ادري حرام بس شسوي ساعدوني و لحد يزفني بليز ! بس طبطوا علي. و شجعوني

[فرزاشيهـ]

[COLOR="Red". السلااااام عليكم و رحمه الله و بركاااااااته

شلووونكم حبايبي المتزوجاااات ?? .


ان شالله النفسيه تمام ...


بدش بالموضووع دايركت


الموضووع يا طويلات العمرر

زوجج يشتغل بمكان مختلط .....


و تكون في وحده بالدواام من فئه ام قلب رهيف و اللي تكون متاثره بالافلام الرومانسيه


اللي حصل ان هالوحده ياسبحاان الله اعجبت بزووجج -- بغض النظر عن شخصيته شكله ثقيل خفيف --

ف الاخت عشقته ف قررت بيوم انها تصاارحه و تقول له عن حبها الدفين له

و طبعا مو كل الرجال نفس الطبع ... و مو كلهم نفس الشخيصه ..و مو كلهم نفس العقليه

المهم يمكن ب هاللحظه تصير علاقه بينهم خصوصا لانه يشوفها كل يوم

و يمكن لا و يطلع خووووش رجال و يحقرها و يهزأها اذا امكن ..


اللي ابي اوصل له


انا ملاااحظه كثرت هالسوالف بالمنتدى !!!!

تجي وحده تكتب احب زميلي و متزوج شسوي

ابي اتزوج. متزوج توني متعرفه عليه شسوي

و اللي يبط الجبد و الامعاء و المرئ !!!!!! تقولكم بلييز لحد يزف و لحد يهاوشني

و لحد يجرحني تكفووون

انا ترا احد معين !! و كلامي مو موجه لحد معين !

بس هالشي زاااايد. صرااحه

انا انساانه اقدر

و دايم اقول لناس ظروفهم


بس هني انا قفلت !!!


شنو الظروف اللي تخليج تروحين تتعرفين عل متزوج !!

شنو الظرووف اللي تخليج تركضين ورا زميل متزوج !!

مو عيبب !! خل نفرض انهم مايعترفون بالعادات و التقاليد !


مو حراااااااااام !!!!!!

النمس و الاغااني و الاحتفالات فلنتاين و كرسمس صارت حرام بس انج تركضين ورا رجال مو حراام !!


تخططين تهدمين بيته مو حرررام !!

تكتبين موضوع و شاده حيلج تبين افكار و سوالف مو حررااام !!

يعني تحللين اللي تبين و تحرمين اللي تبين !!

و كل وحده بنت حياتها عل هدام بيت بتندم

كل وحده خربت بس زوج و زوجته بتندم

كل وحده بتقعد تقول احبه و احبه و مااردي شنو بتندم


لان الحرام بين و الحلال بين

و الدنيا دوااره.


و بالنهاايه بسااكم مرت عليكم هالفئه بالواقع ??

و هل نصحتوهم ولا سكتوا و عاادي ?

انا مامرت علي و لو حصل و مرت اقول رايي بكل صرااحه و اقولها استحي عل وجهج

و عيب اللي تسوينه لان البنت سمعه و كمل تدين تداان

و سوري يمكن كلامي مو مرتب بس لاني محتره من اللي اقرا صج قمت ادعي

ربي يحفظ ازواجنا و عيالنا من بنات السوء ..... وووو



سلامتكم [/COLOR]

 

[اميرة النيل @]

معكي الف حق فى كلامك ... بس ساعات بتكون فيه ظروف فراغ وقلة عقل بتخلي واحد تعمل كدا وبتكون عايزه اللى يفوقها ... الله يحميكي لزوجك وبيتك

 

[فراشة الرغد]

صج
سالفة تحر ولازم الي تمر عليه ذي النوعية تنصح
وماتسكت .. لان الي ماترضينه لنفسج لاترضينه لغيرج
والله يبعد عنا بنات السوء
قولو امين

 

[(حكاية قلب )]

ذول البنات المش متربيات سوري علي هالكلمة
هم جذي شافو الي مو متزوجين مطنشين لهم ركضو ورا ريال متزوج
الله الهآدي بس

 

[عزيز قلبي]

انا مرت علي هالتجربه مع رفيجتي حياتي الله يعينها
يت اللي طمعت بريلها وخذته منها واختارت
رفيجتي الطلاق عقب ما حست ان
ماكو امل بالزوج كان مثل المينون
بالخت الثانيه ودارت لايام وتحسف
وندم لكن خلاص بعد فوات الاوان رفيجتي الله عوضها
بزوج محترمها ويحبها وهذيج تطلقت يعني مثل ما سوت برفيجتي
الله سوي فيها قلعتها خراب البيوت حرام والبنات الحين للاسف
والله يخزون بالريال خز بالذات لو كان مع زوجته وصايريين
يحبون المتزوج مادري ليش الله يبعد هالنمونه عنا ويحفظ ازواجنا
يا رب

 

[فرزاشيهـ]

**سووري عل بدليات.،

 

[فرزاشيهـ]

عزيز قلبي

كاه رفيجتج يعني هالشي منتشر عندنا حييل !! الحمدلله ان الله عوضها و رزقها و ذيك اكيد الدنيا بتدوور عليها



فراشه الرغد
حكايه قلب
اميره النيل

مشكوورين حبايبي و لازم اللي تشوف هالاشكال او تسمع تنصح و تقول الصج ماتسكت عشان الاخت ماتنجرح !لان اعووذ بالله
مادري شصااير بالدنيا حللوا كل حراام !! الله يحفظنا و يحفظ ازواجنا

 

[78MariMar78]

الله يبعد عنا وعنكم بنات السووووووووووء

 

