احلم بهاليوم وبالاخير انصدمت ( مخطوبه وتعبانه )

[femmi]

سبحان الله واستغفر الله العظيم واتوب اليه

 

[خفايا الروح]

استخيري .. وعطيه فرصه .. وخلج ايجابيه وحاولي تغيرينه خاصه انه يحبج ..

لا تصيرين سلبيه وتنسحبين وتتخاذلين ..

والله يوفقج ..

 

[ام بس بس 2010]

صراحه اسمحححححححححححححححححي اقوووولج ولاتزعلين مني ياقلبي واعتبريني اختتتج الكبيرررره



ماعندج ساااالفه من صجج وين تلقين بالزمن هذا واحد جذيه ؟؟ على النيه وصادق ومبين ريلج ما عرف بنات ولا دخلت حياته بنات من قبل وتوكم حتى عرس ماسويتي حبيبتي هذا يسمونه التأقلم تأقلمي واكيد باول شي كل شي صعب الريال حبج وتعلق فيج وعادي بموضوع المهر يمكن استحى ومالقا موضوع غير هالموضوع ومافيها شي انتي تقدرين عليه قعدي معاه شوفي ايجابياته حاولي تعدلين سلبياته قوولى الحمدلله حالج افضل من غيرج شوفي المنتدى الى تقول ريلي خاني بالملجه الى بخيل والى طلع مو صاحي كبري عقلج وسعي مداركج واعتبري مو اختج امج حبيبتي ماراح تلقين ريال تشكلينه مثل ماتبين واذ فكرتي بالخلع او الطلاق عندج مجتمع مايرحم سواء دخل عليج او ما دخل بتشيلين اسم مطلقه وبتضيع منج الفرص بنسبه 50بالميه ياعمرى قوولى الحمدلله اذ تصرفاته ياهل خليج العاقله نبهيه صارحيه اذا الريال هذا وضع المادى انتي جامعيه وهذا ريلج حبيبج بتساعدينه ويساعدج ولاتنسين ان الريال يحبج وتعلق فيح والمكالمات فتره وتعدي وتسمحلي اذا قسيت عليج بس حسيتج ضايعه وعلى طول رحتي لفكره الخلع

 

[قلبي لك ربي]

ام بس بس مشكوره ياقلبي على النصيحه انا افكر اقتنع بس والله مو بيدي مو قادره ارتاح دايما اقعد من النوم صاكه فيني الدنيا كلا كوابيس
لايعه جبدي من كل شي مو قادره اقتنع ان هذا بيصير ريلي ودايما متضايقه وماشتهيه

 

[لحن التياعي]

ماابي انصحك بالانفصال لانه ابغض الحلال بس نصيييحة من مجربة لو حاسة انك مستحيل تكملين معاه ومو مرتاحة
من البداية انفصلي قبل العرس والدخله وربي يعوضكم الاثنين خير
انا كنت زيك ومو مرتاحة وحاسة اني ماراح اكمل معاه بس اهلي الله يسامحهم ضغطوا علي وتطلقت بعد العرس بكم شهر ودخل علي واهلي ندمانيين انهم ماوقفوا معاي
لكن انتي استخيري ولو شفتي نفسك ابدا مو حابة تكملين معاه انفصلي الحين وفرصتك بتكون احسن لانك بكر
الله يكتبلك الخير وطمنينا عنك​

 

[قلبي لك ربي]

بدويه

الله يعوضج خير يارب وان شاءالله ربي يرزقج احسن منه ويسعدج

 

[ام بس بس 2010]

ام بس بس مشكوره ياقلبي على النصيحه انا افكر اقتنع بس والله مو بيدي مو قادره ارتاح دايما اقعد من النوم صاكه فيني الدنيا كلا كوابيس
لايعه جبدي من كل شي مو قادره اقتنع ان هذا بيصير ريلي ودايما متضايقه وماشتهيه

