" اجكر ما خلق ربي " !!

[شقرا كويتيه]

انتي شوفي شنو الشي الحلو وابرزيه مومعقوله مافيج شي حلو وعن الشعر حفي حبيبتي بصراحه موحلو شكلج مشعره واقنعي امج مايصير جذي الله يعينج ويهدي اهلج يارب مع انه السالفه موداشه مخي بس اذا صج الله يهديهم ويسخرهم لج يارب

 

[حلـم لــم يكتمل]

بعض البنات الله يهديكم ، ليش تجذبون البنتْ ، وتشككون في مصداقيتهآ؟؟
ياما امهآت بهالصورة واكثر يعني مب بالشي المستحيل اللي مايتصدق!!

قريتوالمشكله سآعدوهآ ، وين المشكله ؟
نصيحة لوجه الله ، مب لآزم تجذبونها او او او .
انصحي اذا كانت صادقه ترا بتستفيد ، وآن كآنت ملفقه القصة ترا الله يصلحهآ!

الله يهديكم بس

.



حبيبتي ماعليج من كلآم آلنآس ، مافي احد قبيح في هالدنيآ
[ ولقد خلقنا الانسان في احسن تقويم] . شوتبين احسن من خلقه ربج
اكشخي في البيت ، خليج بشوشه ، مرحة وحبوبه ، خلي نفسيتج حلوة
وسوالفج احلى ، كوني اجتماعية ويالكل .

لاتبينين للي يقولج آنتي مب حلوه . و و و، انج متضايقه ، آبتسمي
وقوليلهم هذي خلقه ربي وانا راضيه فيها .
كوني قنوعه وبيملونْ .

الرزق والنصيب بيد ربج مب بيد عبآده ، ووقت ماربج بيقسملج تراه خير لج

نفس كلام الاخت

:eh_s(7)::eh_s(7)::eh_s(7):وهذي لج ياصاحبه الموضوع

 

[miss non]

مثل ما قالوا البنات
اول واهم شي """"""""""الثقه بالنفس""""""""""
اذا وثقتي بنفسج بتثبتين وجودج

وما قصروا البنات

 

[Miss Cherry]

عادي انا اعرف بنات جياكر ماودج تطلين بوجيهم بس يسوون امية مزيونه باخلاقهم وسنعهم


بعدين انتي تقولين مشعره وتقعدين ببجامة وحالتج حالة والله لو انج مارلين مونرو على هالاهمال محد بيطل بوجهج البنات يحبون الكشخه ولو ملامحج عادية او مو حلوة باهتمامج وكشختج بتصيرين حلوة بعدين مافيه بنت جيكرة كلش ما تنبلع اكيد فيج شي حلو انتي ابرزي جمالج واهتمي بنفسج .. وصراحة اهلج مادري شلون صايرين معقوله فيه ناس جذي تتكلم !!

 

[A7SAS AMIRA]

حبيبه قلبي ... لا تهتمين واهتمي بنفسج حفي ورتبي نفسج وتعلمي تتفنين بالمكياج بس مو تطلين نفسج طلي انا اقصد تبرزين ملامحج الحلوة لان انتي بنت وطبعي تهتمين بهالاشياء .. واهتمي بتنميه ثقافتج اكثر واكثر.. ولا تحطين ارضاء العالم بالاعتبار فارضاء الناس غايه لا تدرك ... اعتمدي على رب العالمين .. وهذبي اخلاقج وربي باخلاقج راح تخلين الكل ينحني لج احترام .. وفعلا مثل ما قالوا الخوات الجمال الداخلي افضل من الخارجي ... والله يوفقج يارب

 

[sweet.sanfoora]

حبيبتي
روحي مع السايق خيقطج الصالون يفنتكون فيج صبغي و شيلي الشعر سوي بديكير منيكير حمام مغربي
سوي اشتراك جلسات حق بشرتج وشعرج
وبعدين حوسي بين الخلطات

واهتمي بنفسج

وبث

 

[حبتين لجلكم]

يا روووحي انتي ليش حارقه اعصابج ... من عاب استعاب ... و ربي بنات خالج او خالتج ربج يبليهم بعيال جياكر ... و انتي لا تحرين نفسج ...
حفي ... تجحلي بالبيت .... سوي دايت لو وزنج زايد ترا وايد بيتغير شكلج ... و اككككثر نقطه ركزي عليها هي (((( البششششررررررة ))))
يعني لو فيها حبوب او الوان بشرتج مب متوازنه او تبين تصيرين بيضه .. ما عليج غير الوصفات الطبيعيه ... لانها بصراحه صدق تسوي مفعول

و شعرج ... حمام زيت اشتري و سويتج كل يومين او ثلاث ... تبين نصيحتي (( حمام زيت فاتيكا )) و ربي ان من اول مرة بتحسين شعرج غييييير حتى ريحته تتغير!!

