احلى تجمع (( كروشات ديسمبر )) حياكم الله بنات

[احب السفر]

جوجو والله بالضبط اي حلقه مادري بس أكثر من 10 حلقات وراي 4.و5 وايد حلوين اختاري والله عندج ذوق على اللون الساده روعه بس يكزن فاتح

 

[حياتي قصة]

مشكوره واتمنى توصلين للى تبينه انت وخواتك :082502bye_prv::botetoo: وانا اضعف واصير رشيقه:yaaaaaarb:

 

[فاقده حنان ابوه]

كلوووووش كلووووووووووووووش

واخيرا وااااااااااي ما بغينا مبروك بنات

شلونكم شخباركم


وااااااي عاد انا من قلب يبيلي شد لان من عقب العمليه القيصريه ويوم ضعفت ترهلت يا ربي

 

[فاقده حنان ابوه]

بنات انا بس اتغدا واسكر حلجي لي ثاني يوم والحمدالله ضعفت


بنات اليوم طلعت من الاربعين بس ما رحت عند ريلي لان محجوز يوم الاثنين الياي اروحله

 

[أمواج^الكويت]

رد : احلى تجمع (( كروشات ديسمبر )) حياكم الله بنات

واااي بنات بنتي يننتني بسالفة الغصة :0bee2e8d89:

اشكثر تشرق وإهيه تشرب الحليب ..

قاعده أحاول أعطيها الحليب من الممية شريت أنواع الحلمات وجربتهم كلهم وماكو فايدة ماتبي إلا حلمة صدري
وملاحظة عليها إذا أنا أعطيها الحليب من الممية تعاند وتسوي حركات وتدز الممية وتيمع الحليب بحلجها ومره وحده تطلعه بس إذا أحد ثاني عطاها تتقبل نوعاً ما .. تتوقعون شنو السبب هل لأنها تدري إن أنا اللي أرضعها من صدري ولا شنو !

سبحان الله الياهل كل شي يعرف ويفطن عليه حتى لو كان رضيع ..​

 

[أمواج^الكويت]

رد : احلى تجمع (( كروشات ديسمبر )) حياكم الله بنات

أهلين فقوووده حياتي شلونج وشلون غلوية فديتها

زين تسوين أنا بعد بلشت أسكر حلجي ..

الله يعينج حبيبتي بس يالله هم علشان تضعفين أكثر وتعابلين بعمرج جدامج أسبوع زيادة :eh_s(3):​

 

[أمواج^الكويت]

رد : احلى تجمع (( كروشات ديسمبر )) حياكم الله بنات

مبروووووووووووووووووووووك بنات سمعتوا آخر خبر بخصوص المرأة الكويتية !

وافقت لجنة شؤون المرأة والأسرة على إعفاء أبناء الكويتية من أب غير كويتي من رسوم الالتحاق بعائل، كما أقرت حق المرأة الكويتية بكفالة زوجها غير الكويتي بشرط ألا تكون منحت الجنسية بالزواج وفقا للمادة 8 من قانون الجنسية. وقالت مقررة اللجنة النائبة د.سلوى الجسار بعد الاجتماع الذي حضره الجانب الحكومي انه تم إقرار مجموعة من المواد في قانون الخدمة المدنية ما يعتبر إضافة مهمة للمرأة الكويتية منها ان تستحق المرأة الكويتية الموظفة العلاوة الاجتماعية اذا كان زوجها لا يتقاضاها، كما تمنح الموظفة الكويتية والأجنبية المتزوجة من كويتي علاوة بحد أقصى عن أولادها بشرط ألا يكون زوجها يتقاضاها من خزينة الدولة. وأضافت: من ضمن التعديلات ان تستحق الموظفة الكويتية اجازة خاصة براتب كامل لا تحسب من اجازتها لمدة 70 يوما للوضع مع اجازة خاصة لرعاية الأمومة والطفولة براتب كامل لمدة 4 أشهر تلي اجازة الوضع. وأشارت الجسار إلى ان التعديلات تنص على انه يجوز بقرار من الوزير وبناء على طلب الموظفة الكويتية منحها اجازة خاصة دون راتب لمدة لا تقل عن 6 أشهر ولا تزيد على 3 سنوات طوال مدة الخدمة، كما يستحق الموظف الكويتي اجازة براتب كامل لا يخصم من رصيد اجازاته لمرافقة مريض إذا كان علاجه بالخارج بالإضافة الى أحقية الموظفة الكويتية في مرافقة طفلها طوال تواجده في المستشفى داخل الكويت مع تخفيض ساعات العمل بواقع ساعتين للموظفة المرضعة. وأوضحت ان اللجنة أقرت اجازة خاصة براتب لمدة 4 أشهر وعشرة أيام للموظفة الكويتية المسلمة التي يتوفى عنها زوجها وغير المسلمة 21 يوما ..

