" اجكر ما خلق ربي " !!

[سكوتي بذوقي]

انتي حلوه بأخلاقك العاليه اختي

وامك الله يهديها المفروض ماتحبطك قدام الناس

المفروض تقول بنتي بعيوني قمر مو تعاونهم

اهتمي بنفسك وإذا أحد قال لك مو حلوه

قولي الحمد لله

غيري يتمنى يمشي ويشوف ويسمع ويتكلم

أنا بنعمه وجمليه بعد

ولا تعطين لأحد مجال يزعزع ثقتك بنفسك

موفقه اختي

 

[تذكر خافقي رمحك]

والله اهلج هذولا مع احترامي لج مايستحون
الواحد يستحي يقول حق واحد ثاني ياجيكير بويهها وهذولا بكل سهولة ينطقونها جدامج وأكثر من مرة ؟

بعدين ياما ناس جياكر بس يجذبون الناس الويه مو كل شي في شي اسمه جسم شعر أناقة تغطي على شكلج
واذا انتي مشعره في اختراع اسمه شيرة وليزر

وصمي اذونج عن حجي النااس لأن اولا الشكل مو كل شي وثانيا تقدرين انتي بنفسج بدون عمليات تجميل وبدون بطيخ تعدلين من شكلج

 

[شذى2007]

ياقلبي الله يعينج بس لازم تقوووين ثقتج بنفسج وحاولي تردين عليهم لاترضين لاحد يحبطج لازم يدرون انج ماترضين على نفسج جذي الله يهديهم

 

[بيتي بوب بس كويتيه]

حبيبتي والله
حفي حبيبتي واهتمي باسنانج وبنفسج
وبشعرج وبنظافتج وبتصيرين احلا وحده*

 

[رهــKSAــــف]

الثقه فوق كل شئ اختي لازم توثقين بنفسك ومع اهتمااام بالبشره والشعر
واللبس اكيد بتطلعين حلووه بس لاتخلين كلام الناس يأثر عليك
والله يوفقكـ

 

[MayOumii~]

بقولج شي !*
وهالشي مو مجامله ولا شي

انا معجبه فيج ! وحبيتج !!

تدرين ليش لان شفت عندج شجاعه عجبتني حيييل حييل..غيرج يحط بقلبه ويموووت من القهر..

اسهل حل اتسوينه وراح تسكتينهم كلهم..وحل محترم ومافيه قلة حيا عشان مايقولون انج ناقصه ولا شي

اول ما يقولون عنج شيفه او شي..قوليلهم " ولقد خلقنا الانسان في احسن تقويم "..الله خلقني جذي وانا راضيه الحمدلله
*
انتي يمكن صج عندج خشم مو حلو .. بس غيرج خشمها معكووف وغيرج خشمها راح بسبة حادث..يمكن عيون صغار ومو حلوه بس غيرج ما يشوفون كلش ويتمنوون لو عندهم اخيس عيون بالدنيا بس يبون يشوفون النور..يمكن انتي لونج مو عاجب احد..بس في ناس محرووقه الله يشفيها تتمنى جلد حتى لو متروس بقع وحبوب..

شفتي شلون انتي بنعمة غيرج وايد يحسدونج عليها..لا تطالعين الي تحسن منج طالعي الي اقل منج شوفيهم شلون وراح تعرفين انج عايشه احسن من وااد ناس بهالدنيا

كافي الحسنات الي تييج.. ويا رب يا رب مثل ما قاعد يحرقون قلبج الله يغسله من هموومه ويمليه نوور وثقة
الله خلقج جذي لان يحبج.. والله سبحانه اذا حب عبد ابتلاه

صبري على بلا ربج..ياما ينات قمممة في الجمال ماخذين رياييل ذالينهم وعافسين حياتهم.. وياما بنات عاديات ملو قلووب شباب وايد والكل يتهاوش عليها يبيها تصير ملكه والسبب صبرها واخلاقها


الله يصبر قلبج ويرزقج بالزووج الي يحبج و يموت في وما يشووف غيرج ويجملج بعيون الناس يا رب

 

[ڕۆۆحــي ڣــڍااگ]

لا والله الحل مو بعمليات تجميل قال تعالى :-(( صبغة الله ومن احسن من الله صبغه ))
وعمره ماكان الجمال هو كل شي
الجمال جمال الرؤؤح
شيلي الشعر الزايد
اول مره تكحلي وحط مسكره وقلؤس
المرهالثانية البسي عدسات
المره الثالثه سؤي اللي يناسبج بجذي
راح يتعودون عليج
ثاني شي اول ماتقؤمين بدلي ملابسج
لاتلبسين بيجامه
اكشخي لنفسج وسؤي لنفسج ولايهمج
كلام اللي حولج
واللي يقؤلج جيكره
اضحكي وقؤلي وااي ياحلوكم محترين مني
وصدي عنهم
والله لو انا منج ماراح اسكت صح بس بسكتهم
برفع ضغطهم بروود اعصابي

