ابي حل لان والله ضاقت فيني الدنيا

[عسووووله قطر]

اي والله في ردود ضيقت خلقي... هاي بنت صغيره يعني حرام تقولون جي ... هي عاشت في تفكك اسري.. طبيعي تكون عدائيه.. وبعدين هي لحد الان ما تعودت عليييج .. انتي تقدرين تحتووووووينها وتخليينها تحبج.. انتي تزوجتيه وتدررين انه عنده بنت ... وتعاملي معاها على اساس انها ينتج من لحجم ودمج..

 

[simtonguri]

صح البنت ضائعة
و نفسيتها تعبانه أيها مؤ عوبه ولا معقده أهيا صغيرة ما أتعرف اتعبر و هذي طريقتها شوفي لج احد دارس علم نفس أطفال
و خل يعطيه نصايح شلون أتسايسينها وانشأ لله خير
لو تفكرين فيها حتى إحنا الكبار صعبه علينا احد يديد يدش بالعائلة

 

[امووووما]

[size="حبيبتي انتي من البداية عرفتي ان الريال عنده ياهل ورظيتي وهم تدرين ان العمه أهي اللي ربتها يعني البنت موجوده بالبيت ماراح تطلع اذا والله تزوجتي وقعدتي عندهم بالبيت

اتقولين أمها من ريال لي ريال والابو ما يساحبها ويعلمها على تصرفاتها حراااااااااااام آتيين اتلومينها واتحطين فيها عذاريب بالعقل البنت ضحيه وتؤهل خمس سنين عجيبه انتي اتشكلينها بس انتي حالك حال باقي البنات اتحسبين انج متزوجه ريال ظروفه نفس باجي رياييل رفيجاتج لا ياقلبي انتي ظروفج غييييييير والمفروض اتكونين امكيفه نفسج قبل الزواج على هالشي

تبين تلقين حل الحل بايدج انتي كبري تثلج وفكري لي جدام انتي تبين الريال بو شهر شهرين ولا عمرك كله كسبي بنته وحبسها قبل لا اتحبينه واذا ما حبيتيها مابتشوفين يوم راحه لان انتي اللي قاعده اتعبين روحج

وموضوع لعيال خايفه والله من حجي الناس شنو بسوولج هالناس لي بأجر يبتيلج بنت وتطلقتي وصار حالها حال عالبنيه

نصيحة مني لا اتشوفين ولا تسمعين من البنات الي يهايطون أنا سويت مع ريلي جذي وريلي سؤالي جذي دام انتي تبين اتعيشين [/size]

 

[كلمة جريئة]

والله فيني عبره
حراام هذي ياهل ،،شفيكم عليها ليه ردودكم جذي.؟؟.حمد لله والشكر ..ليه تشيشون زوجة الابو عليها حرام عليكم ،،بدال ما تنصحون ،،تزيدون الطين بله؟؟؟تخيلوا بناتكم بمحلها.مدري شقول الأخت
((( ام كوووثر )))
ماقصرت قالت الي بخاطري جزاها الله خير..والاخت// بلو فلور//
تكفين ديري بالج عليها ..والله اذا كبرت ماراح تنساج..

 

[سفيره الكويت]

والله ماقول غيير بلوى وابتليتي فيها

انا اشوف البنت غيرانه منج وماتبيج تقربين من ابوها وما استبعد انه الام لها ايد بهالشي ومشيشتها عليج ...

للي عليج تسوينه حاولي تقولين لريلج تحجزون فندق على الاقل بالشهر مره وتمارسون فيه علاقتكم الزوجيه ولا هذي مارراح تفتكين

منها الا اذا تزوجت

تقولين تمارس العاده السريه بعد مابقى احد والله ...!