بشارة حلوة الصراحة أخذوا أمومة لاتطوفونها دام إنها براتب كامل :ggdw:

بس عاد مايندرى هل وافق عليها مجلس الوزراء ! وهل راح تنطبق علي إذا أنا باخذها ألحين :080402ask_prv: ​

 

[أمواج^الكويت]

رد : احلى تجمع (( كروشات ديسمبر )) حياكم الله بنات

واااي لأ ريلي خرب علي يايبله وجبة من هارديز ويايبلي وياه :eh_s(16): قلت له منو قالك إني أبي وجبة !! جان يقولي هذي يديدة ذوقيها قلت له مابي آكل مو يوعانة وبعدين أنا قاعده أبلش بالرجيم جان يقولي شنو هالرجيم اللي ماتكلين فيه شي موزين وألحين أنا طلبتها لج حرام يعني أقطها

جان أنجبر آكلها :bbbiu: بس علشان لايطنقر علي :cxxxp:

أوووف المحيط اللي حواليني دايماً يخرب :eh_s(11):​

 

[أمواج^الكويت]

رد : احلى تجمع (( كروشات ديسمبر )) حياكم الله بنات

بنات وينكم :eh_s(14):


مايصير جذي من الظهر وأنا أكلم روحي :080402ask_prv:


ترى أزعل عليكم :bbbiu:


وأحاربكم :j013:


وما أكلمكم :eh_s(13):
​

 

[انســـآنه]

مبرووووووك التجمع ومنزل مبااارك ان شالله :eh_s(9):

انا بنظم معااكم مع اني ماراح اسوي رجيم اخاف اسوي واختفي هههههههه الحين وزني 51 لو اسوي جم بصير :eh_s(22):
شسوي ماقدر اخليكم تعووودت على سوالفكم وقعدتكم الي ماتنمل :sfg:

 

[Almas_q8]

رد : احلى تجمع (( كروشات ديسمبر )) حياكم الله بنات

صباااح الخير بنااات شلونكم حبيباتي ؟

يا هلا وغلا باحلى بنات تجمع ديسمبر وان شاءالله تجمعنا يكون خير علينا مثل اللي قبل وكل وحده تحقق اللي في بالها يارب
اموره و لفلي و بنت الوفا و دربوله وكوستا وغروور و وحرومه وجووجوو و كووكوو وسفووره فقوده و انسانه وباجي البنات كلهم

والف الف مبروووك ام نيوفي و غروور وانسانه و جكووره والحمدالله على سلامتكم وسلامة عيالكم وربي يفرحكم فيها وتشوفنهم باعلى المراكز

 

[Almas_q8]

رد : احلى تجمع (( كروشات ديسمبر )) حياكم الله بنات

كوستااا ياقلبي بخير وانتي شلونج وشلون البنوته ربي يحفظها لج وتشوفينها عروسه

غروور شلونج حبيبتي وشلون جرحج والبيبي شلونه؟

حروومه حبيبتي شلونج وشلون بنوتج ربي يحفظها

جووجوو حبيبتي عسى ربي يشافي بنوتج لي الحين تغص وديها شوفيها ليش تغص


كوووكوو هلا ياقلبي شلونج وشلون عبودي فديته وشلون خواته معاه عسى ربي يحفظهم


سفوووره حبيبتي شلوووج والله لج وحشه وشلون العيال عسى ربي يخليهم و شمسوين مع البيبي اليديد

