احسن دكتور اطفال انابيب ؟

[حبيبة زوجها2009]

بنات ابي احسن دكتور اطفال انابيب ويكون مجرب الان انا عندي التبويض كسلان على قولة الدكتور وزوجي ضعيف فيه 4ملاين والحركة 90% العدد قليل بمنو تنصحوني ؟

 

[أم علاوي 14]

هلا والله أختي ، كأنك تقرين أفكاري ، وتوني الحينه بنزل نفس الموضوع

هل ينفع بحالة ضعف الزوج أطفال الأنانيب ؟ لأن زوجي نفسيته تعبانه وتوه اقتنع بسالفة الانابيب واسأل عن الدكتورة الممتازة ؟ هل الدكتورة فوزية او الدكتورة ماجدة اليتامى ؟ لأني اساسا رافضة طبيب رجل

والله يرزقك يا أختي بالذرية الصالحة وجميع المحرومين يارب

 

[ام تركي2008]

هلا خواتى حبيبة زوجها وام علاوى الله يرزقكم ويرزقنى اطفال الانابيب والحقن المجهرى باذن الله تصلح حق الى زوجها عنده مشكله
وانا ايد الدكنور منصور العرف
ربى لاتذرنى فردا وانت خير الوارثيين

 

[ms_royality]

د فوزيه يمدحونها .. بس لا تسوين الانابيب ماراح تنفع سوي الحقن المجهري

 

[حبيبة زوجها2009]

انا سويت اول مرة حقن مجهري عند صلاح الاشنيهي بالسلام بس فشلت الحمدلله على كل حال والحين بريح شوي بعد الابر لأنها تنفخ الجسم وبعدين اعيدها بس مادري عند منو ؟

 

[المهذبه]

الله يوفقج

 

[دمثة]

انصحج بدكتور محمد صلاح الاشنيهي

اول واحد سوى اطف انابيب ونجح طبعا اولاا واخرااا سبحانه وتعالي الله

 

[shjoonaa]

د. فوزيه القطان عن تجربه

 

[eng.q8]

د. فوزيه القطان:rerrerek:

 

[Emanova]

انا سوييت حقن مجهري عند ماجده اليتامى و الحمدالله انا حامل الحين

بس صديقتي ريلها وايد عنده ضعف سوت عند منصور العرف

 

[أم علاوي 14]

اختي مبارك حملج ان شاء الله يتمم عليج بخير

اليوم اشاور وحدة من صديقاتي ونصيحتني بدكتورة فوزية القطان

وان شاء الله أعالج عندها

بس كنت اسأل عن طريقتها في أطفال الأنابيب اللي جربت من طقق لسلام عليكم على قولت اخوانا المصريين

تابعت موضوع الأخوات في موضوع الدكتورة بس ما حصلت الجواب الشافي

 

[Emanova]

اختي مبارك حملج ان شاء الله يتمم عليج بخير

اليوم اشاور وحدة من صديقاتي ونصيحتني بدكتورة فوزية القطان

وان شاء الله أعالج عندها

بس كنت اسأل عن طريقتها في أطفال الأنابيب اللي جربت من طقق لسلام عليكم على قولت اخوانا المصريين

تابعت موضوع الأخوات في موضوع الدكتورة بس ما حصلت الجواب الشافي

والله حبوبه اهي لا ماجده ولا فوزيه و لا منصور كله بامر الله

انا اقولج اهم شيء تسوينه انج تكثرين من الصدقات بنيه الانجاب و الشفاء و تسوين لج كافل يتيم ...و الاستغفار ما يطيح من حلجج و لا من حلج ريلج

و الدعاء بالسجود و انتي واثقه ان الله راح يستجيب لج و تدعين باصعب شيء ( مثل اللهم ادخلني الفردوس الاعلى بغير حساب )

لان من آداب الدعاء تطلبين من الله اقصى شيء تتخيلينه لان ما في شيء صعب على ربنا سبحانه ..

