اذا كان زوجك عقييم هل تطلبى الطلاق ام لا ؟؟؟؟؟

[ღ❤سـنــيـــڪـرز❤ღ]

موضوع للنقاش بكل صراااحه



يقول الله عزوجل(المال و البنون زينةُ الحياة الدنيا)





فجميعنا نتمنى أن نـُـرزق بأبناء




لكن ماذا لو وَجَدت الفتاة شاباً في غاية الجمال وذو دين ٍ وأخلاق ٍعالية




ولكن عيبهُ الوحيد أنه لايـُـنجب ...




فهل تقبلين الزواج منه؟؟


أو ....





إذا تزوجتِ وأكدت الفحوصات الطبية بأن زوجك لا يـُـنجب فما هي ردة الفعل ؟؟؟


هل تهون عليك عِشرة السنين التي قضيتموها مع بعض وبالتالي تفترقان ؟؟


أنتِ أيتها المرأة ماذاستكون ردة فعلكِ ؟؟




هل ستطلبين الطلاق والإنفصال ؟؟




أو ستبقين صابرةًمُحبه ومتعاونة وتحاولين أن تـُـنسيه همومه ؟؟


أنتظر التفاعل منكم ولا تبخلوون علي بتقيييم

 

[يا عيون جدي]

رد : اذا كان زوجك عقييم هل تطلبى الطلاق ام لا ؟؟؟؟؟

لا طبعا

لان لو انا اللي ما اجيب عيال ما راح يخليني

وبعدين انا رضيت فيه زوج وانا مدري اذا بجيب عيال ولا لا

والسعاده براحه البال صحيح العيال زينه الحياه لاكنه قدر ولازم نرضى فيه

يا ما ناس متزوجه وعندها عيال ومو مرتاحين

يسلموو ع الموضوع
ابدااااااع يا سنيكرز

 

[زين الوصايا]

رد : اذا كان زوجك عقييم هل تطلبى الطلاق ام لا ؟؟؟؟؟

انا اقوله اسفه ومااقدر اضيع مستقبلي
وابي عيال واطلب اكيد الطلاق
الحمدلله والشكر

 

[*الأثــــــــير*]

اولا:

مشكورة عالطرح الرائع

وثانيا :

والله شوفي اللي معروووف وعند الاقلبيه ان المرأة لمن ماتجييب عيال الزوج يتزوج عليها اما الزوجه اذا كان زوجها عقيم تصبر علييييه

لان هالشي طبع بأكثر الحريم الوفا والحب والاخلاص

وجهة نظر

 

[أنفاسي دخون]

على حسب شخصية الرجال اذا طيب وحنون واخلاق ويخاف الله يعني باختصار كامل والكمال لله اتمسك فيه وما في شي بعيد على الله انه يرزقنا من بعد الحرمان اما اذا الاخلاق الله بالخير لا والله اطلب الطلاق وعسى الله يعوض بزوج سنع وذرية صالحة

الله لا يحط اي مسلمة بهالموقف ويرزق الجميع المال والبنون والزوج الحنون

 

[مو اي شي]

رد : اذا كان زوجك عقييم هل تطلبى الطلاق ام لا ؟؟؟؟؟

اذا تزوجته وعقب اكتشفت الله لا يقول انه ما اييب عيال راح اقول له يعالج واذا رفض شي طبيعي بطلب الطلاق واذا وافق انه يعالج راح انطر سنين مستعده ببس اذا شفت حالته ميئووس منها يمكن اتطلق يعتمد على الزوج نفسه هل يستحق اني اضحي بغريزة الامومه او لا
اما اذا كان بالاساس انسان عادي ما يستحق هالتضحيه طبعا راح اطلب الطلاق

طبعا الكل الحين بيقول شهالنسره!!!!!:eh_s(14):

لكن انا بقول بهالزهمن كلن يفكر بمصلحته يعني لو انا الله لا يقول فيني العيب جان يا قهرني حاط زوجه على راسي والا طلقني والا قلب حياة جحيم بالطلعه والنازله يسمعني كلام مثل السم

صدقوني مو الكل بس اغلب الرياييل مراح يفرط بهالشي عشان سواد عيونج فلابد اعامله بالمثل خل اتغدا فيه قبل لا يتعشا فيني
بلييييييز لا احد يطب فيني كل واحد ووجهة نظره وله حرية الراي صح؟؟
شكرا عالموضوع الحلو:eh_s(7):

 

[kuwait_queen82]

المال و البنون (زينه الحياة) يعني مصدر للسعاده بمعنى الحياة ماراح توقف عند الاطفال او المال
في قصه مره قالتهالنا مدرسه الله يذكرها بالخير تقول وحده كل شي عندها مال و منصب وفلل تقووول و الله مستعده اتخله عن كل هذا بس ابي احس اني سعيده ابي احس بيوم واحد اني سعيده
و يما ناس اتمنو الذريه مع هذا مستانسين و عايشين احلى عيشه و يما ناس عندهم الذريه و الذريه امسببه لهم مصدر قلق و مشاكل في حياتهم

