احلم بهاليوم وبالاخير انصدمت ( مخطوبه وتعبانه )

[قلبي لك ربي]

ياحياتي هو مثل ماقالو البنات
انسان عفوي ماعنده مجاملات
يمكن اللي فيج عين او نفس
تقولين كل شي تم بسرعه
ارقي نفسج حبوبة
واستخيري مرتين وثلاث
وان شاءالله ربي بيسهل عليج وبترتاحين ​

والله ياقلبي قريت على نفسي ورحت عند شيخ وقرا علي للحين مو مرتاحه
مشكوره حبيبتي

هههههههههه
زوجج فله
هههههههههههههههههههه

انزين انا ما فهمت وش المشكله الي فيه

يعني انا استغرب منكم يالحريم
اذا زوجج مغازلجي وخوان قلتوا لحقوا علي زوجي وزوجي
واذا على نياته مايفهم بالحريم تشكيتوا

واذا عصبي تشكيتوا واذا يزح تشكيتوا
اختي اذا زوجج مو عاجبج طرشيه على انا احب هاي النوعيه
الي تمزح والعفوي

ترى شخصية الريال مع زوجته غير لما يتعامل مع العالم
يمكن لانو انتي زوجته فهو يتصرف معاج جذي بس ما اظن هو جذي مع الكل

انا قبل مثلج اقول ابي واحد مزاح وعفوي وللحين احب هالنوعيه من الرجال بس زوجي اوفرررر بشكل لايطاق :ch12:
ولوتبينه حلالج بس اخلص منه وخذيه :eh_s(2):

 

[قلبي لك ربي]

وشو اندروير

ملابس داخليه وابشرك الجزء التحتي بس :eh_s(7):

 

[om-3azo-83z]

بصراحه الله يعينج بس اذا انتي شاطره تقدرين تغيرينه ترا الياهل بالضبط مثل الياهل بيدج تربينه و تغيرينه و بنهايه القرار قرارج عطيه فرصه خلال هالايام بطلي قلبج له عن عيوبه اذا حاول مجرد محاوله ان يتغير كملي اذا لا الله يعينج

 

[ElN00R]

ههههههه وعليه طاير فيج
انتي شكلج تحبين الشباب الطايش بس ترى هذا انفع حق زواج
استخيري

 

[نور ونوير]

مع ام كوثر

 

[نـعـومـه]

من كلامج عنه احسه طيب وحنون وماشوف فيه عيوب اللي تخليج تنفصلين

شكله صغير !! ليش انتي ماشفتيه توج تلاحظين !! ولاتبين اطلعين عيوبه غصب !!

يدق عليج وايد وخفيف على قولتج لاتحاتين بيتزوج يطخ

سالفه الديون يمكن لو ساكت عنها ومخليها لعقب زواج يقولها لج احسن بس هم يمكن قصده يفتح قلبه ويصارحج

رايي تستخيرين وتصارحينه بكل شي وشوفي يمكن يتغير وعاد انتي تصرفي عقب

 

[ايام وردية]

الله يعينك في بعض التصرفات من زوجي:eh_s(2):

 

[Vous jamais]

لا تستعجلين واضح انج مو متقبلته علشان جذي مسوية زوم على عيوبه

الطلاق مو شيء هين بمجتمعنا وهو أبغض الحلال عند الله

وبصراحة لا تتوقعين أنج بتحصلين انسان كامل مستحيل

اساسا احنا فينا عيوب شلون ندور واحد كامل

لكن لا تغصبين نفسج عليه إذا كلش كلش مو طايقته

اقترح عليج تفتحين قلبج له بإسلوب حلو

انج تبين منه كيت وكيت وكيت

واستخيري اكثر من مرة

و فكري بنفسج انتي و ظروفج انتي

لا تفكرين بنظرة الناس لج

يعني اذا كنتي حاسة انه يستجيب معاج و يحبج

كافي هالشيء يخليج تتمسكين فيه لانه نادر اللي يحبون بصدق هالايام

ففكري مو بس انج مو حابته وبتتطلقين لا السؤال الأهم إذا تطلقتي

بتحصلين واحد بمواصفات احسن منه ؟

 

[caramella <3]

حبيبتي و الله ,, الله يعينج ,, انزين يا قلبي صارحييييه اذا شفتيه تقبل الموضوع خير و بركه بس اذا عصب و حمق انا اقوووول راجعي حساباتج مرة ثانيه ,,

حبيبتي انا اعرف دكتور اسمه جاسم المطوع اهوووووو واااااااااااااايد حبوب و الناس تستشيره بالزواج و الامور المتعلقه بين الزوجين والله العظيم انه رياااال كلامه من ذهب ,, و اهو عنده حساب بتويتر ,, استشيريه و يفضل تروحينله المكتب
و الله نصييييحه من اختج روحيله لانه ريال فاهم و يمكن يوصلج حق حل ...

و عسى ربي يمسح على قلبج بعد عمري

 

[LoLaTi]

حاسه فيج الله يعينج والحل اهوه انج تنفصلين لاتكملين معاه لان ماراح تتقبلينه لو شنو خصوصا شكله موعاجبج وانتي تقولين انه قصير وضعيف يعني شكله ياهل بيبي فيس وتصرفاته يهال ويع استغفر الله :cxxxp: مو حلو ريال يكون جذي

انا فاهمتج تبين واحد شكله رجولي تحسين انه ريال وتحترمينه ويكون تكانه و رزين واهوة عكس الشخصيه اللي تبينها و ماراح يصير نفس الشخصيه اللي تبينها لان من ناحيه شكله ف هذي خلقة الله ماراح تتغير ومن ناحيه اطباعه يمكن تقدرين تعدلين جم شغله بس ماتقدرين تغيرينه بالكامل
انا انصحج انفصلي قبل لاتعرسين وتعيشين معاه تحت سقف واحد وتلوع جبدج منه اكثر وتتحسفين ليش مانفصلتي من قبل
ولحد يقص عليج ويقولج بعد الزواج راح تحبينه وتتعلقين فيه كل هالكلام خرابيط صدقيني ماراح تحبينه راح تكرهينه اكثر
يعني البنت لي ملجت المفروض ايام الملجه تكون احلى ايامها وتحس بفرحه وانها عروسه انتي من الحين كارهته عيل شلون لي عرستي وعشتي معاه في بيت واحد ؟؟ وحتى تجهيزج ماراح تحسين بوناسه ومالج خلق تجهزين شي حرام لاتظلمين نفسج .. و ماتنلامين لان كل شي صار بسرعه بسرعه والسرعه في الزواج مافيها خير صدقيني تودي الوحده بداهيه
اشتري راحتج وفركشي احسن والله يرزقج بواحد احسن منه وبالمواصفات اللي تتمنينها :eh_s(17)::eh_s(17):

 

[مضاويـ]

احنا دايما جذي

اللي يحبنا حيييييييييل تلوع جبدنا منه استغفر الله لووووووووووووول

 

[raneen]

حبيبتي مابي ازيد على الكلام البنات كفوا و وفوا بس نصيحه لااااااااتطلبين الخلع ....شوفي الفيديو للاخر ورح تفهميني ....
واهي نصيحه وانا الي علي نصحتج لاني مابي ربي يسالني عنها يوم الحساب حبوبه ....

http://www.youtube.com/watch?v=sf0oiFelOK0

 

[لمى الهاجري]

مسكين والله رجال طيب وحبوب مافيه عيب اظاهر ياتج عين تسبحي بسدر وماي مقري

 

[ELFAD3Ah]

من الحين دام انج على البر ومومرتاحه انهي الموضوع لاتاخذين الريال وتظلمين نفسج وتظلمينه

 

[دلوعة صلوح]

الله يعينج

 

[دلوعة أبوهآ]

استخيري وربي يكتب لك الخير يـارب

 

[مذهــلــه]

استخيري حبيبتي

والله يكتبلج الخير ان شالله

 

[منجامور]

اني زوجي رزة وتكانة بس بخطوبتنا كان من يقول لي كلام حب وغزل تلوع جبدي

ومن يروح اقعد اصييح اني مو متقبلتنه اصلا

بس اني بررت لنفسي اني جديدة على وضع اني اتعامل ويا ريال اول مرة

واني كنت ناشفة مرررة معاه

مرت الايام قمت اشوف اشياء زينة فيه شوي شوي تقبلته في حياتي

ترى الريال اول مايخطب يصير يقول كلام حب لانه الرجال بسرعة يتقبل اني ذي مرته فيصير متسرع في مشاعره

اما احنا يبي لنا وقت لين نستوعب الشي

صدقييييييييييييني مدام يصلي ويحبج ميخون مو مغازلجي مو بخيل كل شي يهون بعدين

بلاوي هالزمن بلاوي

وماتضمني انج اذا تطلقتي منه يجي لج واحد احسن منه


زبدة كلامي ومقتنعة فيها مئة بالمئة الحب يجي بعد العشرة مو على طول

لاتتسرعي وشيلي عنج التشاؤم وانج تبغي تتركيه وقاعدة تدوري على اسباب تقنعج اكثر بالانفصال

 

[!witcha!]

بعد هذا نصيبج !

 

[منجامور]

اما على سالفة الاندر وير عادي انه يكون سامع من احد انه هادي زوجته كذا وانه شي حلوو

والله يوفق الجمييع