افكاري في تقديم الهدية بشكل مميز.. تعالي اعلمج :)

[زهقاانه]

ماااااشااالله عليج

ابدااااع

انا اول مره ادخل قسمكم

بس والله ابداااع

وشدنى دروووسك بسم الله عليج

عينى عليج باارده
والله افكاار حلوه واشغااال نظيفه
تسلمين والله ولا تتوقفين وتحرمينى من ابدااااعج ((اموووون ولا لا))

 

[Fashion]

مشاءالله عليج

شرح ولا اروع

وافكار اتينن

مشكوره حبيبتي

 

[moors]

مشكورة

 

[ذات الهمة العالية]

حبيبتى ودى أشترى كل مستلزمان الهدايا مرة وحدة بس أبى مكان يبيع رخيص وين فى
علشان اشتغل عليهم مو إذا يتنى المناسبة أقعد أسوى العلبة
وجزاك الله خير

 

[كويتيه]

ساره تبارك الرحمن شغلج يونس
بس ودي اقولج شغله حلو تحطين لنا الصور خطوه بخطوه
لان انا ما استوعب بس بالكلام ههههههههه\\الله ياجرج علينا
ودي حيل تشرحيلي خطوه بخطوه وصوره بصوره الي بتوقيعج

وشكراا

 

[ساره ستايل]

دلع قطر : بعد قلبي انتي
تقومين بالسلامه انشالله .وحاظرين للطيبين انا وباجي خواتي اللي بلمنتدى:eh_s(9):

انا توليب : الففففففففف شكر عالمرور حبيبتي:eh_s(17):

بنك : بعد قلبي والله مادري اشلون ارد على كلامج اللي يبرد القلب
انا كللي لج .. وانشالله الدرس الياي قريب بإذن الله:eh_s(15): .

زهقانه : اتمون انت اتمون .. يانظر العيون<<اغنية محمد المسباح مادري اتعرفينها ولا لأ لأنها عتيييجه
غالي والطلب ارخيص
وكلامج لي شهاده اعتز فيها جدا جدا حبيبتي:eh_s(17):

فاشن : مرورج الاروع حبيبتي..الفففففف شكر:eh_s(17):

ذات الهمه : عندج سرداب بياع الورد اسعاره جدا معقولة وتلقين عنده تقريبا
كل مستلزمات التغليف انشالله
واي استفسارات ثانية انا حاظرة حبوبة:eh_s(20):

كويتية: هلا حبيبتي
بالنسبة للصور .. شوفي حبوبة .. الهدية اللي اكون حاطة لها اصور اشوية
يعني انا امغلفتها من زمان
اما اذا كانت بخطوات تفصيلية مع الشرح .. ف يعني اني توني امسويتها
خصيصا لعرضها بلمنتدى
وقريب انشالله بغلف هدية حق رفيجتي والده ويابت اصبي
وبصورها انشالله بالتفصييييييل عشانج
اما صورة الهدية اللي ابتوقيعي .. ف شرحتها بالدروس اللي قبل <<
جيكي عليها والففففف شكر عالمرور :eh_s(17):

 

[كويتيه]

ادري شفتها بس ما استوعبت لان بس طلام بدون صور

مشكوره

 

[ساره ستايل]

كويتية : العفو حياتي والصور ترا من السيرفر ..
سوي ريفرش ويطلعون انشالله

 

[om^e3yaly]

مشكوره

 

[ساره ستايل]

فنكي : العفو والف شكر عالمرور

 

[أثير الورد]

اليوم وديت هديه عروس
ورحت حق بوابه الهدايا طلع على غالى
ورحت طيور الجنه وشريت شغلات
وباجر راح اصورها لكم

 

[ساره ستايل]

الجازي
انا من اكثر مشجعين العمل اليدوي
وصح لو تشتغلين بايدج يطلع عتليج الشغل ارخص من بره
ووبانتظار اصور تغليفج

انا انشالله اليوم اذا اسمحت ظروفي بغلف هدية رفيجتي الوالده
اللي وعدتكم فيها

 

[أم الحلوة جمان]

هلا سارة شلووونج
يالله ناطرييين صور يديدة
اي صج بعد عطينا أفكار اذا بنقدم هدية فلوس غير انه نحطها بعلبة أو ظرف .

