استفساراتكم عن الحضانات تجدونها هنا - الجزء الأول

[fife4ever]

رد: اذ اعيالج بالحضانه اذن لازم تدخلين

Miss_Tiger79

مشكوره حبيبتي بس سالفة الرياجيل انا ما احب انهم يدخلون ممن عن الباب يعطون المدرسه الطفل ويطلع لاني بصراحة رياجيل الكويت عليهم حركات لانى اشوف في حضانه ولدي رياجيل يدرعمون ويسلمون وشلونج وشخبارك وعساكم مرتاحين ما بقي الي تقوله تفضل العصير والي قهوه

 

[khookhaaa79]

رد: الحضانة الإنجليزية اللي بجنوب السرة ( السلام )

خوخه ---> انا اقصد اللي بالسلام صايرة على الدوار ،، هذا اهيه ؟؟

اي حبيبتي هذي اللي قلت لج عنها اسمها الحضانة الانجليزية العالمية

 

[fife4ever]

رد: الحضانة الإنجليزية اللي بجنوب السرة ( السلام )

ممكن رقمهم اذا امكن

 

[lolo77]

رد: اذ اعيالج بالحضانه اذن لازم تدخلين

انا ولدي بالحظانه
وماشالله تعلم شلون يمسك القلم وصار احسن من اخوه الاكبر منه
الحظانه سعرها مناسب جدا جدا 45 بالشهر
والشي الحلووو انه يودون اليهال رحلات بين اسبوع واسبوع

السلبيات : مكانهم صغير عباره عن شقتين مفتوحين على بعض
وما يخلون الرياييل يدشوون يمكن مو سلبيات لانه المدرسات منقبات

يبيلهم غرف للالعاب زياده
ويبيلها تهويه الحظانه

والله يوفقج انشالله

 

[ملوكه84]

رد: اذ اعيالج بالحضانه اذن لازم تدخلين

انا ذكرت تكرمين الحمامات لانى شايفة حضانة انجليزية جذي وكانت راقية وكووووووووووووول يعنى الحمام جنه مال السنافر يونس حق اليهال وبعدين محد راح يدخله غيرهم وفي يهال وايد يخافون ويحسون جنهم بيطحون بحفرة وتلاقينه يبجي واولهم ولدي
بصراحة هالشيء مهم بنسبة لي وشايفة بعيني

 

[ملوكه84]

رد: اذ اعيالج بالحضانه اذن لازم تدخلين

ولازم طبعا يكون في مكان حق تغييلا الحفاظات
وهم تحطين غرفة صغيرة فيها سرير حق اي طفل يتعب يرتاح فيها على ما ايوون اهله ياخذونه لطبيب وطبعا في صيدلية صغيرة وهم شايفة هالشيء بحضانه انجليزيه يعنى يكون في عناية خاصة لطفل المريض

 

[ملوكه84]

رد: اذ اعيالج بالحضانه اذن لازم تدخلين

وفي شغلة ثانية واخيرة واهم شيء انج تقابلين الاطفال شخصيا قبل لا يسجلون في الحضانة
لانه مرات استخفر الله اشوف بحضانه ولدي يهال (وصخين من ناحية النظافة الشخصية كلش اكس )وتلاقين هله نفس الشيء فلواحد بصراحة تلوع جبده

 

[ضحـاوي]

رد: اذ اعيالج بالحضانه اذن لازم تدخلين

انا بنتي بالحضانه الحلو بالحضانه و حضانتها ما يعترفون باعياد الميلاد

ويهتمون بالتغذيه واحس بنتي وزنها زاد لما حطيتها

طبعا استانس اذا بنتي رددت لي جم ايه او نشيد

 

[dalloosh]

رد: أفضل حضانه للأطفال / حياكم

والله صراحة حضانة كويت مونتيسوري اللي بسلوى أكثر من روعة ,, و هم عندهم summer course ,,,صراحة السيستم مالهم عجيب .

 

[fife4ever]

رد: اذ اعيالج بالحضانه اذن لازم تدخلين

lolo77
مشكوره ما قصرتي

ملوكه84
مشكوره على الملاحظات وكلها على البال الي سالف المقابله انتي صاج ودج بناس نظاف مو وسخين

*ضحاوي*
هلا والله بس شنو قصدج يهتمون بالغذاء

 

[رفرف]

رد: اذ اعيالج بالحضانه اذن لازم تدخلين

طبعا اهم شي تركزين عليه المدرسات يكون بالهم وسيييييييع لليهال ويعرفون يتعاملون معاهم ...
خل اقولج موقف بتضحكين ..
مرة اختي مودية ولدها الحضانة اول يوم الأبله يعني بتلعب معاه بتشجعه يدخل الحضانة جان تخمط جنطته وتقوله الله جنطتك حلوة انا باخذها ..
شنو موقف الولد ؟؟ قام يصرخ من قمة راسه وكره الحضانة يقول الأبله بتاخذ جنطتي ..
فلازم الأبلات يكونون يعرفون يتعاملون مع اليهال بهالعمر ..

والشي الثاني نوعية العاملات او الفراشات اللي بالحضانة لازم يكونون حليويييين ويحبون اليهال مو وحدة تنزر الياهل او تطقه وانا انصح بالهنود ..

ثالث شي نظافة الحضانة وديكورها يكون حلو ويشد ...

