احلى تجمع (( كروشات ديسمبر )) حياكم الله بنات

[غرووووور]

رد : احلى تجمع (( كروشات ديسمبر )) حياكم الله بنات

صباح الخير

 

[أمواج^الكويت]

رد : احلى تجمع (( كروشات ديسمبر )) حياكم الله بنات

أهلين غروووور صباحج عسل وقشطة ..

 

[أمواج^الكويت]

رد : احلى تجمع (( كروشات ديسمبر )) حياكم الله بنات

شلونكم بنات شخباركم !

أمس من الملل قلت حق ريلي خل نطلع زهقت حدي من قعدة البيت جان ناخذ النزغة ويانا ونروح المارينا واااي بنات الله لايوريكم اشسوت فينا ماتبي تنام في عربانتها فشلتنا تبجي وتصرخ جان أشيلها وأخلي ويهها مجابل الناس أحسها متنحه تطالع بالويوه وتخزز بالإضاءات جنه شي غريب عليها ههههه
بس أشوه يوم قعدنا في مطعم Lenotre طخت نامت بحضني جان أحطها بعربانتها بس هذا الفلبيني اللي اييب الطلب غثني كل شوي يحوش عربانتها لين قعدها واستنفرت مره ثانية ما خلتني أتهنى بأكلي 

وحتى في وحده كانت تتمشى مع ريلها وبنتهم بالعربانة هم رضيعة وقعدت تطالعني شلون مختبصة وتبتسم بويهي الظاهر حست بمعاناتي جان ريلي يقولي هذي أكيد وحده من بنات تجمعج لوووووووووووول
بس تبوون الصراحة الياهل تقييد ماخلتني أستمتع بس هم كاسره خاطري كله محبوسة في البيت ودي تشوف الناس علشان لاتكش وتستاحش لي كبرت شوي وصارت حليوة ​

 

[أمواج^الكويت]

رد : رد: احلى تجمع (( كروشات ديسمبر )) حياكم الله بنات

بنات عيد زواجى قريب ابي مقترحاتكم افكر اروح فندق عن ازعاج البنات يعنى لى 2 بليل وارجع في عضوه هنى تزين الفندق وتحجزه لج بعد شرايكم

ودى اسافر بس منو يتحملهم خدامتى خلاص وصلت حدها كل يوم تبجى ماعاد تقدر عليهم وانا بعد تعبت ومقدمه خدامه ماوصلت ومالقيت على كفاله المكتب الحين بصير :lololoe: من هالبنات

أهلين عشوووقة وينج غاطة ! لج وحشة حبيبتي :hjy5jewf:

الله يعينج ياحياتي والله ماتنلامين إحنا ياهل واحد وماخذ كل وقتنا فمابالج انتي توينز وبنوتج هم بعد صغيرونه وبحاجة حق رعاية .. الله يلوم اللي يلومج ..

وعلى ذكرى زواجج أنا أنصحج تروحين فندق ومثل ما اقترحت أمووورة المنشر حلوة أجواءه وهم استفيدي من العضوة اللي قلتي عنها دام إنها تسوي كل شي ..

وكل عام وانتي بخير مقدماً والله يخليج لزوجج ويخليه لج ويحفظلكم بنوتاتكم من كل شر ..

على العموم انا بناتى كل ماا اجرب حفاظات يناسب وحده ويصلخ الثانيه مدري شسوى الحين حطيتهم على فولفيت صلخم ثنتينهم
جربت دارلينغ يسرب جننى وجربت بامبرز وجربت ماادري نسيت اسمه هذاك الطبي الغالى ناسب بنتى الكبيره وماشيه عليه وهذول لا مدري ليش

قصدج ليبرو !

مشكلة والله هالحفاضات أنا ألحين غيرت ليبرو صارلي يومين قاعده أجرب بامبي بس أحسه شوي كبير عليها قياس 3 ودربوولوه اختي قبل لاتسافر قالتلي انها شاريه بامبرز حجم التوفير حق بنتها بس ماودته وياها فقالتلي حرام استخدميه وإنشالله يمشي وياها .. ​

 

[أمواج^الكويت]

رد : احلى تجمع (( كروشات ديسمبر )) حياكم الله بنات

الترجمه :
توني راده من المستوصف وديت حساني طعموه التطعيم الثالث مال الدرن
الحمدلله بس مسكين صرخ وقت لمن غزته الابره بس من شلته لميته سكت على طول والحين نايم

واااي بعد عمري حسونكه الله يعينا على هالتطعيمات متى نفتك منهم ..

