ابي وحده تنافسني وأعيني واعاونها

[NaNa88]

ثانكس حلاها وشندوخه عالوصفات راح اجربهم مره ثانيه هالمره اكلت تونه وليمون وخيار وخس وجزر وفلفل اخضر مابقى خضره ماطلعتها من الثلاجه شندوووخه هااا ترى اززززف :q عليييج بالعافيه بس لاتعيدينها خل ننزل هالاسبوعين بعدين اوديج يوم فري على حسابي المطعم اللي تبينه

 

[صآعده تحت}..]

صباح الخيـــــــر للنـــــــاس الغيــــــــر ~ :nbvppw:

 

[صآعده تحت}..]

انا بعد وياكم باليوم الفري


شندوخه اتركي الاكل اسبوعين بس مو طول اللعمر نزلي كم كيلو وعقبها تخفيف عادي

لاتخربينها انتي مو اقل مننا اراده

~ :nbvppw:

 

[NaNa88]

افا عليج حلاهااا ماطلبتي شي هااا بنات شخباركم
انا اليوم الصبح شربت موكا ماركة تروبيكانا نفس النسكافيه وجذي بس مال رجيم
ووتوني راده من الدوام تغديت بيض اومليت من غير زيت وسلطه وعصير برتقال
يالله قولولنا شنو غداكم

 

[شندوخه]

واي بنات ارادتي كل مالها بالنازل والله
اصوم طول اليوم واخربها بالليل اليوم كالعاده كورن فليكس
والدوره تبي تشررف حدي مشتهيه ككاو مو قادره

 

[NaNa88]

وااااااي الله يعينج شندوخه انا نفس حالتج هالجم يوم بتيلي .. عادي اكلي كاكاو صغير انا كنت اسوي رجيم المطوع وكل يوم طايحتله كاكاو بس ميني خل اكملكم اليوم شنو تعشيت اول شي كليت كاكاوه صغيره المغرب والعشا كنت طالعه وتعشيت برا طلبت سلطو سيزر بدون دياي و ستيك مشوي ويا خضار سوتيه وكان شيرنق بيني وبين اختي كلنا مسوين رجيم عشتوا

 

[NaNa88]

قوووي ارادتج شندوخه لا تنسين انه انتي اللي مسويه هالقروب الحلوو ومشجعتنا كلنا

 

[صآعده تحت}..]

مرحبـا بنات


عليكم بالعافيه اولا ثانيا عليكم بالوزن الى بتاخذونه من هالاكل @@

نانا اكلك يونس تنوعين بالاكل حلو علشان ماتحسين بالملل

وبعدين معاك ياشندوخه اكلي جبن اخر الليل اهون او فاكهه او نسكافيه يسد النفس


نانا انا ودي اسوي رجيم المطوع من بكره كم ينزلك اسبوعيا؟!

الحين بنزل لك اللى بطبقه نزل الاخت عنيد باسبوعين 4 ونص كيلو وفيه ككاو وهي مخربطه ونزلت 4 ونص

 

[صآعده تحت}..]

الريـــــــوق
- 1 توست أسمر + جبن قليل الدسم أو لبنه قليل الدسم + 2 مرتديلا أو 2 تركي أو بيضه أو زعتر + خضار + كوب حليب خالي الدسم
- 5 تمرات + كوب حليب خالي الدسم
ممكن استخدام خيارات الريوق بالأنظمة السابقة


سنــاك الظهــر
استكانة مكسرات (حب - يوز - بيذان - فستق) + شاي أو قهوه/حليب


الغـــــــداء
أول وثالث وخامس وسابع يوم : سلطه + 4-5 ملعقات عيش + نصف صدر دجاجه مشويه + دايت أو ماء
ثاني يوم : كيوي كميه مفتوحه
رابع يوم : برتقال كميه مفتوحه
سادس يوم : أفندي كميه مفتوحه


سنــاك العصــر
ككاو وسط أو 2 حبة فاكهه (أي نوع ماعدا الموز والمانجا) + شاي أو قهوه


