ابي حل لان والله ضاقت فيني الدنيا

[أو عبوش]

انتي تزوجتيه وتدرين ان عنده بنت من الاول وبنته بحضانته


يعني ماقص عليج ولا دبسج فيها



وهالعمر ترى تبدي تكتشف الدنيا واذا تحط ايدها بهالمكان مو يعني عاده سريه حرام عليه



هالعمر يبي تقولين لها عيب تحطين ايدج هني\\ شيلي ايدج وبحزم



او احتمال فقيره فيها التهاااااب لان ماتغسل عدل صغيره ترى 5 سنين



اكسبيها وحطي الله بين عيونج بمعاملتج لها


تر الدنيا دواره ماتدرين باجر يصير فيج مثل اللي صار بأمها وبنتج تكون عند مرته ال 3






عامليها بالطيبه


وبالنسبه لفراشج شوي شوي بتتعودعلى غرفتها

 

[طالبة1990]

باين من ردودج انج متمسكة بزوجج

وهالشي يبي له طولة بال ونية صادقة

ادري صعبة حيييل

بس صبري نفسج مصيرها تكبر وتدخل المدرسة

وتلتهي وتترتب حياتكم


التعامل مع الطفل صعب

ومو شرط الهدايا واللعب هو الحل

هذي تربية مو تودد مؤقت

الهدايا واللعب لاطفال الجيران او لطلاب الروضة

مو لطفل بتعيشين معاه العمر كله

البنت لازم تربينها وتعلمينها الصح والغلط ومو تتصيدين غلطاتها

وادري ان مرة الابو لو شنو تسوي بيتصيدون لج الاخطاء

وكل حركة وكلمة بتتفسر انها غيرة وكره لهالبنت


انتي ماتقدرين تربين البنت قبل ماتثبتين حسن نواياج لابوها وخالتج

لازم يعرفون انج تدورين مصلحتها

فلا تتذمرين منها عندهم ابداا

بالعكس دافعي عنها

عطيهم اقتراحات لمصلحتها

يعني اقترحي انه يدخلها مدرسة اجنبية

مجرد اقتراح قولي عشان تتأسس صح

فهو راح يستنبط ان همج مصلحتها

بالليل انتي ناديها تنام عندج صدقيني هو اللي راح يتأفف منها

ع قولتج هو ماكان يدري عنها قبل يتزوجج

فمعناه انه بس يبي يفرض رايه ويبي يوصل لج معلومة ان بنته اهم شي عنده

وهو اكيد يحبها بس هذي ردة فعل طبيعية


انتي انسانة دخيلة عليهم كلهم

كلهم صح وانتي بنظرهم المخطئة دائما


البنت لاتربينها عشان تكسبينهم

ربيها عشان تشوفينها تكبر وتتعلم بفضلك بعد الله

هالشي مو سهل ومايجي بيوم وليلة

بس صدقيني مافي شي يدوم او يبقى على حاله

مصيرها تمل وتبطل غيره

الطفل ذكي فعامليها بذكاء

مو معنى الذكاء انجج تتوددين لها

الذكاء تعرفين متى تضحكين بوجهها ومتى تعاقبينها

والعقاب مو شرط جسدي او مادي

ممكن مجرد انج تحقرينها اذا غلطت يكون عقاب

بس هالشي مايجي الا بعد ماتحبج وتتعلق فيج

وقتها راح يكون الحقران علاج اذا غلطت


وصدقيني كل الاطفال الحين انانيين وجاحدين

وقليلين ادب



وصدقيني البنت متعقدة

عاد تدرين كل الطالبات اللي عندي قليلات ادب

نكتشف عقب فترة ان اهلهم منفصلين

ومتعبين اهلهم حيييل ومتعبين المدرسة



الله يعيينج والله مو شي سهل

واللي ايده بالماي مو مثل اللي ايده بالنار


والانفصال مو حل كللش

وباين عليج وحدة فاهمة ونيتج صافية

وودج تعيشين مثل كل بنت

بس صدقيني الحياة صعبة ومافي شي بالساهل


الله يشرح صدرج وييسر لج امرج

ويعيينج على فعل الخير

 

[om-3azo-83z]

هذي متعلمه من امها
يبا كلمي ريلج قوليله ترا بقصر بحقج من كل ناحيه و اولهم الفراش مايصير يهجر الفراش و من اول الايام ! قوليله هذا شهر عسلنا لازم انا معاك بروحنا ختنام بدارها مو قادره اخذ راحتي لا بلبس ولا حركه كلش ما حسيت اني مزوجه لا من حركات ولا شي !