أمووورة التطعيم الثالث إبرة ! أنا الدكتورة قالتلي شراب ومرت أخوي تقولي إبرة !

شكلها الدكتورة مخرفة !

إنزين الإبرة وين ! على إيده ولا متووووته ​

 

[أمواج^الكويت]

رد : احلى تجمع (( كروشات ديسمبر )) حياكم الله بنات

جوووجووو
حبيبتي سلمي على دربووووله واااايد
تروح وترجع بالسلامه انشالله
لايضيق خلقج حبيبتي إحنا كلنا موجودين

جووووووجووووووو
يا حيااتى دربوله ان شاء الله تروح و ترد بالسلامه يارب
الله يحفظهم يارب و سلمى عليها واييييييييييد و قوليلها ناطرين سوالفج لا تقطع

أموااااج حبيبتي إحنا خواتج

وإن شاءالله تروح دربوله وترجع بالسلامه
وربي بيصير لها وحشه من ألحين :friends:

بعد عمري مشكووورين حبيباتي ماتقصرون وانتو بعد بحسبة خواتي وأكثر :hjy5jewf:

وإنشالله تمر الأيام بسرعة ويرجعون لنا بالسلامة

الله يخلي الواتس أب قرقة وياها طول الليل ههههههههههههه ​

 

[أمواج^الكويت]

رد : احلى تجمع (( كروشات ديسمبر )) حياكم الله بنات

جوجو بسألج عن شغله
أنتي قلتي إن الدكتور عطاج مثل الفكس إتحطينه على ملابس بنتج والفرشه
شنو إسمه ؟؟؟ ومن وين شريتيه؟؟؟؟
وإشلون طريقة إستخدامه؟؟؟

غروووور هذا اسم الدوى ===> Fitobalm

وهذي صورته

V

V




ومثل ماقلت لج تقطرين على ملابسها وفرشها جم قطرة والله يعينج على ريحتها كل ماشلتيها صج صج تصك بالراس ​

 

[أمواج^الكويت]

رد : احلى تجمع (( كروشات ديسمبر )) حياكم الله بنات

جوووووووجووووووو
حياتى انا استخدم دارلنقز .. خوش حفاظات

جوجو انا استخدم دارلينغ وايد زينين والحمدالله ما شين على بنتي

شلونكم بنات شخباركم :wqedqw:

عيل بحطه باللستة وراح أستخدمه مع بامبي وبامبرز رورو وبشوف أي واحد فيهم راح يضبط وياها ..

ثانكس أمهات حلوات :hjy5jewf:​

 

[أمواج^الكويت]

رد : احلى تجمع (( كروشات ديسمبر )) حياكم الله بنات

المهم شصار على خدامتج؟؟
بعدها ما تبي تطبخ؟

لا والله يا كوكو كله مجابله بنتي بس تكوي وتنظف بس طبخ لأ لأن بيني وبينج أنا مالي مقاقة للطبخ هاليومين علشان أعلمها طايحيله مشويات أنا وزوجي كل يوم وإهيه ملوعه جبدي تاكل بهالثوم عاد قلت حق ريلي لاتحطلها ثوم ريحتها فايحه ذيك المره يوا ثنتين من حمواتي عندي لوووول وحده فيهم راحت بتاخذ منها بنتي جان تشم ريحة الثوم من حلجها

ولا هاليومين عشتو أنا هابه بقناة فتافيت مالت الطبخ ترى يحطون شغلات حلوة وسهلة ..

واااي كوكو حدي متأزمة من سالفة الخدامة صرت أخس منج ماعرف شلون أتعامل وياها

مشكلتي إني أستحي أزفها حتى لو شفت الغلط عليها !

يعني شوفي بقولج هالموقف وانتي حكمي .. والله لو وحده ثانية جان شرشحتها بس أنا أقول حرام يكسرون الخاطر

أهيه زينة مع بنتي وهالشي مطمني والمشكلة إني عطيتها ويه وساعات أسولف معاها وأضحك أقول حرام هم إهيه متغربة وتشتاق لأهلها وعيالها بس شكلها خذت علي وهالشي غلط :cxxxp:

تخيلي ذيك المرة رحنا نسبح بنتي بحمام ولدي اللي أهوه صار حمامها لأن هناك أدفى في شمس وأنا ماسكتها بفصخها ولا تقعد تبجي وتصرخ جان اشوف بلسانها شعرة @@ وععععع

جان أقولها شنو هذا شعر بلسانها عطيني عود أذون خل اطلعه شعره طويلة خفيفة وسودة ..
تخيلي شعرها إهيه بلسان بنتي .. حدي تضايقت

عاد إهيه تبي تطلع منها جان تقولي فروحه حبه ماما وايد عشان جذي ياكل شعرها

يعني قصدها لأن فروحه تحبج وايد شعرج صار بحلجها .. أنا نفست شوي وطنشتها
وبعد السباحة أخذتها منها وأنا اللي عطيتها حليبها ماخليتها تعطيها وقلت لها روحي طلعي الملابس من الغسالة ونشريهم
إهيه حست شوي إني متضايقة ..