 

[سفيره الكويت]

والله نصيحه اذا انتي تبين الريال وتبين تخلينه يلصق فيج وينتبه انج اسرته اليديده ولازم يحافظ عليها اخذيه فندق كل شهر ومارسوا

الجنس وان شاء الله تحملين منه وساعتها تقدرين تضمنين ان شاء الله بيتج لانه همن بنته او ولده للي ببطنج قطعه منه

 

[أم الفناتك]

اللي اتقول اشلون اتكلمون عن ياهل ام خمس اسنيين جذي انا اللي اعرفه ان شخصية الياهل اتحدد من عمر خمس اسنين وهاذي الله يعينج عليها صراحه بتعبج وسالفة اللي اتقول عادي انها اتمارس العاده السريه لا مو عادي شنو وين راحت البراءه اذا ام خمس اسنين جذي اذا بلغت شبتسوي يبا اخذيها من الاخر هاذي يبيلها واحد مختص يعلمج شتسويين مو اهني كل وحده تفتيلج من صوب وانا يعجبني ابراهيم الخليفي استشيريه بعلمج اشلون اتعاملين معاها والله يعينج

 

[حبيبي مالكني]

ويييييه ..
شهالبلوة !!!!

اولا ميخالف
خنكون صريحين حتى لو صراحتنا مايقبلها البعض
انتي مو ملزومة بعيال خلق الله!
ووجود هالبنت تعدى حدوده المقبولة!!
تنام عندكم يوم يومين ميخالف
لكن تطيحله عندكم
بالله شنو هذا ؟؟
مراح تصيرين انانية لو قلتيله انا لي عليك حق
وانا ماتزوجتك عشان اربي بنتك
انا تزوجت لان انا ابي أأسس عايله مو اربي عوايل الناس!!

بس المشكله هالحجي فات لاوانه لطالما انتي رضيتي بهالشي من الاول
وهاذي مشكله العرايس اليدد ..
ميخالف لو قالها زوجها انتي صرفي عالبيت شوي ، تقوله انشالله
ميخالف لو قالها قعدي لا تداومين ، تقوله انشالله
ميخالف لو قالها طلعي من الجامعه وانهي دراستج ، تقوله انشالله

وبعد جم سنه
تقعد تندب على حظها وتتشكى .. انا زوجي مايخليني لا اطلع ولا اروح
انا زوجي مايصرف على البيت،كله انا ... و إلخ إلخ!!

انتوا الي ترضون على نفسكم جذي من باب الطيبه ومن باب اني بكسبه ومن باب اني ابي ابينله اني اطيعه
وينتهي الفاس بالراس!

حلج يابعد عمري
اهوه شغله وحده
قوليله انا رضيت بهالحال لان ماتوقعت الامر بهالسوء
ماتوقعت ان وجودها راح يخرب علاقتي فيك
يحرمني من حقوقي كزوجة!
وبالنهاية انتهي خدامه !!
انا وحده الحين تعبت نفسيا
وعندي لك اكثر من حل عشان نحط حد للمشكله
بنتك، حبيبتي وعلى راسي ..
حطها بسرير ابروح ، بغرفه بروح .. الي يصير
يقولج خوافه!
قوليله مو على حساب زواجي !!!!

انا ادفع ثمن خوفها ؟؟؟
اهي الي تخاف وانا الي اكلها ؟؟

حطيه عند مفترق طرق ،، اذا تبي مشاكلنا توقف
زواجنا ينجح
والي يسلم عمرك ، خل البنية تفج عنا اشوي!!

تعوذي من ابليس هاذي ياهل شنو بلوه
هالياهل محرومه من الاستقرار تحتاج لحب وعناية
الياهل يحس بمشاعرنا الداخليه
يعني ما نقدر نقص عليهم بتمثيل الحب والحنان والاهتمام
واهي شنو مو ملزومه اهي تزوجته وتدري انه ريال مطلق وعنده بنت
يعني اهي كانت راضيه
انا ماقول ان الوضع مو متعب لا متعب
بس اهي لازم تصبر وتتكيف
واذا اهي تبي تكسب زوجها
تكسب هالياهل قبل
وعمرها لا تخير زوجها بينها وبين بنته لان اكيد بيختار بنته

 

[i'm so happy]