انا بالنسبه لي اذا ريال محترم و مستانسه و مرتاحه معاه اوافق|(لاني لامانه انا ماحب يكون عندي اعيال و لا افكر حتى لو تزوجت يكون عندي)لانه في ابحياتي وايد مشاريع و اعمال تطوعيه و ماحب شي يربطني بمكان معين وجود الاطفال يعيق حياتي اكثر من ما يكون مصدر سعاده لي

 

[نونه الزعفرانه]

بس المشكله القى زوج بعده يتزوجني هههههههههههه
اخاف يدعي علي وما اتزوج عقبه
مادري مادري صعب الجواب

 

[Čut!e Quèéи]

شوفي راح اتكلم من نظريتيين

اولاً من جميع النواحي الزوجه لها حق الطلاق

لان لها حق الامومه وهذا لا حرام ولا عيب مثلها مثل الريال الي زوجته عقيم وتزوج عليها عشان العيال

من الناحيه الثانيه من ناحية الحب فقط

ما تطلب الطلاق اذا اهيا وصلت معاه بالحب لي حد العشق ولا تقدر تستغني عنه

ساعتها زوجها اهو ولدها الي تتمناه

انا مثلاً متزوجه من 11 سنه والحمدلله ومع هذا للحين ماعندي عيال

لا انا ولا زوجي فينا عقم بالعكس طبيعيين 100% بس مافي تطابق ومع هذا الحمدلله

عمرنا ما فكرنا بالفراق ولا نفكر مستحيل اتركه عشان العيال مع اني احنا صغار انا عمري 26

بس مثل ما اهو قال انتي بنتي والعيال اذا مو منج مابيهم

انا نفس الشي مابي اتركه عشان العيال اهو عيالي وامارس امومتي فيه بمعنى اني اهتم فيه حيل واخاف عليه حيل

وادلعه و اوكله احياناً واسبحه احياناً اعوض الامومه فيه اهو زوجي و اهو ولدي لحظات ماشاءالله

وماشاءالله اهو يعاملني نفس التعامل يبيني دايماً القطه المغمضه لانه يحسني بنته

اهو يقدر تزوج وينجب وانا مثله بس العشق بينا صاير حاجز فكري و ذاتي مايسمح لأي فكره تمر صوبنا ماشاءالله

تكلمت عن نفسي لاني اعيش حاله تشبه العقم واهيا عدم التطابق مع ان احنا سليميين والحمدلله

مشكوره على الطرح ويعطيج العافيه

 

[~ بنت الهدى ~]

انــا مو متزوجه
بس لو لاسمح الله انحطيت بـ هالموقف .. بطلب الطلااق بالثلالالالالالالاث ( مو وفيه و خاينه عشره هههههههه )
ولله انا من هلحين في عاطفة الأمووووومه و ابي اصير ام و يصير عندي حموود و عبوود

 

[~ بنت الهدى ~]

بس مايندرى لاتزوجت و حبيته من قلللللللب يمكن تتغير نظرتي ^_^

 

[UNICORNA]

هالموضوع يختلف من حرمه للثانيه

يعنى لو الزوج تعامله مو زين واصلا مافى حب بيننا شخصيا ماراح اصبر

بس لو بينى وبينه حب وزوجى الحمدلله زين ومحترم والله ما ابدله بكنوز الدنيا

وعادى اروح اتبنى اطفال منها اشبع امومته وهو يشبع ابوته

ومنها اربى ايتام واخذ حسنات واطلع للدنيا شباب مثل الورد (=

مدرى ليش الناس ما تتبنى اطفال حتى اللى عندهم اطفال ومقتدرين مفروض يتبنو اطفال

لوجه الله بدال هالاطفال اللى بالملاجىء مرميين واللله ربى راح يحاسبنا عليهم )=

 

[دلوعة أبوهآ]

امممم فيه فرق كبير ..
يعني لو تقدم لي وخطبني وماكنت أدري انه مايجيب عيالي ..! وبعد الزواج اكتشفت هالشي ..!
لو كان طيب معاي ومو مقصر علي بشي ويحبني ويدللني .!
ماراح اطلب الطلاق وباكمل حياتي معاه وراح يكون عندي أمل بالله ان الله يرزقنـا
بس مستحيل اخليه لانه هالشي مو بيده .. ومثل ما انا أبي عيال اكيد هو بعد يبي ويتمنى هالشي ..


بس لو خطبني وقبل الخطوبه قال لي انه عقيم .!
مستحيل اوافق طبعاً .., لاني مادري شلون راح يكون بعد الزواج ..,



بس بيني وبينك أحس لو انقلب الوضع .!
الرجال ماراح يضحي وانا اقول الاغلب مو الكل ..
أكيد انه يتزوج ع زوجته او يطلقها لو كانت هي اللي ماتجيب عيال ..

بس البنت دايم طبعها حنون عكس الرجال ..

