ابهريهم .... عند طلعة النفاس ( خاااااااااااااص باسرار الجمال و الرشاقة )

[أم لولووأخواتها]

مشكوره الله يعطيج العافيه
بس وين الخلطات السحريه

 

[monmoon85]

يعطيج الف عافيه,,,
تدرين شنو المشكله بعايلتنا مافي سوالف ادويه ولهوم وتوابعها!!!
يعني ماني عارف شي وادري لي خذيت الكورس النفاس الي الكل يتكلم عنه من عندج ماراح استخدمه’’’’
ف شنو ابسط شي واحسن شي يفيدني!!!
وانا اكتشفت ان فيني فقر دم مع العلم قاعده اكل فيتامينات وحديد!! ش العمل!!

 

[([عطر رومانسي])]

مشكووووووووره ام خالد



انا بطني ماكان فيه خطوط للثامن وعقبها كل يوم يزيد بشكل مو طبيعي


طول حملي كنت ادهنه بزيت زيتون بس والله اخر شي مليت وطنشت


مدحولي خلطه (زيت زيتون+زيت جنين القمح+زيت اللوز المر+زيت الجلسرين) يقولون روعه حق السواد وهالخطوط والاستعمال شبه يومي بالنفاس


بس عاد مايندرى وقتها لي خلق اتدهن ولا لأ


عالعموم ادعولي اولد بالسلامه لاني ملييييييييييييييت من نفسي وشكلي وكرشتي والثقل

 

[حكاية لليلة]

انا عن نفسي اهم شي ما يطلعلي خطوط وبلاوي والحمد الله ما طلعلي وهذا ثالث حمل (ماشاء الله) و
والسبب ان من اول شهر ادري اني حامل ادهن بطني بكريم زبدة الكاكاو ماركة بالمرز.... وانصح الحوامل باستخدامه

 

[Almas_q8]

رد : ابهريهم .... عند طلعة النفاس ( خاااااااااااااص باسرار الجمال و الرشاقة )

مشكووووره

 

[σм 3ℓαωɣ ™]

السلام عليكم

متابعة
وعساج على القوة يا أم خالد
والشكر موصول للبنات على مشاركاتهم

 

[&سماهر&]

جزاج الله خير ام خالد على هالموضوع المفيد

 

[لهفة المشتاقه]

الله يجزاج خير

 

[خبيرة اعشاب]

رد : ابهريهم .... عند طلعة النفاس ( خاااااااااااااص باسرار الجمال و الرشاقة )

الله انا اول وحدة ترد

انا بقول كلمة حق بام خالد

ياجماعه هالانسانه ذهب وشهادتي فيها مجروحة


وراعية معروف

ياكثر مادقيت عليها عندي اساله واستفسارات

وبنت الحلال مابخلت بعلمها علي

كله تشفي فضولي وحيرتي


الله يرزقج يا ام خالد وينولج اللي ببالج يارب

ويعطيج اجر علمج الل قاعدين ننتفع فيه

يا حياتي انتي

و الله ما عرفتج

بس شاكرة لج على المشاركة الطيبة و جزاج الله خير

و شدعوة حبيبتي ما سوينا شي

و حياج الله في اي وقت




​

 

[خبيرة اعشاب]

رد : ابهريهم .... عند طلعة النفاس ( خاااااااااااااص باسرار الجمال و الرشاقة )

حبيباتي اتمنى ان الموضوع اتحطون فيهم خلطاتكم و الامور الي تستعملونها بالنفاس عشان الكل يستفيد

و ان شاء الله انا ببتدي احط لكم الامور المجرربة الي استعملتها

 

[خبيرة اعشاب]

رد : ابهريهم .... عند طلعة النفاس ( خاااااااااااااص باسرار الجمال و الرشاقة )

السلام عليكم

بالنسبة لي العناية خلال الحمل يمكن ان تبدا قبل الحمل نفسه

و بالبداية الشي الاساسي الي تسوينه هو تخفيض الوزن اذا كان وزنك مرتفع شوي لكي لا تتعرضين لارتفاع شديد في الوزن خلال الحمل او بعده

بالاضافة طبعا الى الاهتمام بنوعية الاكل انه يكون غني بالفيتامينات و متوازن

و طبعا لا ننسى العناية بالبشرة و الجسم و الشعر

اذا انتي من عشاق الصبغ الافضل تصبغين شعرج لون سادة قبل الحمل لان الميش طبعا بيخرب بعد شهرين او ثلاثة و رح اتكونين مضطرة سواءا انج تتعايشين مع شكلج او انج تصبغينه و هذا شي يقولون انه مضر بالنفاس :eh_s(21):

بالنسبة للبشرة يكفي الاهتمام فيها من ناحية الترطيب بشكل جيد و الحمل طبعا لا يمنع من العناية بالبشرة في كل مراحله

 

[خبيرة اعشاب]

رد : ابهريهم .... عند طلعة النفاس ( خاااااااااااااص باسرار الجمال و الرشاقة )

خلال الاشهر الاولى من الحمل طبعا تكون المراة مجهدة من الوحام و الارهاق الجسدي

و لكن هذا الشئ لا يمنع من الاهتمام بالجسم لان هاذي اهم مرحلة

و لذلك نختزل الى الامور البسيطة جدااا و نتجنب الخلطات المعقدة و الحمام المغربي و جلسات السونا ... الخ


