استفساراتكم عن تطعيمات الأطفال....ارجو التثبيت

[سمسميه]

حبيبتي بليز طمنيني
الثلاثاء الي فات طعمت بنتي 6 شهور
وامس لاحظت سيقانها وريولها وارمين ومتفوخين
خرعتني! وليلحين وارمين!
هذا طبيعي من التطعيم ولا شنو؟؟
وشنو اقدر اسوي لها غير الكمادات؟

 

[كيت كات]

حبيبتي رديت عليج بالخاص
واهو من التطعيم وان شاء الله بيروح

 

[xxx]

مشكورة كيت كات

بسال عن التطعيم عقب الروضه ؟

في ولا خلاص

 

[كيت كات]

اهلييييييييييييييييييييييييين
مشكورييييييييييييييييييين على التثبيت
بعد الروضة في 4ونص منشط شلل نقط الفم آآآآخر تطعيم

 

[سمسميه]

مشكوره حبيبتي
انزين سؤل ثاني
بنتي الثانيه بتدش الرؤوضه انشالله الكورس الياي و قاعده الحين اسوي اجراءات الصحه المدرسيه اهيا مكتنوب بشهادة ميلادها تطعيمها 12-9
بس قالوا لي لازم تتطعم الحين قبل الروضه؟
ممكن تفهميني بليز
اشلون يطعمونها قبل موعدها
وجزاج الله خير

 

[كيت كات]

ان شاءالله
اهي جم عمرها بالضبط
ما اعتقد اصغر من 3ونص لان تطعيم الروضه اللي اهو الدرن على الزند يعطونه على الروضة و12 \9 تاخذ المنشط نقط عموما ما ماتقدرين تسجلين الا اذا طعمتيها

 

[Miss_Tiger79]

كيت كات التطعيم الي يحطون دعايته على mbc اسمة الروتا او مادري ماني ذاكرته مال الترجيع والحراره والنشله شسالفته ضروري والا شنو بالضبط

 

[كيت كات]

تصدقين اول مرة اسمع عنه بس اهو عن النزله المعوية اللي تصيب الرضع يعني موضروري هذا اللي متأكدة منه لانه غير معدي بس وقاية
اعتقد هذا بسعودية وبتأكد من المسؤول عن القسم بالعاصمة وارد عليج

 

[سفيرة حمران النواظر]

مشكووورة حبيبتي خوووش موضووع
انا ولدي تطعيمه 23\6
يمكل سنه ونص حق شنووو هل يسبب حرارة لانه انا مو يمه على وشك ولاده واحاتي تطعيمه

 

[Miss_Tiger79]

كيت كات تطعيم الدرن جم مره يعطونه حق اليهال يعني جم عمرهم يعطونه غير قبل الروضه ؟؟؟؟؟؟؟؟؟

 

[كيت كات]

مافهمتج حبيبتي بس اذا قصدج على النظام اليديد يعطونه مرة وحدة على عمر 3 شهور فقط لاغير ولازم يتفاعل مع الجلد ويقشر وهالسوالف اذا ما سوا هالسوالف كلها ترجعين للطبيب مال التطعيم مو العام

 

[سفيرة حمران النواظر]

كيت كات مارديتي علي هل تطعيم سنه ونص له حراره او لأ

 

[كيت كات]

سفيرة حمران النواظر سامحيني ياقلبي ماشفت سؤالج تطعيم سنه ونص ماله حرارة

 

[pink]

حبيبتي حابة أسأل عن التطعيم مال 3 أشهر

اللي يعلّم و يظل على الزند حق شنو بالضبط ؟؟؟

 

[كيت كات]

اهلين بنك 3 شهور حق الدرن اهو نفسه اللي قبل الياهل ياخذه للروضه

 

[pink]

يسلمووو حبيبتي على المعلومة :eh_s(17):

 

[tofy]

ولدي بعد جم يوم عنده تطعيم السنة ونص

ودي اعرف إذا يصخن ولا لا؟

و شنو نوع هالتطعيم ؟

 

[رفرف]

حبيبتي كيت كان انا طعمت بنتي تطعيم الروضة (الدرن) اهيه عمرها 3 سنين ونص صارلها الحين بالضبط 9 ايام مكان الأبرة كلللللش ما يبين واذا تحسسته حيل يادوووووب أحس فيه ..

انا عبالي عادي يتفاعل مع الجلد بعدين ..
بس طعمت اختها نفس التطعيم أمس عمرها 3 شهور اشوفه اليوم واااااااضح ..

هل في فرق بالتطعيم ؟ والا في شي غلط بتطعيم بنتي العودة !!
وشسوي ؟؟

 

[كيت كات]

توفي تطعيم سنه ونص نقط بالفم وما يصخن
رفرف حبيبتي لاااازم يصير تفاعل ولو شوي بالجلد واذا ماصار وديها طبيب الصحة الوقائية افضل يمكن الطعم ما سوى مفعوله ما دري هذا حسب اللي فهمونه الاطباء انا ولدي طعمته والحين اشوفها متفوخه

 

[رفرف]

خلاص كيت كات انشالله أوديها بس أي طبيب عادي والا لازم الصحة الوقائية ؟
ووين صايرين اول مرة اسمع فيهم ؟