ادوية النفاس من جديد بالتفصيل الممل.... من خبيرة اعشاب

[الملكيييية]

يااااااامال العافيه يالغلا

 

[الملكيييية]

بالنسبة لشاي الاعشاب
انا حطيت فيه
ميلسيا
محلب
رشاد
اكليل الجبل
بابونج
لسان الثور
مرميه

 

[OM_ABO0ODY]

حبيبتي ام خالد الله يعطيج العافيه انا خذيت منج الادوية مالت النفاس والله ما قصرتي كل شي تمام ولله الحمد بس بغيت اسالج عن طريقة استخدام الغسول لتر الماي استخدمه كله مرة وحده ولا يتم جم يوم اغلي كل يوم بيومه وكم مره باليوم

 

[! مريومه]

لوسمحتي ابي الادويه كامله و شلون استخدمها انا ولادتي على 17 ثلاث وجم سعرها

 

[خبيرة اعشاب]

الملكيييية​

مرحبا

اختي بالنسبة لشاي الاعشاب الي استعملتيه فهو مو كامل بالعكس فهو لا يحتوي على اي اعشاب لتنظيف الرحم فالمليسيا و اكليل الجبل و البابونج == من المطمثات الخفيفة جدا التي لا تصلح للنفاس

لسان الثور === منشط و استعماله للنفاس لاضفاء المزيد من الحيوية و النشاط على المراة خلال هذه الفترة

المريمية === لا يص استعمالها للنفاس بتاتا لانها تعمل على ايقاف ادرار الحليب و بالتالي تحرم ارضيع من الرضاعة الطبيعية بشكل كامل


المحلب و الرشاد === لا يستعملان كشاي اعشاب


من الافضل اختي ان تعودي الى شاي الاعشاب الذي ذكرته و تستعملينه على الاقل قبل نهاية الاربعين

و حياج

 

[خبيرة اعشاب]

OM_ABO0ODY​

حبيبتي ام خالد الله يعطيج العافيه انا خذيت منج الادوية مالت النفاس والله ما قصرتي كل شي تمام ولله الحمد بس بغيت اسالج عن طريقة استخدام الغسول لتر الماي استخدمه كله مرة وحده ولا يتم جم يوم اغلي كل يوم بيومه وكم مره باليوم

هلا فيج و الله

الف حمد الله على سلامتج يا الغالية و مبروك ما جاج

الغسول استعماله لتر ماي تستعملينه مرة وحدة باليوم قبل النوم

و لكل يوم تغلين كمية جديدة من الخلطة

و استعماله اخر اسبوع من النفاس

و حياج الله

 

[شذى الكويت]

مرحبا ام خالد

بغيت أسئلج

يقولون المره مايصير انج تاخذينها وانتي تستعملين ادوية من الطبيب مثل المضاد

لان المره تعتبر مضاد

ومضاد مع مضاد يبطلون مفعول بعض

فشلون نستعمل مضاد الدكتور مع المره ؟؟

والمضاد تقريبا يبيله خمس ايام من اول يوم بالولادة

وانتي تقولين استعملوا اللهوم واللهوم يحتوي على مره


ممكن توضحين لي ماعليج امر يالغالية

ويعطيج الف عافية وعساج عالقوة

 

[شذى الكويت]

up up up

 

[خبيرة اعشاب]

شذى الكويت​

مرحبا

اول شي اختي انا اللهوم ما احط فيه مرة و ممكن ترجعين للوصفة الي كتبتها في اول الموضوع لا تحتوي على مرة ,,

و لكن بغض النظر فالمرة لا علاقة لها باستعمال مضاد حيوي مركب , و لا تبطل مفعوله او تتعارض معه ...الخ

و يمكن استعمالها بكل امان خلال النفاس او غيره مع فرق بسيط انه خلال النفاس من الافضل تجنب تناول اي ادوية مرة لانها تؤثر على الرضاعة الطبيعية حيث تنتقل الى الحليب و تغير طعمه و بالتالي لا يتقبله الرضيع

و تحياتي

 

[خبيرة اعشاب]

تجارب بعض الاخوات الي استعملوا كورس النفاس​

استبرق

والله انا خذيته منج ويكفي شكله يعني ساعات من الشكل يحكم الواحد من اول ماخذيته منج ارتحت لان مبين نظيف وشغل مرتب وبعد تكفي نفسيتج الحلوه وطوله بالج
والله يوفقج حبيبتي وبصراحه انا بلغت وايد ناس عنج لان شغلج حلو وموفقه

sweetcandy

يا بنات من لا يشكر الناس لا يشكر الله وآنا اتشكر من الحبيبة ام خالد خذيت منها سفوف وشاي اعشاب والله العظيم

يابنات روعة المنطقة ضيجة وناشفة وتعامل ام خالد رووووعة واي شي اسألها عليه تجاوب لو ان مو خلطاتها اللي بسألها

عنهم هم تجاوبني وتنصحني والله يعلم اني ما اعرف منها الا صوتها بالتلفون واسأل الله تعالى لها من خيري الدنيا والاخرة

عسولة الديرة

ام خالد جزاج الله الف خير انا ثاني نفاس اخذ منج وبصراحه كلمه روعه شويه على البرنامج لانج تحسين ان جسمج يرتاح وكل التعب يروح منه


ومشكوره والله يجازيج الجنه على النفس الحلوه وطولت البال على كثره الاسئله

 

[كويتية1]

ام خالد مشكوووورة على الجهد اللي تبذلينه معانا
انه ماخذه كورس النفاس و ماشية عليه مضبوط


