السلام عليكم يا بنات أكثر قسم أدشا...
أنا متابعة صامته صارلي سنه تقريبا.. و كنت لما أقرا قصص البنات اهني أبجي معا الي ما حملت أو الي سوت عملية و طرحت و أفرح وااايد و أبجي مع الي حملت و أتخيل روحي و أنا قاعدة أبشر الناس بحملي....
هذا اول موضوع لي كنت وااااااايد متردده اني أكتب قصتي أو لأ بس قلت محد بحس فيني الا الي عايش نفس قصتي و قلت بشاركم فيها...
أنا متزوجه من فبراير 2010 انا عمري حاليا 25 و عمر زوجي 26.. من تزوجنا و احنا مقررين ما نأجل موضوع اليهال يعني اذا الله كتب من اول شهر خير و بركه و نعمه.. و أنا قلبي كان وااااايد متعلق اني اييب ياهل.. علما بان دورتي منتظمه و الحمد لله.. تأخرت جم شهر على يوم او يوميين و كنت اركض اشتري اختبار حمل و بس اسويه و يطلع سلبي تنزل الحلوه...
يانا رمضان و كان شهر 9 و تأخرت علي الدورة 15 يوم جان أسوي اختبار حمل منزلي طلع سلبي قلت لا أكييد مو دقييييق لازم أروح المستشفى و أسوي دم... رحت و نطرت النتيجه هم طلع سلبي صكت فيني الدنية يا بناات و خنقتني العبرة و قمت ابجي بالطريج :eh_s(2)::eh_s(16)::eh_s(2)::eh_s(16):اول ما رديت البيت دشيت تكرمون الحمام على طول و لا ينزل علي دم جني كابه ماااي صار معاي نزييييف و زوجي ركض فيني دار الشفا و ظليت اهناك 7 ساعااات و اليومين الي عقب انا بالفراش من العوار و كمية الدم...
خلصت دورتي و قالولي روحي شوفي من شنو النزيف و هم انا كنت ابي اتاكد اذا في شي مانع اني احمل... رحت مع زوجي عند دكتوره مصرية في دار الشفا جنه اسمها نجوى طلبتلي تحاليل و سوت سونار و قالت على الحمل لازم زوجج يسوي تحليل مني بعد.. زوجي وافق و قال OK .. لما طلعت نتيجه التحاليل رحنا جان تقولي انتي عندج الغدة الدرقية خاملة شوي بس الحمد لله مو مأثرة على التبويض و حولتني على د/سمير الشمري عندهم بالمستشفى.. دكتور غدد... و عقبها ياتنا الصدمه الكبيره شافت تحليل زوجي جان تقوله الحيوانات المنوية عندك صفررررر... اي صفر يا بنات ماكو ولا واحد:eh_s(2)::eh_s(2)::eh_s(2):... انصدمنا و سألنا شلون جان تقول عادي يمكن عنده انسداد او شي مشكلتكم تنحل ان شاء الله بالحقن المجهري.. أنا حزتها ما عندي أي فكره عن العقم و الحقن المجهري و هالسوالف.. جان أدش قسمكم الجميييل و أقرا و أفهم كل شي و كلمت ريلي و اتفقنا نروح عيادة د/ فوزية القطان...
رحنا العيادة جان يقولون ما تدشون اذا اول مره على دكتوره فوزية تدشون عند دكتورة ثانية تقيم الحاله بعدين تدشون عندها... دشينا عند د/شيماء كانت وايد حليوا معانا و طلبت من ريلي ان يعيد التحالييل و يروح حق د/ عادل الحنيان عشان نتأكد ان مافي سبب عضوي يمنع الانتاج مع العلم بنات ان زوجي يعاني من السمنه و مدخن... عاد التحاليل طلعت نفس النتيجه و بتحليل الدم طلع عنده هرمون التستسرون نازل و دكتور عادل بعد الفحص و السونار قاله ما فيك شي عضوي يمنع.. رحنا بعد جم يوم عياده فوزية و طبعا هم ردو دششونا عند شيماء مع اني طالبه مقابله د/فوزية شافت التقرير و راجعت التحاليل سألناها ماكو علاج أو شي جان تقول أفضل حل حق حالتكم ان نسوي عملية الخزعة و التفتيش عن الحيوانات المنوية و اذا لقينا شي نجمده و نبدي حقن مجهري.. قالت دكتوره فوزه راح تسويها وافق زوجي بس قلنا لها نبي نقعد مع الدكتوره أول.. قالت الدكتوره راح تشوفكم قبل العمليه الصبح في مستشفى هادي و حطو موعد عملية بعد يومييين...