عاد رحت الدار كلمت ريلي على الموضوع جان يعصب ويقولي جان زفيتيها بنفس الوقت وقلتيلها مابيج تحطين من هالدهن على راسج .. حمامها في دهن كل يوم تدهن شعرها منه

وقالي إذا خايفه تزفينها راح تدوس على راسج وتاخذ راحتها نفس خدامة بيتكم وقام يكلمني بصوت عالي يعني بسمعها
يقولي شنو هذا اشحقه خايفه تكلمينها ! تبين ألحين بطراقين أسنعها لج شالوصاخة :cxxxp:

جان أقوله قصر صوتك :O_SHH_: مابيها تسمع بعدين أخاف تكش من الياهل جان يقولي أنا أبيها تسمع وبعدين شنو ماسكه علي أخاف واخاف منو المفروض يخاف انتي ولا اهيه :gr4uu:

أنا مو عن جذي بس مابيها تطلع حرتها بالياهل بعدين لي داومت خصوصاً إنها وايد تحبها ومتعلقه فيها أحسها حنونة عليها

بس في تصرفات تسويها تبط جبدي فيها وماعرف أدقرها يعني مرات لما تغص واهيه تشرب الحليب تدرين شتسوي كوكو !

تنفخ نفخه قوية من قلب بقمة راسها أحس تلوع جبدي يعني علشان توخر الغصة وساعات تكون ماكله ثوم وريحة حلجها وععععع

شسوي والله جد مو عارفه شلون أتعامل وياها

عاد بعد سالفة الشعر اللي بحلج فروحوه نفست جم ساعة بعدين رديت عادي أسولف وياها

المغرب أنا شايله فروحوه واهيه دايماً تخاف فتمسك شعري وتتله عاد هذي مرت بالصالة جان تقول شوفي حبه ماما يمسك شعر وياكل .. يعني تبي تحسسني ان هذا شعري اللي بحلجها مو شعرها !!

مساع كانت بنتي عندها فقلتلها ييبيها خل أشربها ماي غريب وأنا أشربها جان أشوف شعره صغيرة بحلجها وااااي لأ
جان أقولها شوفي شوفي بعد قولي مو شعرج ! جان تقولي ممكن هيه شعر يعني قصدها شعر بنتي

قلت لها مو هيه شعر هذا إنتي شعر لاتحطين أويل انتي تحطين أويل هذا يلزق بحلجها مو زين يدش بحلجها جذي هذي بيبي

جان تتوهق وتقعد تلاعبها يعني جنه ماصار شي واذا قلت هالمرة حق زوجي راح يزفها وانا مابيها تكش على جذي شغلات والله محتارة شلون أتصرف معاها ! ودي أنبهها بس بنفس الوقت مابيها تاخذ موقف وتتضايق وتكره بنتي

دبروني بنات شلون تتصرفون مع خدمكم لو كنتو بمكاني ! ​

 

[أمواج^الكويت]

رد : احلى تجمع (( كروشات ديسمبر )) حياكم الله بنات

لوووول أدري ألحين بتقولون اليوم جوجوشاده حيلها اشطاري عليها قرقة مو من عوايدها خخخخخخخخخخخخخ

لأني شابكه من اللابتوب وباشتراك الشقة اللي فوقي ههههههههههههههه بعد شوي تطلع وتاخذ الراوتر معاها وراح أرد أتصفح من الآيفون ​

 

[أمواج^الكويت]

رد : احلى تجمع (( كروشات ديسمبر )) حياكم الله بنات

بنات وزني صار 73,4 الحمدلله نزلت كيلوين واااي متى أوصل السيتينات وبعدها الخمسينات متى ياربي متى !

مع إني أمس لبست بالطواتي مالوت العام أوكي علي بس شوي صاكين صوب الزنود والحوض عاد صورت نفسي فيهم خخخخخخخخخخخخخ بس أفضى أنزلهم من الآيفون وأوريكم شكل جسمي بالبالطو وأهوه مسموووت علي

إنشالله من اليوم ببلش ممشى مع ريلي كل يوم ساعة وإنشالله أوزن الأسبوع الياي وألقى نفسي طايحه 10 كيلوات ههههههههههههههه

والله بنات مو قاعده أخربط بالأكل كل يوم ريوقي جاي حليب وكوكيز اللي بالنخالة ..

