استفساراتكم عن تطعيمات الأطفال....ارجو التثبيت

[Raveena]

شركة الاتصالات مسوية خدمة للتذكير بموعد التطعيم للطفل


تسجلين فيها و تكتبين مسج فيه اسم الطفل و قبل موعد التطعيم يوصلج مسج يقولج عن موعد التطعيم


انا مسجلة فيها حق عيالي و قبل يوم مو موعد التطعيم يذكرني ان باجر عنده تطعيم و نفس يوم التطعيم يوصل مسج ثاني


خوش خدمة حق اللي ينسون مواعيد التطعيم

 

[كيت كات]

ونااااسه توني ادري
مشكورة حبيبتي بس انا ما اقدر انسى خخخخ
لانه دوامي بهذاك القسم وانا مو ممرضة

 

[رفرف]

اقول كيت كات انا توني مودية صبوية مطعمتها 3 سنين ونص عاد غزوها ابرة ورا !!
وورمت وصخنت ..
اول مرة ادري ان تطعيم 3 سنين ونص فيه ابره جذي خابرتهم ال3 ابر ملوت الروضة الدرن واختبار الحساسية والثالثة مادري شسمها على الجتف ..
وسألت اختي تقول ما طعمو ولدها هالتطعيم !! اهوه اكبر من بنتي
اخاف مطعمينها غلط ! والا هذا تطعيم يديد والا شنو ؟

 

[كيت كات]

هاااااااا؟؟
ورا...وصخنت بعد
3 ونص طعم شلل نقط بالفم وثلاثي
والدرن والحساسية قبل الدرن اختبار
والله اول مرة اسمع جان سوو يديد وانا بامومة ....؟
عموما بداوم بعد اسبوعين
واسالج بعد
بس ابيج تشوفين شهادة الميلاد شكتبو فيها بهالتاريخ اللي رحتي فيه؟؟
يبين شنو عطوها ..
بس ما خبرت تطعيم ورا كلللللش

 

[رفرف]

مكتوب م3 ثلاثي + شلل


عفية خرعتيني عدل جذي والا لا؟

 

[Miss_Tiger79]

لا رفرف لا تحاتين انا عبودي طعموه ورا بعد حق 3 ونص

 

[كيت كات]

صح مس تايقر منشط شلل وطعم ثلاثي بس لانها كبرت يعطونها ورا صغار بالفخذ امبله
ههههههههههه اعذريني ترا اختج حويمل ودايخه
وهالتطعيم مو اخر واحد في بعد وراه منشط شلل بس نقط بالفم

 

[رفرف]

كيت كات الله يطمنج ويبشرج بالخير واي كنت حدي مخترعة ...

وتايقر بعد الله يخليهم لج وااااااااي بغيت اشيل شلايلي واروح الطبيب من المحاتات ..

خل اقول حق اختي جنه ما طعمو ولدها هالتطعيم

 

[كيت كات]

خخخخخخخخخخخخخخخخخ
امبيه والله ضحكتيني
لا ترا ما يسوا تخترعين ما يطقون غلط التطعيمات كللش تدرين لان كل الممرضات اللي هناك من اقوى الممرضات واللي ما تصلح يودونها قسم ثاني
والله يخليلج اياهم يارب وتشوفينهم عرايس

 

[Miss_Tiger79]

يحليلج كيت كات خرعتيها مسكينه
لا لا لا ما تصلحين حق التطعيمات قمتي اتخورينها باول الحمل عيل اخر الاشهر اطقينهم ابر اشلون هههههههههههه
الله يهون عليج وتولدين بالسلامه انشالله

 

[رفرف]

اي والله كيت كات شككتيني بعمري ..
المره عارفة شغلها وتسألني طعمتيها الدرن ووين يعني عارفة مو مضيعة ...

 

[كيت كات]

خخخخخخخخخخخخ
اللي مضيعه انا
بس راااااجعه للدوام
معذوره امومة 6 شهور

 

[wathoo7a]

كت كات حبيبتي ليش إذا على النظام اليديد ما يقزون بو 3شهور إبرة حساسية و إذا على النظام القديم يقزون اللي رايح الروضة إبرة حشاسية قبل لا يقزونة الدرن؟ و بعدين ليش يشوفون إبرة الحساسية؟شنو فايدتها؟
و قواج الله

 

[كيت كات]

شوفي الصغير دااااايما يتقبل اي شي بجسمه من غير اختبار ولا شي توه صغير ما يتله امراض ولا شي فافضل وقت له لزيادة مناعته وهو صغير يتقبل جسمه كل شي اصلا السعودية تعطي الدرن بالمستشفى
بس الكبير لا لانه كبر واحتمال جسمه يرفض او يتاثر مع الطعم
لو تلاحظين البيبي الصغير التفخه مالته تطيب وما تاكل من الجلد وايد بس الكبير شوي في حالات انا شفتها واااااااي جن احد ماكل من جلدة وبعضهم كلش مالها حتى تفخه فالجسم كل ما كبر كثرت ردود الفعل مالته للطعم

 

[deena]

7abebty oum badoury magasartay 3ala elmawthou3 ely wayed mouhem sam7eny awalshay 3ala elketaba bel eng l2ana com p mafe 3araby . shofay ekhty ana 3endy weldeen wa7ed 3oumra 6 we ethany 4 moushkelty eny kel senteen ebdeera eb7oukom shegel zoujy fa tat3emathoum salata ebkel deera shakel wala ma3any 7aresa el7een ana fel barazel we aby ata2akad shenow ye7tajoun mafe 6arega 3ashan ata2akad shenow ye7tajoun el7een tekfeen sa3deeny l2any wayed khayfa 3alehoum mashkoura 7abebty we asfa 3ala letwala :eh_s(17):

 

[deena]

asfa ekhty madry fahamt ena esmech oum badourry sorry tara ana yedeeda we makou khebra thank u ket kat

 

[كيت كات]

هلا والله دينا
شوفي حبيبتي
اهم التطعيمات اهم من الولادة الىىىىىىىى سن الا3 ونص عرفتي
اللي ابوشهور يعطونه كبدي ب وثلاثي ورباعي وشلل وم م ر اللي اهو حصبة وحصبة المانية وروبيلا وطعم السحايا والدرن وبين مدة ومدة يعطون جرعات منشطة
عموما تقدرين اول ما تردين الديرة ولو زيارة على طول على المستوصف اللي انتو تابعين له وتكلمين طبيب الصحة الوقائية واهو يقولج شلون راح يعطي عيالج اللي طافهم بس لازم تكون معاج شهادة الميلاد وواراق تطعيماتهم بذيج الدول

 

[deena]

7abebty ketkat magasarty alla ewafgech wesahel 3aleech wekhaleelech a7babech enshala :eh_s(6):

 

[كيت كات]

بعد عمري تسلمين

 

[.. غزلان ..]

انا حبيت اسال عن اول ابرة يعطونها اللي بعد شهرين

المشكله ان بنتي يبتها بالسابع حلو .. احين خذيت لها موعد بس قبل ماتكمل الشهرين بشوي ونسيت اقول انها مولودة قبل وقتها

السؤال او بالاحرى الاسئلة..
عادي التطعيم يعطونها قبل شهرين ولا كان المفروض انطر لي الشهر التاسع بعدين اخذ لها موعد؟؟

هاي ابرة شنو؟؟

واذا خذت الابرة انا شاسوي لها وهل لها اعراض جانبية؟؟

اسفة مشرفتنا مصختها بالاسئلة
ويزاج الله خير