حبيبتي دام كوابيس ومضايقه هذا اكيد عين اقري البقره شغليهت بغرقتج اقري تبارك ويس قبل النوم ..
قول لي له خلنا نشتاق لبهض حبيبي شرايك ماتكلمني اليوم وباجر دق ..
حبيبتي انتي مافيج الا العافيه يمه الى فيج عين سوي الى قلت لج ..
واذ تبين رايي ..
صارحيه بالى فيج .. تذكرين دايم هذا يحبج ويموت فيج وريلج بالحلال .. وماراح نلقين مثله انسان صادق ويحبج ..
خلي يعقد عندج صارحيه بالى بقلبج صدقيني بترتاحين ويمكن تشوفين شي ماشفتيه يمكن تنتبهين لجانب لشخصيته ماشفتي حبيبتي كل الى فيج داومي على سوره البقره ونزليها من النت بصوت الشيخ ماهر العقيلى وماشالله صوته بس يريح وثاني خطوه صارحي ريلج وحبيبج بالى فيج وانشاالله مافيج الا العافيه

بس طلاق وخلع شيليه من بالج وهذا ابليس يوسوس لج
واي شي تبين حاااااضره ياقلبي :eh_s(8):

 

[قلبي لك ربي]

ام بس بس الله يوفقج يارب ماقصرتي حبيبتي

كلامج وايد ريحني وان شاءاالله بداوم على البقره والرقيه

انا جاتني انفلونزا وقلت له مايكلمني ماكلمني كم يوم حسيت براحه وربي وهو بعيد عني ولما رديت اكلمه حسيت بالضيج مره ثانيه عني عشان جذي قدرت اني اتركه

بس الحين بعطيه فرصه بشوف شنو يصير..

 

[قمررهوم]

هلا حبيبتي واضح من تصرفاته انو يحبك انا انصحك تصبري شوي لاتستعجلين انتي لسى ماتعرفينه عشان ماضلمين الرجال اصبري وبعدين اتخذي القرار المناسب وبصراحه نادر الحين ماتلقين واحد يحبك بهالجنون باين عليه طيوب وعلى نياته ويحب كثرة الكلام واخر نصيحه اخذي واحد يحبك احس من واحد انتي تحبيه
اسالي مجربه اختك قموره

 

[ام بس بس 2010]

ام بس بس الله يوفقج يارب ماقصرتي حبيبتي

كلامج وايد ريحني وان شاءاالله بداوم على البقره والرقيه

انا جاتني انفلونزا وقلت له مايكلمني ماكلمني كم يوم حسيت براحه وربي وهو بعيد عني ولما رديت اكلمه حسيت بالضيج مره ثانيه عني عشان جذي قدرت اني اتركه

بس الحين بعطيه فرصه بشوف شنو يصير..

مافيج الا العافيه انشاالله وعلمني باى تطور ترى ولله احاتيج من اللحين طمنيني عليج برساله خاصه:eh_s(8):

 

[simtonguri]

الله يكون بعونج حبيبتي
حاولي انج تفتحين مخج عالاخر معاه و عطيه فرصه وانشالله خير

 

[نونه المنكوشه]

سبحان الله اهم شى القبول اذا مومتقبلته لوانه احسن من زمانه ماراح اتشوفين الاشياء الزينه فيه وبصراحه شى صعب لما اتكونين راسمه شى ويطلع شى ثانى وفعلا الريال اهم شى شخصيته لكن ليس كل مايتمناه المرء يدركه لكن نصيحتى لج قررى قبل لاتروحين عنده واتيبين عيال

 

[امـ خــزامـى]

حبيبتي كل اللي يصيرلك مريت فيه وربي

جتني ضيقه مو طبيعيه لدرجه امي وخالتي اخذوني لمكه اعتمر وادعي ربي

ماحبيته ابدا واكره شخصيته وتهاوش كذا مرا معاه وقلت له بفك الملكه خلاص مابيك تخيلي
وحاولت مليون مرا انفصل منه حتى بعد الزواج بس كنت دايم استخير


تدرين كل هذا اللي يصير لي ليش ؟؟؟؟؟؟

لاني كنت صادقه بريئه حساااااسه وبنفس الوقت شخصيتي قويه وصارمه وصريحه ماحب اللف والدوران