 

[chee$e cake]

مالج شغل بالعالم الجمال جمال الرووح

انا اقولج يا حبي انتي حفي و وقت الطلعه تسنعي ترى اللبس و الشكل من غير جمال يأثر انزين تفنتكي بالستايل و الجناط

و اسلوبج خلي يقطر عسل

انزين عندج المره نقعيها و حسيها على خشمج تسحب الدهون و عادي انا اعرف وايد ناس خشمهم كبير بس حلواات و اهما

محلين نفسهم عادي

و انتي سوي خلطات اشتري كريمات حطي خلي بشرتج تصير نفس البيبي و الله في وايد بنات كانوا و صاروا ماشاء الله

و لا تقولين عن نفسج جيكره !؟ بما ان الله خلقج جذي اكييييييييييييد في عندج شي بداله بس انتي لي اليوم مو كتشفته

و في حال اللي حولج قالولج انج جيكره قوليلهم و صارحيهم حتى لو تبجين جدامهم عادي عالاقل يحسبون لج الف حساب

و يثمنون كلامهم قوليلهم انا كل ما اسمع كلمه هني و هناك انجرح و انتوا ما تحسون و عادي بيتفهمون الوضع عادي

و انت ابهريهم بجمالج مع اني حاسه انج حلوه ما ادري لييييييييش و سوي نيو لوك تان مثلا و روحي سوي حمام مغربي

روحي الصالون حطي ماسكات على ويهج و سوي تنظيف بشره تنظيف البشره وايد يغير الشكل في حال ويهج محبب روحي

عياده عالجي الحبوب و عادي بتصيرين قمر هذي الاشياء كلها لازم تتعالج و بث

 

[VET-Nour]

و بعدين اذا اممج تطنزت عليج ,
قوليلهآ [ ترآ آنتآجج هذا مو أنتآجي ]
لآلآ صج قوليلها ججذي رآح تححس شهلام

 

[honey lust]

سوري مو مصدقه السالفه

 

[دلع العتبان]

ماادري اي مسلسل هذا ؟

استغفر الله ماتملون من هالسوالف !!!!

شوفي حبيبتي انا موقاعده اتطنز بس اذا صج مومعقوله ام تسوي جي ببنتها يعني شوي مولهدرجه شوي ماكو منيه مناك شدعوه يعني تقول مرت ابو ليكون لقتج عند المعبد اليهودي لايبا وين قاعدين ؟؟؟؟؟

 

[Pearl Qatar]

بــ ع ــد قلــبي

شعــليج من كــلام النــاس ,, لا لا لا لا حبيبتي ديري بالج اهم شي نفسيتج ، من كلامج حسيت انج توج صغيره

قولي حق أمج الله يحفظها ,, انتو ماتبوني احف ولا اتمكيج ولا اسوي شعري وتقولون لي جيكره @@ او شيفه مب عدله ,, خلاص البنت من تبلغ لازم تبتدي تهتم في نفسها ، تتعدل ، تسوي شعرها ، تلبس ملابس حلوه ,, اذا سمعتيهم يقولون هالكلام فكري ف شي ثاني تمي استغفري وصلي على النبي وحاولي ماتعينهم أي انتباه ، شوفي شنو الشي الحلو فيج ,, صدقيني مافي بنت شيفه كل بنت وتتميز بجمال ، انا أخبر يوم كنت ف الاعداديه ماعنا بنت ,, كانت مب حلوه ودبه ماشاء الله ,, فالجامعه شفتها انسانه ثانيه ,, والله " بيونسي " مقعده ,, جميله ماشاء الله الله يحفظها ,, وجسمها رشيق ,, قبل لاتهتمين بنفسج صلحي نفسج من الداخل قوي ثقتج بنفسج واهم شي ايمانج يكون قوي ,, حطي لج جدول سويلج خلطات ,, سوي رياضه ,, سوي كل يوم تسريحه " يوتيوب " مايقصر يعلم الي مايتعلم لووول


الله يوفقج حبيبتي ويجملج في عيون خلق الله ,, ويرزقج الزوج الصالح ​

 

[أإلع ـشق دلع ـهـأإ]

.



















البنآت مآقصروآ ..

وأهم شي الصحه والعآفيه ..
























.

