ابي اتطلق شلون الله يخليكم

[miss swan]

ريلج ماراح يتعدل
وسمعة شفيها ما راح يصير فيها شي انتي مو اول وحده تتطلقين بالكويت ولا اخر وحده
والحين الطلاق صار شي عادي مو غريب
ولا تتعذيبين
وهذا حقج لازم تاخذينه

اذا تبين رقم عبدالجليل نطلعلج اياه ترى تقدرين بالتلفون تفهمين منه كل شي
والله ينصرج على الظالمين​

 

[Nicki Minaj]

حبيبتي الله ينصرج على هالظالم والله حريتي قلبي حسبيالله عليهم ياخذون بنات الناس ويبهذلونهم ؟ هذا مسؤوول عنج جدام الله .. يا ويله من ربه علباله الدنيا سهالات والله انه عذابه اثيم اثيم لانه انتي بنت وفوق كل هذا بعيده عن أهلج حسبيالله عليه دنيا واخره ..
حبيبتي لما تيين الكويت والله كل شي سهالات ..
لأنه انتي كويتيه وهذي ديرتج .. وياما بنات ماخذين أجانب اهني تنصفهم المحكمه بحكم انه المحكمه دايما مع المره بغض النظر عن جنسيتها وانتي كونج مواطنه أحسن وأحسن بعد ...
انتي قولي حق أبوج قوليله انا تعبانه نفسيتي تعبت صار فيني قولون وكله اطيح وايدي تكسرت ابي ايي اشوفكم اشوف امي اشتقتلكم حتى اذا خايف يقولج لا .. لا تيبين طاري الطلاق بالتلفون انتي اول روحي الكويت تالي قولي حق ابوج مالي رده حق هالمريض نفسي اهوا واهله .. واهوا قوليله امي تعبانه حيييل أو حتى اذا كلش ما رضى خل يولي حبيبتي طقي تذكره وتعالي الكويت دام ابوج يدري بييتج وسيده علطول وكلي محامي عشان أول ما يطب الكويت ولا انتي رافعه عليه قضيه بياكلها صح
والله يوفقج حبيبتي ويعينج ويصبرج على بلواج

 

[Nicki Minaj]

وحبيبتي لا تنسين انج تاخذين اثبات من طبيب انه طقج ومد ايده عليج .. لازم يكتبون تقرير ضرب..

 

[دندن_الكويت]

الله يعينج يا قلبي


اذا انتي مو مرتاحة اطلبي الطلاق او تهرب يمنه يعني تعالي الكويت بحجة مرض او اي شي لا سمح الله و تطلقي الزم ما عليج راحتج و قلبج الله يعينج الحياة يسر ماهي عسر و الحمدلله على نعمة ا لطلاق

استخيري و اذا انتي مو قادرة تتحملين و تحسين انج تستاهلين تعيشين حياة احسن و حياة تستاهلج لانج بنت زينة و طيبة خلاص تعالي الكويت

الله يعينج طمنيني شراح يصير عفيا

 

[دندن_الكويت]

وحبيبتي لا تنسين انج تاخذين اثبات من طبيب انه طقج ومد ايده عليج .. لازم يكتبون تقرير ضرب..

عدل كلامها ضروووووووووووووووووووووووووووري تاخذين تقرير عشان حقوقج و حقوق ولدج و الحضانة

 

[shasha_bahrain]

حبيبي والله قطعتي قلبي
حسبي الله ونعم الوكيل

 

[Al shaikha 1]

ماقصرتوا بيض الله وجيهكم
وعن التقرير رايحه هالسالفه عن بالي مادري ليش مافكرت فيها
حسافه عاد من كثر مايطقني مره طحت خلاص بموت الطقه كانت بالراس
اهو خاااف مات خوف طبعا مو حبا فيني لا انه يتمشكل بموتي جعله بدالي
المهم رحت الطبيب ولا من االخوف منه وخصوصا اني بسعوديه قلت طحت
ولا الدكتوره تخزني تقول طحتي ولا زوجج طاقج. جان اصيح عندها واشكيلها
تخيلوا الدكتوره والسسترات يحضنون فيني يواسوني قالت مالي شغل هذا بنسوي له تعهد
خفت اترجاها ماتسوي شي لو بالكويت الا برفع قضيه بعد
والله اقول شلون كنت ووين صرت اااه ياربي

