احس الدنيا بعيني ظلمة..بنات زوجي يمكن في الايدز

[*ماي الورد*]

لا يرد القضاء الا الدعاء

 

[ايام وردية]

اختتتتي صرااااحه ليش زوجج يشتغل هالشغله

يرووح يدوور غيرها بدااال الهم في مواجه مرض عار فالمجتمع ومحد يتقبله الله لا يبلي المؤمنين والمؤمنات ويهديهم يارب ويبعده عنهم


يااااارب تكونوون سليمين ومن رايي يترك هالشغله ويدور شغله لو بنص الراتب الحمدالله

الراحه النفسيه مافي لها بديل

حبيت اعلق على ردك حبيبتي

اذا كل واحد انسحب وماشتغل بهذه الشغله تلاقين المرض منتشر بكل مكان ببلادنا

لازم احد يضحي لاجل الشعب ولاجل حماية وطنة من الامراض

 

[ماروكو*الصغيره]

انشالله مافيكم الا العافيه =(
طمنينا حبيبتي

 

[فاتنه كالقمر]

حبيبتي انتي لاتجعلين للشيطاان طريق عليكي انتي وووزوجك وان شااء الله باذن الله زوجك مافيه الا العاافيه

هذاا وسواس من الخوووف بس وتدرين تترا كثر الوسوسه تصدق الشي يعني تعوذي من ابليس حبيبتي

وعليك بالصلاه والدعاء اخر الليل والضحى والله دعوه صلاة الضحى بااذن الله ماترررد مع اللحاح بالدعااااء
ومارح يصير الا الخيررر ياااارب اتعوذي من ابليس وانتي المفروض جنب زوجك تخففين عنه وتشيلن عنه هالوسواس مو تزيدينه ووسعي صدرك يالغاليه مافيكم الا العاافيه

وبعدين يالغلاا لو لا قدر الله صاار لزوجك اي مرض بالدنيا تتتركينه ليه هذاا زوجك انتي رضيتي تكونين شريكة حيااته من البدااايه
يعني تشاركينه كل شي بحيااته المر والحلووو والحين يوم يصيره فيه شي لاقدر الله تفكرين تتركينه لا ما اتوقعهاا منك

اللي يصير على زوجك يصير عليكي افرضي لا قدر الله صاار العكسس تتوقعين هو بيتترك اكيد لا بيتم معاكي لاخر العمر

تعوذي من ابليس يالغااليه وادعي ربك هذي كلهاا وسواااايس شيطاااان ومافيكم الا العاافيه

تقبلي مروووري

 

[It'S Me]

حبيبتي ذكري الله و ان شالله نتايجكم سليمه و بشرينا بالنتايج و ان شالله كلشي اوكي و عقبها خل ريلج يقدم استقالته و يروح مكان ثاني احسلكم

 

[جروح ودموع]

ان شالله مافي الا كل خيير وهالاشياء مجرد وسوسه بحكم عمله وان شالله يارب يا رب النتيجه سليمه والله ادعي لكم بكل صلاة ان شالله

 

[در المنثور]

ان شاء الله ما فيكم الا العافيه والله يبعد عنكم وعن جميعا المسلمين والمسلمات كل شر ياااارب

ولا تضايقين ولا تشيلين هم قل ما يصيبكم الا ما كتب الله لكم
والله سبحانه وتعالى اهو خالقنا واهو ابو الكل
فحطي في بالج مستحيل الاب يضر ابنائه
وان شاء الله خير يكون مافيكم الا العافيه

ولا تتركين زوجج ولا شيء هذا اختبار من الله عز وجل

خليج معها وردي بيتج احسن من قعدتج بيت اهلج
والله يجزيج خير ويعوضج
ونصيحه رجعي البيت ولا تفتحين هالموضوع مع زوجج وحاولو تعيشون بسعاده
وتنسون هالشئ وتفائلو خير ( الله سبحانه وتعالى يقول انا عند ضن عبدي في فليضن عبدي ما يشاء)
فا انتي ضني بالله خير وصحه وان شاء الله ما بتلاقين غير هالشي


وايلج يوم وتفرحينا بسلامتج وبحملج
وتكون هذه الحاله مجرد اختبار من الله سبحانه وتعدي على خير وسلامه

بس نصيحة : ردي لزوجج وخليج معها بالحلوة والمرة وحطي دايم بعتبارج ان كل شي له اجر والله ما ينسى احد.


دمتي رعاية الله

 

[طير يحب سجانه]

مافيكم له العافيه نشاء لله

 

[- BambeNo -]

وااااااي قلبي عورني .. ان شاءالله مافيكم الا العافيه ..
ياااااارب اطمنهم وتيسر أمر..
في علااااج للايدز الغلااا بواسطة الرنين فدبي.. لاقدر الله .. طمني نفسج
ولاتوسوسين..

 

[حور ولا بالبحور]

بعيد الشر

ان شاء الله ما فيه شي .. ودايم قولي و الله خير حافظ

و احسني الظن بالله عزوجل و اذا فيه لا تتخلين عنه مهما صار كل شي له علاج و ان شاء الله ما فيه

و الله يصبرج ويوفقج

 

[حبيبه العلي]

عليج بالقران والدعاء وهذا ابتلاء من الله ومافيكم الا العافيه

ولو فرضنا لاقدر الله انه مصاب يعتبر مجاهد والحمدلله مو على شينه

اما انك تتركينه فاذا انت سليمه اكيد تتركينه لان حتى لو بقيتي عنده

الوسوسه بتطير عقلج وبتكرهينه

اللهم شافي اختي وزوجها من كل بلاء انك سميع الدعاء

شدو الهمه ياكويتيات وادعو لاختكم لعل فينا مجاب الدعاء

وطمنينا عنك واحسني الظن بالله

 

[Nokia N95]

ان شاء الله مافيكم الا العافية ...
كثروا من الاستغفار و الصدقة ... وان شاء الله تبشرينا بالنتيجة اللي تطمن

 

[عـِرۈۈق قلبــه]

حبيبتي أن شآء ـآلله مآكوو آلآ ـآلعآفييه
و ـآلله يحفظكمم و بعررف ريلج ليش مآ يغيرر وظيفته
مآدري شلون قآعد فيهـآ ^^

عسى ربي يطمنكمم و يبعد عنكم ـآلوسوآسس ^^

 

[ديينا]

حبيبتي تفاءلو بالخير تجدوه مافي الا العافيه يارب ندعيلج

 

[sul6ana]

يالله ناااااااطرينج تدخلين وتبشريناا انه هذي كلها وساااااااااااااااااااااااااااوس

 

[حراوله]

بشرينــــــأأأ

 

[hooryah q8]

يالله يارب ان شاءالله النتايج سليمه و ما فيكم الا العافيه

و يبعد عنكم الشر و صج مثل ماقالولج البنات ما ينتقل بهالسهولة المرض

ودرسنا عنه ايام المدرسة

 

[نظرها]

بشريــــــنا ..


ولا تحاتين ان شاء الله خير

 

[ورده الكرستال]

انشالله تكون سليمه


واذا صارت سليمه خلي زوجج يترك هالوضيفه

 

[ايام وردية]

حبايبي عسا ربي يبعد عنكم الاحزان ويدخلكم الجنان بدعائكم وتخفيفكم علي

بحاول ارد على ردودكم لاني قريتها يعطيكم العافية بنات

اللي تقول كيف عرفتي ان زوجك فية وهو اخذ احتياطات

بنات زوجي قبل فترة يمكن شهرين جرحتة حديده وقت يصلح سيارتة والجرح شوي عميق

طبعا وقت مانجرح بالعمل عطووة اجازة عشرة ايام حتى يلتئم الجرح لانة عميق ويخافون توصلة العدوى ولو كان هذه الطريقه من العدوى ضعيفة مرة
لان ماينتقل الايدز الا من الاتصال الجنسي ومن نقل الدم ونقل الاعضاء والمخدرات هذا اكييد وينتقل احتمال ضعيف اذا الشخص مجروح وجاء علية دم من دم المصااب

وهذا الاخير صار لزوجي بعد العشرة الايام بالاجازة اللي عطوة اياه التئم جرحة اللي بيدة بس مو مية مية يمكن خمسين بالمية لان مثل ماعلمتك كان شوي عميق

وهو ينقل الدم من انبوب لانبوب سقط دم المريض على يدة المجروحة لان الجرح كبير وعريض والتئم نصفه مع انة المفروض لابس لبس كامل يمنع العدوى بس الله يهدية مالبس اللي يغطي اليدين مدري شنو تسمونة انتم لان ذاك اليوم ماعندة شغل بس اظطر لهذه الشغله

المهم هو وقتة ماصار فية وسواس ولاشي كان يوم عادي جدا ولافكر اصلا بس بعد اسبوع يمكن او اكثر شوي صارت عندة حرارة بجسمة استمرت 4ايام وطلعت لة حبوب صغيرة في منطقة خاصة في جسم الرجل(ماقدر اقول اسمها حفاظا على الذوق العام للمنتدى)

وهذي من اعراض المرض عاد تذكر انة نزل على يدة الدم المصاب

وعلم صديقه وسوى تحليل بنفس المستشفى(موشي جديد لما يسوي تحليل لان واجب على كل موظف عندهم كل ست شهور يسوي تحليل يتاكد انة مانصاب بهذا المرض)ولما سوى تحليل طلعت نتيجة التحليل احتمال ضعيف فية المرض بنسبة5%وهذه النسبة ضعيفة مرة وهو يقول لان المرض مايبان بالتحليل الا بعد مايمر على المصاب 3شهور
والنسبة ضعيفه لان مامر علية ثلاث شهور

وكمان مدري يطمني او يطمن نفسة يقول داائم يعملو لناس شاكين فيهم وتتطلع نسبة اكبر من كذا ويكون مافيهم شي <<مدري شلون تصير

المهم حنا ارسلنا تحليلنا لامريكا لان الاجهزة اللي بالغرب تطلع النتيجة حتى لو المصاب مر علية يومين من الاصابة بالمرض

اما اللي بلدنا ماتطلع النتيجة الا بعد ثلاث شهور


وهو زوجي بعد ماصارت فية اعراض طار عقلة ومات خرعه وانا اكثر منة يارب رحمتك الواسعه:eh_s(11):
ادري طولت عليكم بس

الحين اذان المغرب يارب تكونو سليمين ان شاءاللة ومافيكم الا العافية طمنينا حبيبتي مرة قلقانة عليكم