و على طاري الريحه ... اترسي ملااابسج بالعطورات .. ترا تسوي مفعوول

و اهم اهم اهم شي ثقتج بنفسج ... اذا عايرج قولي او قالج يا الجيكرة قولي بكل برود (( و انا راضيه بخلقة ربي )) ,,,... و طنشيييي ...

و الجمال شو بيفيدج يوم الحساب ؟!؟! ... بالعكس انتي يوم تصبرين تاخذين اجر ... و انتي شدراج ؟ خييييرة ... لا تقوليلي مستحيل انتي ما تدرين شو بيصير بعدين؟؟ ..

و مننن قددج انتي؟؟ ... الناس يعايرونج و انتي تاخذين اجر عالجاهز!!! ههه ... صدق ارمس انا ... و هم عقابهم عند رب العالمين ...

و ترا ثقتج بنفسج بتكون بدايه عشان تصيرين حلوة ... و نفسيتج خليها دووم حلوة و رااايقه

 

[wahaj]

حبيبتي ماعليج منهم ولايضيق خلقج ولاشي .، لان محد بيفيدج بكلامه واصلا انتي مومحتاجه تسمعين تعليق احد لان الشكل موبيدج .، بس انتي تسوين اللي عليج وتكشخي واهتمي بنفسج واهم عطيهم طااااف ولايهمج بالدنيا غير راحتج وسعادتج .،

انا دخلت بس عشان ارد عليج يااعمري .، بقولج شي يمكن ماتصدقينه بس اهو واقع عندي كل يوم اشوفه

ولد عمتي دكتور ومنصب وكشخه ورزه وفلووووس ماشالله تبارك الله والحين صار بروفيسور واهو الوحيد من عايلتهم اللي طلع بشهادة تخيلي من تزوج ! ورررررربي ورررررربي انه خذا وحده موبس جيكره لا حراام كلمه جيكره عليها شوي ،. وربي انهاا من كثر ماهي شينه ماينطالع بوجهها يعني تصدين عنها غصب وسبحان الله اهي لاشهاده ولاشي ولاثقافه ولاعقل ولارزانه وفوق هذا خبيييثه حيل وحقوده !! واهو عكسها طيب حيييييييل لاقصى درجه وحبوب وخلوق ومزيوون ماشالله بس سبحان الله كلنا مستغربين شلون خذوله اهله جذي واهم كانو مدورين له سنتين ونقوله بنات ولا بالاحلام بس ماطاح الا ع هاذي حتى اهله الحين لما ينسألون يقولون نصيب !!!!!!!! ومتحسفين من قلب !! موعشان جكرها لانها قليلة ادب وماتحترم احد !!


وهم بعد اختها مااترقع تعرفين يعني شنو ماترقع سوت تجميل ولافاد معاها وسوووده حييييل موسمره لا سوووده حيييل ومع هذا شوفي من خذت احسن واحد بعايلتهم ادب واخلاق وامه طيبه حييييل وماعنده خوات واهي مرتاااحه حيييل

وبنات عمتي ماشالله تبااارك الرحمن جمااال موطبيعي ماودج ترفعين عينج عنهم احنا البنات نتنح لي شفناهم شلون غيرها ومع هذا شهاايد طب كلهم وثقااافه ودييييييين متدينات حيييل لدرجة ان الاولى دكتورة بس اشتغلت بمكان معتزل والثانيه لا ماتبي وظيفه عشان تريح زوجها مايحب الاختلاط
شوفي من خذو ::
الاولى خذت واحد طايح حظه مايسوى بيزه وفوق هذا استقال من الوظيفه وقاغد بطالي واهي تصرف عالبيت وحيااتها عذاااب مع امه وخواته ومعاه مايعجبهم العجب مع انها اهي ناااادره ولا بالاحلام !
والثانيه خذت واحد بالجيش مواحسن حال من الاول لاتقولين معقوله ليش جذي كل الوقت كانو ينخطبون وين مايروحون ودكاتره ومناصب بس سبحان الله شوفي النصيب وين .،

