ابي حبيبي مابي زوجي

[روحي تحبه غصب]

عسى ان تكرهوا شيئا وهوا خير لكم

حبيبتي انتي عشانج مومتقبله فكرة الزواج من شخص غير اللي تحبينه فماتشوفين الاعيوبه
وطريقتج ناشفه مع الريال لازم تعطينه فرصه والزواج قسمه ونصيب يمكن زواجج من ولد خلتج شر لج والله ابعده عنج

عسى الله يوفقج ويسخرلج ريلج

 

[nawaaaleee]

والله ياحبيبتي وضوعج وايد يضيق الخلق صج الله يعينج ويهون عليج
ادعي بصلاتج "ياحي يا قيوم برحمتك استغيث اصلح لي شأني كله ولا تكلني الى نفسي طرفة عين "
الحين اللي صار صاروانتي تزوجتي شخص غير اللي تحبينه .. لازم تتقلين الامر الواقع وترضين بقسمتج ونصيبج
هذا زواج مكتوب ومقدر ولازم ترضين بقضاء الله وقدره ..
ماتدرين يمكن الله كاتبلج الخيره في هذا الزواج ..
انتي حطي في بالج الاشياء الزينه وشيلي من بالج ولد خالتج عشان تقدرين تشيلين عمرج وتتقبلين حياتج ...
تكلمي بينج وبين نفسج قولي مايصير افكرحتى بغير زوجي اعتبري التفكير حرام !! منتتذكرين ولدخالتج استغفري وانسي الموضوع ..
تخيلي انه لوتزوجتي ولد خالتج بتصير مشاكل بيتغير عليج بخونج....... اي شي سلبي من ناحيته
وفكري بزوجج طريقة ايجابيه انه شاريج وتزوجج وصاينج ..
حبيبتي طالعي الاشياء الزينه بزوجج لا تطالعين بس الشين ...
شي طبيعي بتطالعين عيوبه لانج من اساس ماتبينه ...بس هذا غلط !!
اذا تبين تظلين مع زوجج تقبليه وحبيه وطالعي الزين اللي فيه واذا ماتبينه شوفيلج دبره...
واذا عن التفاصيل اللي قلتيها اذا كنتي شاريته وتبينه قوليله يضايقني كيت وكيت وكيت
والله يسهل امورج حبيبتي ... قلبي معاج

 

[●|أملي بالله كبير |●]

عورتي قلبي والله ماادري شقوول

 

[سراي اللواوين]

حبوبة الزواج نص الدين يعني انتي الله بيحاسبج على معاملتج لزوجج لازم تحفظين اسمة ومالة وبيته وشرفة شلون وانتي متولعة بولد خالتج سايحة ومشتهيتة وعندج ريل ثاني ..اسفه على هالاسلوب بس تمش ورى اللي يبجيك ولاتمشي ورى اللي يضحكك
انا عندي تطلقي ولا تظلين اسمج متزوجة الريال بالجسم وقلبج وروحج لواحد ثاني تدرين اذا ماشتهيتي ريلج وعشتي معاه يعني طول عمرج بتلعنج الملايكة في كل مرة يطلب حقة وتردينة ...المسألة مو لعب والله لا احد يلومني على هالكلام ادري حراج نقول تطلقي بس في حدود الله لازم تعرفينها حبيبتي واخاف عليج الله لايقول من الخيانة اسم الله عليج هذه دنيا الله يكافيننا شرها عندي تقعدين فبيت اهلج ولا تعيشين صراع شالله حادج اذا انتي عالبر فكي عمرج والايام كفيلة تغير كل موقف اليوم ابوج مختلف باجر ماتدرين شي صير لان ماكو عداموة ولامحبة دائمة هناك مصالح دائمة
اقصد لاتفقدين الامل مع ان زوجج زين بس انا افهم المرة اللي تحب واحد وتاخذ ثاني كلش مو سهلة الشيطان شاطر فما بالج ولد خالتج يعني غصبن عليج بتشوفينة وبتعرفين اخباره مو غريب علاقة وانتهت وكل واحد راح بطريجة ؟
ادري بيردون علي شكثر بس هذه رايي ومو كل متزجين يخونون بعض بس هم مو كل متزوجين مرتاحين لكن دائما المرة ضعيفة لان الحب هو حياتها حتى لما تصير جده تتذكر اول حب وكل تفاصيلة فلا تناقضين نفسج بصراحة يعتمد على شخصيتج اذا قوية والا لا؟