وغداي شيش طاووق ومشويات ..

وما أتعشى بس ساعات أشرب نسكافيه ​

 

[أمواج^الكويت]

رد : احلى تجمع (( كروشات ديسمبر )) حياكم الله بنات

فكرت أسوي رجيم التمر باللبن بس زوجي قالي ترى مو زين يصير فيج سكر

الصراحة حبطني ..

شفت هالرجيم وعجبني الحلو إن مايقيدج وبنفس الوقت فيه تنويع بس أخاف يزيد وزني بدال ماينقص لأن أكلي راح يكون أكثر من اللي قاعده آكله ألحين ..

شرايكم بنات شوفوه والله يونس ..

http://www.q8yat.net/showthread.php?t=554705​

 

[فاقده حنان ابوه]

بنات شلونكم شخباركم
وااااااااي جوجو مبروك انا نزلت 4 كيلو

 

[غرووووور]

رد : احلى تجمع (( كروشات ديسمبر )) حياكم الله بنات

هلا والله جوجو

الله يلوع جبد خدااااامتج
ديري بالج لايصير في بنتج شي

لازم تكونين صارمه معها بهالأمور
ومسكي العصا بالنص ولاتطيحين الميانه معها ترا الخدم ماينعطون وجه

 

[أميرة طفولتي]

رد : احلى تجمع (( كروشات ديسمبر )) حياكم الله بنات

هااااااااااااااااااااااااااااااااااااااااااي

هلع هلع هلع جوووووجووووووو

اله يسلمج التطعيم الثالث ابره بالجتف اليسار
بس لاتحاتين كلش ماشالله بس راح تبجي حزت غزة الابره اهيا الي تعور بس بعدين عادي ولا كان مطعمينها انشالله
وماراح تسخن هذا اهم شي بس عقب شهر راح يصير مكان الابره احمر واحتمال يطلع منها قيء ووساخه لاتحطين عايها ولاشي اللهم سبوحها العادي والشور جل العادي مالها

خداااااااااااااااااامتج :cxxxp:
جووجووو انتي نفسي اول ماييت شقتي مع خدامتي كنت استحي اكلمها او شوي اكلمها بنبره حاده او ازفها كله اخاف تسوي شي بالياهل :jumpon: بس بعدين لا ماقمت اسكت صراحه بس بدون زف ولا نبره حاده اهيا ماشالله خدامتج نفس خدامتي حنونه وتحبه ودامها جذي لاتزفينها بس اللحظه الي تسوي فيها الغلط كلميها بنفس اللحظه ليش سويتي جذي ؟
انا مو قتلج كذا ؟ حطي هذا او شيلي هذا انا مو ذيك المره علمتج
لاتحس انج مسيبتها وماتدرين شقاعده تسوي ترى يمكن عبالها ان الي تسويه انتي ما عندج مشكله معاه او مو مضايقج
مثل سالفة الثوم دامج ماكلمتيها ولا يبتيلها الطاري اكيد اهيا حاطه فبالها ان عادي عندج
وشي ثاني الدهن الي بشعرها هم ولا مره قلتيلها لاتحطينه بابا مايحب ريحه او مايصير انتي تشيلين بيبي موزين تشم هالريحه !!
خووووووووووووو الشعره :cxxxp:
امبي امبي جوووووووجووووووووووووووووو شلون سكتي !!
هالسالفه ماتنسكت كاااان لااازم بنفس الوقت تقوليلها شوووووفي شنو هذا ؟؟
هذا شعرج داخل حلجها انتي الي كنتي شايلتها شلون ماتشوفين @@
لالا جووجوو لاتسكتين لاتاخذ على الوضع ديري بالج حبيبتي باجر بداومين لاتروحين وانتي حاطه ايدج على قلبج
لازم لازم اي شي تشوفينه عليها تنبهينها على طول وبحزتها
وانشالله ماكو الا العافيه دامها حنونه وتعرف تشربها وتشيلها هذا اهم شي وانشالله من يروح التتسلخ الي فيها حبيبتي
علميها شلون تبدلها وما انصحج تخلينها تغسلها خليها بس تمسحها بالمناديل وانتي اول ماترجعين من الدوام غسليها

 

[أميرة طفولتي]