 

[عويتقة]

استغفر الله العضيم شنو يعني يعايرون ويطنزون على خلقة رب العالمين الله يغفر لهم حياتي انتي اكيد مانك جيكرة لها الدرجة اكيد فيك نقط جمال لازم تبرزينها كلنا فينا شوي جكر مافي احد كامل الكامل هو رب العالمين بس انتي خليكي قوية وخليكي واتقة من نفسك وخلي روحك قوية ولو وحدة من قريباتك اطنزت عليك قولي لها انتي بتطنزين على رب العالمين لاني مو انا لي خلقت نفسي - استغفر الله العضيبم - انتي خليكي مبتسمة وضحوكة وماتخلي شي يحزنك ونضفي حالك وحفي وخللي ريحتك طيبة بين البنات وابرزي جمالك عالخفيف وما تهتمي لكلام احد والنصيب بيد رب العالمين وعندنا بالمغرب مثل شائع هو -الله يعطيك سعد الخايبات - الي هو بالكويتي يارب يرزقك حظ الجيكرات لانو معروف انو لي عندهم حض بسيط من الجمال او مافي حظ من الجمال بيكون عندهم حظ حلو بالزواج والحياة شفتي انو ربي كريم يا الله يا الحلوة استغفري الله وماتبقي تقولين انك جيكرة لان الحلى حلاة النفس و الاخلاق والحظظظظظظ

 

[.حــنــان.]

استغفر الله

ان شالله مو جذي يقطون بالوي

الله يعينج حبيبتي

ومالج شغل فيهم طنشيهم .. خلقت ربج شتسوين يعني

استغفر الله ياربي

 

[كويتيه فرنسيه]

اول شي الله يعينج على اهلج ويعوضج بزوج يحبج ويشوفج اجمل امرأه

ثاني شي ترا انا اعرف بنات جياكر بس اجتماعيات والكل يحبهم لان نفسياتهم حلوه ويضحكون وبشوشات ترا الشكل مو كل شي

انتي تلقين ثقتك بنفسك مهزوه عشان جذي حاسه ان الكل ينفر منج .. روحي لصديقاتج وضحكي وياهم وسولفي وخليج اجتماعيه

وبالنسبه للشكل لو صارت البشره صافيه ونضره والشعر كثيف وناعم والاسنان بيضاء ونظيفه صدقيني بيكون شكلج جميل

وترا بديرتنا اهم شي اللبس خلي لبسج كشخه ومتطور ترا اهم من جمال الوجه

واما مشكلة الحف كلمي امج قولي انا كبرت واصلا الشعر هذا يعتبر قذاره ليش اخليه بجسمي ماله داعي وخليج شوي قويه بالرد ويا الكل عشان يحطون لج اعتبار اي احد يتطنز ردي عليه اكيد اهم فيهم عيوب مافي احد كامل

 

[مسك حياتي]

تعوذي من الشيطان و هدي بالج ...

ترا فكره الجكر انتي زرعتيها بمخج و السبب تقبلج لكلام امج و كل من قال عنج شيفه ...

ترا نصف الجمال ثقه و ماكو بنيه تهتم بنفسها تكون جيكره ...

حسسي نفسج بالجمال روحي الصالون و حفي و قصي شعرج سوي نيو لوك ...

روحي اشتريلج مكياج الوان هاديه و حلوه اهتمي بنفسج عشان تكونين حلوه قدام نفسج قبل الناس ...

لازم تطورين نفسج من الناحيه اللي مقصره فيها عشان تزيد ثقتج بنفسج ...

و كل يوم طالعي المنظره و قولي انا جميله و من هالمنطلق راح تهتمين بنفسج و تصيرين اجمل الجميلات ...

 

[~ بنت الهدى ~]

انا منصدمه شلون مايحترمونج ولا يقدرون مشاعرج حرام ولله

 

[q8ya sh8ra]

حبوبه لاتزعلين عطيهم طاف طنش تعش

 

[مُخملْ]

بعض البنات الله يهديكم ، ليش تجذبون البنتْ ، وتشككون في مصداقيتهآ؟؟
ياما امهآت بهالصورة واكثر يعني مب بالشي المستحيل اللي مايتصدق!!

قريتوالمشكله سآعدوهآ ، وين المشكله ؟
نصيحة لوجه الله ، مب لآزم تجذبونها او او او .
انصحي اذا كانت صادقه ترا بتستفيد ، وآن كآنت ملفقه القصة ترا الله يصلحهآ!

الله يهديكم بس

.



حبيبتي ماعليج من كلآم آلنآس ، مافي احد قبيح في هالدنيآ
[ ولقد خلقنا الانسان في احسن تقويم] . شوتبين احسن من خلقه ربج
اكشخي في البيت ، خليج بشوشه ، مرحة وحبوبه ، خلي نفسيتج حلوة
وسوالفج احلى ، كوني اجتماعية ويالكل .

لاتبينين للي يقولج آنتي مب حلوه . و و و، انج متضايقه ، آبتسمي
وقوليلهم هذي خلقه ربي وانا راضيه فيها .
كوني قنوعه وبيملونْ .

الرزق والنصيب بيد ربج مب بيد عبآده ، ووقت ماربج بيقسملج تراه خير لج