وهو يااااااااربي كل الملكه هيااااااااااااااااااااااااااااااااااط
لو بتساليني وش الايام اللي تكرهينها بحياتك بقولك فترة الملكه وسنه الاولى زواج

وللمعلوميه انا تراه اللعن مننن زوجك بمليوووووووون مرا بهذلني جنني بس انا صبووووووووووووووووورا
وانهرت كذا مرا بس حكمه من ربي اني مااتطلق مع ان اهلي كانوا معطيني حرية الاختيار

حاليا لي ثلاث سنوات متزوجه الحمدالله ربي عوض صبري خييييييير وارتحت وصار تقريبا مثل مابي
غيرت كل اطباعه الشينه نميت شخصيته ودعمته وضغطت على نفسي صخرت السنتين الاولى من زواجي كلها له
مافكرت احمل ابدا لاني كنت ابيه يتعدل

والحمدالله والشكر يااااااااارب تحقق مرادي وغير كذا رفعت راس ابوي <<اذا تبين تعرفين ليه قلتلك


بالمختصر المفيد اعرفي نقطة ضعفه وخليك ذكيه وسنعي فيه
ولاتقولين مالي خلق ابي اخذ واحد مااجلس اعدل فيه
بقولك انسي مافي رجال يجي على كيفك كلهم عندهم اخطاء وتصرفات قبيحه
الذكيه تغيرها للاحسن والغبيه اللي تندب حظها وتنقهر وتهمله وتزيد الطين بله

حبيبتي واضح من شخصيتك انك ثقيله وقوية شخصيه وصريحه وصادقه وجديه بتصرفاتك
وتزوجي واحد عكسسسسسسسسسسسسسك تماما

فعشان كذا انصدمتي

نصيحتي لك فكري واستخيري واللي ربي كاتبه بيصير وكل شي له حكمه
وادععععععععععي ربك استغفري
وربي ماكذب عليك كل ماسترجعت حياتي وكيف صبرت اقول مو معقوله انا سويت كل هذا
سبحان الله ربي يسر لي كل شي كنت اشوفه عسر وصعب


الله يوفقك ويسهل امرك ولا يعسره وتحبينه وتعيشين احلى عيشه معه
يارب سخر لها جنود الارض وملائكة السماء واسترها وحقق مرادها واسعدها

 

[أمول 1989]

عورتي قلبي والله
من كلامج حسيتج صج تعانين وتعبتي من التفكير الي شايلته
هم احسه يكسر خاطرج وهم أحسج كلش مو متقبله وشي فوق طاقتج
الله يعينج والله
وياارب تاخذين القرار الصح بأسرع وقت
ماعندي شي أقوله غير اني ادعيلج
لانه وضعج اشووفه صعب محد راح يعرف ويفهم الي تحسينه الا
الي مرت فيه وجربته
والي يقعدون يقولون ماعندج سالفه وحاطين المشكله فيها
انا مابي أظلم الولد بس ترا هم وضعها صعب خصوصاً المشاعر
يعني شلون تقدر الوحده تجابل لها واحد اهي مو بالعته كلش
اوكي وشالي يضمن انها راح تتقبله ؟
يعني احتمال بعد الزواج تتقبله و احتمال لأ
اوكي وبحال اذا حست نفسها ماتقبلته بعد الزواج هني شلون بيكون الوضع
ف بالأخير حبيبتي محد يقدر يفيدج بمشكلتج غيرج انتي
احنا ماندري لي أي درجه انتي مو متقبلته
الموضوع بايدج فكري عدل هذا اول شي
درسي السلبيات والإيجابيات وشووفي الأكثر
هم بعد شووفي نفسج شكثر نسبة القبول يعني مو طايقته كلش ولا في أمل تحسين مع الوقت
انج تسوين كنترول ع نفسج وتصلحين الوضع
وآخر شي بقووله انه أي قرار تقررينه تتحملين لازم كل النتايج الي تترتب عليه
ف ضروري هم تفكرين بنتايج قرار الانفصال او الاستمرار
والله يكتب الي فيه الخير

 

[غنج اهلها]

بصراحه الله يعينج

 

[فرزاتشى]