 

[strawberry lemonade]

انا اقول لا تاخذينه وتبلين روحج فيه

لو كان زين اوكي بس اذا من البداية جذي شلووون بعدين !!

واحسن لج من الحين انفصلي عنه احسن من ماتتعقد المواضيع بعدين خصوصا اذا صار بينكم عيال

 

[فـرفـر]

احس انه شخصيتج ضعيفه قدام ابوووووووج
ومقدره موقفج هذا ابوج ويمكن يكون شديد معااج
بس لو انى منج مستحييييييييييييييييييييييييييييييل اخذ واحد واخلي واحد يحبني

والقرار بايدج

 

[krkooora]

لو ريلج احسن من هالمواصفات و الاطباع اللي وصفتيها قلتلج انسي ولد خالج و شوفي حياتج
بس بعد هالعيوب فكري و فكري ترا حياتج بيدج
و الوقت قصير
الله يوفقج

 

[جميله وجذابه]

انتي عندج سببين يخلونج تنفصلين عن هالريال

الاول اطباعه الشينه

و الثاني حبج لولد خالتج

و قبل لا تسوين اي شي استخيري طبعا

و اذا استخرتي قولي لأهلج ما اقدر استمر معاه فيه كذا كذا كذا

تنفصلين منه الحين احسن من بعدين

وولد خالتج اذا كان من نصيبج بتاخذينه بتاخذينه واذا مو من نصيبج ماراح تاخذينه الزواج قسمه و نصيب والي ربج كاتبه لج بتشوفينه والله يعينج و يوفقج بحياتج اليايه.

 

[حب الرّمان]

الله يوفقج يارب ونشالله تتعودين على العيشه معاااه’’’’ والمره موكل مره عند ريل يعني تضمنين اذا طلبتي الطلاق ولد خالتج راح
ياخذج ’’’’’ عيشي مع ريلج وسنعي امورج وخلي قصة حبج مع ولد خالتج قصه حلوه مرة بحياتج ....

 

[فـلـفـلـهـ]

مو نصيبج

ارضي بواقعج والخيره فيما اختار الله

والريال مو برومانسيته ... الريال برجولته وتحمله للمسؤوليات

 

[سفيره الهم]

حبيبتي عندج حلين يا انج تكملين ويه خطيبج وتنسين ولد خالتج لان العشره مع الزوج تنسيج مو ولد خالتج حتى اهله تنسينهم
والحل الثاني تتطلقين مو زوجج وتردين للكلام الفاضي مع ولد خالتج واللي اضمنلج ماراح ياخذج لان لو يبيج جان تجرأ وخطبج دامج بسن زواج يدري انج بتنخطبين وبعدين صرتي بذمت رجال ثاثي يعني طلاق ومتاهات ومجتمعنا ما يرحم تطلقت من ولدنا لانه تبيلها واحد
والحب ترى يجي مع العشره
انا تزوجت زواج تقليدي واموت بزوجي وهو يموت فيني
الحب قبل الزواج مو مهم اهم شي اخلاق اللي بتاخذينه وان يحترمج ويقدرج

 

[Donot Leave Me]

الله يعينج بصراحه ,,

ريلج ما يشجع انج تستمرين معاه و هذه حركاته من اولها ..