رد : احلى تجمع (( كروشات ديسمبر )) حياكم الله بنات

يلااااااااااااا ابي اضعف :jumpon:
وزني الحين 53 ابي ارد 47
اليوم قلت حق ريلي عفففيييييييييييه ودني باجر الممشى خل نمشي انا وياك قالي يصير خير _03BA: << بشارة خير كل مره يقول لا الحنه يابت مفعولها ههههههه:dddds:

 

[أمواج^الكويت]

رد : احلى تجمع (( كروشات ديسمبر )) حياكم الله بنات

:eh_s(7): :eh_s(7): هالوووو فقووودة وغرووور وأموورة مساؤكم ورد وفل وياسمين :eh_s(7): :eh_s(7):

ثانكس أمووورة وغرووور على النصيحة وبحاول قد ما أقدر أكون صارمة وإنشالله الله يقدرني ..

غرووور انتي ليلحينج بالنفاس ولا طلعتي !


أمووورة إنجاز حلو :ggdw: إنشالله تنزلين أكثر مع المشي وتوصلين حق الوزن المثالي اللي تبينه
اليوم مارحنا الممشى كنا بناخذ فروحة ونخلي الخدامة تدزها بالعربانة بس الجو شوي بارد قالي باجر نروح الظهاري علشان شوي شمس ودفى ..


فقووودة عليج بالعافية الـ 4 كيلوات وإنشالله تنزلين ضعفهم مرتين وزين سويتي أخذتي إجازة ..

الصراحة بنات تعودت على قعدة البيت مالي خلق أداوم وأجابل ويوه الطالبات :bbbiu: وانصدمت يوم دريت الأسبوع الياي دوامات المدارس بسرعة طارت الإجازة ..

أنا دوامي بتاريخ 20 / 3 نفس تاريخ زواجي يعني حبكت ماصار الدوام إلا بهاليوم ​

 

[أمواج^الكويت]

رد : احلى تجمع (( كروشات ديسمبر )) حياكم الله بنات

واااي بنات زهقة وملل :cxxxp:

شلون تقزرون وقتكم ! أحس اليوم حده طويل

المغربيات دق صاحب البيت اللي مأجرين عنده جان يقول حق ريلي بنتي توها راده من البحرين ودها تشوف بنوتتكم نزلوها تحت مع الخدامة .. عاد عطرتها وكشختها ولبستها باند وخليت خدامتي تنزلها وبعد أقل من 3 دقايق أشوفها اصعدت جان تقول بجت بجي موراضيه تسكت خخخخخخخخخخخ فشلتني بس حرام خشمها مسكر انتشلت لأني أمس طلعتها .. صايره بس أطلعها تمرض

عاد خدامتي تقول ماما كبيرة يقول أي وقت ماما تبي تطلع انتي نزليها اهني عندنا وبنتها قالت اذا صارت شويه كبيرة كل يوم ييبيها عندي ههههههههههههه

يحليلهم خووش ناس قبل فترة الأم زارتني قالتلي أنا ما أقولها لج مجاملة والله إذا داومتي خل الخدامة تنزلها مع أغراضها وتقعد عندنا تسلينا الصبح أنا وريلي ماورانا شي نقعد من الساعة 6 لا دوام ولا شي
عاد أنا استانست هم تكون تحت أنظارهم بس أحس إحراج مابي أكلف عليهم ..

بنات متى تنتظم نومة الياهل ! قاعده أحاول أنظم نومة بنتي بس ما أقدر أسيطر عليها لي تسلط عليها النوم تبدي تحن إلا تبي تنام وبالليل تأذيني بالحنة .. ​

 

[أمواج^الكويت]

رد : احلى تجمع (( كروشات ديسمبر )) حياكم الله بنات

في بنات وايد غطوا عنا !!

أم خلودي وينج مالج حس إنتي ولموووسه مو من عوايدكم عسى المانع خير لكم وحشة والله :hjy5jewf:

كوستا وليموني ومس فلاور وقوشتا ومناتي وزيووونة وحنووونهـ ومون مون وحرووومة وباربي وتوتة كيوتة وأم حمني وإستبرق الكويت ومهاوي وحوراء وخجولة وذات السبحة وأم نيوفي وتالا الحلوة وسهيلة وبوليانة وكتكوتة وإنسانة ودلع عسل .. إلخ

:eh_s(21): We miSs you too much :eh_s(21):​

 

[أميرة طفولتي]

رد : احلى تجمع (( كروشات ديسمبر )) حياكم الله بنات

جووجوووو
احس مادري شالرجيم الي كله بلعه ههههههههه :bbbiu: