ادوية النفاس من جديد بالتفصيل الممل.... من خبيرة اعشاب

[خبيرة اعشاب]

هلا

اسفة حبيبتي تاخرت عليكم بالردود بس كنت بالمستشفى , شوفوا شنو صار وياي ...

http://www.q8yat.net/showthread.php?p=2310891#post2310891

و الحين الدكتورة قالت لي لازم رااحة تامة فما ادش بالمنتدى واجد

و ان شاء الله اول ما اصير زينة رح اكمل لكم الموضوع

و حياكم

 

[خبيرة اعشاب]

نكمل الموضوع


كنت تكلمت اخر شي عن الحسو ...

طريقة عمل الحسو :


بعد تنظيف الاعشاب تحمص على نار هادئة ثم تجرش بالمطحنة


اولا نضع الجدر على النار و نصب فيه حوالي 6 كاسات ماي .. و كاس سكر اسمر ( او ابيض حسب الرغبة ) ..نترك الماء يطبخ قليلا ثم نضيف فنجان من الاعشاب المخلوطة و تطبخ الاعشاب حوالي ربع ساعة

ناخذ فنجان طحين ابيض + فنجانين طحين اسمر و نحمصهم على النار بدون دهن الى ان يصبح لون الطحين اشقر

ثم نكب الطحين تدريجيا على الماء و الاعشاب ..و نحرك لتفادي تكون الكتل

يطبخ على نار هادئة الى ان يكتسب قواما ثخينا ..

يقدم مع السمن او مزينا بالمكسرات ( شرائح اللوز او الفستق الحلو ...الخ )

و هذه طريقة سهله لاعداد عصيدة الحسو


عصيدة التمر :

بنفس الطريقة فقط نضع 5 كاسات ماء و الكاس السادس ننقع فيه مقدار كوب من التمر المنزوع النوى + ملعقة صغيره دارسين بودرة
ثم نطبخ بنفس الطريقة


و ان شاء الله فور التفرغ رح اكتب لكم العديد من الطبخات المناسبة للنفاس ​

 

[أم وجيه]

سلامات أم خالد وان شاء الله ما تشوفين شر وما تولدين الا بموعدك الله يهونها عليج

 

[ام ربى]

ما تشوفين شر ام خالد و عساج على القوة و عسى الله يحملج اياه لي تمامه

 

[foofo]

ماتشوفين شر ياام خالد ان شاء الله

 

[خبيرة اعشاب]

مشكورين يا الغاليات

و الله يتقبل دعواتكم يا رب


و اكيد تابعوا الموضوع لاني كل يوم رح احط لكم شي جديد

 

[الحالمه]

الله يجزاج خير حبيبتي
وإن شاء الله يكون في ميزان حسناتج
والله يوفقج

بغيت أقوولج عن طريقي بالنفااس
وبعرف هل هي صح أو لأ


أسوي لهوم مكون من حبة سودا وحلبة مقدارين متساووين
وأكله أول 20 يووم مع حليب دافي الصبح بس
وأسوي نقوعه عباره عن مره ومقل وعنزرووت وفلفل هواء وشوية مسمار ومحلب
وهذي أشربها يا على قهوه أو مع ماي دافي طوال 30 أو 35 يووم
وأسوي تمر معجون بسمن ورشاد وأكل منها طوال 30 أو 35 يووم
وطبعا شاي أعشااب أشتريه جاهز وأشربه مرتين باليووم طوال النفااس
و أتغسل من بعد ثاني يوم أو ثالث يوم بمره مره أو مرتين باليووم

ويوم 30 أو 35 أبدا أستخدم تحاميل بيتاداين يوم وترك
وأتنقع بماي وأرطا وملح نفاس

وبس
هذي طريقتي بالنفااس شرايج فيها
جربتها بكل ولاداتي وزينه معااي
بس مادري صح أو لا

ونسيت لا أقوول أنا إذا نزلت الدوره أكل أدويه
بغيت أعرف شنو أحسن شيء

والله يجزاج خير
هذرتي واااااااااااااااجد:dddds:
أسمحيلي والله يوفقج

 

[طنطن]

الله يعطيج العافية يل ام خالد بالنسية للعصيدة اقدر استخدم بل من خليط الطحين ( ابيض واسمر ) احط نفس المقدار من طحين البر وانا ما احب العصيدة حالية اقدر استغني عن كوب السكر وكنت ابي اعرف لغاية متى اكل عصيدة وشنو قهوتج في النفاس وشاي الاعشاب و اقد اكل فواكه في النفاس واشرب عصير

 

[Stylist]

سلامتج ام خالد
ماتشوفين شر ياقلبي

 

[خبيرة اعشاب]

الحالمه​

مرحبا

بالنسبة اختي لبرنامجج فاولا احب اوضح ان اللهوم ناقص يعني بس حلبة + حبة سودا هذا لا يعتبر لهوم باي شكل من الاشكال ..
ثانيا الحلبة لا يصح استخذامها لمدة تتجاوز ال 10 ايام لاحتوائها على مادة الثريفنليين الي تسبب على المدى الطويل ازعاجات صحية كاحتباس السوائل بالجسم ..الخ

منقوعة المرة لا تصلح لانها اولا تخرش جدار المعدة و ثانيا اذا اترضعين اتغير طعم الحليب على البيبي


