استفسار عن مطعم فريج صويلح

[pink_girl]

سمعت ان فاتحينه بالسالميه قريب من المارينا مول احد شافه يابنات واكلهم زين يسوى نروح له وسمعت انه تخصص اكلات شعبيه اللي تعرف بليز ياليت تعلمنا عنه

 

[( نـــور البيـــت )]

هلا بينك غيرل ..


بصراااحه آنااا مو من النوعييه إللي يحب ياكل العيش بس لماا رحت مطعم فريج صويلح وااااااااااااااااااااو يهبل طعم لذيذ ويااخذ العقل وبالذات مع الدقوووس يمممممممممممم ( الله يساامحج صاايمه وشهيتيني ) ...

حناا طلبنا مربين ومطبق زبيدي ومجبوس دجاج و مرقوق ... وصج أسعاارهم كوول ..


وأي سؤاال آناا حااضر ..

 

[مزيونه وشقره]

والله يمدحونه يقولون يهبل ولذيذ

 

[al7noona]

اخوي يمدحه واااااااايد ويقول لا يطوفكم

 

[جكورة]

أنا مجربته يهبل وخصوصا برياني الربيان وشوربة الذرة ومجبوس الدجاج روعــه ...:eh_s(15):

 

[سعادتي برضى ربي]

بنات شلون قعدته مريحه للعوايل

فيه كباين

فيه شيشه <<لانه المكان اللي فيه شيشه يكون مو مريح

 

[جكورة]

مافيه شيشه.....مافيه كباين بس فيه مكان صاد للعائلات

 

[pink_girl]

مشكورين بناااات ماقصرتو كفيتو ووفيتو

 

[الحان الحزن]

تبين الصراحه احلى مطعم بالخليج العربي والله كلمة روعه اشوي عليه بس فيه زحمه مو طبيعيه ----بصراحه مرق البالول والعيش الابيض نكهته غير مع مرق الربيان روحي والله راح تدعين لي انا قبل رمضان كل خميس اتغدى فيه انا وزوجي واعيالي مااقدر اقاوم اكله صج انه طباخ ترى على فكره الطباخ كويتي --المعبوج ريحته اتشق الخشم غصب تاكلين الصحن كله روووحي وانتي مغمضه---بالهنا والشفا حبيبتي-مطعم مايفشل--

 

[QUMAR]

أخوي تعب واهوا يمدح فيه وما يخلص :eh_s(15): :eh_s(15):
يقول عجييييييييييييييييييييييييييييييب :eh_s(21):
سيري ونحن من ورائج:eh_s(1):

 

[Pink GirL]

مشاء الله لي هالدرجة اكله حلوو ؟؟

ماكو توصيل ؟؟

 

[^مزهريه^]

اهلي راحوله
يقولون فظيييييييييع
اكله لذيذ ونظيف

 

[bedour18]

الظاهر الواحد لازم يروح للمطعم و ما يطلب توصيل. انا طلبت منه توصيل الاسيوع اللي طاف.كلش مو شي

 

[سبائك]

شوقتونا عليه

 

[رفرف]

واي حده لذيذ انا اطلب شوربة الدياي بالذرة اتينن والمربين يهبل ومقبلاتهم وسلطاتهم حلوة التبولة والحمص والمتبل وابوي طلب حمسة ربيان مع فلفل غيب عليها مع انه مايحب اكل المطاعم ..

 

[auckland]

بنات شوقتوني عليه. بليز الي تعرف رقمهم تحطه

 

[bnt q8 in usa]

والله سمعت فيه وشفت مكانه بس للاسف مارحت
انشالله لنا روحه لي رجعت....................اهم شي ماشباب وايد؟

 

[الجــادل]

بنات ابي العنوان بالضبط

ورقم التلفون الله يعافيكم

 

[طال السكوت]

بنات ابي العنوان بالضبط

ورقم التلفون الله يعافيكم

 

[رفرف]

ماعرف رقم التلفون بس اهوه يم مرينا مول وماركس وسبنسر مايضيع ..
وترى المطعم اغلبه عوايل مافيه شباب وايد ..