شوفي لو انتي مثلا متقبلته كشخص وتحسين في امل يتغير طولي مده الخطوبه وحاولي شوي شوي تغيرينه
اما لو انتي مو متقبلته خيررررر شررر وتحسين حتى لو تعدل ماتقدرين تعيشين وياه لا حبيبتي استخيري لان بكرا في فرااش بينكم لو ماانتي متقبلته بتكونين بمشكله وبتنحطين بميه مشكللللللللله ؟؟؟
وارجع واقول الصرااحه اهم شي صارحيه قولي له عيوبه وباين انه يحببج وبيسوي اللي تبينه عشانكم
وقولي له انا بعد بتغير عشان لايحس ان العيب فيه هو بس

 

[Queen of Sadnes]

السلام عليكم
اختي قريت مشكلتج وقلت لازم ارد عليج
شوفي انا لما انخطبت نفسج ماكنت مقتنعه ومو حابته وكنت اقول شلون هذا بيكون زوجي نهائي ماتقبلتتتتتته
بس في شي خلاني اصبر
هو تقريبا كان نفس ريلج وهم جسمه ماكان عاجبني ماكو كتوف وضعيفوموطوييل وايد يعني عكس اللي كنت متخيلته
وفوق هذا اذا كلمني كان يستحي حييييييل مايتصنع بالعكس باين عليه لدرجه انه حواجبه ترجف تخيلي المنظر هههههههههه
يعني كنت خلاااااص ماابيه بس سبحان الله كلشي صار بسرعه والله الحين يموووووت فيني ماشاء الله تبارك الرحمن
وماعمره خاني ليش انه ماعنده بلاوي من قبل انا اول وحده بحياته والحين تغير بالشكل زاد وزنه وبين انه ماشاء اللله رجلللللل
وتصرفاته غير ماشاء الله شهم وطيب ويساعد الناس ويحبني ويحب عياله يعني المساله مسألة وقت وبيتغير ويتعلم اطباعج ويحاول يتعلم عليج ويتفادى اللي تكرهينه وعلى فكره ببدايه الملجه قالي نفس كلام ريلج مديووون وظروفي والحاله الماديه وهم استغربت بس صدقيني مو قصده بخل قصده انه يوضح لج الصوره خوف منه انه يقصر معاج


والحين دايما اتذكر شكل حواجبه واقوله واموووووت انا وياه من الضحك
عالعموم انتي استخيري بس صدقيني هذا على نياته وماعنده خرابيط مثل غيره ونظيف
توكلي على الله والله يوفقج

 

[قلبي لك ربي]

مشكورين والله بنات على راسي

مشاركاتكم وحده وحده قريتها وفكرت بكل كلمه كتبتوها
Queen of Sadnes

الله يوفقج وياه ان شاالله ويسخركم لبعض مشاركتج وايد طمنتني لو استمريت وربي كتب لي معاه حياه


فرزاتشى
مشكلتي ماعرف اصارحه واقوله انت فيك وفيك هذا مشكلتي بحياتي بشكل عام مو بس بالحياه الزوجيه

مشكوره حبيبتي

نونه المنكوشه

هذا الي مخوفني من اروح عنده واتوهق بعيال ساعتها بدبس عدل : (

امـ خــزامـى

مشكوره ع النصيحه حبيبتي

الله يوفقج مع زوجج ويسخركم لبعض ويسعدكم


أمول 1989

انا معاج بكل شي كتبتيه مشكووووره حبيبتي صج احسج فاهمتني
غنج اهلها

تسلمين يالغاليه على الدعوه


بنات الحين انا قلت له مايكلمني فتره برتاح وبفكر عدل وقبل كل شي واهم شي استخرت الحمدلله كذا مره

دعواااتكم يالغاليات مشكورين وايد

 

[اخت خالتهم]

اخذي اللي يحبج لا تاخذين اللي تحبينه

 

[قلبي لك ربي]

^

حبيبتي انا مافي قلبي احد ولا احب احد

بس انا ماحبه ولا اقدر اتقبل كلامه ولا اسلوبه

وهالشي مخليني انفر منه بشكل كبيرررر

مشكوره