فديتج حبيبتي ادري فيج تبين تسوي الشي الصح وتحافظين على بيتج
وماتبين احد يخرب مملكتج الخاصة واللي تسوينة ترى اهو الصح
بقولج شنو الصح وشنو الغلط الصح خليها عندكم طيب حلووو ..؟
عامليها مثل بنتج حببيها فيج حاولي تكسبينها قولي لها هاي الشي صح وهاي الشي غلط
طلعيها وياج النهار السوق المجمع الكورنيش اي مكان فالنهااار مايي الليل الا تعبانة تبي بس تناااام
هنــي انتي تفضين حق ريلج طبعا...
مع مرور الاشهر بتحبج وبتتعود عليج اكيد وريلج بستانس على هالاهتمام بعرف انج (حنونة - طيبه صبوره - خايفة الله فيها)
هالبنت اهيه اللي بتخلي ريلج ينظر لج نظرة حلوة لانج صبرتي وحاولتي تسعدينها وبتحصلين اجر منها بعد
حاولي تعلمينها العادات السيئة ماتسويها الكلام الوسخ ماينقال حاولي تقرين لها كتب دينية او مسلسلات او افلام عبر
تتعلم البنت شوي شوي على البيئة اللي اهيه عايشة فيها وبتتغير مع الوقت وكل هاي بيدج انتي
حتى الحمام حاولي تخلينا تروح بروحها.. والنوم سوي لها غرفه بختيارها البنات احبون الوردي والاسره اللي فيها حركات بتحب غرفتها وبتنام فيها وحاولي تشترين كل شي من اخيارها لا تزفينها ولا تلمسينها وقت اللي شفتيها بتنرفزج سكري عليج باب الغرفة وخليها بتحس وبتيج اهي طفلة تدور الحنان والحب واكيد بتحصلة فيج وانتي فيج الخـير والبركة اكيد اختي الحبيبة

 

[Ice Princess]

لا حرام من صج بنت عمرها 5 سنين شنو تتوقعين منها تشوف ابوها يتزوج

ترى صعبه ما اشوفها سهله !!!

وانتي بنفسج تقولين ان امها مو فاضيه

اشلون تتوقعين تربت

وبما انج وافقتي ريال معيل (عنده عيال)

معناته راح تحطين ايدج بالتربيه شتتوقعين ؟

نصيحتي كسبي اجر فيها والله حرام تسكر الخاطر
حاولي تقعدين معاها وتتقربين لها
صعب اي لكن مو مستحيل انج تغيرينها

وراح تكبرين بعين ريلج

 

[قطوه لولو]

ارد ع كلام البنات
لو هيا بنتي ع الاقل اعرف اشلون اربيها واسساسها من بدايه
اعلمها صح والغلط
والله بنات كلشي سويته حاولت اني اعلمها صح والغلط وماتقول كلام وصخ
بس شسوي
تصوري انا قاعده وساكته تجي تقولي ليش قلتي غبيه
اللحين يجي ابوي وبخلي يهاوشج تقولين لي غبيه
وانا والله لا تكلمت ولا شي ساكته
غير الجذب اللي كل كلامها جذب عني
بنيه والله مو تفكيرر ٥ اسنين البنيه تعرف كلشي
ع العموم يعطيكم الفرعافيه
وانا جدام الله مبريه ذمتي جدام الله
وحمدالله ع كل حال والله يهديها ويصلحها

 

[شادن33]

ع العموم انتي لاتاخذين على كلامها وحاولي اتكبرين عقلج وياها
والله يعينج اهم شي ريلج

 

[عذاب الشووق]

ارحموا من في الارض يرحمكم من في السماء .. ومن يتق ربه يجعل له مفرجا .. والاجر عند الله ما يضيع .. الا الظلم الا الظلم بكره وراج اعيال والدنيا دواره غداره مثل ماتحبين يعاملون اعيالج بعد عينج عامليها واكسبيها وممارستها للعاده منو فينا ماحست باحسساسها واهي اصغيره هالشي فطره من رب العالمين اذا ربج ما يحاسبها لين تبلغ تبين انتي تحاسبينها ؟؟؟ حاولي انها تنام بغرفه ابروحها عشان ما تشوفكم وانتم مع بعض حتي لو الابو نام معاها لين تنام وتالي يرد غرفتكم لين تتعود سويلها غرفه حلوه فيها حركات عشان تحب غرفتها ةتحمينها من انها تشوف اشياء مو لعمرها انها تشوفها

 

[سندس 90]

الله يعييييييينج
انا لو بمكااانج أحاااول أوديها عند أمهاا وإذا مانفع أحطها غرفه بروحها غصبن عليها شسالفه غرفة النوم ملك الزوجه والزوووووووج فقققط حتى عيالج بالمستقبل مايدشوونها لانها خصوصيه وهذي تنام بينكم حللوه هذي

 

[لمى...]

