ابي اتطلق شلون الله يخليكم

[meme20688]

الله يعينج انشالله

 

[Hello_kitty]

الله يعينج حبيبتي ويعوضج خير ترى هذا فعلا مو صاحي واهله وبيئتهم كلها جذي عقد وامراض وتخلف

توج صغيره والحياة جدامج ردي ديرتج وبين اهلج والله ما يقدر يطولج الحمدلله ماكو مثل القانون الكويتي يعز ويحترم المره ويحفظلها كل

حقوقها متزوجه ولا مطلقه حتى حضانه الاطفال بالكويتي تطمني يكونون لج حتى لي تزوجتي تنتقل حضانتهم لوالدتج مو مثل قوانينهم

وغصبا عليه يدفعلج نفقه متعه وسكن ونفقه ولدج ونفقه خدامج ذليه ذل حتى تعويض للضرر يعطونج

استعيني بالله بدعائج وسجودج ان يعينج ويفتح عليج ويفرج همج وينصرج عليهم هالهمج

 

[ياسمين123]

هلاا اختي
الله يفررج همك...المهم تسافرين لهلك..واحرصي تاخذين اوراقك واوراق ولدك الرسميه
شهادة ميلاد الجواز حتى بطاقه الاحوال ..ولو عندك تقرير لك من المستشفى افضل...
هنا بالسعوديه في حريم تطلقو من المحكمه وخذو نفقه..بس البلا من زوجك اذا كان نذل يعني يمكن يسوي اي شي
وهنا بالسعوديه الولد لاصار سبع سنين يخير بين امه وابوه..
والله ييسر امرك ويصرف شر زوجك عنك ....
طمنينا عليك قلبو

 

[أم نوفي]

يابعد عمري والله حاسه فيج وانا بقولج سالفه

انا كويتيه نفسج وزوجي سعودي وعايشه بالخبر تعرفت قبل خمس سنوات على بنت نفسنا كويتيه وزوجها سعودي

المهم كان يضربها ويسبها حتى وهو بالمعاشره الزوجيه وكنت اقولها تطلقى منه قبل ماتحملين وتعذبن عيالج معاج

بس ابوها رافض فكرة طلاقها وقعدت في بيتها وحملت يابت الاول والثاني والثالث اهنى انا قلت لها هوووب وقلت لها بالعامي ذلفى الكويت والا اتصل على حماية المراءه والله واكلم ابوها واترجاه اقوله انت ماتشوف بنتك اصلن حارمها تطب الكويت قال شنو ابوها شخصيه معروفه بالكويت

انزين كلنا اهلنا معروفين بالكويت من كبرها المهم لما قلت له اسمحلي ياعمي انا ببلغ الحمايه عندنا اهنى

قال خلاص انا بجي السعوديه واتفاهم معاه طبعا جا واستانسو احفاده لما شافوه وطبعا اليهال قامو يشكون من ابوهمويقولون الي يسويه في امهم

طبعا التفاهم مايعرفه زوجها بس يعرف الهواش وقل ادبه على عمه اهنى قال ابوها يله اخذي اغراضج وامشي

بس زوجها قال اعيالي مايطلعون من السعوديه واهنى اهيا فقدت الامل انها ترجع مع ابوها

طبعا سافر ابوها واهنى اشتغل دوري مع جارتي وحبيبتي وبنت ديرتي الي ماارضا انها تنذل واهيا من ديره الكل معزز فيها

المهم قمت سويت اتصلاتي مع ابوي وخواتى بالكويت وامدحولي محامي شاطر يطلع على الاذاعه في الكويت على مااضن اسمها مارينا

اسمه عبدالعزيز العفيصان طبعا ابوي حجز عنده لانه ماينفع بالتلفون وابوي كلامه واستفساراته ماتخلص يحب يعرف كل شي خصوصا انه انا بنته هم متزوجه سعودي يبي يعرف شنو لنا وشنو علينا