ورررربي ان اغلب البنات اللي اعرفهم الجيااكر انا ماتكلم عن اللي جيكره بس ماشي حالها لاااا انا قصدي الجياكر اللي مايترقعوون واللله ان حظهم ناااازل مت السماااا ماشالله يعني سبحان الله ربي مايجمع للبنت كل شي ياجمال ولا زوج هذا الاغلب بس اكيد في العكس وايد

ولو بظل اضرب لج امثله ورررربي مااتصدقين مثلي لدرجة اني تمنيت اكون جيكره عشان يكون حظي مثلهم

يعني السالفه موجمال ولا زين لااا السالفه انتي نصيبج شنو يعني لاتقولين اتضايق لما يقولون لي تطيحين بجبد امج لاااااا بعد عمررري انتي انسي هالكلام خليه لهم يبلونه ويشربون مايه !! وانتي خليج واثقه من نفسج وربج .، وماتخسرين

تدرين لما كنت اروح للي قتلج عنها زوجة الدكتور واختها كنت اقرا دفاترها قبل لاتتزوج تدرين شنو لقيت فيهم ؟
كاتبه ادعيه واوقات تستغفر فيهم وبعد فترة شوفي ربي استجاب دعاها واكثر من اللي كانت تتوقعه بعد

^_^ شكلي طولت عليج بس صدقيني انقهرت من قلبي مو ع كلامهم عليج انتي شلون تسمعينه وتسمحين يأثر فيج لان محد يعرف قيمتج الا نفسج 

وبعدين دمووعج غااليه ياحياااتي لاينزلون عشان ناس ماتقدر قيمتج

اتمنى انج باحسن حال وبظل ادعيلج ولنفسي بهالشهر الكريم ورربي يوفقنا ولايرد دعاائناا


 

[معلمة شيسمونه]

اول شي البنات اللي مو مصدقينج بالموضوع لا تردين خلاص براحتهم

يعني الحين البنت كتبت اذا في كلمه طيبه قولوها واذا مو مصدقين قولوا الله يهديها



اما الكلام لج

شنو يعني مشعره بوقتنا الحين مافي بنت مشعررررررررره

اقولج شي انا بالمتوسط كنت شي اووووووووووف ما تصدقينه الحين لما اشوف صوري ابجي على حالي

والله لا تقولين الشعر تارس كل مكان وامي ما كانت تخليني اسوي شي تقولي بعرسج

خلصت وشوفي شسويت شقرت الحواجب وصبغتهم وحفيت وشقرت الشعر

تعلمت احط مكياج يناسبني
لبست عدسات

وهات يا خلطات هات يا خلطات هات يا خلطات لحـــــــــــــــــد ما تغير لوني
تغيرت بشرتي
سويت شعري يوكو
صارت عنايتي دائمة بويهي بجسمي بنعومته

قبل كنت احاتي الشعر يطلع

وتبجين على حالي

الحين أزعــــــــــــــــــــل اذا ما شفت لمعة بجسمي احس اني اي شي

ترى الحياه حلوه

وعلى فكره رفيجة اختي سحــــــــــــــــــــــــــــــــــــــــــت بس هالبنت كل اللي يكلمها يحبها ويموت فيها

ملكت الناس كلها بقلبها وطيبتها

جارتنا مره تخرررررررع والله تشبه ياسه الممثله

تدرين الناس وجيرانها واحنا كلنا نمووووووووووووووووووووووووووووووت فيها

اذا ما يت بيتنا نحس بضيقه لو ما شفناها


انتي تقدرين تسحبين عليهم وتحطين لج جدول وتضبطين كل امور حياتج

وذيك الساعه شوفوا ان ما ركضوا وراج

اللي تقولج خشمج قولي لها شوفي خشمج مو من زينه شايفه شلون يلمع جنه خشم هنديه شايفه النقط

يقولج عينج قولي عيونج جنها حوله

اللي ينجعم مره ما راح يقولها لج المرات اليايه ويتحاشى بس لاقينج ساكته


اووووووووف احتريت شهالناس اللي تفكر جذي

 

[~mmm~]

حمدالله والشكر وين قاعدين
ترا اذا كلامج كله صج
بصراحه اهلج مايؤمنون بالله
اللي يؤمن بالله مايعيب على خلقه
وبعدين شنو 17 صغيره
انا نفس العمر
لازم كل فتره صالون
من غير الويه والحواجب دااايم اسويهم
اهتمي بنفسج
واذا قالتلج امج لاتشيلين الشعر
قوليلها مو انا مفشلتج خلاص خليني ارقع بعمري عن الفشله سكتيها < ادري امج ولها احترامها بس مو لهدرجه مافيه ام تكره بنتها
اصلا مفروض تشوفج احلى البنات حتى لو كنتي مو حلوه
اما خالاتج ردي عليهم قوليلهم الله اللي خلقني والله اذا خلق مايستشيركم ولو عندكم ذره ايمان جان ماعيبتو جذي
واي احد يعيب عليج طلع حرتج كلها فيه
استغفر الله حدي انحريت شنو معقوله جذي
!!!