يمااااااااااااااااااااااااااااااااااااا

عشان جذي حاربت واخذت حظانة بنتي

من هالناس اللي مثل ردودكم

من الناس اللي مثل نوعيتج

لا مو مصدقة تدرون انكم تتكلمون عن ياهل ماصار له في الدنيا خمس سنين

الله ياخذ اللي يحط الحظانة بيد الأب وزوجة الأب الحريم مايعرفون الرحمة

خافو ربكم يااااااااااااااااااااااااهل يااااااااااااااهل

شنو تسوي عادة سرية بنتشوهينها وهي بعدها صغيرة هاذي لاصار عمرها

15 شبتقولين عنها...........؟؟؟؟؟؟؟؟؟؟؟؟؟؟

وابوها اردى منج يوم يخلي بنته بينه وبينج ويخليج تكرهينها اكثر من كرهج لها

 

[ابـيـض واسـود]

لاتحطوون بذمتكم ان امها السببب , البنت صغيره وامها وابوها متطلقين لاازم ببتصير مشتته وتناام وياكم بنفس السرير اكيد انها تبي تحس بأمااان تخيلي لاامها ولاابوها جنبها واهيا دادا شبتحس فيه , اهوا صح غلط تنام ويااكم بس مايخالف اشوي اشوي علميهااا تنام بروحهاا ومسكينه والله تصرفاتها مثل بااقي الجهااال

 

[لحن التياعي]

ياقلبي هذي طفلة احتسبي الاجر واعتبريها بنتك واللي ماترضينه لنفسك لاترضينه لغيرك انتي تزوجتيه وعارفة انه كان متزوج وعنده بنت اصبري الصبر مفتاح الفرج وانتبهي تضرينها هي ضحية طلاق ومالها ذنب جهزيلها غرفة كلها العاب والوان لين تتعود تنام لوحدها ان شاء الله فترة وتعدي على خير

 

[ابـيـض واسـود]

وترا الجهااال طبييعتهم يغااارون على امهم واببووهم حييييل

 

[Beyoncee]

حبيبتي اكثر واحد يحس بالحب الياهل
حبيها من قلب وبصدق عشان تحس فيج مو كلام
لو انها بنتج جذي بتقولين وتتصرفين معاها
من كلامج مبين انج متضايقه من وجودها
اهيا اكيد حست بهالشي وجذي بتعاملج
حرام بهالعمر وتتعرض لجذي
لا تاخذين بكلامها اتدافع عن وجودها مع ابوها
خايفه لا تفقده
حبيها ولج الاجر

 

[غدووور الكويت]

حبيبتي انا ربيت عيال زوجي واول شي سويته بفترة الملجه هدايا وملابس وطلعات والعاب وجهزت غرفه لهم ومن اول ليله كانوا العيال عندي ولعبت معاهم ونمت بينهم وقلت لهم لهم قصص لما ينامون بعدين كنت اروح داري وكانوا مو متعودين ينامون بروحهم احيانا بالليل يقعدون وايون غرفتنا وقمت اشجعهم بالقصص و بالهدايا واللي ينام وما ايي غرفتنا بالليل اييب له اللعبه اللي يحبها واتحملت هالوضع بس شهرين والحمد لله اتعودوا علي والحين صاروا رياييل وما ينادوني الا يمه وما يعرفون ام غيري مع انه امهم موجوده واذ عندج اي استفسار طرشي لي غلى الخاص لاني ما ادخل بالموضوع نفسه
خلاصة الكلام انه الموضوع يبيله تقبل من جهتج للبنيه وانج تنزلين لمستواها وتلعبين معاها وتتقربين لها وتصبرين على اخطاءها وبتشوفين اشلون تتعلق فيج وبتفج من ابوها والله يعينج