العشـــــــاء ، يكون قبل ساعه-ساعتين من النوم
- توست أمريكانا أسمر + دايت أو ماء
- سلطه + 3/4 كف اليد لحوم (يعادل 2 همبرجر الضعيف) + دايت أو ماء
- كوب نخي أو باجلا + عصير برتقال أو تفاح
*** 2-3 روب أكتيفيا بالفراوله
*** 3 كيوي + عصير برتقال أو أناناس (ممكن نحطه بالخلاط ونشربه كعصير بيغـــث ويشبّع أكثرررر)
*** كوب لبن أو روب + 3-5 فراوله
ملاحظه :
~> العشا الي قبله نجوم ، هذا يكون عشاكم بالأيام الي الغدا يكون فيها نشويات يعني نتغدا عيش وهي الأيام (1+3+5+7) ، أما باقي الخيارات (وممكن نستخدم خيارات العشا بالأنظمة السابقة) فللأيام الي يكون فيها الغدا فاكهه

~> إذا طلعنا نتعشا بره وكان المطعم :
لبناني = 2 سيخ مشوي
أمريكي = ستيك well done وقالي عن نوعيه حلوه وهي fillet mignon
فرايديز وربعه = نص صحن فاهيتا لحم أو دياي
ياباني = قطع لحم مقطعه صغار اسمها teppanyaki

~> قالي أفضّل يومين من الاسبوع تسوين نظام "بدون نشويات" لأنه يساعد بتنشيف الجسم من السوائل ، وشخصياً أشيل يومين النشويات وأخلي مكانهم يومين بدون نشويات


الله يجزاها خير على ذكر تجربتهاويخفف عنها[/color]

 

[صآعده تحت}..]

انا من بـكـره ببلـش فيـه لمده اسبـوعيـن *_~

يلا وبكنسـل الككـاو هل من منـافسـاات .؟.

 

[NaNa88]

والله انا برمضان سويته شهر وكنت اكل كل شي عيش وهريس ويريش وسمبوسه وكبه ولقيمات بعد ونزلت 5 عقبها سويته شهر عقبه نزلت 4 بس ترى انا نزولي بطيئ وماكنت اسوي رياضه انا كنت ماخذتهم من بنت الكويت كانت حاطه موضوع عنه فس 5 رجيمات والله رجيماته حلو وتنززل ومايحرمج من شي

 

[NaNa88]

انا منافسه بس راح اسوي الرجيم اللي عندي احس هذا في وايد اكل وانا بحاول انزل بسرعه عشان عرس رفيجتي مابقى عليه الا اسبوعين عالاقل انزل جم كيلو قبل عرسها

 

[صآعده تحت}..]

اهو رجيم رمضـان يعني

5 بالشهـر ولا الاسبـوع

الله يعافيك اذا عندك الرابـط ابيه ضروري

انا هالاسبوعـين بسوي الى حطيتـه فوق بس وين حق رمضان انا ودي اصوم عن الايام الى فطرت فيها ابي اقضيهـا

 

[NaNa88]

5 بالشهر ,, كنت مشاركه ويا قروب ام عزيزان3 اهيا كانت رايحتله ومعطيتهال هالرجيم والله الحين ماعندي اياه بس خليني ادوره لج باجر وانشالله احصله لج

 

[إيفيتا]

السلام عليكم
كنت أقرا مشاركاتكم بنات و الله يوفقكم إنشالله و توصلون لهدفكم
بس عندي ملاحظة على الكاكاو... إلي مشتهية كاكاو خل تاكل كاكاو ماركة candreal أو كاندريل خالي من السكر و قليل السعرات و فيه نكهات متنوعة و التوست بدلوه بتوست الجاودار تلقونة عند محلات أرض الطبيعةو البيض بدلو الزيت بالماي يعني حطو الماي بالمقلة و كسروا البيضة فيها عادي... و المكسرات لا تاكلون اكثر من عشر حبات.... حاولوا انكم تعدون السعرات الحرارية الي تاخذونة و الافضل انها ما تتجاوز 1100 أو 1200 إذا كان الريجيم من غير رياضة... و بالنشبة للمطاعم السلطات خيارها أفضل من اللحوم و الستيكات و الفاهيتا خاصة إنة اللحم هضمة صعب و بطيء..
موفقين إنشالله

 

[صآعده تحت}..]

