اذا كان زوجك عقييم هل تطلبى الطلاق ام لا ؟؟؟؟؟

[Tulips]

اذا يستاهل التضحيه ويكون معوضني بأشياء ثانيه ممكن استغني عن فكرة العيال

بس اذا مايستاهل التضحيه لا طبعا بطلب منه الطلاق

 

[long time]

الصراحه المال والبنون زينه الحياة الدنيا فما أقدر أضحكي بهالشي ولو المراءة ماتييب عيال كان الريال علطول طلقهاا

 

[الينبوعة]

يعني اذا اعرف في العيب قبل ما نتزوج طبعا ما اقبل بي
بس اذا عرفت ان زوجي عقيم بعد يوم من زواجنا ابدا ما اتخليى عنة وابقى معاة طول عمري وما افكر ابدا في الانفصال لان الحب واختيار زوج تعيشين معاة شي حلو حتى لو بدون اطفال
بس ارجع اقول ما في احلى من الاطفال والوحدة من تحس نفسها حامل وراح تصير ام الله لا يحرم ام هاي اللحظة الحلوة
بس في الاخير ما اتخلى عن زوجي مناجل الخلفة ​

 

[nadoooy]

صج انه موقف صعب بس انا هالشي حصل معاي ودريت عقب فترة من زواجي بس والله مابدل ريلي بمليون ياهل مو ياهل واحد عادته ريلي وحبيبي ولدي والحمدلله انا تقبلت الموضوع وراضية بنصيبي ولما مرات اهو يحاول يفتح الموضوع او يكون عنده امل ما اكسر فيه واجاريه بس عشان خاطره هو مو حبا في ان يكون عندي عيال عسى الله يخيليلي ريلي ولا يغير علينا يارب

 

[مواصله]

رد : اذا كان زوجك عقييم هل تطلبى الطلاق ام لا ؟؟؟؟؟

الله يرزق كل محرومه

 

[nadoooy]

صعبه ...


محد يقدر يحكم الا اللي مجرب ...


ساعات تقولين أكيد بتطلق ...وساعات تفكرين فحبيبج وزوجج ماتقدرين تعيشين مع غيره ..



بوقتها الواحد يقرر أما الحين الكلاام ببلآآش ..


ناس من معارفنا ...

متزوجين صار لهم 22 سنه ..

وقايلين له انه عقيم نسبة الانجاب 0 %

بعد 22 سنه حملت مرته بـ 2 تووأم ..


سبحان الله الكل ماكان مصدق ..



شفتي الرزق من رب العالمين ...

ماشالله يرزق من يشاء بغير حساب

 

[blue ocean]

اذا كان زين واحبه ماراح اخليه عشان العيال​

هذي كتبة الله وندعي ربنا ونرضى فيها​

مشكوره خيتي عالطرح​

 

[Čut!e Quèéи]

اهو قال انتي بنتي والعيال اذا مو منج مابيهم :eh_s(2)::eh_s(2)::eh_s(2):

كلامك جدا مؤثر

فدييييييتك ربى يخليكم لبعض :eh_s(7):

وان شالله ربى يعطيكم احلى اطفال بس اول واحد سموه يونيكورنا

اي والله اهو الي قالي جذي
من يومها نسيت موضوع الحمل
وعهدت نفسي اكون مثله

 

[اوراق التوت]

رد : اذا كان زوجك عقييم هل تطلبى الطلاق ام لا ؟؟؟؟؟

يعتمد على الزوج ومعاملته لي يعني اذا هو طيب معاي وشاريني وحاطني على راسه ويحبني خلاص ارضى فيه دام انه يجبني والعيال اذا ربي كاتب لي بالذرية بيجون واذا مو كاتب لي حتى لو لفيت على مية زوجة مابيجون
واهم شي التوافق بين الزوجين

 

[Čut!e Quèéи]

والله دمعت عيوني من قريت ردك :eh_s(2):
الله يخليكم لبعض ويرزقكم بالذريه الصالحه مو عسر ابد على ربي ..:yaaaaaarb:

عسى عينج تدمع فرحانه بعرس عيالج
الايمان والصبر والمحبه فوق كل شي والحمدلله

 

[مرام1]

انا طبعي حنون وحب الطفال ادافي امل للعلج ليش مصبر و طب تطور

 

[كراميلا مرة]

اولا شوفي اذا عرفت قبل الزواج انه مايجيب عيال ماتوقع اني اوافق

بس بعد الزواج اكيد بصبر وبحاول معاه يعالج وربي اصلا بيجزيني على صبري
مشكوره على الموضوع

