اشرايـــكم ..؟مـع أو ضـــد ...وليـــش ؟!

[أنفاسي دخون]

مع .. اذا ما ربط بين الزوجين الموده والرحمه ما راح تربطهم الفلوس ومو من سلومنا المؤخر

مع او ضد العمليات التجميلية؟؟

 

[@ NIGHT_STARS @]

( مع ) ان كانت للضرورة مثلا بفعل حادث او تشوهـ بالخلقة لا سمح الله


( ضد ) ان كان ماله داعي نفس هالايام الكل قام يسوي ويلعب بخلقته


حتى الحلوة ومافيها شي تسوي وبدال ما تصير احلى تصير اجكر عملية تجكير لازم يسمونها






مع او ضد ان الي تشيل شيرة اتييلج البيت لي عندج ؟؟

 

[أنفاسي دخون]

ضد .. لانهم مشفح وعيونهم طايره على بيتش واهله اروح الصالون انظف واحسن ويفكونا من شر عيونهم

مع او ضد كثرة المشاغل اللي بالبيوت؟؟

 

[@ NIGHT_STARS @]

انفاسي والله نفس تفكيري انتي على جوابج عن الصالونات



اذا كانت لضرورة مادية اي بس في ناس كهواية وقت الفراغ عادي وتسلية نفس الوقت


يعني انا عادي مو ضد






وانتي ؟؟

 

[أنفاسي دخون]

مع .. ان فيه افكار جديدة ومو مستهلكة وضد .. ان البعض يبالغ بالاسعار حيييييييل والخام ما يسوي واذا قلتي شي قالت السعر على الفكرة :eh_s(6):

مع او ضد القصص اللي تطرح بمسلسل الساكنات في قلوبنا؟؟

 

[@ NIGHT_STARS @]

قصصهم تعقدني مع اني ما شوف كل الحلقات بس كل ما اشوف حلقة كله جرايم وقتل واشياء تسد النفس


جنه قصص الاجانب الغريبة المعقدة


يعني انا ( ضد ) لان الدنيا للحين بخير مو لهدرجة من التعقيد المبالغ فيه








( مع ) او ( ضد ) التعديات انهم يهدمون ديوانيات الاوادم وحدايقهم ؟؟

 

[أنفاسي دخون]

ضد .. ضيقوا على الشيبان والشباب وهم ما نهبوا ولا باقوا كل اللي سووه ديوانيه بساحة بيتهم :eh_s(6):

مع او ضد موضه التان بالصيف؟؟

 

[@ NIGHT_STARS @]

( ضد ) جنهم محروقين يصيرون مطلعينهم من الفرن بس اذا كان لون برونزي عادي يعني مو اوفر عادي حلو جذي



وانتي ؟؟

 

[ريـــحانــة]

لا ضــد ...؟؟؟

مع أو ضــد النظام المـوحـد ..؟؟؟ وليش ؟؟؟

 

[أنفاسي دخون]

ضد لأنه متعب وممل لابعد الحدود

مع او ضد اغلاق المشاغل والمعارض اللي بالبيوت؟؟

 

[جـــواهر]

ضد لأنه متعب وممل لابعد الحدود

مع او ضد اغلاق المشاغل والمعارض اللي بالبيوت؟؟

لا ضده ليش قطع الارزاق خ الناس تستفيد

ضد ولا مع منع الاختلاط بالجامعات ..​

 

[Judy abbott]

لا ضده ليش قطع الارزاق خ الناس تستفيد

ضد ولا مع منع الاختلاط بالجامعات ..​

ممممممم عادي بس يفضل لوو مـنع

مع او ضد تغيير المناهج وتطويرها

 

[@ NIGHT_STARS @]

مع او ضد تغيير المناهج وتطويرها

لازم يكون هناك تطور لان الدنيا تتطور وكل شي لازم يتطور معاها خاصة بالسلك التعليمي


بس بالنسبة حق الابتدائي وايد ضاغطينهم بالحفظ والواجبات وغيره زايدين المواد عن قبل


اللي هم الحاسوب وتربية وطنية وانقليزي ومادري شنو ومو بس الابتدائي حتى الثنوي تصعب


ودامها بهالصعوبة بكون ضدها مع ان التطور حلو بس مو بهالشكل المظغوط








( مع ) او ( ضد ) الشغل بالقطاع الخاص ؟؟

 

[ريـــحانــة]

مع ...

مع أو ضـد تمديد فترة الخطوبة ( الملجـة ) للتعرف عـلى الطرف الآخــر ...؟؟

 

[Dreams Of a girL]

مع لان خاف لا سمح الله مايصير بيننهم تفاهم بعدين
الافضل تتمدد

مع او ضد الزواج التقليدي يعني بدون سابق معرفه بينج وبين الى بتتزوجينه

 

[MiSs SaLsA]

ههه أنا وااايد عمري 18 سنه يعني شوي صغيرة ع هالسوالف
بس رح أعطي رأي الشخصي
طبعا ضد إذا كان قصدج بدون ما يشوفني و لا مرة بحياته
بس أنا مع إذا كان هو تقدملي و أنا ما أعرف عنه شي بس طبعا أثناء فترة القرار رح أسأل عنه و أدرس صفات عدل و تاليها أقرر
أتمنى هذا هو الي تقصديه

مع أو ضد فرض رأي الأهل على الابن أو الابنه بدراسة تخصص معين ؟

 

[ليتنـ عندك ـــي]

ضد وضد وضد وبشده

مع او ضد الزواج عن حب ولماذا ؟؟؟

 

[Miss 7o7o]

مع الزواج عن حب لان يكونون متفاهمين اكثر ....
انتي مع البنات الي يلبسون موضة بس مولايقة عليهم والا ضد؟؟؟؟

 

[كويتية فاصله]

أكيييييييييييييييييييييييييييد ضد أصلا بعض الموضات دخيله على مجتمعنا وغريبه فآنا ضدها



إنتي مع المرأه يوم ادخت المجلس أو ضد

 

[أنفاسي دخون]

بصراحة ضد ولا تسأليني عن الاسباب :eh_s(1):

مع او ضد السفر مع ازدياد حالات الاصابة بانفلونزا الخنازير؟؟