 

[عاشقة الدوحة]

حسبي الله ونعم الوكيل
والله هالكلام اللي يعقد الوحدة ..

انتي زين انج صابرة
وحاولي تهتمين بنفسج لو حتى بالخش
كريمات وخلطات حتى لو بسيطة

الله يعينج ويفرج كربتج

 

[زين الوصايا]

امبيييه مو من صجج تلبسين بجايم ومشعره ويييع صج يعني لو قاعد معاي وحده يعني مابالج انه كل جسمها مشعر صج يعني حسي شوي انتي مو ريال حتى الريال قام يشيل
بس ان شاء الله تعدلين بنفسج لا ينقدون عليج عادي اخوي لما احط فيونكات بشعري يقول طالعي بويه بتسوي روحها بنت ولا يعني حلوه احقريه معني ارد عليه واقوله ماطلبت رايك يمكن يجاملونج

 

[عسوله مطيريه]

شهالسخاافه انا بفهم انتى اخترتى يصيرشكلج جذي عشان يعاملونج بهالاسلوب,,,,,,,,ولا اساسا شكو يعاملونج جذي لازم مزيونه عشان يحترومنج يعنى؟؟؟؟؟؟قمه التخلف وحرام اساسا هاذي خلقة الله مابقى الى يطنزوون على خلقة ربي__وبالخير اهتمى ياعمري بنفسج حفي سووى بشرتج خليها صافيه ركزي ع عيونج حطي مسكره صبغي شعرج لون يفتحج والله يوفقج ويسعدج وادعي الله يشرح لج صدرج

 

[Rero]

حبيبتي هذا إبتلاء من رب العالمين و كلنا مبتلين في هالدنيا لأنها دار إبتلاء

و فعلاً هذي خلقة الله ما يجوز يتطنزون عليها إسلوبهم قهرني حددده

بس مثل ما قالوا إنتي عطيتيهم مجال يتمادون أكثر بصمتج لو ملسونة ما بطلوا حلوجهم

و البنات يقولون لج خليج واثقة بنفسج و أكيد إنتي تحاولين تثقين بنفسج بس مستحيل تقدرين

تثقين بنفسج دام التحطيم و التحبيط مستمر حواليج كل ما بنيتي ثقتج راح يهدمونها

بس نصيحة لازم لازم تشترين كتاب فوزية الدريع إسمه ثقتي بنفسي أنا قرأته و إستفدت منه حيييييل

راح تتعلمين منه فنون الثقة بنفس و فنون التجاهل بالإنتقاد و راح ترتاحين نفسياً أكثر

بالإضافة لازم تهتمين بنفسج و تحبين نفسج طالعي نفسج بالمنظرة قولي أنا حلوة أنا عاجبة نفسي أنا أحبني

كل هالأمور بتزيد ثقتج بنفسج و أتمنى لج كل التوفيق حبيبتي

 

[~✿ ارتـِوآآآء روح !]

ياحبي لج بس ليشششش هالعنوان :eh_s(4):
ترآ كآآآفي انج حلوووة بنظري :eh_s(22): > رآح يغمى علي من آلثقةة
بقول لج يختي (من تطنز آبتلى ) يعني تطمني وانا وخيتج

