احلى تجمع (( كروشات ديسمبر )) حياكم الله بنات

[lovly girl]

بنات

طبعا باجر أنا اطلع من الاربعين فقلت خلي اروح اليوم للصالون

فرصه دام عيالي رايحين بيت يدهم اليوم وانا مارحت عشان صايمه فقلت شحقه اروح

عندي 16 يوم من رمضان ماصمت عشان ماكنت قادره اصوم وقالي الدكتور لاتصومين

قلت اخفف من أيامي اليوم ثاني يوم اصوم

المهم رحت وانا قعد أشيل شيره جان تقولي الهنديه الي قعد تشيل لي

ليش بطنج كبير قتلها أنا توني ولدت قالت ليش ماتربطين احسن قتلها بله رابطه

جان اوريها حزامي جان تقول لا عاده ماكو فايده قتلها عيل شنو

جان تقول ساري .....

جان استغرب شنو يعني جان تقول شفتي الساري مال هندي

هادا في 6 متر واخذي ولفي حوالين بطنج نفس ماتلفين الياهل إحنا هند

كله نفر يسوي جذي من اول يوم شوفي ماكو كرش جان اقول لها الطبيب مايرضي

من اول يوم جان تقول لا عادي عاد جان ايي البيت واسأل شغالتي قالت نفس الكلام

جان أقولها وين احصله قالت كل مكان عاد الحين ابي ادوره واجربه

 

[بنت الوفا]

رد : احلى تجمع (( كروشات ديسمبر )) حياكم الله بنات

بناات ماكو دم بس يوم الخميس شته والحين ماكو

لفلي نفس المشد الاندوسي بس كل شوي يتحرك

 

[بنت الوفا]

رد : احلى تجمع (( كروشات ديسمبر )) حياكم الله بنات

اليوم رحت لسنتربونت بعد ماخلصت التنزيلات :denya:وشريت لبنتي:ch12:​

oster_av1:

 

[بنت الوفا]

رد : احلى تجمع (( كروشات ديسمبر )) حياكم الله بنات

بدله حراري روعه تعرق

 

[أمواج^الكويت]

رد : احلى تجمع (( كروشات ديسمبر )) حياكم الله بنات

 *صباح الورد ياورد  
شلونكم هوانم ديسمبر !

* بنت الوفا عليج بالعافية الأغراض ..

* أمووورة ولفلي البامبرز حلو وخفيف بس عيبه لما يوصخ الياهل يطلع ريحة مو حلوة ..

*فقووودة رفيجتي قالتلي حفاضات دارلينغز وايد زينة وماتطلع ريحة .. شكلي بجربها إذا مانفع معاها بامبي !

* لفلي نعيما والحمدلله غدى شرج بطلعتج من الأربعين والساري يعني خام أنا حماتي تقول الهنود يحطون خام لنن ويلفونه جم لفه بس لازم تسمتينه حيييل .. واااي أنا أهملت كروشتي أحس جنها كبرت شوي من رديت شقتي كله من ريلي مايخليني أسوي كنترول 
ضايق خلقي مابي أداوم وأنا مو راده وزني أحس الملابس راح تصير خايسه علي باللبس 

* غرووور حياتي أنا قطعت الفكس عنها لأن كان قوي وأثر على صدرها وقامت تكح .. يوم رحت حق الدكتور جعفر شمساه العراقي قالي هذا كولش مو زين إهوايه قوي على صدرها ..
أهوه صاير نفس القطرة تقطرين منها 5 قطرات على ملابسها من فوق صوب القولة مالت الأفرول*وعلى فرشها اللي بسريرها علشان تستنشقه ويفتح خشمها بس ما أنصج فيه ريحته قوية ويحسسج جنج مجابلة عيوز مو بيبي على هالريحة خخخخخخ صج صج تصك بالراس وقوية على صدر الياهل مو زين ..
وإذا تبين اسم الفكس بس أصحصح أكتبلج اسمه ..