على طاري الهدايا ذكرت هديتين يووني بولادتي الأولى ببنتي :

الأولى :من أخوي و كان طقم ذهب حق بنتي : كان شاريلي من محل ورد بوكيه بس كله خيزران و عصي وورق أخضر و معلق عليهم طقم الذهب. الصراااحة كان شكله وااايد حلوو .

الثانية: من رفيجتي كانت هديتها سوار ذهب معلقته بيد دبدوب و حاطة الدبدوب بفازة زجاج شفافة و تحته أحجار ملونة و ناثرة عليه قش مزينه الفازة من بره بعد و لافتها بسولوفان . كان شكلها ذرب حيييل.

بس للأسف ماعندي صور لأن هالحجي من 3 سنين.

 

[أم بدير]

ماشالله وايد حلوه الأفكار ام جمان
استغربت الأولى من اخوج
خخخخخخخخخخخ
اللي نعرفه عن الرياييل ما يهتمون بهالسوالف وماعندهم نظر فيها
يعني لو لافلج الطقم بمنديل وحاطه تحت مخده الياهل يوم سلم عليج جان زييييييييييييين منه ويعطيه العافيه
بس انه ماشالله يروح محل ورد ويسوي هالفكره
الله يحفظه ويخليه لكم انشالله شكله فنان

وفكرة الدبدوب هم حلوه وااايد

بالنسبه لأفكار هدايا الفلوس
اختي يوم ولادتها رفيجتها يابتلها اغان بمزهريه وكل غصن فيه علبه كروشيه عنون من اللي ينباعون عند زهور الشرقيه
وحاطه فيهم على خمس دنانير
ومربطه شرايط سماويه بين الاغصان
الفكره صارت الحين قديمه بس شكلها حلو والله لوما غلطت غلطه شنييييييييييعه
انها بالفازه اللي حاطه فيها الاغصان حطت سميت عشان تثبتهم
اسميت=اسمنت بالعربي
وتعالي عاد اذا فيج خير شيليها
خخخخخخخخخخخخخخخخخخخ​

 

[جارة القمر]

الله يعطيج العافيييه

ومشكووووره علي هالمووضوع

ويعطيج الصحه والعافيييه

 

[ساره ستايل]

ام جمان : اي والله .. مثل ما اقلت ام بدير .. غريبه تطلع من ريال هالفناتق
الا اذا كان اخوج .. ف هذا شي ثاني .. الظاهر العايله فنية لا اله الا الله
عيني عليكم بااااااااااارده
والحيم بنزل الموضوع اليديد

ام بدير : وي عاد اسميت ؟!!!!!!!!!!!
الظاهر ما تبيهم يصرفون الفلوس .. تبيهم بس شكل للذكرى هههههههههه

جارة القمر : الله يعافيج وتشرفت ابمرورج
-------------------------------------------------
.. بعد اشوي بنزل الدرس السادس

 

[ساره ستايل]

((بسم الله الرحمن الرحيم))


الدرس السادس :
هدية عربانة الجمعية

- مناسبة الهدية : ولادة رفيجتي بولد الله يحفظه لها

-فكرة الهدية : فكرت وااااااايد ابطريقه تكون يديده وغريبه ابشكلها ومضمونها
ووصلت الى هالفكرة .. عربانة جمعية .. يعني انا رحت الجمعية وشريت لها اغراظ حق البيبي مالها .. وحطيت لها مع اغراظ البيبي الفلوس الهديه:eh_s(9):

- المستلزمات :
1- عربانة جمعية عنونة
2- دبدوب سماوي
3- شرايط سماوية ورقية + فضية عادية ضعيفة
4- كور فلينية صفرا
5-ورد اصفر ورقي - ورد ورقي ابيض
6-قش اصفر
7- تور ابيض
8-ورد ازرق كبير
9- ورد امجفف صغار لون فضي
10-اغراظ البيبي: ممية + مصاصه + عضاضه+ والعلاقة اللي تتعلق فيها المصاصة بلبس البيبي.
11- فراشات لون ازرق
12-الهديه (فلوس 30دك وامصرفتهم خمسات)
13- ورق سماوي مقوى لعمل كرت الهدية
14-الاساسيات : مقص وصمغ كهربائي