[قَلبڪْ صًخرْ]

للاسف اعرف وحده جذي صار معاها

الموظفه مطلقه مرتين
بس جميله وعندها ولد من طليقها الاول
وثاني مايبت منه شي

دارت عالريال لما يابت راسه

وذبحتنا لقافه رحت اشوف زوجته الاولى
طلعت جميله وماخذها عن حب بعد
بس السنين ؛؛ واغراءات الحريم
ماتخلص لحست مخه


ومشكله ان الزوجه ثانيه
اعرفها عدل !!
وتقول انها ملتزمه
وانها تبي تتزوج بتكف نفسها
وحبوا بعض وتزوجوا
وماتشوف ان هذا حرام
وتقول شرع حلل ٤
وماسوت شي عشان نكلمها عن الحوبه
والظلم
لان تزوجته



بس انا كرهتها وعفتها

 

[فرزاشيهـ]

للاسف اعرف وحده جذي صار معاها

الموظفه مطلقه مرتين
بس جميله وعندها ولد من طليقها الاول
وثاني مايبت منه شي

دارت عالريال لما يابت راسه

وذبحتنا لقافه رحت اشوف زوجته الاولى
طلعت جميله وماخذها عن حب بعد
بس السنين ؛؛ واغراءات الحريم
ماتخلص لحست مخه


ومشكله ان الزوجه ثانيه
اعرفها عدل !!
وتقول انها ملتزمه
وانها تبي تتزوج بتكف نفسها
وحبوا بعض وتزوجوا
وماتشوف ان هذا حرام
وتقول شرع حلل 4
وماسوت شي عشان نكلمها عن الحوبه
والظلم
لان تزوجته



بس انا كرهتها وعفتها

ماشالله خووش التززاام و خووش عفه



لا مسكينه اخاف ظالمينها !! اي تبي الستر و تبي العفه هذي لو صج تبي السترر جان قعدت في بيتهم لين جاها نصيبها مو ترووح تخير و تنقا بعد

حرتني :eh_s(14): هههههه مو زين ينبط فيني عرج

 

[Kocheko]

ياااا كثرهم .. يحبون يبوقون اللقمه من حلج غيرهم ...
كلناااا نبي نتزوج بس مو بهالطريقه

 

[بودي حبيبي]

ااااخ لو تقولي وحده جذياذبحها بدال ما انصحها
الحين تركتي العزابيه ورحتي تركضين عند واحد متزوج وزوجته تعبت سنين عشان تبني حياه هنيه
لها هي وعيالها وتجين انتي يالحقيره تاخذينه بكل سهووووله
الله يحفظ ازواجنا من هالاشكال اللي تبط الجبد
انقهرررررت وتقووول لاتزفووون بعدددد
يعني تعترف ان اللي تسويه يبط المراره

 

[الهما]

للاسف صحيح
و صاير بعد في تشجيع من البعض على الغلط
صار التعارف و التلفون عادي
الحب و الطلعات بدون مواثيق الزواج عادي
الله يستر على المسلمات يا رب
و يكافينا و ياكم الشر

 

[قـــمـــرهم]

الله يكافينا شر هالاشكال

والله يهدي البنات


انا بصراحه ما مروا علي هالنوعيه ولا شفت
والله يبعدهم عنا يارب

بس جد جد موضوووع يضيق الخلق):

ما ادري شلون بنت تقط نفسها ع رجال !!

الله يستر ع بناتنا ويهديهم يارب

 

[لسووعه]

قطيعه اي يغثوون ذابهم الإحساس المرهف


انا ماصارت معاي ولو صارت احتمال أذبحها أو أذبحها أو أدوس فبطنها����

 

[Pinky -cat]

حبيبتي تمر على الحريم ظروف وايد والحياة مو سهلة ويبيلها طولت بال وتهتمين ووايد امور لازم تسوينها عشان بيتج

وبنات ابليس هذيل بكل مكان ويحاولون انهم يتزوجون حتى لو كان واحد متزوج تم تخطط لين تيب راسه مثل ما يقولون

الله يحفظنا ويحفظ لنا ازواجنا ويعينا على بلاوي الناس.

 

[كيوت قطر]

قطيعة تقطعهم هالنوعية
يعني ابي اعرف شهالمتعه تهدمين بيت كامل
وتشتتين اسرة كامله

الله يبعد عنا ويحفظنا ويحفظ ازواجنا واعيالنا

 

[Zinab BH]

قطيعة تقطعهم هالنوعية من البنات والله الوحدة صارت تخاااف من ظلها حشى عليها ماصارت نتفة ريال اكا العزابية ماليين الديرة
انا مااقول الا اللي تخرب بين المراة وريلها و تلحس مخها مردها الايام ادور عليها و ينكسر راسها وتتشتت وينحر قلبها ياعلهم الحرة بنات بليس
الله يحفظ ازواجنا و ازواج المؤمنين من السوء و بنات السوء يارب ياكريم

 

[فرزاشيهـ]

تسلموون عل ردود و حيااكم الله كلكم و فعلاا بنات بليس الله يحفظ ازواجنا منهم ..

 

[noonaa-thn]

مرو علي بنات ايام الكليه والله هدفهم المتزوج
العزوبي ما يبونه
سالت وحده وقلت لها ليش يعني متزوج تقول المتزوج اذا خان زوجته يعني خروف والخروف كل شي ابيه يسويه
ويخاف مرته تدري يعني ما ياذيني باتصالاته وقت ما انا ابيه احصله

حقااااااااااااره
اما الي تبي تتزوج واحد متزوج هذي طاااااايح حضهاوفقرانه ومعيوبه الي ما بغلها العزوبي