*

 

[غرووووور]

رد : احلى تجمع (( كروشات ديسمبر )) حياكم الله بنات

أمواج لوووووووول
يمكن أنتي كثرتي عليها وخنقتيها

 

[أميرة طفولتي]

رد : احلى تجمع (( كروشات ديسمبر )) حياكم الله بنات

هاااااااي بناااااات 
امس رحت شريت خام حق سنفوري
اوووووووولااااااااااه يالهنوووود ياااااابووووي اختنقنا من الريحه
ليش جذي متكودين عند المحلاااااات خبري اليمعه زوارتهم بالمرقاب ههههههه
المهم ماحصلت الخامه الي قتلكم عنها شريتله خامه ثانيه عجيييييبه 
اليوم رحت الخياط قطينه عليه وفهمته الموديل انشالله يضبطه 
وعقبها رحت برج جاسم اخييييييرا لووووول ماشالله خط واحد وصلنا
قعدنا أنا وريلي فصلنا الكوكيز تفصل كانت هنديه الموجوده
شفنا قطعه قطعه قعدنا جريب الساعه واخترنا الأشكال منزلين حق العيد الوطني على فلوس وطوابع وأعلام الكويت على كذا شكل
المهم قبل لا ندفع العربون قتلها مايصير اذوق جان اتييبلي سله فيها عينات
قالت هذا فرش مال اليوم
امبييييييي أنا وريلي زين ماتكسرت ضروسنا لووووول الكوكيز صخررررره
ويوهنا @@ قالي يلا الباب الباب ههههههههه قالي بقط ١٠٠ على قار
امبي لووول حدي تحطمت عاد الحين خلاص بطلب من التاجره الي معانا
كاكاو على احرف الاسم ملون مع الصوره والاسم

 

[أميرة طفولتي]

رد : احلى تجمع (( كروشات ديسمبر )) حياكم الله بنات

لووووولوووو
نعيما حبيبتي وغدا شرج
الحمدلله على سلامتج



فقووووده
هلا حبيبتي شلونج
أنا استخدم مناديل دارلنغز لمن ابدله البامبرز اكثر نوع عجبني
جونسون ريحته كلش مو حلوه وناشف شوي ومناديل بامبرز حدهااااا نااااشفه وفي بعد نوع استخدمته لونه ازرق جنه هم بعد ماعجبني
دارلنغز رطب وريحته حلوه والحمدلله ماشي معاه وماسواله حساسيه ولاشي
وعلى الحفاضات سامعه انه دارلنغز زينين بعد ودي اجربهم

 

[أميرة طفولتي]

رد : احلى تجمع (( كروشات ديسمبر )) حياكم الله بنات

بنت الوفا
عليج انتي وبنوتج بالف عافيه
ملبوس الهنا
تصدقين الداخلي اللف واااااايد عجبني مع ان لمن كنت اجهز كللللش ماكنت ابيه وامي اهيا الي أصرت أني أخذ منه الحين حدددددي مرتاحه لمن أبدله ما احب الثاني تعالي دخلي راسه وايده لازم شوي شوي على ماتطلعينها
لالا طلع اللف وااايد عملي اكثر وقلت انشالله حق الصيف هم باخذله لف
انشالله عاد ينزلون حفر لف !!!

 

[فاقده حنان ابوه]

اميره طفولتي هلا حبيبتي اي وايد زينين الحمدالله بس تصدقين ما استخدمت المناديل بس البامبرز شكلي بجربهم

:n2006107:

 

[غرووووور]

رد : احلى تجمع (( كروشات ديسمبر )) حياكم الله بنات

بنت الوفا الحبوب اللي بوجه بنتج راحو وإلا لا؟؟أنا بنتي صار بوجهها حبوب وكاسره خاطري

بنات أنا أستخدم حفاضات بامبرز اللي لونها أبيض حيل خفيفه وبنتي مرتاحه عليها

 

[غرووووور]

رد : احلى تجمع (( كروشات ديسمبر )) حياكم الله بنات

ليش التجمع صخه؟؟؟؟؟؟؟

حده ملل :cxxxp:

 

[أميرة طفولتي]

رد : احلى تجمع (( كروشات ديسمبر )) حياكم الله بنات

Hla wall a '3roor
Ee Ana b3d ast5dm pampers bs elorng mo elwite

Bnt elwfa

Yaaaaay << 3la golf 5damt omy looool
Mn wen elbdla el7rarya ??
Mn cntr point ?? O bchm ?