احنا بلغنا خالتي و عمي لان عزيز ما يبيني يو العملية بروحي و يوم العملية ياو معانا المستشفى.. نطرنا الدكتوره تيي ما شفنا الا دكتور التخدير سألت الممرضه قالتلي الدكتوره دشت تسوي حمليات سحب بويضات حق مريضتين قبلكم راح تكلم اهيا زوجج لي دششوه و قبل ما يتخدر... انا اهني وااااااايد عصبت :eh_s(14): بس مسكت روحي عشان زوجي لا يتضايق وراه عمليه..
دخل العمليات و النص ساعه الي كان فيها داخل مرت جنها دهر... بس الحمد لله يانا الغرفة عقب نص ساعة يات الدكتوره نادتني طلعت معاها بره... جان أقو لها بشري دكتوره جان تقولي ما لقينا شي.. أنا من الصدمه ما استوعبت جان أقول لها شنو يعني؟ جان تقولي ما لقينا حيوانات منوية .. قلت لها ولا خلايا أولية جان تقولي أنا ما شفت شي بس ننطر تقرير المختبر لي طلع اناديكم العياده.. أنا اهني مو قادره أدري ان لازم أمسك روحي عشان زوجي و هم ما أبي أغث خالتي الي ناطره تشوف عيال ولدها.. دشييت الغرفه و أنا خانقتني العبرة :eh_s(2): بس ما بجيت قررت أصير قوية و أمسك روحي عشانهم.. سألوني هاا شقالت قلت ماكو تقولي على الجرح و ان بع اسبوع راح يتصلون عشان النتيجه...
اتصلو و رحنا جان يقولون تفضلو د/شيماء ناطرتكم جان أقول لهم شكو شيماء موعدنا مع فوزيه اهيا الي سوت العمليه جان يقولون لي لا شيماء الي راح تشوفكم... رحنا جان تقول لنا أأسف اني أقول لكم ان ما لقينا شي جان أقول لها و الخلايا الاوليه لقيتو جان تقولي لا تقرير المختبر يقول ماكو أنا من كلمتني فوزية يوم العملية و أنا ما بجيت بس في هاللحظه حسيت حلم الامومه ان\بح جدامي جان أبجي بجي ما بجيته بعمري كله :eh_s(16)::eh_s(16)::eh_s(16)::eh_s(16)::eh_s(16)::eh_s(16):... قال خل يضعف بعدين ممكن نلقى حل... ظلعت من العياده وااايد متضايقة و أكبر شي ضايقني ان د/فوزية حتى ما قابلتنا..
يومها و احنا نايمين بالليل صحيت على صوت صياح زوجي قطع قلبي :eh_s(16)::eh_s(16)::eh_s(16): قالي مابي أحرمج من حلم حياه كل بنت اذا سعادتج مع غيري و عيالج من غيري أنا مستعد اهدج اذا تبين.. قلتله اذا عيالي مو منك ما ابييهم.. و اتفقنا نهد الموضوع شوي..
في هالفتره قلل زقاير لما قطعها و بدا يسوي رجيم... ياني و قالي شرايج نجرب حظنا في أطفال الانابيب الي في الصباح.. قلت له اوكي انا اوح اشوف شنو وضعهم و شنو يبون... رحت جان انصدم يا بناااات عشان يوصل دورنا حق موع بس موعد 6 أشهر ليييييييييييش؟؟؟؟ طلعت من الصباح ابجي و كلمت زوجي قالي مو رئيس الوحد د/ حازم الرميح قلت له اي قالي خلاص اكيد عنده عياده نروح عيادته .. دقيت عيادته قالتلي السكرتيره موعدج عقب باجر..