اي عجيــــــــب وطعمه لذيذ الككاو كاندريـل

تسلمين على التذكيـــــر ناسيته حتى ينباع بالصيدليااات

البيض المفيوح اخف بكثيـر من المقلي انا بكنسـل المكسرات من المظام اساسا

تسلمين على النصايــــــح شرايك تبلشين معـانا ونورتـي المنتدى

 

[سكر وعسل]

هلا بنوتات
اخباركم واخبار الريجيم وياكم
والله يقوووويكم وينصركم على عدووكم " المتن " خخ

انا والله داشه ابي ادش بقروووب بس الكل بادي صارله فتره

امم قروبكم مو من زمان يعني ماصار لكم وايد
مدري يصير اشارك وياكم ..

اانا الله يسلمكم طوووول عمري وزني 63 واذا متتنت اصير 65 حددددددددي

لكن الحين احم احم صايره 74 اهئ اهئ
بس الحمدالله نزلت 5
جني قلت قصة حياتي خخ

وزني :69

وهدفي الاول : 65
الهدف اثاني : 60<<هالرقم ماعمري شفته

انا اتبع رجيم المطوووع وايد يناسبني

انشاءالله ماتفشلوني

 

[صآعده تحت}..]

::

::

اهلين وسهلين سكر وعسل

حياك حياك وانا اقول النور منوين جاي

شوفى ياخيتي احنا اصلا مو كثار يعني ماصارلنا فتره على قولتك امس بدينا

وخربناها

بكره بنبدي

وانا معاك المطوع اللى حطيته بالصفحه الثالثه

وهدفى انزل باسبوعين 4 كيلو راضيه يعني انتي بعد نفسى

هدفك الاول 4 كيلو

وشو شو بدي ااول

انا هدفي الاول 55 الحين وزني 59

هدفى الثاني 50 الى ماشوفه الا بالاحلام

بس مليت خلاص وبعدين مع التكاسل ببدي من بكره

وانتي بعد لازم تقولين يومياتك ونشجع بعض يادبه موافقه

كاني هذرت واجد..؟!

اترك المايك للى بعدي



::

::

 

[سكر وعسل]

منور بوجودج ياقمر
اناااا هدفي 55 يكفييييينييي
بس مابي احط هدف بعييييد لالالا
عشان مااياس

امم انا باديه رجيم صار لي اسبوعين تتقريبا ... وموقف اسبوع خخ
بس امس بديت

امم وشنو بعد مشكلتي ماحب اسوي رياضه
واسجل بنادي اروح يومين واطخ

وعندي مشاية بالبيت لكن مامشي عليها مدري ليييش

ابي حل ؟؟؟

امم قاعده اقرا موضوع عن كيرفز
مفكره اسجل فيه
بس الي حسيته انه يرتب الجسم وتنزلين بس طبعا مو مثل الرياضه
يعني مفكره اوصل 60 وبعدين اسجل فيييه مدري فكرتي صح ولا غلط عنه

وووواي شكثر سووولفتت خخ
وبس

 

[صآعده تحت}..]

::

::

شووووفي

انتي شغلي التلفزيون واسمعيه وامشى رايحه راده نص ساعه يوميا

مراح تحسين فيها

ولاتخربطين تالى الليل اذا جعتي نسكافيه

التزمي بالرجيم المحدد سوي نفس رجيمي يونس

بس موناويه اكل ككاو يمكن يوم بالاسبوع

انتي خلى هدفك الاول 65

هدفك الثاني 60 وهذى موشوي نفسى بالضبط 9 كيلو لازم تنزلين مبدئيـا

خلينا نلتزم من بكره علشان مايزيد الوزن مع تاجيل يوم الرجيم اهئ اهئ

اكتبي نظامك اذا بتتبعين نظام معين وكم ينزل بالاسبوع

::

::