 

[أميرة طفولتي]

رد : احلى تجمع (( كروشات ديسمبر )) حياكم الله بنات

Hla wall a '3roor
Ee Ana b3d ast5dm pampers bs elorng mo elwite

Bnt elwfa

Yaaaaay << 3la golf 5damt omy looool
Mn wen elbdla el7rarya ??
Mn cntr point ?? O bchm ?

 

[monmoon85]

مساء الخير شلونكم شخباركم خواتي والله أشتقت حق سوالفنا قبل وسهرنا بس تدرون الحين وقتي مو ملكي ملك احمداني فديته . . .
تدرون عاد حدي متكدره انا كملت الاربعين تاريخ 1 الشهر بس لم الحين ما نظفت ماني عارفه شسوي ! الادعم وانتو بكرامه ماوقف. . . عيزت وانا ادز حق ام خالد للاعشاب بس الله يهديها مو راضيه تعبرني وترد علي. . خفت يكون من الادويه?
راجعت دكتورتي عطتني حبوب ترفع الدوره علشان اكلهم وانظف على قولتها وصارلي 4 ايام اكلهم ومانظفت. . . واي حدي حدي متأزمه اشتقت حق بيتي وريلي. . .
كنت مستانسه قاعده اتزهب رحت سويت اسنان تبيض وتوريد لثه . . بس لم الحين ما سويت حمام مغربي بالصالون بس انا بالبيت اسويلي وناطره بصبغ شعري وبقصه . . بس واااي لم مانظفت تكدرت وكل شغلي وقفته. . مليت ابي انظف شسوي. . ريلي عيز نقزات ويحن شسووووووووي!

 

[بنت الوفا]

رد : احلى تجمع (( كروشات ديسمبر )) حياكم الله بنات

بنااات اليوم طلعت الاربعين سجن حش مونفاس:eh_s(13):

اليوم كشخت وصبفت وسشورات شعري عيالي عزمون بحديقة الحيوان:fun: ولدي حنن يبي يشوف الحيونات وخذيت الحلوه وناسه

وتعشيت بالمطعم ورمانسيه عاد استحي:O_SHH_:


غروررر هلا فيج الحبوب اشومن اول خفو لاني كنت اثقل بالملابس حتي جسمه اول حبوب والحين لا بس وجهه فيه بس شوي مو حييل

بناات بنتي تصلخات وجلده يقشر من الحفاظه :cxxxp:​

​

 

[أمواج^الكويت]

رد : احلى تجمع (( كروشات ديسمبر )) حياكم الله بنات

 مساؤكم عسل ياعسولات

واااي بنات ضيقة خلق باجر دربووولوه اختي راح تسافر مع رورو إيرلنده عاد مكانهم راح يبين  ورورو راح تتغير علينا بعد جم شهر لي ارجعت 

​

 

[kunooz]

رد : احلى تجمع (( كروشات ديسمبر )) حياكم الله بنات

السلاااااااااااااااام عليكم

شلونكم بنات شخباركم؟؟

شووووشووووو
زين انج طلعتى و غيرتى جو حبيبتى والله يخلى لج اليهال يارب

جووووووجوووووو
هههههه ذكرتينى بخدامتى القديمه
كنت بشتري لها جوتى الله يعزج الجو كان حده بارد بعد شتا بس مو عاجبها ما تبي جوتى .. الا تبي نعال هههههه حتى صاحب المحل زفها يقولها لها انتى مينونه الحين برد مايصير تلبسين نعال
عاد الله يسامحها هذه طلعقت لى قرووووووووون

المهم شصار على خدامتج؟؟
بعدها ما تبي تطبخ؟

سفووووووووووره
تروحين و ترجعين بالسلامه يارب
و ناطرين سوالفج الحلوه

ام نيوفي
شلونج و شلون ولدج ان شاء الله الحين احسن يارب
الجو حده تعيس انا و بناتى كلنا نكحكح و حتى صوتى راااااح !!