المهم وايد مهماتي لوووووووووول

راح ابوي عنده وقاله البنت سالفتها كيت وكيت شنو الحل مع زوجها خصوصا مسالة الاطفال طبعا الزواج كان في الكويت فاعادي الطلاق يصير بالكويت حتى بدون حضوره

والعيال دامهم اقل من 6 سنوات يكنون بحظانة امهم لكن اذا اكبر من جذي راح يخيرونهم وراح تكون في المحاكم السعوديه

والحمدالله سوينا كل شي بعدين قلنا حق زوجها جدتها حيل تعبانه لازم تروح وتشوفها وفعلا بعد جهد وجهيد وافق

ومن ثاني يوم واهيا بالمحكمه وطبعا الايام الاوله ماقعدت في بيت ابوها لا راحت عند خوالها واهو مايدل بيتهم

وصار الطلاق وخذت اعيالها بس مالهم نفقه من ابوهم مالت عليه بس الحكومه مو مقصره معها الشئون يمشون لها ولعيالها بعد


وانا اقولج المحامي هذا شاطر بس عقب الحكم ياخذ منج 800 دينار بسيطه بس الاهم انج تنفذين بجلدج من الوحش الي عايشه معاه

ولاتنسين الاوراق المهمه عقد الزواج الاصلي شهادة ميلاد ولدج كل الاوراق المهمه الي شايفتها تنفعج حتى اذا عندج اوراق طبيه تثبت انه ضاربج اخذيها

وحاولى تخلينه يسوي ورقة اذن سفر لولدج بروحه علشان مايبهذلونج الجوزات

والله يكون بعونج واي شي تبينه لايردج الا لسانج

 

[ياسمين123]

ام نوفي
الله يعينها صديقتك الحمدلله افتك من شر زوجها...وماشاءالله عليك نعم الصديقه ..
وهو حتى مايصرف على عياله شلون له قلب مايصرف عليهم ..يعني الواحد لاصار نذل مع زوجته المفروض يحن على عياله ..
مو يخليهم كذا...

 

[raneen]

الله ايعينج يقلبي ويصبرج ...

بالنسبه للنحشه انسي الفكره لانج لو انحشتي رح يقدر يرفع عليج قضية الزوجه الناشز ... والله لو وين ماكنتي يحقله يطلعج ويردج وتخسرين كل حقوقج...
انا اقول ردي اهني للكويت وروحي حق محامي يرفع عليه قضيه طلاق مع اضرار ... وانه لايقربلج لين يطلع حكم المحكمه وانج اتمين بالكويت..
هذي القضيه رح اطلقج منه ورح يدفعلج افلوس عن الاضرار الي سواها فيج سواء اذا مد ايده او حبسج بالسعوديه...
وبعد تقدريناتقوليلهم انه مانعج من اهلج وتوريهم المده الي تزورينهم فيها لان اكيد موعد الخول للكويت والخروج موجود عندهم...
وبالنسبه للحضانه ترفعين القضيه ابنفس لوقت وخاصة اذا اثبتي ان البيئه الي عايشه فيها مو اهل لتربية ياهل ...
ران شاءالله اتكون الحضانه بيدج ...
ورح يزلغونه زلغه عدله ابنفقة العده ههههههه والله رح يطلع الي سواه فيج من خشمه ... وبالنسبه حق نفقة الياهل اقل مبلغ يعطونه بالحكم 50 اذا كانت عليه ديون واذا مافي 75 دينار بالشهر طبعا هذا اقل شي... واذا كنتي اترضعين تقدرين تاخذين عليه حتى نفقة رضاعه لين يكمل عمره سنتين واهي 15 دينار....
وهذا غير انه لج حق ابسكن وخدامه وسايق بعد ....واهني الله يعز الكويت يمشون حق المطلقه مبلغ بس الصراحه ما اعرف جم....
طبعا هذا الكلام الي قلته لج عندنا بالكويت اما بالسعوديه ماعندي علم...
وان شاء الله الله ينصرج ... ويحفظج من كل شر ...