التمر بالسمن و الرشاد ممتاز طبعا و ما عليه كلام

بالنسبة لشاي الاعشاب لو تذكرين مكوناته يكون احسن


النقوعة بالماي و الملح و الارطا ...ما انصح فيها ممكن استعمال المكونات كغسول بس الارطا ترى اتسود المنطقة و الملح مادة كاوية ممكن يكون مضر اذا كثرتي منه

و عموما تحاميل البيثادين طيبة حيييييييل



و تحياتي
:dddds:

 

[خبيرة اعشاب]

طنطن​

هلا فيج

بالنسبة للعصيدة اكيد ممكن اتسوينها كلها بالطحين الاسمر عادي ..بس بالنسبة للسكر ترى طعمها يطلع مو شي اذا مو حالية ..بس طبعا حسب ذوقج ممكن اتسوينها بدون سكر


و طبعا تاكلينها حسب الرغبة بس يفضل في اول اسبوع من بعد الولادة لانها مقوية

و بالنسبة لقهوة النفاس و شاي الاعشاب ( ذكرته في الصفحات الاولى ) بس باقي القهوة رح اكتب طريقتها ان شاء الله

و تقدرين يا حياتي تاكملين اي شي تشتهينه ..انا ضد الي يمتنعون عن بعض الاطعمة خلال النفاس كالباميا و الخيار ...و البرتقال ..و يقولون اتخرب .. مع اني من خلال تجربتي الخاصة و الله اكل كل شي و اخربط واااجد يعني اكلي كله مطاعم كنتاكي و هارديز ..الخ و اشرب من البيبسي يا ما اقول بس ..بس اني التزم بالاعشاب و الادوية بشكل تام و ما اجوع نفسي ...

و الحمد لله بعد كل ولادة اطلع بطني لازق بظهري ووزني طايح 15 او 20 كيلو اقل شي ..و كلها تساهيل من الله

و ان شاء الله انا جارتي توها والدة اليوم و رح اسوي لها عصيدة باجر ان شاء الله ووريكم الطريقة مباشرة

 

[خبيرة اعشاب]

ستايل ماله مثيل

الشر ما يجيج يا الغالية

و مشكورة على مرورج

 

[ام ربى]

ام خالد ترى جيكت على كل المشاركات ما كتبتي عن شاي الاعشاب ولا عن دوى القهوة

 

[الشرنقة]

خبيرتنا العزيزة .. الله يعطيج العافية ويهون عليج وتولددين وتقومين بالسلامة ..

عندي سؤال :

شرايج بنظام فيافي .. انا ما أعرف غيره وطبقته بآخر إجهاض لي ( كان بالشهر الخامس ) . وطلعت زينه من النفاس.

ولكن ما طبقت التحاميل لاني ما اقتنعت ..
و سويت الكبو مرتين .. بعد انقطاااااع الدم .

إختي انا مرنة واحب أعرف رايج بصراحة وما فيها شي ان ننتقد ونستفيد .. خاصة اني أحسج مثقفة وعندج معلومات زينة بالأعشاب .. وعقلانية و صدوقة في ردودج..

أفيديني وجزاك الله خيرا..

 

[ياسمينا]

هلا اختي ام خالد
وانا بسأل عن نظام فيافي بصراحه ناس تمدحه وناس تذمه فاشرايج؟؟
عندي سؤال بعد ماخلص الدوره ينزل بعد يومين دم متقطع خفيف شنو هذا وخاصه لما اكون معصبه
وبعد ال ............... فهمتي ينزل بعد
بس ما ادري هل علامه على خراب الرحم؟؟ مع اني اكل لهوم وشاي اعشاب ونقوعه المره ودوا الفنجان مال القهوة عرفتيه
ناطره ردج يالغلا....

 

[ام مهودي]

انتي ويينج عني من زمان انا صارلي خمس شهور والده بس ما كليت ولا شي من ادوية النفاس ما احبها كلش ما اقدر ابلعها :"(((

 

[خبيرة اعشاب]

مرحبا

ابكمل مكونات شاي الاعشاب بعدين رح ارد على استفساراتكم ...

و طبعا لا تحسون ان اغراضه واجد بالعكس كل الاعشاب الي فيه مهمة و ممتازة لتنظيف الرحم ..و حتى زينة عشان اتخلي بطنج لازق بظهرج من بعد الولادة

فنجان جعدة : مطهرة

فنجان لاميون : مطهر فعال و يقضي على
الافرازات المهبلية و اللتهابات بكل انواعها

فنجانين ورق جوز : معدودة من افضل الادوية للسيلان المهبلي

و هكذا نكون قد انهينا مكونات شاي الاعشاب

 

[ام ربى]

ام خالد مشكوره و ما تقصرين و عساج على القوه
حبيبتي هذا الشاي يشرب بمقدار كوبين باليوم؟ و اي حزة؟
وانقعه بماي مغلي و اغطي الكوب لمدة 15 دقيقة؟

 

[سما الكويت]

يعطيج الف عافيه يا الغاليه..

 

[الشرنقة]

بعد إجهاضي الأخير . طبقت نظام فيافي .. و انتفخت بشكل عجيب . كأني متروسة ماي ( Oedema) . وشوي شوي فشيت .

وبعد اول وثاني إجهاض .. زاد وزني بشكل غريب .. من 7 إلى 10 كيلو .

تعتقدين ليش ؟

انا خايفة يصير فيني نفس الشي