ادوية النفاس من جديد بالتفصيل الممل.... من خبيرة اعشاب

[سما الكويت]

يعطيج العافيه يا ام خالد..

 

[ميموالفهد]

يعطيك الف عافيه

 

[خبيرة اعشاب]

أم نوني

هلا فيج

اختي اسلون ممنوع عليج السوائل مدة اسبوع ؟؟ الي اعرفه من بعد القيصرية 8 ساعات و يخلونج تشربين ماي عادي

بس عموما حتى ادوية النفاس اول اسبوع عندج بس اللهوم و التمر و ممكن الحسو بعد

و بعدين ممكن تستعملين شاي الاعشاب يعني بعد 5 ايام الى اسبوع من الولادة

و عموما بالنسبة للكورس ممكن تاخذينه من نص الثامن ان شاء الله


و الله يهون عليج و تولدين بالسلامة يا رب :lolo:

 

[أم نوني]

هلا و الله
لا الماء اشرب شوية اليوم الثاني أما الحليب عقب أسبوع اشربة ممنوع علي ليش فية غازات اما الاكل يمكن ثالث يوم ماني مذكرة بصراحة ..
فـ عاادي ابدي بالكورس كلة عقب 10 ايام اخاف يكون حار .. على الرحم و خياط العملية؟؟؟
شكرا على الرد أختي أم خالد
و الله يهون عليج و تولدين بالسلامة حبيبتي

 

[ميموالفهد]

يعطيك العافيه على المجهود الرائع

 

[خبيرة اعشاب]

أم نوني​

هلا

عموما اختي اللهوم ترى ما يبي له ماي و ممكن تبدينه من ثاني يوم للولادة .. :blueSmCLR: و على راحتج ممكن تبتدين الكورس بعد اسبوع بس ترى من الافضل تاخذينه من بعد الولادة مباشرة لان اهم شي بالنفاس هو اول اسبوع ..و نفس ما قلت لج ما رح تاخذين الا اللهوم و اذا تقدرين بعد الحسو اتضيفينه للاكل

و بالنسبة لان الاعشاب حارة او لا ..بالعكس حبيبتي انتي لو اتلاحظين النظام مالي مخففة فيه الاعشاب الحارة لاقصى درجة ..و حتى لو تبين زيادة ممكن اتضيفين على راحتج ..:wqedqw:

و تحياتي لج


اختي ميمو : مشكورة على مرورج و تسلمين :hjy5jewf:

 

[ام ربى]

ام خالد جنج نسيتينه!!!!
باقي السفوف و التمر بالاعشاب و الغسول

اتغشمر معاج عساج على القوة و الله يعطيج العافية و الصراحة اثريتينه بمعلوماتج القيمة

 

[أم نوني]

:33_1185028183::e3:
يعطيج الف عافية و ما قصرتي
و اتمنى ان الكل استفاد من سؤالي..

 

[خبيرة اعشاب]

:edbf4317b9:
مرحبا

لا و الله خواتي ما نسيت تتمة الموضوع بس كل ما اكتب يطلع لي خطا في المنتدى و ما يقبل اي مشاركة جديدة مدري لييش ..؟؟

و ان شاء الله رح احاول اكمله لكم في اقرب فرصة

و تحياتي :blueSmCLR:

 

[خبيرة اعشاب]

مرحبا
و بالحديث عن :botetoo: البلعة ...الخاصة بالنفاس
فبعد الشوربة و العصيدة ياتي دور اهم وجبة و هي المرقووق
طبعا الي بالنفاس لازم اتركز على ها النوع من الاكلات المقوية و الغنية بالفيتامينات :082502bye_prv:
كالمرقوق و القبوط و الجريش ...الخ و الابتعاد عن العيش و المعكرونة و النشويات عموما لانها اتجيب النفخة بدون فايدة :n2006107:

بالنسبة للمرقوق
يا الغاليات ..اول شي اتسووون مرقة عادية على لحم او دجاج بس من الافضل لحم طبعا ( ما يصك اللحم الا اللحم ) و لا انا غلطانة ؟؟؟
طريقتي بالمرقوق :
اول شي اتحطين دهن بالجدر ..شوي بهارات عدلة ( دارسين / هيل / كزبرة )
تالي اتحطين بصل و اتحمسينه شوي ياما يصير اصفر ثم الثوم و بعدين الطماطم مقشرة و مقطعة مكعبات
اللحم اتقصصينه عشان يذوب في المرقوق ...مكعبات كبيرة شوي عاد مو اتخلينهم نتفة
الخضار ( اتحطين خضار على راحتج بطاط - قرع - كوسا - جزر ...^^بادنحان ^^ عاد يقولون الباذنجان مو زين للنفاس و انه يخرب المرة ..الخ و انا بيني و بينكم امووت بشي اسمه بادنجان و بنفاسي اطيح فيه طيحة مو طبيعية ..و ما لاحظت اي فرق -- بس عموما انا اتوقع يقولون مو زين لانه غني بالالياف و صعب الهضم و الوالدة اتعاني عموما من كسل في الامعاء و امساك ..فمن الافضل تتناول شغلات هضمها خفيف ...بس ما عليكم من ها السوالف الي تبي تاكله :s141: كيفها و الي ما تبي :eh_s(12):

