احلى تجمع (( كروشات ديسمبر )) حياكم الله بنات

[Zen&7ala]

لا حول ولا قوه الا بالله الله يكافينا الشر يا رب

 

[Zen&7ala]

بنات اشتقت حق ام خالد

 

[فاقده حنان ابوه]

واي بنات الله يكافينا شر

هذا غضب من الله تعالي علينااا الله الحااافظ

اشوه ان ماكنت طالعه انا وريلي وغلاتي قاعدين

 

[غرووووور]

هاي بنات
شخباركم
مشتاقه لكم
أبشركم نزلت 4 كيلوااات
ونااأاسه

وكل هذا من الرقص والسويدي
أشغل التي في وأقعد أتنطط وأركض وأرقص شرقي
وكرشتي خفت
كل دقيقه أشفطها ليما تعودت
والسواد خف من الفكس
حدي مستانسه

 

[lovly girl]

هلا غرور بالعافيه عليج ال٤ كيلو صج شعور يونس و اكثر لما تلبسين ملابسج وتشوفينهم وساع عليج قمة السعاده

بس شنو سالفة الفكس اول مره اسمع فيها شلون تستخدمينه

 

[أميرة طفولتي]

سلامن عليييييييييييكووووم

هاي شلونكم عيوني ! ههههههه
هاااااا بشري جوووجوووو شلون الدوام !
اليوم انا حضرلي الموجه والحمدلله عدت على خير 

غرووووور
مبروووووووووك واخيرا ولي آخرا وحده نزلت فينا نزله حلوه منهااااااا للاعلى
من طلب العلا سهر الليالي ههههههه
ماتسلفيني اياهم خخخخخخ

كوووووكووووو
هلأ هلأ عيوني هاي شلونج بعد ؟
ماتنطيني وحده من بناتج الحلوااات لمهووودي !! هههههه
بس التصوير عجييييب حده فله 

بعد بعد منو امبي ويت خل اقرا ترى انا قاعده اقرا بس اخر صفحه
فمي سوري يعني اذا مارديت على الكل*

 

[أميرة طفولتي]

اي لوووولووووو

هاي شلونج بعد عيني !!
الله يسلمج تعقيبا على موضوع الفكس هههههههه في البعض يستخدمه عشان يفتح الاماكن الغامجه من بعد الولاده يعني البطن الرقبه هيك شي
بس عاد انا افضل تخلطينه مع اشياء ثانيه عندج زيت الجلسرين واللوز المر وعصير ليمون مع كريم كاب واذا تبين بشري معاهم صابونة بابايا وقهوه منها تفتيح ومنها خلطه حق السباحه
اي وحطي ملح ياكو بعد وصنفرة المشمش ولطخي جسمج ولو تشتريلج خيمة السونا بالبيت احلى واحلى تضربين عصفورين بصخره منها نعومه وتوحيد وبياض ومنها تضعفين 

 

[~{GooShTa}~]

ابشرررررركم .. سويت رجيم صارلي اسبوع و النتيجه حدها تبيض الويه .. زدت كيلووووو خخخخخخخخ

 

[lovly girl]

اهلين يا قوشتا انتى نفسى وزنى زاد عن اول ما ولدت بس انا مو مسويه رجيم بس قاعده واكل ومطاعم و حلويات بنفجر ومانى قادره امسك نفسى

 

[حرم سي السيد]

شلونكم رفيقات دربي اشتقت لكم بس شسوي لويه اليهال وبدون خدامه وجسوم عنده امتحانات

بعرف اخبار كم فديتكم

 

[بنت الوفا]

مبررررررروك غرررور عاد دقيت علي الغزال الطاير قال ماكوالايوم الاربعاء

حرم هلافيج انا خدمتي بتسافر بعد جم يوم الله يكون بعونا

شوفي بنتي لعبت بشعرها وركزعلي المصاصه لو تغيب ثواني تلعوزني ولدي يقول هذي اذكرني بكرتون الخرفان هههه



بناااااااااات الموضوع روعه توني اطيح عليييه وشاركت فييييييي خخخخ
http://www.q8yat.com/showthread.php?p=23352899#post23352899