فتكون العناية مقتصرة على كريمات مرطبة للجسم

مثلا انا احب استعمل كريم بالمرز بزبدة الكاكاو



خفيف و يتشربه الجسم بسرعة و ما يلزق و بنفس الوقت نسبة الترطيب فيه عالية جدااا

او فازلين



و اذا انتي اتحبين الزيوت بعد ممكن اتسوين ها الخلطة البسيطة


زيت جنين القمح



زيت زهرة الربيع



و زيت جونسون



بكميات متساوية

طبعا زيت زهرة الربيع يجي عادة على شكل كبسولات ممكن اتكسرينهم و اضيفينهم للخلطة

و يستعمل بشكل يومي بعد الاستحمام لترطيب الجسم و البطن خصوصا و المناطق الي محتما تطلع فيها تشققات

و طبعا في كريم خاص للتشققات من بالمرز و لكن على ما اعتقد هو نفس خلطة البالمرز الي بالكاكاو ما في فرق

 

[خبيرة اعشاب]

رد : ابهريهم .... عند طلعة النفاس ( خاااااااااااااص باسرار الجمال و الرشاقة )

العناية بالوجه

طبعا فيما يخص العناية بالوجه ما شاء الله ترى الحمل يزين المرة ...؟؟؟

:23_asmilies-com:

البعض مو الكل طبعا ؟؟؟

و في مقولة اذا كانت المرة حامل ببنت اتصير جيكرة و اذا بصبي العكس

و في الي بكل عيالها اتصير حلوة و في الي بجميع الاحوال تنتفخ و اتحس انها ...

:ssssso:

لا حد يزعل مني

بس ترى الامومة اتحلي .... و غصب عن كل شي طبعا الحامل حلوووة بطبيعتها ... يكفي انها حامل

بس هم بعد من زود الحلا و النور ما يمنع ان الوحدة تهتم بنفسها

و هاذي طريقتي سواءا بحمل او بدون حمل و الحمد لله احس انها خفيفة جدااا و تعطيني نتائج رووعة و بشرتي دايما صافية و ما فيها اي مشاكل


العناية الصباحية

اول شي غسول الوجه



ثانيا

كريم مرطب يولاي




اذا عندي طلعة او شي

واقي من الشمس roc


و انصحكم بعد بالكريم هذا من روك



لمحاربة زيادة افرازات الميلانين المسبب الرئيسي للبقع البنية وعدم تناسق البشرة
كما به عامل حماية SPF 15 المضادة لأشعة الشمس
يحتوي على بروتين ومركبات عضوية لتغذية البشرة بشكل مكثف أثناء الليل لتصبح البشرة متناسقة ومتألقة اللون .

 

[خبيرة اعشاب]

رد : ابهريهم .... عند طلعة النفاس ( خاااااااااااااص باسرار الجمال و الرشاقة )

في المساء استعمل صابون غار لغسل الوجه




و بعده مباشرة سيروم لترطيب و تجديد خلايا البشرة

 

[Om NoOoRa]

ام خالد ياقلبي
اشرايج بمساج التخسيس
مباشره بعد الولاده؟
يعني بعد ما يوقف الدم على طول؟
اشتنصحين
اوكي ولا لأ؟

 

[خبيرة اعشاب]

رد : ابهريهم .... عند طلعة النفاس ( خاااااااااااااص باسرار الجمال و الرشاقة )

الشفايف طبعا دايما خلال الحمل احتمال تنشف وياج و يطلع دم لان تتاثر حيل من نقص الفيتامينات

بس اجمالا انا جربت كريمات و مرطبات من جميع الماركات الغالي و الرخيص

ما حسيت اني استفدت منهم

و بالصدفة استعملت لمعة فازلين كانت عندي


و مباشرة بعدها اختفى التشقق و صارت شفايفي ناااعمة و ممتلئة

 

[خبيرة اعشاب]

رد : ابهريهم .... عند طلعة النفاس ( خاااااااااااااص باسرار الجمال و الرشاقة )

صراحة اختي ما عندي فكرة عن مساج التخسيس و ما اقدر افيدج عنه

بس هو مبداه يتلخص في تخليص الجسم من السوائل و الشي هذا طبعا ما يفيد حيل لان السوائل المفقودة ممكن ترجع لج بشكل سريع جداااا

عموما افضل شي لانقاص الوزن يبقى الاهتمام بنظام غذائي متوازن

و تحياتي

 

[آهات الليل]

هلا ام خالد بغيت اسالج عن كورس النفاس انا ابي الكورس اللي يمتن هههههههههه لان وزني بس 45
بعرف باي شغلات تحطين فيهم الشغلات اللي تمتن مثلا باللهوم وشنو
ياليت الرد هني الخاص مايوصلي

 

[Om NoOoRa]

صراحة اختي ما عندي فكرة عن مساج التخسيس و ما اقدر افيدج عنه

بس هو مبداه يتلخص في تخليص الجسم من السوائل و الشي هذا طبعا ما يفيد حيل لان السوائل المفقودة ممكن ترجع لج بشكل سريع جداااا

عموما افضل شي لانقاص الوزن يبقى الاهتمام بنظام غذائي متوازن

و تحياتي

يعطيج العافيه

 

[خبيرة اعشاب]

رد : ابهريهم .... عند طلعة النفاس ( خاااااااااااااص باسرار الجمال و الرشاقة )

اهات الليل
بالنسبة لزيادة الوزن الوزن خلال النفاس

طبعا على حسب الرغبة و الخلطات الي تتغير عادة اللهوم - الشاي - التمرية
و ممكن اضيفين خلطات خاصة لزيادة الوزن ابرووح او انعدل لج الخلطات نفسها