كما قال الله سبحانه وتعالى:-
((يَا أَيُّهَا الَّذِينَ آمَنُوا لَا يَسْخَرْ
قَومٌ مِّن قَوْمٍ عَسَى أَن يَكُونُوا خَيْرًا مِّنْهُمْ وَلَا نِسَاء مِّن نِّسَاء عَسَى أَن يَكُنَّ خَيْرًا مِّنْهُنَّ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ بِئْسَ الاِسْمُ الْفُسُوقُ بَعْدَ الْإِيمَانِ وَمَن لَّمْ يَتُبْ فَأُوْلَئِكَ هُمُ الظَّالِمُونَ))
عيشي حيآآآتج لله وفي الله وابشري باللي يسعدج ويريح قليبج :eh_s(22):
مآعليج من كلآم النآآس
’آلنآآآس ماخلت احد بحآله :eh_s(12):
يعني بيخلووونج :eh_s(22):
قولي ربي خلقني وانا راضيةة بخلقته وقولي دآم ربي رآضي عليّ وآسووووي كل شيء يرضي الله ورسوووله ماعلي من آحد :eh_s(22):
وآهم شي آلآحترآم يعني لاتراددين وهالصفه تزيدج جمآل وبهآآآءء :eh_s(22):
آنتي آهتمي بنفسسسج طبعآآ مو تسوووين آشياااااءء ماترضي الله مثل حف الحوآجب و... و.. آلخ
يعني حني شعرج وحطي خلطآآآت بشعرج طوليه وكثفيييه
وسوي لج خلطه للوجه بسيطة وعدم المبآلغةةة
وآذآ امج تقول لج جيكرةة ومن هالكلآم عآآدي حبيبتي قول لهآآ احلى جمآآل عندي انج رآضيية علي :ggdw:
وآكييد بتخق مع هالكلاام :eh_s(22):
وحبوبةةة الجمااال مو بس بالشكل لا في جمال العقل جمال الدين جمال الخلق
واحلى جماال جمال الدين والخلق :eh_s(15):
ولا جمآآل الشكل والجسم كله رآآآآيح رآآآآيح
اهتمي بنفسج وزيدي برج بآمج والناااس اللي يقولون جيكرة استخدمي معاهم فن التطنيييش وريحي مزاجج يختي :eh_s(15):
فديت قلبج :eh_s(17):

 

[_كلي دلع_]

شؤفي ترا الموضوع فيه ان وماكاان ؤدي ارد اساسا بس لانه يتكلم عن خلق ربي جذي اضطريت ارد

اؤل شيء ماعلييج منهم بس حاولي ترديين علييهم ؤتقؤلين لهم تراهاا خلقت ربي يعني لاتتطنزون ؤالله راح يبليكم والدنياا دووااره ؤبعديين لازم تتكونين وااااااااااااثقه من نفسج اهم شيء هذا ؤانتي عااد حاولي انج تهتميين بنفسج تراا مراات اشؤؤؤؤف نااس مو حلووات بس بنظاافه احبهم ؤفي الاسلؤؤب بعد يعني نااس على طول ينحبون ؤبعدين ترا هذا خلقت ربي ماعلييج منهم

بس لاتتحلطميييييين كلش ؤالي يتكلم علييج خلييهم مردهم بيرجع لهم والصبر مفتااح الفرج يعني حاااولي تهتميين بنفسج على الي تقدريين عليه

 

[Nmnoum]

وآآآي يا قلبي عورتي قلبي والله
ثقتج بنفسج ميييح حرام عليج !
انتي حاولي تهتمين بنفسج ., ما عليج من امج ان نقدت عليج ليش حافة قوليلها انا بنت لازم اهتم بنفسي و بنظافتي
و اذا عصبت قوليلها يما انا مو قام اقول هالكلام علشان أقل ادبي أو أرادد أنا بس قام أفهمج قصدي .,
لاتهملين روحج المنتدى مترووس خلطات و كريمات وتسريحآت و كل شي .,

 

[lovkom]

اهما راح يتحاسبون باجر عند ربج وان سمعتي هالحجي قوليلهم لو انشالله خلقتي شنو ماكانت كافي انه مخلوقه بإيد ربي هذا فخر لي ..

وانتي سوي شعرج استريت وحفي وحطي عدسات وكشخي وبس ..

 

[زوغه الحقوق]

يقول سعد علوش

عزيزتي بقولك قبل ماروح ... كلمة ولكن علقيها ببالك
الجسم يتعفن اذا راحت الروح ... يعني بدون اخلاق طز بجمالك

حبيبتي اهتمي باخلاقج ودينج وحتى بشكلج مو لغيرج لنفسج ​

 

[الطاري]

اولا حبي نفسج وسنعي عمرج في ناس صج مو حلوه بس كشيخه
وهتمامهم بنفسهم وشخصيتهم الحلوه هي اللي الناس تذكرها
ولا تخلين احد ايعايرج
وقفي كل واحد عنده حده
وخلي نفسج هيبه
واي احد يقولج شي عنج انتي شوفي عيوبه وعايريه فيها وراح ينطم​