امووووووووره
ياربي مانى عارفه شسوي؟
باقيلي حبتين و اخلص حبوب منع الحمل
و بوقف اسبوع و اشوف شيصير ؟؟ و شكلى بكلم الكتوره و اشوف شتقولى ؟!
المهم اموووووره لا تنسين ابي كعكه هههههههههههههههه

جوووووووجووووووو
حياتى انا استخدم دارلنقز .. خوش حفاظات
و ايه والله حدها متلخبطه بس انا قبل كنت اخذ نفس هالحبوب و ما صار معاي جذي؟!
عاد ماا ودي اغيرهم لانهم حيل ناسبونى قبل
اففففففففف والله مانى عارفه شسوي

و بالنسبه لج انتى عمري ايه تاخرت بس اللي اعرفه اللي يرضعون ما تييهم الدوره كل شهر .. بس جنج كنتى كاتبه انج قمتى تشربين فروحتى صناعى؟؟ احتمال تييج قريب عيل
امبيه هورموناتنا حدها لاعبه فينا !


غرووووووووووور
شلونج و شخبارج وشلون نزغتج سلم قلبها

لوفلى
وناسه والحمدلله عالسلامه .. شعور حلو لما نطلع من ال 40 صح
و اتوقع اللي تقصده الهنديه نفس المشد الاندنوسي؟

بنووووووته
غدا شرج حبيبتى ايه والله استغفرالله النفاس جنه سجن والنفسيه حدها اكسسسسسسسسس

وعليج بالعافيه الشغلات اللي اخذتيهم
والتبانات انا شاريه نفسهم حلوين احسهم يدفون البيبي و اريح من العادين اللي يلبسونه من الراس
انا ناويه اودي بناتى الحديقه بس شلونها عاد حلوه ؟؟

اموووووووره
امبيه من صجهم ليش جذي الكوكيز خوش فرش !
اشوه انكم ما دفعتو العربون !

موووووووووون مون هلا والله شلونج ؟؟
امبيييييييييه الله يعين تدرين انا للحين على اخت النفاس والله تعبت و زهقت و مانى عارفه شسوي؟ صارلها الحين 20 يوم!!

جووووووجووووووو
يا حيااتى دربوله ان شاء الله تروح و ترد بالسلامه يارب
الله يحفظهم يارب و سلمى عليها واييييييييييد و قوليلها ناطرين سوالفج لا تقطع

 

[فاقده حنان ابوه]

صباح الخير شلونكم

اليوم غلا سمله عليهاا مو راضيه تنام فازعين من الصبح منشوله حياتي

 

[أمواج^الكويت]

رد : احلى تجمع (( كروشات ديسمبر )) حياكم الله بنات

أهلين فقووودة حبيبتي ماتشوف شر غلاوي فديتها حتى أنا بنتي منشوله وتحن ودي أسبحها بس أخاف تنتكس بزيادة ..
عاد إهيه طبيعتها بسرعة تستبرد وصايره من أوديها بيت أبوي اليوم الثاني تمرض لأن بيت أبوي وايد برد .. الصراحة مو شي الوحدة تولد بالشتا مانقدر نطلع اليهال محبوسين وياهم  وإذا طلعنا نقعد نحاتيهم 
ودي أسافر أغير جو قبل الدوامات 

فقووودة انتي اخذتي أمومة ولا قاعده تداومين !​