انا كنت دايما ادعي اللهم ثبت اجنتي و ارزقني الذريه من حيث لا احتسب

و عند الترجيع دعيت ( اللهم باسمك الاعظم الذي اذا دعيت به اجبت ان تثبت اجنتي كما ثبت السماء بلا اعمده و ترزقني الذريه كما رزقت زكريا بيحيى يا حي يا قيوم يا واحد يا احد)

و صدقيني الله ما راح يخيب ظنج ان شاء الله

 

[bintq8]

ناهض حماديه وعادل مرسي بالمواساة وفوزيه القطان

 

[حبيبة زوجها2009]

مشكوووووووورين يابنات على الرد والتجاوب واختي اللي سوت حقن مجهري الف الف مبرووك والله يتتملج اياه وتقر عينج بشوفته ان شاء الله بس ابسألج بعد الترجيع مارستي حياتج عادية ولا كل مرتاحة ؟ وشلون على الجماع انا الدكتور شككني يقولي عادي الجماع ؟

 

[Emanova]

مشكوووووووورين يابنات على الرد والتجاوب واختي اللي سوت حقن مجهري الف الف مبرووك والله يتتملج اياه وتقر عينج بشوفته ان شاء الله بس ابسألج بعد الترجيع مارستي حياتج عادية ولا كل مرتاحة ؟ وشلون على الجماع انا الدكتور شككني يقولي عادي الجماع ؟

من قبل السحب كان في جماع و ليومج هذا ماكووووووووووووووووووووو علشان انا امسويه ربط

عقب السحب كان عيد الفطر ثاني يوم رحت العيد و ما كلن فيني شيء بس عقب الترجيع اول 4 ايام ما تحركت حاشتني انفلونزا ...فكنت اروح العياده آخذ ابره مضاد حيوي ...

دكتورتي قالت لي روحي بيت ابوج روحي شربي قهوه روحي تريقي بس لا تمشين و لا تسوقين سياره ... قالت ينزلونج عند الباب ...

و الفال لج اتحملين بدون علاج ان شاء الله

 

[WaChoCha]

حبيبة زوجها .... عسى الله يرزقج الذرية الصالحة الطيبة عاجلا غير اجل يا رب العالمين

البنات ما قصرو بالردود ومثل ما قالو لج الحقن المجهري للي زوجها عنده مشكلة ...... عندج د ناهض حمادية بالموساة ممتاز مرت حماي تراجع عنده وكان عندها التبويض واقف سبحان الله من بعد الله بدا ينشط لها المباض مرة ثانية والحمدلله قاعدة تستجيب

وبالنسبة لسؤالج لبعد الترجيع اسمحي لي اجاوبج الجماع ممنوع ممنوع ممنوع لغاية ما تسوين تحليل الحمل ، ومارسي حياتج عادي يعني خليج مرتاحة تحركي في اضيق الحدود علشان لا يتجلط الدم بالرجل ... يعني تدلعي وقعدي في بيت اهلج مثل ما انا مسوية الحين

 

[حبيبة زوجها2009]

مشكورين على الرد الله يسامح الدكتور يقولي سوي اللي تبين والجماع عادي وتحركي مثل ماتبين حتى بنتي قلت له وزنها 8 كيلو يقول عادي شيليها خلاص اللي صار صار والدورة جتني والحمدلله

 

[أم حمووووود]

لا حبيبتي الجماع ممنوع وقت ترجيع الاجنه الدكاتره كلهم يقولون والراحه التامه تتحركين عادي بس مو شغل البيت لا امشي اشوي اشوي يعني خليج مثل العروس والله
واحسن دكتور مدحت الشربيني عجيييب بمستشفى الراشد

 

[حبيبة زوجها2009]

مشكورة اختي ام حمووود

 

[أم علاوي 14]

أخواتي ، والله ارتحت وايد وانا اقرأ الكلام المكتوب ، احساس عجيب نزل علي

كأن كل وحدة فيكن الله كتبها ونجح معاها وحملت كأني أنا من الفرحة اللي غمرتني ، والشعور بخوف كل وحدة على الثانية واضح

اشوف كل وحدة تبغي الخير للثانية

الله لا يحرمنا من جذي اخوات ، ويرزق يارب كل محروم