ادوية النفاس من جديد بالتفصيل الممل.... من خبيرة اعشاب

[خبيرة اعشاب]

ام ربى​

اهلين

حبيبتي بالنسبة للحسو اتحطينه ويا الشوربة و طبعا تبتدين فيه من بعد الولادة مباشرة او مع القبوط او اكل النفاس عموما ...

و انا شخصيا ما احدد فترة معينة لاستعماله ..يعني اتضيفينه فقط لاكل النفاس


السفوف استعماله من ثاني 10 ايام الين اتحسين انج نظفتي خلاص يعني ممكن استعماله 15 الى 20 يوم تقريبا


و تحياتي

:33_1185028183:

 

[أم وجيه]

تسلمين أم خالد على الرد

بالنسبة للطبخة اسمها شيشبرك ما أعتقد تلاقينها معقده

بقولك عنها أول شي نسوي روبه لبن بالبيت
ونعجن عجينة نفس عجينة المرقوق مالتكم ونرقها وايد ونقطعها دوائر صغيره
ونييب لحم مفروم محيوس مع بصل ونحط بالعجين الصغير ملعقة من اللحم ونسكرها ونلفها الطرفين عهلى بعض الزوايا يصير شكلها نفس أذون القطو
بعدين نطبخ اللبن بمرق اللحم اللي مفروض مسوينه قبل ولما يبدي يفور نحط داخله العجين

يمكن ما وصلت الفكره أدري بس ما أعرف التفاصيل

بسأل الوالده وأقولك آنا عن نفسي أموت عليها

 

[أم وجيه]

يا ريت تحطين لنا بعد طريقة للعناية بالجسم والبشرة عقب الولادة
مثلا آنا ذابحني الكلف تشوفيني تقولين وصخه وانتي بكرامه شسوي فيه

اهو يروح بس يطول يعني أكيد في شغلات تساعد انه يروح بسرعه وما نستغني عن أفكارك

 

[ام ربى]

ام خالد مقادير الاعشاب الي تنحط مع التمر ؟
و تنصحين باستعمال حزام البطن و بعد شكثر؟
و شرايج في بخاخ البيتادين للجرح؟

 

[أم وجيه]

اي والله أم خالد وايد مهم هالسؤال تنصحين نستعمل الحزام عقب الولادة ( ربط البطن) وبعد شكثر لازم نربطه إذا يصلح ؟؟؟

 

[الفنر]

جزاج الله خير على المعلومات الطيبة

كفيتي ووفيتي يا ام خالد

بتابع معاكم وعساكم على القوة

 

[الفنر]

بسأل عن الترديد" المساج للوالدة " زين او لا

 

[خبيرة اعشاب]

أم وجيه​

هلا :eh_s(8):

حببيتي بالنسبة للشيشبرك هو ترى تقريبا نفس معكرونة الرافيولي الايطالية ..و حتى الرافيولي مرات انسويه بحليب ..

عموما زين ممكن تاكلينه بس طلعا بدون لبن خصوصا اول اسبوعين من النفاس ..لان اللبن مو زين للنفاس او الدورة

بالنسبة لبرنامج العناية بالجسم و البشرة ..الخ اكيد هذا رح يجي دوره و ان شاء الله رح يكون في مجال نسولف فيه عن العناية الشخصية خلال فترة النفاس و الحمل ايضا

و الكلف ان شاء الله عندي وصفة ممتازة للكلف اتصفي البشرة و اتوخر حتى التجاعيد و لفحات الشمس ..الخ ان شاء الله رح احطها عن قريب

و تحياتي لج حبيبتي

 

[خبيرة اعشاب]

ام ربى​

اهلين

بالنسبة للاعشاب مالت التمر ما في مقادير معينة انتي اتحطين حسب ذوقج بس عموما حق كيلو تمر اتحطين قفشة كبيرة من كل نوع


اما الربط صراحة في حريم ما جاب وياهم اي نتيجة و ما في اي اساس علمي ان الربط يوخر البطن او ..او ..
بس في حريم يربطون و يختفي بطنهم من بعد النفاس

عشان جذي اربطي حبيبتي ما يخالف عشان ما تتحسفين بعدين هههه يا ليتني ربطت و ما سمعت كلام ام خالد ...ههههه

الربط يكون من بعد الولادة بيومين الى اليوم العاشر او ال15 للنفاس تقريبا
اتلفين المشد لفة وحدة بعدين اتحطين كتاب كبير و اتلفين على الكتاب حنا هاذي طريقتنا ...بس و الله انا من النوع الي ما اربط و ما احب الربط و السوالف هاذي و الحمد لله ما تطلع لي بطن بالولادة ...يعني الي يشوفني مستحيل يقول اني كنت حامل او والدة ...الخ

و بالنسبة لبخاخ البيتادين ممتاز حيييييييل

و تحياتي

 

[خبيرة اعشاب]

الفنر​

هلا فيج اختي و حياج الله نورتي الموضوع

النسبة للترديد اكيد ان له فايدة للنفاس ..بس لازم يكون على يد وحدة عارفة و فاهمة مو حيا الله ..لان الترديد و للاسف الي ما تعرف له ممكن تقلب ارحامج و اتسبب لج في شغلات انتي في غنى عنها بس اكيد الي تردد عدل رح اتفيدج بشكل كبير

و تحياتي

 

[الفنر]

جزاج الله خير حبوبة


ما يخالف اسأل عن اسعارج

 

[خبيرة اعشاب]

ما يخالف حبيبتي جاوبتج على الخاص

 

[ام ربى]

ام خالد شلونج شخبارج؟
ولهنا على مشاركاتج, ان شاء الله تكونين بخير

 

[الغلاااااااكله]

جزاج الله خير حبوبة


ما يخالف اسأل عن اسعارج

وانا بعد تكفين ارسلي لي

وبإذن الله بسيّف رقمج عندي لين يقرب وقت ولادتي

والله يجزاج خيـــــــــر ويسخر لج زوجج ويبارك لج في ذريتج

مجهود جبّار حقيقه ونصائح قيّمه جدا ً عساج عالقوهـ

 

[أم وجيه]

آنا ناطره أم خالد طريقة العناية لأنه وضعي متأزم

 

[A7la 7la]

يعطيييج ألف عااافيه .... تسلم الأيادي ...

 

[ميموالفهد]

يعطيك العافيه

 

[الفنر]

سعرج حلو جزاج الله خير


بسأل دكتورتي وراجعه لج

بارك الله فيج

 

[أم وجيه]

أم خالد وينج يا بنت الحلال لا تكونين ولدتي ؟؟؟ الله يقومك بالسلامة ان شاء الله

 

[الفنر]

للرفع