ادوية النفاس من جديد بالتفصيل الممل.... من خبيرة اعشاب

[عسولة الكويت]

متابعينج ام خالد
يعطيج العافيه

 

[إستبرق]

متابعينج ماتقصرين

 

[ميموالفهد]

يعطيك الف عافيه مشكوره وماتقصرين

 

[ميموالفهد]

يا سلام عليك يا ام خالد
الله لا يحرمنا منك
والله انك شجعتيني للحمل بموضوعك هذا
الله يجعله بموازين اعمالك

 

[خبيرة اعشاب]

حياج يا الغالية ...

و ان شاء الله اتكوني استفدتي انتي و الاخوات

 

[خبيرة اعشاب]

مرحبا

بالنسبة للحسو الي ذكرته انا اقصد الحسو الي انحطه ويا العصيدة مو الحسو الي ينحط كبهارات مع الشوربة و غيرها ..و هذا ان شاء الله بس اتفرغ رح اكتب لكم طريقته

 

[طنطن]

شلون طريقة الحسو مع العصيدة و بالنسبة لقرص القمر اللي اعرفه انهمثل الصخرة شلون استخدمه او اجرشه

 

[طنطن]

شلون طريقة الحسو مع العصيدة و بالنسبة لقرص القمر اللي اعرفه انه مثل الصخرة شلون استخدمه او اجرشه وجم يوم استعمل الحسو مع العصيدة

 

[أم وجيه]

أم خالد

آنا بولد باذن الله بشهر واحد وان شاء الله ناويه آخذ نفاسي من عندك لأني جربتك وماشاء الله عنك واستفدت وايد
بس بسأل متى المفروض آخذ أغراض النفاس
وشنو المفروض آخذ منك كامل حق نفاس يكون تمام عقبه ما أعاني من شي ؟؟

 

[سما الكويت]

مارديتى على يا ام خالد...!!!!!!

شنو ممكن الحامل تشرب علشان تعجل بالطلق؟؟

وفيه سؤال ثانى..

معروف ان النفاس ما تتبخر ببخور معمول وهالسوالف علشان الشمم..

زين اقدر احط شمعه معطره او فواحه بالغرفه والا مفعولها مثل البخور؟؟

مع العلم ان انا انقع مره وعنزروت ومحلب واشربها طول فترة الاربعين..

 

[خبيرة اعشاب]

سما الكويت,,,​

هلا

اسفة حبيبتي نسيت ما رديت عليج

بالنسبة للاعشاب الي تعجل بالطلق طبعا ما ننصح باستعمالها الا عند البداية الفعلية للطلق ..يعني مو من اول ما اتدشين التاسع تشربين ..لا لا حسيتي بالولادة ممكن تشربين سواءا دارسين او عشبة كف مريم ممتازة حق الولادة

انا شخصيا
خذيت عشبة كف مريم فرع كامل و طحنته و طبخته في لتر ماي لمدة 5 دقايق بعدين حفظته في بطل بالثلاجة و اتحرى متى ما حسيت بالولادة رح اشرب منه ان شاء الله لاني مجربته كذا مررة
يخلي الولادة سريعة

بس طبعا من بداية الشهر التاسع ممكن تستعملين العديد من الشغلات الي تساعد على التقوية العامة

كالتمر بالاعشاب ..( تمر منزوع النوى مع شوي حلبة و رشاد ..مو واجد ) لان الحلبة و الرشاد ينشطون الرحم و ممكن لو اتكثرين تجيج ولادة مبكرة

الحليب و التمر ..حليب طازج تخلطينه بالخلاط مع تمر و تشربينه نفس العصير مقو ي حيييييييييل مو بس للام انما حتى للوليد

شغلة ثانية ما ادري هل هي صدفة او صحيحة انما كل ما سويتها تضبط وياي

انا لاحظت ان الحلتيتة الرطبة و المرة لا تنشقتي المسحوق مالهم ايعجل بالولادة و المرة و الحلتيتة معروفين انهم من اهم منشطات عضلات الرحم