 

[UNICORNA]

بس مثل ما اهو قال انتي بنتي والعيال اذا مو منج مابيهم

انا نفس الشي مابي اتركه عشان العيال اهو عيالي وامارس امومتي فيه بمعنى اني اهتم فيه حيل واخاف عليه حيل

وادلعه و اوكله احياناً واسبحه احياناً اعوض الامومه فيه اهو زوجي و اهو ولدي لحظات ماشاءالله

وماشاءالله اهو يعاملني نفس التعامل يبيني دايماً القطه المغمضه لانه يحسني بنته

اهو يقدر تزوج وينجب وانا مثله بس العشق بينا صاير حاجز فكري و ذاتي مايسمح لأي فكره تمر صوبنا ماشاءالله

تكلمت عن نفسي لاني اعيش حاله تشبه العقم واهيا عدم التطابق مع ان احنا سليميين والحمدلله

مشكوره على الطرح ويعطيج العافيه

اهو قال انتي بنتي والعيال اذا مو منج مابيهم :eh_s(2)::eh_s(2)::eh_s(2):

كلامك جدا مؤثر

فدييييييتك ربى يخليكم لبعض :eh_s(7):

وان شالله ربى يعطيكم احلى اطفال بس اول واحد سموه يونيكورنا

 

[Cander]

المشكلة مو بالعقم ، المشكلة بالطبع

في ناس عقيمين وفوق هذا اطباعهم الله لا يوريكم ، وصابرين عليهم حريمهم

مع ان لهم حق الانفصال ، انا عن نفسي اذا صار معاي هالشي ما اقدر احكم الحين

اشوف اطباعة معاي اول

 

[دنيابدونج خساره]

رد : اذا كان زوجك عقييم هل تطلبى الطلاق ام لا ؟؟؟؟؟

اكيد بطلب الطلاق لان الامومه فطره بالانسان
واللــــــــــه لايحطنا بالهموقف..​

 

[ღ❤سـنــيـــڪـرز❤ღ]

اشكركم الف شكر وربي يسعد الجميييع ويرزكم بذريه الصاااالحه




صج الحرمه ماااتهوون عليها العشره ام الرياااااال مايصدق خبر



الف شكر لكم مره ثااانيه

 

[H.Heavn]

شوفي راح اتكلم من نظريتيين

اولاً من جميع النواحي الزوجه لها حق الطلاق

لان لها حق الامومه وهذا لا حرام ولا عيب مثلها مثل الريال الي زوجته عقيم وتزوج عليها عشان العيال

من الناحيه الثانيه من ناحية الحب فقط

ما تطلب الطلاق اذا اهيا وصلت معاه بالحب لي حد العشق ولا تقدر تستغني عنه

ساعتها زوجها اهو ولدها الي تتمناه

انا مثلاً متزوجه من 11 سنه والحمدلله ومع هذا للحين ماعندي عيال

لا انا ولا زوجي فينا عقم بالعكس طبيعيين 100% بس مافي تطابق ومع هذا الحمدلله

عمرنا ما فكرنا بالفراق ولا نفكر مستحيل اتركه عشان العيال مع اني احنا صغار انا عمري 26

بس مثل ما اهو قال انتي بنتي والعيال اذا مو منج مابيهم

انا نفس الشي مابي اتركه عشان العيال اهو عيالي وامارس امومتي فيه بمعنى اني اهتم فيه حيل واخاف عليه حيل

وادلعه و اوكله احياناً واسبحه احياناً اعوض الامومه فيه اهو زوجي و اهو ولدي لحظات ماشاءالله

وماشاءالله اهو يعاملني نفس التعامل يبيني دايماً القطه المغمضه لانه يحسني بنته

اهو يقدر تزوج وينجب وانا مثله بس العشق بينا صاير حاجز فكري و ذاتي مايسمح لأي فكره تمر صوبنا ماشاءالله

تكلمت عن نفسي لاني اعيش حاله تشبه العقم واهيا عدم التطابق مع ان احنا سليميين والحمدلله

مشكوره على الطرح ويعطيج العافيه

قولي امين الله لايحرمكم من بعض ويرزقكم باحلى ذرية عاااااااااااجلا وليس اجلا يا رب العالمين الله يمسح على قلوبكم ويجبركم ويخليكم حق بعض يا رب

بالنسبة لي ما اطلقه بالعكس خاصة اذا نحب بعض راح اصبر وربنا كريم قادر على كل شيء

 

[Tutti-Frutti]

عور قلبي كلام كيوت كوين
الله يرزقج بالذريه الصالحه ياااااارب


وبالنسبه للموضوع
وبعيد عن المثاليه .. راح اطلب الطلاق

حتى لو الريال زين وكامل والكامل الله واحبه واموت فيه
انا بطبعي احب اليهال حيييييييل واحلم باليوم اللي اصير فيه ام

هذي وجهه نظري وانا ليلحين مو متزوجه
يمكن بعد الزواج تتغير .. والله لا يحطني بهالموقف انشالله ويرزق كل محروومه بالذريه

 

[UNICORNA]

بسألك سنيكرز سؤال برا الموضوع

صوره توقيعك هى صورتك او لا ؟؟؟

وتسلمى