 

[lovly girl]

صباح الخير للجميع

مبروك عليكم الزياده 100 والمعلمين 240 ورفع بدل الاجر للمعلمين الوافدين 140

هاذي صورة الجريده

http://www.2bb.me/0327-346513012566676195.jpg

 

[lovly girl]

هذا الكورسيه عجيب للكرش موجود بصيدليه الروضه

بنات انا رحت صيدلية جمعية الروضه بس ماحصلت هالكورسيه وين احصله واذا ماحصلته منو جربت كورسيه زين وتنصحنى فى؟؟؟؟؟؟؟؟؟؟؟؟؟؟؟؟؟؟؟؟؟

 

[فاقده حنان ابوه]

واااااااااااي بنات وناسه نزلت 3 كيلووو

وحده بين علي الضعف

 

[غرووووور]

بنوته لفلي أموره الله يعافيكم حبايب قلبي

وأكيد شعور حلو لما تنزلين 4كيلوات مره وحده
إتحسين إنج خفيفه
لوووووووووووووووووووووول




لفلي طريقة الفكس جاوبت عليج أموره
أنا أحط فكس على بطني وأشغل الإستشوار الحار عليه
وبعدها مسااااااااج قوي وألفه
والنتيجه وااااااو



حرومه هلا والله بالغايبه؟؟
شخبارج؟؟؟
لج وحشششششششششششششششه




فقوووووده عليج بالعافيه ال3 كيلوات
شنو شعورج؟؟؟

أنا تحمست حيييييييييييييل وكل يوم أسوي رياضه وأرووووح الممشى




بنووووته حرام عليج ليش قصيتي شعر بنتج؟؟؟
الظاهر إيدج تاكلج وقعدتي تلعبين فيهااا

لووووووووووووووووووول

 

[غرووووور]

لفلي الله يبارك فيج
بس ماتدرين متى راح يطبق هالقرار



أنا بعد دورت هالكورسيه بأكثر من صيدليه بس مالقيته

 

[أميرة طفولتي]

السلااااااااااام

شلونكم بنات


هلا والله لوولووو
الله يسلمج للحين مايندرى كل واحد يقول حجي وجمعية المعلمين رافضين هالزياده ومايبونها لان راح ينخصم من
كادرنا ويعطونا الباجي يعني الزياده الفعليه 80 او 90 مو 240 من بعد الخصم
وانا من رايي اشوفها مااااا تسوااا ومانبيها الحين للاسف معاش المدرسه صار يييييييفشل
رفيجاتي الي تخرجوا من دبلوم فنيين درسولهم خرابيط سنتين وتوظفوا معاشهم يقحص على معاشي وانا بكالوريوس
ودارسه طاحسه 4 سنين ودراسة الجامعه طبعا غير عن دراسة التطبيقي بكل شي ...
الشكوى لله الحين اردى معاش من بين البكالوريوس صار معاش المدرسه
الله المستعان

 

[أميرة طفولتي]

فقوووووووده

الف الف مبرووووك حبيبتي ومنها للاعلي انشالله وشدي حيلج عشان توصلين للوزن الي تبينه

بنوووته
لووووووووووول لييييييش قنزعتي شعر البنت مسيكينه صج لاعبه فيها
الله يحفظها ويخليها لج انشالله وعادي الشعر مرده بيطلع مره ثانيه وتلعبين فيه وهم يرد يطول

 

[lovly girl]

هلا اموره حبيبتى

والله الله يعينكم على هالوظيفه المتعبه المفروض يقدرونكم اكثر من جذى

غرور حبيبتى والله حتى انا مادرى يا ريت يطبقونه بسرعه
مو نفس الامومه براتب كامل الى بس سمعنا فيها بس ماحاشتنا

 

[أمواج^الكويت]

صباح الخير بنات ..

لكم وحشة كلكم وحده وحده بدون استثناء ..

أبشركم داومت ولايعه جبدي حدي متنحه وصايره مالي خلق أحد يقرق على مخي واللي بالقسم مو مقصرين 