احط الخضار كلها مرة وحدة بالاضافة لنص علبة معجون و بهارات مطحونة ( طبعا كركم / كزبرة / فلفل اسود اذا تبين / بهارات مشكلة ...للاشارة انا بهاراتي حق المرق انا اجمعهم و اسويهم و ان شاء الله رح اكتب لكم الطريقة في موضوع خاص في ركن الطبخ )
بعدين اقلب الخضار و اللحم شوي ياما تطلع ذيك الريحة ...الي اييييييييييييه

هني مع البخار مال الطبخ مو مبينه الصورة عدل
اصب ماي حاار و اخلي العملية تطبخ ..بعد حوالي 30دقيقة حطوا الملح لا تنسونه عاد ( و الملح ما نحطه في اول الطبخ لان اللحم رح يسكر و ما رح ينطبخ بسرعة ..فاحسن شي الملح انحطه في نص الطبخة ):blueSmCLR:
العجينة :
طحين اسمر و ابيض اتعجنينهم مع بعض + رشة ملح غطي العجينة و خليها ترتاح الين يقرب المرق يستوي
ثم اتمدينها حيييييييييل و اتقطعين منها و اتحطين بالجدر يا ما اتخلصين ..و للعجازات ممكن تستعملون عجينة السمبوسة ترى ..بس العجينة الي اتحضرينها بالبيت اطعم و الذ
سكري الجدر و خليه يطبخ حوالي 10 دقايق عشان تستوي قطع العجينة
و هاذي الصورة النهائية

و هاذي عن قرب شوي

شرايكم عااد ؟؟؟
:hjy5jewf:

 

[ميموالفهد]

ياسلام ريحته واصله عندي وشكله يشهي
تسلم ايدينك ويعطيك العافيه

 

[ام فطامي]

جزاج الله خيـــر

إموفقه حبيبتي

 

[خبيرة اعشاب]

oster_av1:

مشكورين خواتي على مروركم ...و انتظروا تتمة الموضوع ان شاء الله

اختكم

خبيرة اعشاب :stars:

 

[تركواز]

مشكوووره على البرنامج القيم

كملي متابعيين

 

[ام ربى]

عساج على القوة و ما تقصرين و شكلي بولد و انت ما كملتي الكورس!!!

 

[خبيرة اعشاب]

وي ام ربى قوية هاذي صراحة ....

انتي توج بالسابع الحين ..... يعني يبي لي شهرين و اخلص ؟؟؟

عموما ابشري و لا يهمج دزيت لج الكورس كلله على الخاص ..
لاني احب اناقشه شوي شوي على العام

و تحياتي

 

[أم وجيه]

يعطيج العافيه أم خالد
آنا قاعده أطبع كل ملاحظاتك وكل شي تكتبينه وأجمعهم بملف وان شاء الله راح أطبق عقب الولادة على طول

بس بسأل احنا عندنا طبخه تشابه المرقوق مالكم بس تكون بعجين ولحم ولبن يعني نطبخ اللحم والعجين باللبن ما أدري عادي اللبن زين حق النفاس ؟؟

وطبعا ان شاء الله بجرب المرقوق بس بدياي لأني ما آكل لحم مع الأسف

 

[ام ربى]

شكرا حبيبتي و ما تقصرين

 

[خبيرة اعشاب]

اهلين ام وجيه

بالنسبة للطبخة مالتكم صراحة يبي لها ؟؟؟ شسمها ابدور لها تطبيق بالنت ...

بس بالنسبة للبن يقولون مو زين للنفاس يطلع البطن بس اذا حليب عادي تشربينه على خفيف

:33_1185028183:


ام ربى

حياج
:stars:

 

[ام ربى]

حبيبتي ام خالد ما تقصرين على الجهود المبذول
بس حبيبتي الي فهمته من الكورس ان
اول 10 ايام لهوم +و شاي اعشاب بالتدريج+التمر بالاعشاب +القهوة.
ثاني 10 ايام السفوف +شاي الاعشاب +التمر بالاعشاب+القهوة
اخر 10 ايام الغسول
السوال
النفاس مو 40 يوم هذا30؟
و
متى الحسو؟
و اذا انا غلطانة بفهم طريقة الاستعمال نوريني
وشكرا