اذا ولد خالتج مستعد يتقدم لج مره ثانيه و ياخذج فصخي الخطبه ما ادري الملجه

و الله يرزقج ان شاء الله بالللي تتمنينه و يسخر لج اهلج و يوفقج بحياتج

 

[زوجة^حمني]

مشكووووووين كلكم على ردودكم


الله كريم

 

[منور24]

مسكين مالومه
يعني بهالسهوله استسلمتي ورضيتي تزوجين غيره
وين رااح الحب ؟؟؟
الله يعينج من الاول القرار بيدج لو رفضتي مستحيل احد يغصبج

شكل شخصيتج ضعيفه وابوج الحين لاهو تعبان ولا شي انتي اللي تعبتي من هالزواجه

 

[مطيرية والعزليه]

الله يعينج ياقلبي

 

[الصعيريه]

ياحيااتي الله يعينج إن شاءالله

 

[tolay]

المشكله ريلج لو زين جان هان الوضع وقلنا يلااا تحملي عشانه

فوق انج ماتقدرين تحبينه وهم موزين

وشنو ايام الملجه مايصرف عليج ايييييييي شي !

مادري شقولج هذا قرارج

استخري وقرري اذا تبين تستمرين معاه ولا لا

قولي حق ابوج كل شي عنه بالضبط وعاتبيه انه ماخلاج تاخذين ولد خالتج عشان يحس شوي

اذا ضامنه انج راح تاخذين ولد خالتج هنيه ممكن الانفصال يكون سهل لج ..... وشوفي كلمي ابوج قوليله عن الريال وكلمي ولد خالتج يمكن يحن عليج ويتزوجج اذا انفصلتي

وخصوصا انتي بفتره ملجه وايد الوضع بيكون اسهل

اذا تقدرين تحبين زوجج صبري وتحملي

مشكلتج انج مادافعتي عن حبج اكثر

 

[nittfa]

انا لو منج اتطلق منه وارتاح
واكلم حبيبي واقوله بنطرك وماراح افقد الامل وبرفض اي احد ايلي وبظل انطر طول العمر وماتزوج الا الي بقلبي واقوله ماقدر اكمل
حياتي من غيرك والله والي صار كان مو بيدي غصبن عني
الله يريح قلبج حبيبتي والله حاسه فيج

 

[om...al3ess]

الله يعينج .....دام ماتبينة ليش وافقتي واهلج بعد مو غصب راح يززوجوونج .....انا اقووول قبل لا يدخل عليج كلمي امج كلمي ابوووج فهمية ............

 

[ChaRminG DiVa]

اسمحيلي اختي اقولج شي .. مو ابوج اهوا اللي سببلج هالمشاكل وخلاج تتزوجين غصب .. شخصيتج الضعيفه اهيا اللي حطتج وسط كل هالمعمعه .. انتي وايد سلبيه .. حتى الحين البنات كلهم ماقصرو و عطوج حلول وانتي بس تقولين الله كريم ونعم بالله حبيبتي .. بس رب العالمين قال اسعى يا عبدي وانا اسعى معاك .. انتي قاعده مكانج سر حتى مافكرتي تكلمين ابوج .. حبيبتي الانسان مره وحده يعيش .. وانتي اهلج يابوج بهالدنيا عشان يعيشونج احلى عيشه مو عشان يعذبونج !! هذا ابوج حتى لو كان شديد بس تهمه مصلحتج كلميهم هذي حياتج مو حياتهم .. تخيلي عمرج بعد سنتين من الحين عندج بيبي و ريلج من سيئ الى اسوأ و الباجي عايشين حياتهم من ابدع ما يمكن !! وانتي اللي تنقهرين و تاكلين بعمرج .. ترى دينا يسر مو عسر و اذا انتي مو مرتاحتله انفصلي احسنلج و احسنله لان هم اكيد ريلج مايبي يعيش مع وحده ماتحبه .. و اذا انتي خايفه تحاجين ابوج .. حاجي ريلج و قوليله انا مابيك بس لاتسكتين !! الا اذا انتي تحبين تلعبين دور الضحيه هذا شي ثاني !! و حبيبتي والله نصيحه لج خليها ترجيه بأذنج .. شخصيتج قويها لان الشخصيه الضعيفه ماتعيش بهالزمن