 

[آحسآس مآتفهموهـ]

حبيبتي وابووك سساكت عشان سسمعته
اسسمحيلي يعني
بس يشووف بنته تنهاان وتنسب وسسساكت ؟؟؟

وانتي ليششش سساكته ؟؟
ماخلاك تكملين دراستك وخلاص رضيتي ؟؟؟؟
مايعطيك مصروف زي العالم والناس وسساكته ؟؟

وبعدين حبيبتي يعني انتو ماتعرفون هالناس من قبل ؟؟
يعني لا الزووج طيب ولا حتى اهله

يلعن هالعيششه اللي معاهم

بس كلمممي ابووك قوليليه شف لي حل
هذي مو عيشششه اسستغفر الله

ولو عندك اطفال تكفيييييييييييييييييييييين لاتروحين وتخلينهم
اررفعي عليه قضيه حضانه وان شششاء الله ان شاء الله تكسبينها

وبعدين وشوو الجمارك ربعه ؟؟
الدنياا فوضى يعني
خليه في سستين داهيه هو واياهم سسوا
انتي انسانه موب حيوانه يسسحبك وين مايبي

بسس انتي كلممي ابووك كلمي عمك ذا اللي يعطيك مصرووف
كلمي خالك اي احددد خلي رجال يتصصرف معاه

جعله الهمم ذا الحقيييير

 

[انسام الكويت]

يخسي ياخذ الطفل الا اذا رفعتي عليه قضيه بالمحاكم السعوديه بس اذا

جيتي الكويتي ورفعتي عليه قضيه بمحاكم الكويت راح تاخذين حقج وراح يحطون عليه

منع دخول الكويت هالخسيس اللي مايعرف ربه نصيحه تعالي الكويت وولدج معاج

وروحي رفعي عليه قضيه ضرر وسوء معامله ونفقه واهم شي لايشوفج ويشوف ولدج

لانه اذا أخذ ولده وطلع برا حدود الكويت اغسلي ايدج تشوفينه مره ثانيه وافضل قضاء اهو

الكويتي بس القضاء سعودي ظالم لا ينصف ولا شي

 

[sosa al-7lwa]

حبيبتي الله يفرجها عليج واليك هذه الخطه الجهنميه * بس اذا مومقتنعه لاتنفذينها



الخطووات:
1- اتصلي على امج واتفقي معاها على اساس ان اهي مريضه حيل وتبي عيالها حواليهالمده معينه {بعيد الشر}
2- وتكون متفقه مع محامي ييها البيت في اليوم الفلاني الساعه الفلانيه بس لاتخلين ريلج يشوفه
3- لاتخلين ريلج يدخل البيت على اساس ان في حريم بتقوليلهم يلبسون الحجاب
4- بعدين طلعي قوليله امي بس تبي اعيالها تبيهم بكلمه راس وقوليله انت روح واذا خلصت ادق عليك ولا كيفه ينطر بره
5- طبعا المحامي راح يكون داخل البيت اهو وابوج وامج وانتي اكيد وقوليله كل شي ولاتنسين يكون معاج تقرير مثل ماقالوا البنات
6- وانشالله الله ينصرج ياااااارب على الظالم والله وياج

 

[Aisha..]

انا اقول دقي على خالد عبدالجليل لان الحين انتي جنج مدفونه بالحياة لازم تتصرفين ترا اهو عقد بينج و بينه و اذا ما رضا يطلقج تقدرين تخلعينه او القاضي يطلقج و يعطيج حقوقج النفقه مالتج و مالت ولدج و يحطلج خدامه و سايق و الله يعز الكويت تكملين دراستج و تشوفين حياتج..لان مبين ان زوجج مو انسان حشاج

 

[عذبه الصفات]