ويحظي انتي الحين غريبه بينهم ادعي دعوه الغريب مستجابه واشحال بعد مظلومه ... قولي الحمدلله وادعي من رب العالمين انه يفرج كربتج ....
لا اله الا انت سبحانك اني كنت من الظالمين...

 

[raneen]

بس قبل كل شي تعالي للكويت ردي ..وخلي انشوف شلون ابياخذج...بس ردي اول\\

 

[Al shaikha 1]

ام نوفي مشالله عليج مشالله عليج ونعم الصديقه
لج الاجر الي فكيتيهم عقبالي شوفي شكلي بتواصل معاج بالخاص عشان عندي شوي اسأله
بس الحين وراي مطبخ بس افضى برسلج
حسيت بعد ردج في امل

 

[raneen]

اي نسيت اقولج ...دام انه ولدج عمره 8 شهور اسم عليه لااااااااااااااااااااا اصلا الحكم عندج جنه الورد...وحتى امج تقدر ترفع قضية حضانه ...عشان لاتزوجتي مره ثانيه مايعور قلوبكم بالمحاكم ...فسووها زلقه ابطيحه دشوا على المحكمه كلكم سوه هيييييييييييييييييييييييييييييييييييييييييييي ههههههههههه.....

 

[Al shaikha 1]

رنين لا مونحشه الي قصدج
يعني بفتك منه مابي الا فرقاه هو واهله
وحاطه الكلام بين الردود يصفحات
يارب افتك منه والله تعبت

 

[Al shaikha 1]

ايه والله ودي اطلع فيه كل طقه وطلع سب ولعن وذل ومهانه وتعب نفسي وجسدي
انا فيني قولون منه هذا مايدخل بتقرير طبي

 

[منار البربرية]

يارب يارب يارب ترجعين الكويت عاجلا غير أجلا
يارب تاخذين حقج منهم يااارب
وتطلعين من ايدهم
حسبي الله ونعم الوكيل
ماعاش من يذل بنات ديريتي ولا اي بنت من ديره ثانيه
​

 

[أم نوفي]

ام نوفي مشالله عليج مشالله عليج ونعم الصديقه
لج الاجر الي فكيتيهم عقبالي شوفي شكلي بتواصل معاج بالخاص عشان عندي شوي اسأله
بس الحين وراي مطبخ بس افضى برسلج
حسيت بعد ردج في امل

ياحياتي اعتبريني اختج الي ماجابتها امج

ترا بالغربه والله نتعلم اشياء ونصير اقوي من وحنا عند اهلنا وخصوصا صار عندج طفل يبي يشوف امه قويه ولها شخصيتها والكل يحترمها

والله ترا انا كنت جبانه اول ماجيت السعوديه واهل زوجى لاعبين فيني لعب بس عقب ماجبت عيالي صار الي في امه خير يكلمنى نفس اول

القطوه صارت لبوه :eh_s(9):

واذا تبين اي شي انا تحت امرج حتى لو من الكويت اذا مانع عليج تكلمين اهلج ولاشي انا بالخدمه اصير بداله لج

والله يسخره لج هل يومين لحد ماتروحين الديره وعقب ستين نعله فوق راسه

وبقيت اقولج لاتحطين امل في النفقه والمصروف لانه بيرجع ديرته وصدقيني دامج بين اهلج وبديرتج مراح تحتاجين شي

اهم شي الراحه النفسيه وتربين ولدج احسن تربيه الله يخليه لج ويخليج له /COLOR]

 

[أم نوفي]

ام نوفي
الله يعينها صديقتك الحمدلله افتك من شر زوجها...وماشاءالله عليك نعم الصديقه ..
وهو حتى مايصرف على عياله شلون له قلب مايصرف عليهم ..يعني الواحد لاصار نذل مع زوجته المفروض يحن على عياله ..
مو يخليهم كذا...