 

[حنيني لجناني]

اولا الله لايحطني بهل موقف
بس لو كنت متزوجه وكان هيك انوه عقيم مستحييييييييييييييييل اطلبه الطلااااااااااااااااق خصوصا اذا بيني وبينه عشررره والله لو كان بس شهر لا مستحييييييييييييييل

 

[(دنيتي)]

تشكرين بالاول على الموضوع اختي سنكرز موضوع مميز بصراحه

بالنسبه لرايي بهالسالفه ولله شوفي اذا ماعرفه وخطبني وطلع عقيم لا ماعتقد اخذه
بس اذا اعرفه ويستاهل وادري انه بيعوضني ويدللني ولله اخذه واعيش العمر معاه وصج مافي شعور يعادل الامومه

بس السعاده مو محصوره بالعيال بس وانا رفيجتي متزوجه من سبع سنوات وماخلفت بس تموت بريلها وريلها يموت فيها بعد

وبالنسبه حق الاخت كيوت الله يرزقج ويرزق كل محروم من العيال يااااااااارب عاجلا غير اجلا

تقبلي تحياتي اختكم دنيتي​

 

[كيكه توفي]

اذا يحبني ويحترمني ومرتاحه معاه ما اطلب الطلاق واكمل حياتي معاه وكل شي بييد رب العالمين بس اذا ماكو لا احترام ولا حب ولا راحه ولا عيال شالله حادني ومشكوره

 

[حياة ستايل]

ممممممممادري للحين ماتزوجت

 

[ترانيم القصيم]

كلا لن أفعلها , إلا إن كان سيّء الخلق , خلا ذلك فسأصبر و أحتسب الأجر من لدن الله جلّ في علاهـ

لست متبلّدة المشاعر حتى أتخلّى عنه في مثل ذلك الظرف القاسي ( الأشبه بما يكون بالعاهة المستديمة )

لو أنّني اخترت مفارقته فمن التي ستقبل الإرتباط به من بعدي ؟ أ فلا أصبر حتّى أكون ممن قال فيهم المولى تعالى :

( و جزاهم بما صبروا جنّةً و حريرًا ) ..

أقدّر جدًا المرأة التي تقف بجانب زوجها في مدلهّم الظروف فتُعينه على حزنه و مقارعة همّه و بثّه

و ما يُدرينا لعلّ الله يمنّ علينا بصبرنا فيُمكّننا من الإنجاب بعد أن كان قبلاً ضربًا من المستحيل :eh_s(7):

إحترامي و تقديري

ترانيم القصيم

 

[سحر الشرق@]

طبعا اصبر واصبر لاخر عمري
هذي قسمتي انا وياه وشي مو بيده
الله لا يحرم احد من هالنعمه

 

[جسر المحبه]

انا زوجي عقيم وماله علاج عند الاطباء صارلنا 10 سنين متزوجين
ولاافكر اتركه مستحيل هالشي يصير .. بس كله عايشه بخوف من باجر
تعبت من الاطباء والمستشفيات والبيت الهادي الكئيب .. .
الحين عمري 31 وهو 37 .. شلون راح العمر ماحسيت فيه مدري
بس الحمدالله مو ندمانه وأملي بالله كبير

 

[ترانيم القصيم]

انا زوجي عقيم وماله علاج عند الاطباء صارلنا 10 سنين متزوجين
ولاافكر اتركه مستحيل هالشي يصير .. بس كله عايشه بخوف من باجر
تعبت من الاطباء والمستشفيات والبيت الهادي الكئيب .. .
الحين عمري 31 وهو 37 .. شلون راح العمر ماحسيت فيه مدري
بس الحمدالله مو ندمانه وأملي بالله كبير

يكفيك من هذا كله ( نعمة الحب و الود بينك و بين زوجك ) و الراحة النفسية بينما تفتقر إليها كثييييييييرٌ من الأسر

و السعادة عمرها ما كنت بإنجاب طفل أو حتى زواج

كثير ناس متزوجين و ما هم بـ سعيدين !! و كثير ناس متزوجين و معيليـن و ما هم بـ سعيدين !!

و قد قال فردٌ من السلف " لو يعلم أبناء الملوك ما نحن فيه من لذة لقاتلونا عليها "

فاللذة ليست بالمال أو البنون أو الزواج ,, اللذة الحقّة في القرب من الله و استشعار حلاوة الإيمان

وفق الله ما بينك و بين زوجك يا عسل ^_^

احترامي و تقديري

ترانيم القصيم