* خطوات العمل:

1-اولا ناخذ الفلوس اللي اهمه الخمس دنانير وانلفهم بشكل اسطوانه
ونربطهم ابشريطه فضية
2- ناخذ الفلوس المربوطه وندخل خمستين داخل الممية
وخمسه نربطها مع العضاضه _ وخمسه مع المصاصه _ وخمستين مع علاقة المصاصه
(الصورة فيها مقراظة اظافر وعضاضة ما استخدمتهم بالهدية لأنهم صاروا وايد بلعربانه)

المميات داخلهم الفلوس والبقشة

3-ناخذ اغراظ البيبي اللي حطينا معاها الفلوس وانلفها اتور ابيض ابطريقة البقشه.. ونربطها ابشريطه فضية وسماوية ونحط عليهم كره صفرا وورده بيضه وورده مجففة فضية. ونلزق ابمنتصف ربطة البقشة من فوق ورده صفرا
(شكل الكور الصفرا داخل التور من فوق)

4-انزين الحين عربانة الجمعيه.. نلزق في بعض زواياها الورد الاصفر
وانحط بقاعدتها من داخل القش الاصفر..
وعقب انصف الهدايا اللي غلفناها بالتور الابيض داخلها على القش
ونلزق فراشة على كل جانب(يمين العربانه ويسارها)

وبعد انسوي ورده(نفس الورده اللي ربطنا فيها البقشة مالت الفلوس)
من الشرايط السماوية والفضية ونلزقها على اجناب العربانه

5-انثبت الدبدوب السماوي علعربانه.. يعني جنه قاعد فيها

6- كرت الهديه : بكل بساطه : ورق مقوى لون سماوي .. ونطويه على شكل كرت
نلزق عليه اول شي القش الاصفر وبعدين الفيونكه اللي من شرايطنا الفضية والسماويه
وانحط ابمنتصف الفيونكه ورده بيضه - ورده مجففه فضيه - نص كره صفرا
(انا قصيتها بالنص عشان ما تكون كبيرة وبارزه على الكرت)
لما انخلص من عمل الكرت انحطه تحت بلعربانه ابهالشكل

وهذا الكرت اللي سويته

7- بالنهايه : للحفاظ على نظافة الهدية .. ولأبقائها سليمه من التلف
لازم انلفها بالتور الابيض بطريقة البقشه .. وانحط على منتصف ربطة البقشه:قش اصفر - وردتين لون ازرق - كور صفرا من داخل البقشة.

[/SIZE][/SIZE][/COLOR]

- الوقت المستغرق لعمل الهدية : ساعه ونص تقريبا

- الوقت المستغرف في التفكير بتغليف الهديه : اسبوعييييييييين​

اشرايكم بالطريقه بنات؟​

[/CENTER]

 

[mrmr mrmora]

وايد حلوه

الله يعطيج العافيه ومشكوره على الافكار

 

[ساره ستايل]

مرمر : العفووووووووو حبيبتي
الف شكر عالمرور والمشاركه

 

[أم الحلوة جمان]

سارة ستايل : يعطييييج الف عافية وفكرتها واااايد حلوة و يديدة
ماشالله كللج ذووووق
صج فنتك حلووووو ترا ببوقها منج هالفكرة اذا ولدت وحدة أعرفها اوكييي
اي عدل نبي افكار حلوة جذي.

أم بدير: اي والله من أخوي و حتى انا استغربت شلون يته هالفكرة بس اهو يحب هالسوالف يعني من مدة خله أمي تغير ديكور معيشتها لأن عاجبة ستايل الحجر البارز و الله و طلع حلوو. و هم توه مسوي غرفة بنته و ماشالله ذوقه حلوو طبعا مرته مشاركته في الذوق.