عااشوو اموووره و سفووووره لازم نشجع بعض وان شاءالله نضعف ونوصل حق الوزن اللي نبيه


جووجوو حبيبتي عسى دووم مع بعض وانا مثلج دايما اسولف عنكم حق امي وساعات ريلي واتذكركم دايما صج احلى ايام عشتها معاكم
في فترة حمال بصراحه احلى حمل لاني كنت مع خواتي والله يعلم اني كنت اتضايق لمن اشوف وحده متضايق واستانس لمن اشوفكم مستانسين

 

[Almas_q8]

رد : احلى تجمع (( كروشات ديسمبر )) حياكم الله بنات

اموووره انا صرت اتابع مسلسل تو النهار و بنات ادم و ماوراء الشمس كلهم على ان بي سي 1 اسهر عليهم بالليل مع روابي

وبنات ادم حلوو

 

[Almas_q8]

رد : احلى تجمع (( كروشات ديسمبر )) حياكم الله بنات

جوووجووو القصه رقم 5 حلوه مثل ما قالت سفوره وحتى رقم2 ورقم 2 و4 احسهم نفس الشي ويعتمد انتي حابه شعرج يكون فيه تدريج وايد ولا خفيف
وهم بعد يعتمد على نوع الشعر اذا شعرج خفيف ولا كثيف

 

[Almas_q8]

رد : احلى تجمع (( كروشات ديسمبر )) حياكم الله بنات

طبعا انا لي الحين ما بلشت رجيم واكلي عادي بس المشكله انه نومي متخربط ودي نومتي تتعدل انا وراوبي تعبت

امووووره حسونكه ما تعدلت نومته بعد الاربعين ؟؟؟ يقولون تتعدل نومت الياهل بعد الاربعين صج ولا حجي بس

بروح انا عيوني قفلت دام روابي نامت

 

[Almas_q8]

رد : احلى تجمع (( كروشات ديسمبر )) حياكم الله بنات

:eh_s(11): وااي بنات انا لي الحين مو نايمه بنتي وايد مستعسره وعيون حده مقفله :ch12:

صايره اطق روس طب طبت عليها غنيتلها كل شي سويت شكلي بحط لها تحميله يمكن تخرج و ترتاح

 

[فاقده حنان ابوه]

هلا بنات شلونكم
صج يعني اقروه القراق ولا بس حجي لاني باخذ عيل لاني ماخذه من رصيدي اجازه الي عنها خبر تقولي بليز

 

[jakoora2008]

الف مبروك علي التجمع اليديد وانشالله ما افارقكم لاني تعبت بحمالي وماكنت ادش النت وايد بس اللحين بالنفاس ملل انشالله اكون معاكم

 

[فاقده حنان ابوه]

الف مبروك علي التجمع اليديد وانشالله ما افارقكم لاني تعبت بحمالي وماكنت ادش النت وايد بس اللحين بالنفاس ملل انشالله اكون معاكم

حياااااااااج الله ويانا :33_1185028183:

oster_av1:

 

[lovly girl]

جوجو الله يبشرج بالخير علي هالخبر الحلو أنا من زمان سامعه وقريت بالجريدة بس كان مواكيد انشالله يكونون صج اقروه عاد صج كنت احاتي الأمومة ابي أخذ عشان اجابل بنتي واريح بالبيت وتكبر بنتي علي ايدي مو ايد الشغالة عاد بعد ال٦ شهور غصبا علينا نداوم بس الي كان مضيق خلقي نصف الراتب شيكفي بس انشالله بعد شهرين يكون الخبر أكيد