رحنا العياده و دشينا على الدكتور مع انب كنت كتردده لان ريااال و كويتي.. شكله حليو بس هادي زياده عن اللزوم و هذا الي ما حبيته و اجاوب على قد السؤال.. طبعا احنا قلناله ان زوجي ما عنده حيوانات منويه ولا خلايا أولية و اهوا يقرا التقارير عصب و قال منو قال ان ما عنده خلاي؟؟؟؟ قلتله الدكتوره الي قابلتنا في عياده د/فوزيه جان يقولي تقرير د/فوزيه و تقرير المختبر مال العملية يقولوون ان زوجج عنده حيوانات منويه غير كامله النمو الي اهيا خلايا من الدرجه الرابه يعني مرحله وحده و تكون حيوان منوي كااااامل.... انا اصدمت و قلت لييييش جذبو عليينا شنو استفادو؟؟؟ لييييش!! و حاله حال كل دكاتره الخاص طلب ان أثنينا نعيد كل تحاليلنا... عدنا التحاليل و رحناله لما طلعت النتايج.. قال عندك التستسرون نازل ماراح نسوي شي وح اضعف و ردلي بعد 6 أشهر أو سنه.. صراحه ما حبيت رده بس شنسوي ننطر.. هذا الحجي كان شهر 1 2011
قرر زوجي يسوي عمليه تكميم معده و سواها و لله الحمد ضعف لما ألحين 25 كيلو.. و في فتره الصيف سافرنا و كانت اخر دوره 30/4/2011 رجعنا الكويت أول شهر 7 و أنا طول هالمده ما ياتني الدوره.. قلت يمكن بعد ما نزل وزن زوجي الله اكرمنا و حملت.. أخذت موعد في رويال حياه عند د/ بولين الصراحه كلمة خوش دكتوره شوي علييها قلت لها كل سالفتنا و أنا أقول لا شعوريا بجييت حضنتني جنها امي و خلتني أطلع كل الي في قلبي.. عقب قالتلي لا نفقد الامل خل أسويلج سونار و تحليل حمل و اذا مو حامل انزل الدوره.. لله الحمد على كل حال طلعت مو حامل و نزلنا الدوره و اهيا كانت طالبه مني تحاليل ثانية بعد لان بالسونار طلع عندي كيس صغير على واحد من المبايض... و قالتلي ثاني الدوره تعالي نعيد السونار و نشوف تحلل الكيس أو لا.. رحت الكيس مو متحلل بس حجمه صار أصغر و نصحتني ان حق حالت زوجي نراجع د/فاطمي...
طلعت من عندها على طول رحت قسم أطفال الانابيب قالولي ان الدكتور مسافر و يرجع أول شهر 8 يكون رمضان قلت OK و خذيت موعد.. كلمت زوجي قال ان شاء الله خير و صار يوم الموعد... رحنا الموعد و كنا متوتريينبس الي ريحنا ان الدكتور مرح و فااااااااااااااااااهم و شرح لنا حاله زوجي بالتفصييل و كان باله وايد وسيع حق أسألتنا و قال حق زوجي مشكلتك ان التستسرون نازل و هالمشكله ممكن تنحل بسهوله مع دوا اسمه FEMARA قاله اخذ 7 اسابيع بعدين تعال... اذا نسبه الهرمون زينه راح يسوي خزعهزز و طلب بع تحليل جينات حق زوجي راح نشوف نتيجته بالموعد
موعدنا مع الدكتور في تاريخ 25/9/2011.. و أنا الدوره من نزلت علي بعد الحبوب في 15/7 ما نزات مره ثانيه....