رابع شي رسومها واشتراكاتها تكون شهرية أحسن من الكورسات واذا تفتح بالصيف احسن واحسن لأن وايد ناس دوامهم طول السنة وين يقطون عيالهم بالعطلة ؟؟ وطبعا تكون رسومها معقولة 50-70 زين ..



خامس شي موقع الحضانة يكون حلو عن نفسي ماحب الحضانات اللي تكون بعماير او شقق احسها مقموتة ومكان مو مريح ..



انا الشي اللي عجبني بحضانة بنتي أن عندهم منهج مو بس لعب وضحك وأوراق يحلونها وبعد كل اسبوعين يطرشون ملف فيه الأوراق اللي حلوها خلال هالاسبوعين وورقة فيها خبرتهم للأسبوعين اليايين والاشياء اللي راح يعلمونهم الصراحة شي وايد حلو ..
ويعلمونهم انجليزي على خفيف ..
يعلمونهم كتابة الأرقام ..
اناشيد خفيفة .. قرآن ..
يعني مهم الياهل يستفيد مو بس يلعب ..

 

[Miss_Tiger79]

رد: اذ اعيالج بالحضانه اذن لازم تدخلين

اي والله صاجه رفرف
واهم شي مو تكون بعماير
هذي اهم نقطه
لانه حضانة ولدي لها فرعين وحده بعماير والثانيه في بيت وتشوفين الصفون بالبيت ماشالله فل حتى ولدي الصغير بدششه وقالتلي ما اقدر استقبل لانه الصب كافي العدد مع انه ولدي الكبير عندهم والفرع الي بالعماير الصف فيه بس 5 او 6 يعني الكل يبي البيوت اشرح واحسن

 

[رفرف]

رد: اذ اعيالج بالحضانه اذن لازم تدخلين

اي نسيت اقولج ولا تاخذين عدد كبير في الصف الواحد تتشتتين والمدرسات ما يلحقون وتكثر السلبيات والشكاوي ...

 

[bedour18]

رد: اذ اعيالج بالحضانه اذن لازم تدخلين

ماشالله البنات كفوا و وفوا
بس احب ازيد شي لأنه هذي المشكلة اللي قاعده اصادفها: انا اشتغل بالنفط و دوامي يخلص 3 و هالفترة لما شغالتي انحاشت توهقت حدي لأنه مافيه حضانه تظل لهالوقت و زوجي دوامه ابعد من دوامي
ممكن مثلا تسوين مناوبة تظل الى 3:30 مثلا

و اهم شي عندي التركيز على القرآن لأن الياهل بهالعمر ارض خصبة

 

[fife4ever]

رد: اذ اعيالج بالحضانه اذن لازم تدخلين

Miss_Tiger79
مشكوره حبيبتي

رفرف
انتي صاجه بعض المعلمات ما يعرفون التعامل معا الاطفال
اكيد راح اخذ عدد بسيط مو كبير
ماقصرتي

bedour18
ولا يهمج انشاء الله راح انتبه لهذي نقطه

 

[fife4ever]

رد: حضانة روعة يا أمهات

انا توني جايه منهم
بصراحة ما عجبني يمكن لاني اليوم ازعاج بسبب تصوير والمدرسات زف بالجهال وصياح هالمصريه

دخلت على الفصول الي الاقي ثلاث اطفال نايمين على الدرج فسالت ليش جذيه ودوهم غرفت النوم قالت لالالا توهم ناموا ثلاث عاد ما تعقل عاد تقول المدرسه لالالا انا اصلا ما ابيهم ينامون شوي ويقعدون بس بهذا الوضع المهم كملت جولتي والي المدرسات الثانيه بس قاعدين في الفصل والجهال يلعبون بروحهم يمكن لان ناهيه الكورس ما ادري بس المكان كان قمته على انه كبييير وراهي والالعلب الي في صاله مو مرتبه صافينه يم بعض ما ادري شلون الجهايل يلعبون

ومن ناحية قوتها اظن ان المدرسات شديدات علشان جذيه شفتوا الاستفاده انا عن نفسي ما احب الاسلوب هذا مهما كان هم اطفال

 

[khookhaaa79]

رد: الحضانة الإنجليزية اللي بجنوب السرة ( السلام )

ممكن رقمهم اذا امكن

الحضانة الانجليزية العالمية 5034885

 

[virgo_kw]

رد: الحضانة الإنجليزية اللي بجنوب السرة ( السلام )

في حضانه زينه بالسلام ورى مدرسة الفضل ابن العباس صراحه خوش حضانه و جنه بالشهر 120 وانا اقولج روحيلهم على غفله وشوفيهم احسن

 

[لوكريسيا]

رد: الحضانة الإنجليزية اللي بجنوب السرة ( السلام )

حبوبة أتوقع هذي نفس الحضانة اللي نتكلم عنها صايرة على الدوار

مشكورة حبوبة على المشاركة

 

[mooomooo]

رد: الحضانة الإنجليزية اللي بجنوب السرة ( السلام )

حبوبة أتوقع هذي نفس الحضانة اللي نتكلم عنها صايرة على الدوار

مشكورة حبوبة على المشاركة

اي هذي واااااااايده زينه
رفيجتي اللي معاي بالدوام مدخله بنتها هناك تقول بالحضانه والله اليوم قاعده تسولف يعطونها الاحرف بالعربي والانقلش

وراح تكمل الروضه وياهم يعني اهيا الحين مسجلتها روضه عندهم


والله يوفق عيالج

:eh_s(22):