شوفي بقولك شي ولا تزعلين مني
اول واحد يتحمل كل الي صارلك هو الوالد
ولا شلون تزوج بنتك اي واحد بس علشان شنو علشانه من القبيله ولا صغيره بعد
وبغض النظر سعودي ولا كويتي
لان بنت خالي سعوديه متزوجه كويتي
السنه الي فاتت جايه من المطار وبعدين ناقلينها الى الاسعاف
من كثر مشبعها طق وترفس
ولا ازيدك من الشعر بيت عياله طول فترة جلستهم في الرياض مايصرف عليهم الا امي وجدهم من امهم
علشان بس يعاقب امهم في اولاده
اما زوجك ماتجاوز حده الا انه شايف ابوك عادي عنده الوضع
ومتأكد انه ماراح يحرك ساكن والمشكله هالحين ضروري تشوفين وضعك عند ابوك اذا رجعتي للكويت
هل اهو راح يتقبل الوضع
والله يعينك لان وضعك مأساوي ماينسكت عليه

 

[عاشقة_الجمال]

حبيبتي جربي دقي على السفره الكويتيه بالسعوديه وشوووفي شنو يقوولووون لج

وبيني لهم انج خايفه من زوجج

 

[سارووه الاموره]

امبيه جني اسمع قصه ساندريلا بس ساندريلا امها وابوها ماتو .. وانتي الله يخليلج اهلج ليش مايتحركون
تطلقي منه .. وكلمي ابوج من دون لا يدري وهدديه قولي ان ما طلقتني منه بنحااش ..

 

[اسم والسلام]

اختي لا تهورين وتنحا شين وتجبين لج كلام الناس الي ما يرحم
كلمي ابوج عنه وانا اقول تعذري بشي قولي امي مرضه حيل ابروح الكويت اي شي وتفقي مع امك علي الموضوع واذا جتي قوليه ما ابيك نفس وعافتك بس اولدك راح ياخذه صدقني حكم السعوديه جذي ياخذ الطفل الله يعينك بس اذا عمره شهور يمكن يعطونك اياه الغالية سنين بس الصراحه الله يهدي ابوك ليش يزوج اسعودي ياختي الكويتيه عزها بديرتها ولاحظي السعوديه لخذت اكويتي اشلون تعيش

ليه طالعه من الموضوع :d

لازم الشوشره يعني ولا تبين اقول يختي تحسسيني كل رجال الكويت عازين حريمهم والدليل قسم الحياه الزوجيه

هذا نصيبها من الدنيا وين ماكانت الله يعينها ويفرج همها

 

[ريتااجي]

حبيبتي إنتي ولدج كم عمره؟

إذا ولد شهور يظل عندج وإذا كبر يخير بين إنه يظل عندج وإلا يكون عند أبوه

وقبل كل شي أخذي راي أبوج عشان يكون وراج ظهر

وربي يكون بعونج ​

 

[ظل الياسميـن]

لاحول ولا قوة الا الله

 

[المحبه للاستغفا]

لاحول ولاقوة الا بالله

 

[Al shaikha 1]

والله بعدردودكم احس في احد فاهمني ويحس
فيني
انا ناطره روحتي للكويت ومثل ماقلتوا بطول هالمره ع اساس
امي تعبانه اسم الله عليها وماراح اييب معاي الا اغراض مهمه
وشهادة ولادة ولدي ولاازم اتتفاهم مع ابوي لما اشوفه مو بتلفون عشان اطيح عليه
واقوله ان ماتحرك بنحاش والله اول مره. بسويها وان شالله تنفع
ولااااازم تكون امي مضبطتني مع المحامي من غير علم ابوي عشان بس ايي الا اموري
خااالصه بسرعه
وسمعت عبدالجليل حيل شاطر وخلصها بيوم واحد وعادي اعطيه كاش من امي بعدين ارده لها
وانا والله ماقلت الا شي بسيييييط من الي اعانيه

 

[Al shaikha 1]

ريتاجي ولدي عمري ٨ شهور الحين
واي تذكرت يوم بالنفاس والله طقني طق جدام اخته وذلني ذل
يخرب الملابس ويقط الاغراض يقولي ياحماره ردلي عدليهم
واخته قاعده اول مره اشوف ناس قاسيه شنو قلوبهم حجر حتى الحجرممكن يلين عندهم
اما بالحمل يوووه عد وخربط
تخيلوا ماحضرت عرس اختي ولا شفت يدتي قبل لاتوفى الله يرحمها
امي تقول كانت كله تحن بشوف ولدها نفسي اشوفه يشبها ولالا واي ببجي احس بغصه
وخانقتني العبره احس بشي بصدري خانقني بس ابي ابجي