يختى بالغربه مالنا الا بعض ياياسمين

صج السعوديه اهلنا وحبايبنا بس الله يعين

اقولج شي وهذا الكلام من لسان زوجي كنا نتناقش عن وحده من اهله مطلقه وزوجها مايسال ولايصرف على عياله واقوله ليش جذي ترا مو واحد ولا اثنين اغلب السعودين المطلقين مايصرفون على اعيالهم هذا الي اشوفه واقراه من جرايدهم

تدرين شنو رد على قالي الرجال اذا كره زوجته يكره كل شي من صوبها حتى عياله بصراحه وقتها قلت له صج انكم كراتين وقام يضحك

وفوق هذا ياحبيبتي البنت وعيالها بالكويت وابوهم بالسعوديه وتعالي طلعيه علشان كم ريال



بنات سعوديه لحد يزعل من كلامي ترا انا عايشه سنين مو يوم وليله وشايفه وعارفه الوضع بالسعوديه

ولاتنسون انا عندي خمس سعودين الله يخليهم لي ويصلحهم يارب فاعادى نتغشمر مع بعض اقولهم كراتين ويضحكون يقولن لي ياالاجنبيه :krkrkr:

 

[بقــآيآ جـروح]

الله يعينج حبيبتي اذآ يتي الكويت ان شاء الله مايبيلهآ كلام بتربحين القضيه
خصوصآ اذا عقد الزواج كويتي
حقوقج عدم تعرض
نفقه
حضانه
موخر فلوس متعه يحدده القاضي
ولو المحامي شآآطر يدفعه آتآآبعه
آنآ محآمية خالتي مآجده العنزي مآدفعت له غير الاستنآف
والمقدم والبآآجي خلت ريآآلهآآ يدفعهم ورفيجتي نفس الشي طلقتهآآ
وخلت يمشي لهآآ نفقه 150 مع آنهآآ مآآجآبت عيآآل منه وغير المؤخر
وكتآب عدم تعرض
آهيه شآآطره بهالقضآآيه دقي آخذي آستشآآره وآذآ طقج بهالفتره
آخذي تقآآرير طبيه خليه يدفع تعويض ويتربى
وخآآلد عبد الجليل مآآآنصحج فيه رفيجتي صآآر له آرببع سنين معلقه
وبس يآخذ هالفلوس والقضآآيآآ قآطهآآع المندوبين آهو حق قضآآيآ
الهوآمير مخدرآت نصب وآحتيآآل قتل شوفي غيره ابرك لج

 

[نشيج الروح]

الله يفرج همج ويهدي زوجج وأهله ... المهم هو بس لا رحتي للمحامي تقولين له المشكلة وهو يتولى كل شي هذا الي أعتقده والله أعلم ...
وما أقدر أفيدج بشي حاليا آسفة ... بس لازم أبوج ياخذج منه إذا هو تصرفه صج جذي

 

[عزتي مالها حد]

اذا كان يطقج
وعندج تقارير من المستشفى ، احتفظي بالتقارير
عشان تكون ضده

واي مسج يوصلج من زوجج سب او شتم احتفظي
فيهم لانهم دليل على سوء العشرة

 

[جوري99]

ربى يفرج لج ويرحم حالج وحال وليدج ويسخر لج اللى يعينج اللهم امين

 

[عيش و مرق]

وااااااااااااى الله يعينكم ماقدر ماقدر على هالعيشه تولى لفلوس بطقاق بس ارتاح انام مرتاحه مو خايفه الله يفرجها عليج

 

[Al shaikha 1]

مشكورين بنات عالدعاوي الحلوه ولكم بالمثل
صح انا سامعه عبدالجليل يطلع الناس من مخدرات وقتل بس رفيجتي تقول يطلقج بيومها
بعد ردج خفت عطيني اسم المحاميه الي تقولين عنها ابي محامين شطار وعادي ترا مابي نفقه بس ابي ارتاح ونفتك من شره انا وولدي
ام نوفي حبيبتي والله ماتقصرين جزاج الله خير
برسلج رقمي ان شالله اناكل شوي ادخل الغرفه واجيك عالموضوع
بس بفضى عالفجر ان شالله وارسلج