بالنسبة للبخور و العطور و غيره لو اتشمينه من اول يوم للولادة ما رح ايجيج اي شمم ..و بالنسبة لي اخذ وياي للمستشفى عطر و اتعطر منه من بعد الولادة مباشرة لان حتى مو بس عليج انتي ..ممكن يجونج ناس يزورونج و هم متعطرين و متبخرين فرح اتشمين الريحة غصب عنج مو طيب

بس عموما سالفة العطور هاذي ترى مو بس للوالدة انما للبيبي ..لان العطور و البخور خصوصا مو زين للجهاز التنفسي ماله اولا ..و ثانيا جدتي اتقول انه يسبب فري للطفل يعني يخلي راسه ما يسكر و ممكن يطلع راسه كبير ..بس ما ادري عن سالفة جدتي هل هي صحيحة ام غلط ..بس عموما الحريم الكبار اتكون عندهم معلومات قريبة للصحة

بالنسبة لمنقوع المرة و العنزروت و المحلب هو عموما زين للنفاس بس اذا اترضعين ترى قوي على البيبي لانه ينتقل للحليب و يخلي طعمه مر ..

و تحياتي

 

[خبيرة اعشاب]

أم وجيه​

مرحبا

شلونج حبيبتي ؟؟

بالنسبة لاغراض النفاس المفروض تاخذينهم من منتصف الشهر الثامن تقريبا

و اغراض النفاس الكاملة تتكون من : السفوف وشاي الاعشاب و الغسول ثم التمر بالاعشاب و خلطة القهوة و اللهوم و الحسو ..و هاذي طبعا المجموعة الكاملة بس تقدرين تاخذين اي واحد ابروحه

و تحياتي لج و الله يهون عليج و تولدين بالسلامة ان شاء الله

 

[أم وجيه]

أم وجيه​

مرحبا

شلونج حبيبتي ؟؟

بالنسبة لاغراض النفاس المفروض تاخذينهم من منتصف الشهر الثامن تقريبا

و اغراض النفاس الكاملة تتكون من : السفوف وشاي الاعشاب و الغسول ثم التمر بالاعشاب و خلطة القهوة و اللهوم و الحسو ..و هاذي طبعا المجموعة الكاملة بس تقدرين تاخذين اي واحد ابروحه

و تحياتي لج و الله يهون عليج و تولدين بالسلامة ان شاء الله

الله يخليكي أم خالد
الله يسهل علينا وعليج ان شاء الله

طيب انتي متى تولدين لأنه ما أدري يمديني آخذهم منك على الولاده ولا قبل ولا بعد

 

[سما الكويت]

جزاج الله خير يا الغاليه ..

وكملى الموضوع انا متابعه ومتحمسه حيييييل..

 

[ام ربى]

حبيبتي موضوعج عجيب
ما تقصرين و ناطره البقة

 

[هوى الدار]

يعطيج الف الف عافيه ماقصرتي

 

[ام ربى]

أم خالد الله يعطيج العافية, بغيت طرايقة تناول الحسو؟
يعني متى ؟على الريج و لا بليل؟ و جم مره باليوم؟و لمدة جم يوم؟

 

[خبيرة اعشاب]

السلام عليكم و رحمة الله و بركاته

ام وجيه حبيبتي انا موعدي بشهر 12 ان شاء الله


ام ربى بالنسبة للحسو ترى يصير نفس البهارات اتضيفينه للشوربة او العصيدة ...يعني ما تاخذينه ابروحه

و ان شاء الله رح اكمل لكم عن الحسو مال الشوربة لان هذا الي ذكرته حسو عصيدة بس ما في فرق واجد بينهم تقريبا يعني ممكن تستعملونه حتى للشوربة و القبوط و الاكل عموما

و حياكم

 

[ام ربى]

ما تقصرين

 

[ام ربى]

ام خالدعسى ما شر؟ ترى جم مره باليوم ادخل اشيك
وما الاقيج ؟!ان اشاء الله المانع خير