. ؟!

وإسمحيلي اذآ قسيت عليج لآني أعتبرتج آختي وخفت عليييج

 

[Sanyoreta_20]

شدعوه توم كروز هداج ترا الف غيره

 

[دلوعة أبوهآ]

كل مرة اقول الحين اهو مستانس ويضحك ويطلع ويروح ولا درى عني ولا ياب سيرتي
وانا متحطمة ومتألمة وحارقة قلبي عليه

حبيبتي إنتي بنفسك رديتي ع نفسك ..
وعآرفه انك قاعده تدمرين حياتك ونفسك ع حسآب شخص مو دآري عنك وعايش حيآته ومستاآنس ومرتآح


ليه تسوين بعمرك كل هذا !!

فكري شوي انتي .. هو لو يحبك جد كآن تخلى عنك ؟؟
لو يحبك جد كان هنتي عليه وانه يبعد عنك ؟؟
لو يحبك جد كان رضي يتركك ويتزوج غيرك ؟؟


هو مايحبك .. صحيح قعدتوا 4 سنوآت بس نيته ماكانت زوآج وعشره للأبد .. ومن أول مشكله شآف الحل المنآسب هو الفرآق

والحين سنتين هو عايش في راحه وونآسه ويمكن تزوج
وانتي عايشه ع ذكرآه وفسختي ملكتك مع انه ربي رزقك وعوضك بالاحسن منه لكن عشان عقلك وقلبك معلقّ بشخص مايستآهل بدآت حياتك تدمر ..

آنتبهي لنفسك وحياتك والفرص ماتتكرر كثير في هالحيآه ..

آنسيهو انسي كل شي عنه وتذكري انه بآآآآآآآآآعك ومآيحبك
عيشي حياتك وشوفي مستقبلك مع ولد الحلآل اللي يستآهلك ويقدرك ..

وكل ماتذكرتيه قومي توضي وصلي وادعي ان الله ينسيكِ همك ويعوضك الاحسن وبالحلآل ..​

​

​

​

 

[DALALEY]

حياتي والله الله يعينج حاسه فيج حيل : ( والله ما ورا الحب الا التعب

تبين تنسين لازم ما تفكرين شالفايده تروحين كل يوم صوب بيتهم والله لو يستاهل جان ما هديتيه خل يولي وترا ما ينسيج الحب الا الحب اذا تزوجتي انشالله وحبيتي ريلج بتنسين يده صدقيني

 

[mf6nt el3lat]

الله يعييينج يارب الله يعينج يارب ،
من ترك شيء لله عوضه خييير مننننه

 

[دلع العتبان]

،،،،،،،،،،،،،،،،،،،،،،،،،،،،،،،،،،،،،،،،،،،،




حبيبتي بالاول ربج يحبج تدرين ليش لانه بلاج وعلى قد الي سويتيه من الحرام الله بلاج بشي الي هوه فقدان هالشخص


بالاول العلاقات حرام وهذا شي مفروغ منه وانتهينا منه


" ياماشي درب الزلق لاتأمن الطيحه "


الحب مومجرد كلام ولا عواطف الحب حب الشخص نفسه في ناس جروحنا وعذبونا وتمينا نحبهم اهنيه صرنا شواذ عن الناس ليش ؟؟!!!


لانه موحب لانه هوس مثل ماقالت الاخت وجنون


انتي اما وصلتي مرحله الجنون العشقي او انج من النوع الي ماتفكرين بكرامه مع حبيب


حلج انج تهجرين مكان بيتهم وتهجرين كل ذكرى وتحاولين تملين الفراغ الي بقلبج


الرجال الي دش عليج بالحلال وتطلقتي منه كان اهوه الحل بس انتي نظامج ونوعج الي قفلتي على شي وماتبين تحلينه او تصلحينه او تحاولين تبادرين انج تعالجين الغلط


انتي عالجتي الغلط بالغلط وهالشي يكبر يوم عن يوم


سنتين مانسيتيه ؟؟؟!!!


معناته انتي هيمانه وعشقانه وانه الشيطان متغلل بقلبج وعايش فيه موالحب



استغفري لانه الله بلاج بالعشق


وتوبي وقولي يارب ابيك تمسحه من قلبي للابد



وعسى الله يوفقج ويمسح على قلبج ويرزقج التوبه والزوج الصالح اللهم امين




،،،،،،،،،،،،،،،،،،،،،،،،،،،،

 

[MISs.Keke]

 

[ya al3rosa]

وييييييي اللَة يعينج 4 سنين مو شوية

 

[معزوفة عشق&]

اول شي تسوينه تمنعين نفسك عن الروحه لبيته وكل ماطرى ببالك استعيذي من الشيطان وروحي مثلا مول مطعم زوري صديقتك اي شي اتجاهليه يعني ..
ثاني شي التزمي ع قيام الليل والاستغفار والدعاء وسبحان الله بتلقين ربي مسح ع قلبك وينسيك الماضي الاسود
نظمي يومك ووقتك وكل مايطرى ببالك روحي التهي باي شي اقعدي ع النت كلمي تلفون احد من صديقاتك سولفي مع امك اهلك
ودايم قولي هالدعاء وقت السجود يارب استودعتك قلبي فلا تجعل فيه احد غير حبك وحب رسولك ..

 

[غرامي كويتي]

ماينسى الحب الا باالحب الجديد او البديل
انتي عاميه نفسك عن الناس فتحي عيونك بتلاقينه مايستاهل وبتندمين على فسخ الخطبه
انتي ماعطيتي نفسك فرصه تحبين خطيبك