ادعولي يا بنات بالذريه الصالحه.. أدري قرقت وايد سامحوني
أنا متابعة صامته صارلي سنه تقريبا.. و كنت لما أقرا قصص البنات اهني أبجي معا الي ما حملت أو الي سوت عملية و طرحت و أفرح وااايد و أبجي مع الي حملت و أتخيل روحي و أنا قاعدة أبشر الناس بحملي....
هذا اول موضوع لي كنت وااااااايد متردده اني أكتب قصتي أو لأ بس قلت محد بحس فيني الا الي عايش نفس قصتي و قلت بشاركم فيها...
أنا متزوجه من فبراير 2010 انا عمري حاليا 25 و عمر زوجي 26.. من تزوجنا و احنا مقررين ما نأجل موضوع اليهال يعني اذا الله كتب من اول شهر خير و بركه و نعمه.. و أنا قلبي كان وااااايد متعلق اني اييب ياهل.. علما بان دورتي منتظمه و الحمد لله.. تأخرت جم شهر على يوم او يوميين و كنت اركض اشتري اختبار حمل و بس اسويه و يطلع سلبي تنزل الحلوه...
يانا رمضان و كان شهر 9 و تأخرت علي الدورة 15 يوم جان أسوي اختبار حمل منزلي طلع سلبي قلت لا أكييد مو دقييييق لازم أروح المستشفى و أسوي دم... رحت و نطرت النتيجه هم طلع سلبي صكت فيني الدنية يا بناات و خنقتني العبرة و قمت ابجي بالطريج :eh_s(2)::eh_s(16)::eh_s(2)::eh_s(16):اول ما رديت البيت دشيت تكرمون الحمام على طول و لا ينزل علي دم جني كابه ماااي صار معاي نزييييف و زوجي ركض فيني دار الشفا و ظليت اهناك 7 ساعااات و اليومين الي عقب انا بالفراش من العوار و كمية الدم...
خلصت دورتي و قالولي روحي شوفي من شنو النزيف و هم انا كنت ابي اتاكد اذا في شي مانع اني احمل... رحت مع زوجي عند دكتوره مصرية في دار الشفا جنه اسمها نجوى طلبتلي تحاليل و سوت سونار و قالت على الحمل لازم زوجج يسوي تحليل مني بعد.. زوجي وافق و قال OK .. لما طلعت نتيجه التحاليل رحنا جان تقولي انتي عندج الغدة الدرقية خاملة شوي بس الحمد لله مو مأثرة على التبويض و حولتني على د/سمير الشمري عندهم بالمستشفى.. دكتور غدد... و عقبها ياتنا الصدمه الكبيره شافت تحليل زوجي جان تقوله الحيوانات المنوية عندك صفررررر... اي صفر يا بنات ماكو ولا واحد:eh_s(2)::eh_s(2)::eh_s(2):... انصدمنا و سألنا شلون جان تقول عادي يمكن عنده انسداد او شي مشكلتكم تنحل ان شاء الله بالحقن المجهري.. أنا حزتها ما عندي أي فكره عن العقم و الحقن المجهري و هالسوالف.. جان أدش قسمكم الجميييل و أقرا و أفهم كل شي و كلمت ريلي و اتفقنا نروح عيادة د/ فوزية القطان...
رحنا العيادة جان يقولون ما تدشون اذا اول مره على دكتوره فوزية تدشون عند دكتورة ثانية تقيم الحاله بعدين تدشون عندها... دشينا عند د/شيماء كانت وايد حليوا معانا و طلبت من ريلي ان يعيد التحالييل و يروح حق د/ عادل الحنيان عشان نتأكد ان مافي سبب عضوي يمنع الانتاج مع العلم بنات ان زوجي يعاني من السمنه و مدخن... عاد التحاليل طلعت نفس النتيجه و بتحليل الدم طلع عنده هرمون التستسرون نازل و دكتور عادل بعد الفحص و السونار قاله ما فيك شي عضوي يمنع.. رحنا بعد جم يوم عياده فوزية و طبعا هم ردو دششونا عند شيماء مع اني طالبه مقابله د/فوزية شافت التقرير و راجعت التحاليل سألناها ماكو علاج أو شي جان تقول أفضل حل حق حالتكم ان نسوي عملية الخزعة و التفتيش عن الحيوانات المنوية و اذا لقينا شي نجمده و نبدي حقن مجهري.. قالت دكتوره فوزه راح تسويها وافق زوجي بس قلنا لها نبي نقعد مع الدكتوره أول.. قالت الدكتوره راح تشوفكم قبل العمليه الصبح في مستشفى هادي و حطو موعد عملية بعد يومييين...