بسالج ام خالد انه لي الحين 26 يوم واحس اني فيني مثل اهوا واحاتي وايد ان هالمشكله تتم معاي
انه استعملت اللهوم وبعدين السفوف لي 20 يزم وشاي الاعشاب من اول النفاس للحين اشربه بس ساعات انساه
هل هالشي يعتبر مشكله؟؟؟؟؟

 

[خبيرة اعشاب]

كويتية1​

ام خالد مشكوووورة على الجهد اللي تبذلينه معانا
انه ماخذه كورس النفاس و ماشية عليه مضبوط


بسالج ام خالد انه لي الحين 26 يوم واحس اني فيني مثل اهوا واحاتي وايد ان هالمشكله تتم معاي
انه استعملت اللهوم وبعدين السفوف لي 20 يزم وشاي الاعشاب من اول النفاس للحين اشربه بس ساعات انساه
هل هالشي يعتبر مشكله؟؟؟؟؟

هلا فيج حبيبتي

بالعكس الهوا اذا يطلع الحين زين لان هذا ممكن يكون هوا داش بالرحم خلال الولادة , و عادي بالنفاس يطلع هوا لان للحين اتكون فتحة عنق الرحم مرتخية

فقط ركزي على الحسو و خلطة القهوة و السفوف و دفي نفسج عدل

و ان شاء الله ما فيج الا العافية

و حمد الله على سلامتج مرة ثانية

شاي الاعشاب و السفوف لازم اتركزين عليهم على الاقل مدة اسبوعين بشكل مستمر بس النسيان مرة او مرتين لا يعتبر مشكلة

 

[اسيرة زوجها]

شرايج نظام فيافي الكامل اللي من النت انا اهلي كلهم يستخدمونه

 

[نم نم]

يعطيك العافيه ام خالد
روووووعه ماشالله
بغيت اسالك عن القيصريه ؟؟ هل لها نظام خاص ولا نفس الشيء

 

[ام مضاوي]

يعطيج العافيه عالمجهود

بغيت اسأل الادويه هذيل اقدر اجمعهم بايدي واعتمد عليهم

بدون مااشتري ادويه نفاس الي من الحريم

نورينا علشان لي حملت وولدت المره الجايه انشالله

 

[ام مضاوي]

الاستاذة

اختي ان شاء الله رح اذكر خلطات للتبييض مناسبة لفترة النفاس

اما الاعشاب لي توخر البطن فشاي الاعشاب الخاص بالنفاس مناسب جدا لاندلاق البطن

فقط تابعي الموضوع

و حياج

اختي خبيرة اعشاب عفوا توني اقرا الموضوع وافهم مره ثانيه

بس بالنسبه لشاي الاعشاب لاندلاق البطن

انا والده من سنه وفعلا حسيت في بطني هادل

وناويه احمل انشالله اذا الله كتبلي بالمستقبل وولدت

هل راح تفعني هالاعشاب؟؟

 

[خبيرة اعشاب]

اسيرة زوجها​

شرايج نظام فيافي الكامل اللي من النت انا اهلي كلهم يستخدمونه

مرحبا

اختي انا لا انتقد احدا ..و لكن نظام فيافي فيه العديد من الثغرات و هو ليس خطيرا بحد ذاته انما كما ذكرت فيه العديد من الافكار المغلوطة و الاخطاء ..كما انه قد تسبب في بعض المشاكل الصحية لبعض النساء
كما انه لا يحتوي على اي اعشاب لتنظيف الرحم بشكل كامل ..انما كل الاعشاب الي فيه تعتبر من المقويات ...
فبالتالي لا يعتبر نظاما كاملا في نظري

و تحياتي

 

[كويتية1]

مشكووورة ام خالد
بالنسبة للسفوف في طريقة اخذهم فيها بدون ما احس بطعمه لانه وايد طعمه قوي وما احبه؟؟؟؟؟؟؟؟؟؟؟

 

[خبيرة اعشاب]

كويتية1​

مرحبا
بالنسبة للسفوف ممكن اتخلطينه مع كوب حليب ايحسن طعمه , بس اذا حيل مو متحملته ممكن تاخذين قفشة السفوف و اتحطينها ذاخل تمرة و اتسكرينها بعدين تبلعينها نفس الكبسولة و الطريقة هاذي نستعملها للادوية القوية كالصبرة و المرة ... الخ

و حياج

 

[خبيرة اعشاب]

نم نم​

هلا

حبيبتي بالنسبة للقيصرية نفس النظام فقط تبتدي بالاعشاب بعد ما تطلع من المستشفى يعني تقريبا باليوم الرابع او الخامس

طبعا تستعمل كل الادوية مالت النفاس مع تجنب الاطعمة الحارة و الاعشاب الحارة

و الاعشاب الحارة لا نقصد بها الاعشاب الي طعمها حار نفس الفلفل الاسود و الزنجبيل انما الاعشاب الحارة على الجسم الي تتسبب في تمييع الدم بشكل كبير لان الشي هذا مو زين على الجرح

و الاعشاب الحارة تندرج ضمنها اعشاب واجد كالصبرة و النيلة و علك الظهر و الزنجبيل ...الخ


حاليا اختي الي والدة بالقيصيرية تقدر تستعمل اي شي , خصوصا انه مع تطور الطب و العمليات الجراحية صار في كبس و ليزر ..الخ اما القيصرية الي قبل كانوا يشقون البطن بالنص و حالتهم حالة

اما الان فالتئام الجرح صار اسرع و انظف بفضل تطور الطب

و حياج