احنا بلغنا خالتي و عمي لان عزيز ما يبيني يو العملية بروحي و يوم العملية ياو معانا المستشفى.. نطرنا الدكتوره تيي ما شفنا الا دكتور التخدير سألت الممرضه قالتلي الدكتوره دشت تسوي حمليات سحب بويضات حق مريضتين قبلكم راح تكلم اهيا زوجج لي دششوه و قبل ما يتخدر... انا اهني وااااااايد عصبت :eh_s(14): بس مسكت روحي عشان زوجي لا يتضايق وراه عمليه..
دخل العمليات و النص ساعه الي كان فيها داخل مرت جنها دهر... بس الحمد لله يانا الغرفة عقب نص ساعة يات الدكتوره نادتني طلعت معاها بره... جان أقو لها بشري دكتوره جان تقولي ما لقينا شي.. أنا من الصدمه ما استوعبت جان أقول لها شنو يعني؟ جان تقولي ما لقينا حيوانات منوية .. قلت لها ولا خلايا أولية جان تقولي أنا ما شفت شي بس ننطر تقرير المختبر لي طلع اناديكم العياده.. أنا اهني مو قادره أدري ان لازم أمسك روحي عشان زوجي و هم ما أبي أغث خالتي الي ناطره تشوف عيال ولدها.. دشييت الغرفه و أنا خانقتني العبرة :eh_s(2): بس ما بجيت قررت أصير قوية و أمسك روحي عشانهم.. سألوني هاا شقالت قلت ماكو تقولي على الجرح و ان بع اسبوع راح يتصلون عشان النتيجه...
اتصلو و رحنا جان يقولون تفضلو د/شيماء ناطرتكم جان أقول لهم شكو شيماء موعدنا مع فوزيه اهيا الي سوت العمليه جان يقولون لي لا شيماء الي راح تشوفكم... رحنا جان تقول لنا أأسف اني أقول لكم ان ما لقينا شي جان أقول لها و الخلايا الاوليه لقيتو جان تقولي لا تقرير المختبر يقول ماكو أنا من كلمتني فوزية يوم العملية و أنا ما بجيت بس في هاللحظه حسيت حلم الامومه ان\بح جدامي جان أبجي بجي ما بجيته بعمري كله :eh_s(16)::eh_s(16)::eh_s(16)::eh_s(16)::eh_s(16)::eh_s(16):... قال خل يضعف بعدين ممكن نلقى حل... ظلعت من العياده وااايد متضايقة و أكبر شي ضايقني ان د/فوزية حتى ما قابلتنا..
يومها و احنا نايمين بالليل صحيت على صوت صياح زوجي قطع قلبي :eh_s(16)::eh_s(16)::eh_s(16): قالي مابي أحرمج من حلم حياه كل بنت اذا سعادتج مع غيري و عيالج من غيري أنا مستعد اهدج اذا تبين.. قلتله اذا عيالي مو منك ما ابييهم.. و اتفقنا نهد الموضوع شوي..
في هالفتره قلل زقاير لما قطعها و بدا يسوي رجيم... ياني و قالي شرايج نجرب حظنا في أطفال الانابيب الي في الصباح.. قلت له اوكي انا اوح اشوف شنو وضعهم و شنو يبون... رحت جان انصدم يا بناااات عشان يوصل دورنا حق موع بس موعد 6 أشهر ليييييييييييش؟؟؟؟ طلعت من الصباح ابجي و كلمت زوجي قالي مو رئيس الوحد د/ حازم الرميح قلت له اي قالي خلاص اكيد عنده عياده نروح عيادته .. دقيت عيادته قالتلي السكرتيره موعدج عقب باجر..
رحنا العياده و دشينا على الدكتور مع انب كنت كتردده لان ريااال و كويتي.. شكله حليو بس هادي زياده عن اللزوم و هذا الي ما حبيته و اجاوب على قد السؤال.. طبعا احنا قلناله ان زوجي ما عنده حيوانات منويه ولا خلايا أولية و اهوا يقرا التقارير عصب و قال منو قال ان ما عنده خلاي؟؟؟؟ قلتله الدكتوره الي قابلتنا في عياده د/فوزيه جان يقولي تقرير د/فوزيه و تقرير المختبر مال العملية يقولوون ان زوجج عنده حيوانات منويه غير كامله النمو الي اهيا خلايا من الدرجه الرابه يعني مرحله وحده و تكون حيوان منوي كااااامل.... انا اصدمت و قلت لييييش جذبو عليينا شنو استفادو؟؟؟ لييييش!! و حاله حال كل دكاتره الخاص طلب ان أثنينا نعيد كل تحاليلنا... عدنا التحاليل و رحناله لما طلعت النتايج.. قال عندك التستسرون نازل ماراح نسوي شي وح اضعف و ردلي بعد 6 أشهر أو سنه.. صراحه ما حبيت رده بس شنسوي ننطر.. هذا الحجي كان شهر 1 2011
قرر زوجي يسوي عمليه تكميم معده و سواها و لله الحمد ضعف لما ألحين 25 كيلو.. و في فتره الصيف سافرنا و كانت اخر دوره 30/4/2011 رجعنا الكويت أول شهر 7 و أنا طول هالمده ما ياتني الدوره.. قلت يمكن بعد ما نزل وزن زوجي الله اكرمنا و حملت.. أخذت موعد في رويال حياه عند د/ بولين الصراحه كلمة خوش دكتوره شوي علييها قلت لها كل سالفتنا و أنا أقول لا شعوريا بجييت حضنتني جنها امي و خلتني أطلع كل الي في قلبي.. عقب قالتلي لا نفقد الامل خل أسويلج سونار و تحليل حمل و اذا مو حامل انزل الدوره.. لله الحمد على كل حال طلعت مو حامل و نزلنا الدوره و اهيا كانت طالبه مني تحاليل ثانية بعد لان بالسونار طلع عندي كيس صغير على واحد من المبايض... و قالتلي ثاني الدوره تعالي نعيد السونار و نشوف تحلل الكيس أو لا.. رحت الكيس مو متحلل بس حجمه صار أصغر و نصحتني ان حق حالت زوجي نراجع د/فاطمي...
طلعت من عندها على طول رحت قسم أطفال الانابيب قالولي ان الدكتور مسافر و يرجع أول شهر 8 يكون رمضان قلت OK و خذيت موعد.. كلمت زوجي قال ان شاء الله خير و صار يوم الموعد... رحنا الموعد و كنا متوتريينبس الي ريحنا ان الدكتور مرح و فااااااااااااااااااهم و شرح لنا حاله زوجي بالتفصييل و كان باله وايد وسيع حق أسألتنا و قال حق زوجي مشكلتك ان التستسرون نازل و هالمشكله ممكن تنحل بسهوله مع دوا اسمه FEMARA قاله اخذ 7 اسابيع بعدين تعال... اذا نسبه الهرمون زينه راح يسوي خزعهزز و طلب بع تحليل جينات حق زوجي راح نشوف نتيجته بالموعد
موعدنا مع الدكتور في تاريخ 25/9/2011.. و أنا الدوره من نزلت علي بعد الحبوب في 15/7 ما نزات مره ثانيه....
ادعولي يا بنات بالذريه الصالحه.. أدري قرقت وايد سامحوني
